堅記大排檔 (石硤尾)

友人食過, 強烈推介蠔餅, 所以決意一會, 順道去食晚飯小菜.

一行五人造訪前, 先在開飯喇做功課, 所以一坐低就可以點餸了.

粟米斑塊 - 眼見前人食評推介, 雖然要$98, 但唔試唔甘心. 上枱後才知, $98只有6件, 而個粟米汁, 看似是粟米羮用的一樣, 因為有一粒"肉碎", 食落味道只可以用.....用金寶粟米蓉差唔多味. 完全失望.蠔餅 - 果然出色, 用料同味道同X街的差好遠, 這里的蠔比粉漿多, 但略嫌炸得太過火, 還是鑊油炸得太多次, 令到炸出來後是黑黑的. 所以味道我比LIKE, 但賣相就.....不太好.咕嚕肉 - 估佢唔到咁多粒肉, 味道同賣相都GOOD啫啫雞煲 - 豬膶多過雞, 雞肉切得過份碎, 性價比低椒鹽豆腐粒 - 豆腐又係碎上, 也是過份地碎, 賣相又係過份深色, 相信又係油的問題, NO GOOD鍋貼小棠菜 - 由於坊間有此道菜的地方實在不多, 所以每次見, 都點黎食. 但係.....又係衰喺個賣相, 黑黑的, 而且粉漿比餡料厚, 咬落去只係食到炸到脆而黑的粉漿. 所以本人只覺好一般的一般炒芥蘭 - 全晚最普通的一道菜, 竟然令我難忘, 芥蘭的煮法, 令我覺得很脆口, 十分好食乾炒牛河 - 曾經聽人講過, 想要知道該食肆的廚功架如何, 食個乾炒牛河就會知道. 此店的乾炒牛河, 本人只可以用"又咸又油"黎形容. 真係超咸.豉油王炒麵 - 又一敗筆之作, 除左一氹氹既油外, 無野可以更貼切形容佢. 每一口麵, 都食到一咀既油, NO GOOD.喺無加任何酒水既情況下, 埋單都要$625, 總括黎講, 只可一, 不可再.

必勝客 (屯門)

團購見到芝心鍋套餐, 一行六人, 買了二人及四人餐各一

之前我都未食過PIZZA HUT芝心鍋的, 抱住一試心態品嚐, 點知.....原全中伏了.

菲逹烤雞鬆厚批 (四人餐COUPON)
--共八件, 足夠6位成人食(如果只有四人食, 一定食到眼突突)餐湯(四人餐及二人餐都有)
--共六碗, 每位飲左湯後, 各自飽了30%酥脆雞件連薯條 X 2(四人餐及二人餐都有)
--共八件及炸薯條一堆, 食到此道菜, 仍未見芝心鍋蹤影, 各人已飽了各70%. 老實講, 薯條的口感, 只係覺得油淋淋, 唔脆, 唔香口.芝心鍋連配料X2 (四人餐及二人餐都有)
--一上枱, 好期待個味道, 點知......除了覺得"膩"之外, 就沒有其他感覺了.
兩鍋, 各有一個火慶著, 但很奇怪, 一個鍋早就滾了, 熱熱的, 另一個鍋則只是微暖, 完全沒有想滾的跡象. 如是者食了30分鐘, 才開始有點"熱". 很明顯, 2個鍋的上枱溫度也不一

芝心鍋配料:
炸雞粒-- 味道就像某連鎖炸雞店的炸雞料, 最香口及最好食
麵飽料-- 乾乾的, 就算醮了芝士汁, 也是淡而無味, 只覺得是"隔夜麵包"
長通粉-- 醮了芝士汁, 也是淡而無味, 但口感幾得意
炸薯條-- 無錯, 又係炸薯條.......又係一樣唔脆唔香口, 只係得個"油"字既炸薯條最後, 一行六人, 好不容易才把芝心鍋配料吃掉80%, 餘下的, 恕我們浪費了......
總括來講, 我以後都唔會再食PIZZA HUT的芝心鍋, 怕怕了.

生原創(蛋包飯) (元朗)

正夕新年, 約了老朋友聚舊, 一行8人就餐.
第一次光臨, 但食後感係......試過就算了.

無骨芝士雞翼：
咬落去淋淋的, 都唔知食緊乜, 芝士味不濃波菜帶子蛋包飯 :
原先對"蛋包飯"充滿好奇同幻想 仲加左錢轉流心, 點知落枱後, 切開後, 只係覺得里面濕淋淋, 一PAT PAT, 味道淡淡的, 失望!鰻魚蛋包飯 :
其實打開之後, 都唔覺有咩材料吉列黑豚 :
又係炸豬扒一塊, 不過不失牛肉餅 :
好似炸到到過左火既牛餅, 里面有芝士, 今次食到芝士味了墨汁蛋卷 :
又係淡淡的炒雜菜 :
無乜特別燒茄子 :
又係淡而無味的.

總括來說, 全部食物都係口味偏淡的(利申: 本人亦不是重口味之人).
而且份量跟價錢完全不成正比. 只可一, 不可再!!

我們一行八人, 店員需要併湊幾張枱, 才能讓我們坐在一起.

其實席間店面都從未有滿座. 但當我們第一次點的菜, 全部吃清後, 店員就特登來問, 有漏單嗎, 要再點嗎?

OK, 再點, 反正第一批的都未有吃飽.

到第二批又再吃清, 我們在聊天之際, 店員又來重覆問有漏單嗎? 要再點嗎?(給我們一眾人的感覺是想我們快點埋單或再點菜)

本人覺得極之反感, 亦是我不會再光臨的重點之一.

我明白, 要是有人等位, 我們阻著你做下一枱生意, 我們會識趣地走, 但實際上並不是這個原因.

所以.....我不會再選擇再次光顧.

銀河美食屋 (葵芳)

經朋友介紹, 發現了這家隠世小店, 無論價錢, 食物質素, 都是超讚的.
不得不讚老板的落力經營, 加油.

話說本人十分喜歡食焗豬扒飯, 所以身邊朋友每次發掘了好食的, 就會告知.
正如這家一樣. 這已是我一個月內第二次到訪了.

焗豬扒飯餐, 其實只係個飯加餐飲. 配熱飲, 只需$37 (今時今日, 在連鎖店吃個焗豬, 有質素的焗豬, 已經唔止呢個價了)
餐湯並不是明文規定有的.
但要碰碰運氣, 如果當天仍有紅湯/白湯/中湯未沽清, 老板娘就會自動波地送湯比你.今次由於我十分趕時間, 所以黎之前, 打個電話落柯打, 1客堂食, 1客外帶.
冇估計錯誤, 由電話落柯打, 到我到逹及焗飯上枱, 足足25分鐘.
絶對是慢工出細貨.

說回焗飯的做法.
飯底 -- 是有炒底的 (吃到尾聲, 都沒有油淋淋浸飯 )
豬扒 -- 是有加蛋炸過的, 面積之大, 差不多夠蓋過飯面
最後加個疏菜鮮茄汁, 再去焗, 簡直是天作之合.

湯 -- 平時不太好紅湯的我, 這店的紅湯, 真的十分足料及味道好, 令我日後對紅湯完全改觀

整個焗飯的份量十足, 自問不細食的我, 把半碗湯(唔係老板娘刻薄, 只是我有自知之明, 唔想浪費, 所以要求半份就夠), 一客飯吃掉, 真的有十分滿足的感覺.

在等吃期間, 發現該店的下午茶十分十分吸引, 必定會度個期黎試一試.

正如文內所說, 餐湯唔係必然的, 而我堂食又只吃了半碗湯.

到尾聲, 老板娘把我外帶的一客飯包好了放上枱, 我好奇地問, 沒有湯嗎? 因我老公十分喜歡這個紅湯的.

老板娘話, 沒有了. 同時, 有一位客人進店, 點了餐, 老板才發現仲有半碗湯.

正當我失望之際, 老板跟老板娘在密密斟後, 老板娘又拿了一碗湯出來. 說是我的半碗湯, 老板覺得, 若然有湯淨, 一定要先給我, 因為我先到先點餐. 所以老板娘就把餘下的湯全都給我了.

完全感受到什麼時人情味, 這個往往要在小店里, 才能散發出來. 十分感動喔

煲仔王 (天水圍)

第一次食, 係大年初四, 剛好有朋友住在TSW, 他都未食過此店, 但因為新年, 營業的食肆不多, 所以試一試此店.

這次是第二次來光顧, 是一周內第二度光顧的食肆

由於仍是新年, 所以先訂枱為妙.
7:45到, 已經FULL HOUSE了, 門外也有食客在等位, 幸好有訂枱, 雖然我們遲到, 但仍有安排枱比我地.
(值得一提, 帶位亞姐都有比說話我地聽 )

安頓好後, 便點菜了, 點了:

雞煲: 此店的雞煲是乾乾的, 清哂D雞就會比雞湯你放湯, 然後散點火鍋料. 雞的味道的確十分好, 值得我一周內第二度幫襯咕嚕肉: 比想像中一瞬息, 但味道仍然是OK的主角到了, 煲仔飯, 我們一行六人, 點了.....4個煲仔飯, 哈哈.
麵醬五花肉煲仔飯: 此味道是我未曾食過的, 超掂蝦乾鱆魚雞粒煲仔飯: 完全想像唔到, 加了幾隻蝦乾落去, 會令整煲飯的鮮味完全提高刴土魷肉餅飯: 可能是手剁的, 令到兩者肉質不像絞碎般有"梅"既質感.老實講, 以上3款飯都分別只係$38/$48/$58, 質素比起X街的好幾百倍, 雖然是需要加一服務費, 但日後想食煲仔飯, 我一定會來此店食. 皆因X街的性價比越來越低了, 單是一個鱆魚雞粒煲仔飯, 我年廿九去食過, 已經要是$36, 但餸料則是數得出來有多少粒的, 以及份量越來越細了.
所以本人對此店的評價, 煲仔飯方面簡直是冇得輸. ^^

席間, 叫了侍應姐姐沖水, 亞姐竟然"咀妙妙", 值得改善一下服務態度.