團購見到有優惠, 雖然這家是新店, 而且是連食評都未有的新店.
但我也膽粗粗買了幾張約埋三五知己黎"試"食.

可能店舖太新了, 所以真的很少客人, 可以說連我的一枱在內, 只有兩枱客.
也許時間尚早吧.....

開餐喇, 我地點左 :
蝦醬炒飯 -- 味道略嫌唔夠重, 有點淡

泰式鮮蝦炒金邊粉 -- 好好食, 好特別

炸蝦餅 -- 好多件, 估佢唔到咁多, 而且好好味

串燒 -- 配合沙爹汁好好味

香芒炒牛柳粒 -- 我認為全晚最最最正的一碟

炒粉絲 -- 味道略嫌淡了

鮮蝦金柚沙律 -- 好食

芒果黑糯米 -- 好好食, 芒果超甜, 加上黑糯米, 配合得天衣無縫

生菜包 -- 偏辣了少許(因本人不吃辣)

總括黎講, 呢間係有良心的店, 食物質素完全係中上, 絕對有原因再以正價幫襯, 哈哈......

天氣開始稍凍了, 又係諗起蛇羮同糯米飯既時候.
呢間蛇王輝, 本人由細到大已經幫襯佢, 每年冬天, 天氣稍凍就自自然然地走去食(就算係大年初一, 二, 三, ).
店舖雖少, 店內坐到盡, 都只係坐到9個人, 但無損食蛇蛇既雅興.
雖然好多時都要排隊等位, 但在店外的每一位, 似乎都習以為常了. 各人都會耐心等待, 不會有煩躁的情況.

今年冬天, 第一碗蛇羮終於上枱喇(堂食分為小 - $36, 大 - $50)........份量, 材料依舊, 卜卜脆亦都冇變, 食得出同一家供應商
價錢雖然比往年漲了少許. 但一定沒有將貨就價的情況發生.糯米飯都上枱喇(堂食分為中 - $20, 大 - $30).
好多料, 店主從不吝嗇腊腸和膶腸的份量, 加上跟飯混在一起的腊肉, 比例十分夾. 正~~~~食飽飽後, 期待下一次稍凍的天氣, 又可以再黎食蛇蛇暖身了, 呵呵~~~

本身好少去試CAFE既我, 經團購見到呢間CAFE, 立即相約朋友仔一齊黎食.

前後食左2次了.
卡邦尼意粉 - 好食, 但略嫌面頭的燒得太焦了, 2次光顧都有點"燒焦"味忌廉炸蝦丼 - 好, 個汁其實係粟米汁, 但都OK

甜品 - 檸檬撻或朱古力批, 本人不太喜歡酸, 所以就覺得朱古力撻比較出色.

特飲方面 - 簡直花多眼亂, 但叫左的幾款, 都是OK的, 份量十足.

總括黎講, 所有野都係廚師用"心"做出黎, 並唔係得過且過的.
洗手間十分十分乾淨, 也是值得一讚的地方.

之前喺團購見到呢間三文治既COUPON, 雖然未食過, 但由於地點不算太僻, 所以姑且一試.

最後揀左"燒肉眼牛排三文治"
簡直一試難忘, 夾喺里面的肉眼排, 真係好好好JUICY.
伴碟的薯條, 條條都肥嘟嘟. 雖然唔係好多, 但加起的份量, 一定不比X記少.食過一次之後, 成日都心思思想專誠走去食
最後一讚, 店內有充足既冷氣.

經一位住在深水埗的朋友介紹, 話呢間係2X年老字號, 天氣涼涼地, 一於黎試下...

天氣未正式入秋, 店內已經無開冷氣了, 一入到去, 感覺都幾熱.

專誠黎食蛇羮同糯米飯, 當然叫呢兩樣啦.但..........蛇羮係我食左咁多間之中, 最稀的一間, 料不算多
搞多幾搞, 碗蛇羮開始變水狀了.

獵味糯米飯, 老實講, 只見有零碎獵腸, 完全唔見膶腸.
食落味道欠奉.

總括黎講, 只想快D清哂D野, 食哂佢, 快閃~~
對於一家老店黎講, 老實講, 真係有點失望.

呢間拉麵店, 聽朋友講話好食, 已經好耐了.
但每次食飯時間行過, 定必超多人等位.

今日係星期六, 終於的起心肝去排, 希望午餐至下午茶時段少d人啦

去之前, 問清楚原來周六, 日及公眾假期, 係無特價下午茶, 只有下午茶餐的.
換言之, 唔使專登磨到下午餐時間先開餐啦, 嘿嘿(下午茶餐開始時間係3點)

1:45pm 已經到達攞籌. 攞了#001籌. 目前則叫到#078. 即係等22張枱.
OK, 可以接受的.

等到2:30已經有位喇. 比預期中等候時間短好多, 超標完成喇.
(註 : 全店共有24個位)

開餐喇

味玉拉麵 : 味玉真係好好食, 本身唔係太食味玉既我, 都讚佢誇啦啦

叉燒小食 : 有8-10片, 略略燒過, 好香口, 入口有溶化既感覺, 超讚

餃子 : 不過不失, 與同枱相比, 比較失色.

雖然店內略嫌擠迫, 但貴精不貴多, 所以我都好體諒, 絕對有下次
(P.S. 夏天除外, 如在3X度高温喺門口等個幾鐘, 我會選擇其他食肆, 完全唔會考慮橫綱, 哈哈, 留待入秋先黎幫襯)

男友在團購買了此家cafe的coupon，所以有機會來試。

早一天卜位都無問題。
入座時侍應好有心咁嘗試揾窗邊位比我哋，但最後都冇，算吧，無乜所謂，有心已經好難得了。餐湯係忌薕粟米湯，其實又係麵粉湯一碗。不過不失，一般啦。饅魚蛋包飯，個飯細到一定食唔飽一個成年男人。但味道都OK。十二安士煎豬扒蛋包飯-落枱時嗰刻係牽動食慾，個蛋包飯明顯比饅魚嗰碟大好多。滿心歡喜鋸豬扒了，不知道餐廳是否想考驗客人的耐性及牙力，真係有趙口到呢.......食左一舊已經想放棄淨番嗰一大塊。除左勁有咬口既豬扒外，整碟野既味道，特別係蛋包飯真係好好食。餐飲，整個餐牌勻勻三，四十樣，只有兩個綠茶同檸茶唔使加錢。

甜品方面，今日係朱古力奶凍，有黏性又帶彈力既奶凍，唔講我會以為自己食緊彈牙芝麻糕，仲要係失敗左嗰隻。最後，值得一提既係洗手間，傳出一股惡臭，今人食慾都掩蓋既惡臭。餐廳方面真係有必要檢討這一點。
想找待應既時候, 每次都要企高個身, "樣樣下", 每次都要1-2 mins先至有人應. even係埋單

本人就認為，無任何原因令我再黎幫襯，試過一次就完完全全足夠有餘了，失望！

在團購見到呢間店做團購餐, 由於餐牌里面的每碟餸都係我的飛佛, 而且小籠包仲有6隻, 所以亳不猶豫就買左張二人餐了.

預早幾日打去卜, 點知接線生話7點打後已經FULL BOOKING, 但就有6點半, 唯有食6點半啦.

坐落枱, 茶就點了西湖龍井, OK喎, 幾好飲, 但D水温略嫌太熱喇, 接近啱啱煲起既滾水.
我都未試過去飲茶, 要打開壺蓋去散墊降温. 侍應見到我地打開蓋以為要加水添, .
經我地解釋後, 侍應好細心地比左隻匙羮我地掠住個壺蓋, 以免再有另一位侍應誤會.跟住點了團購餐單里面的餸, 然後陸陸續續上枱了.

雞絲粉皮 -- 唔太夠麻醬, 好似好淡口咁小籠包 -- OK幾好食, 但包內的肉色比較怪怪, 鮮粉紅咁既色, 但就肯定熟透的. 皮薄而且多湯汁.上海粗炒 -- 都唔錯, 調味適中高力豆沙 -- 即製的, 上枱發仲散發住油的熱力. 味道都OK.總括黎講, 呢間店既食物質素都幾好, 侍應服務態度又好.
席間, 唔知係咪因為係頭輪太早既關係, 未開哂冷氣. 越食越熱, 之後同侍應反映左, 立即去開番冷氣, 跟住就感受到陣陣涼風了, 哈哈.

經團購網, 見到六座$28餐, 膽粗粗黎一試.

牛腩河 -- 牛腩比預期中好好多, 唔攝牙罅又夠淋夠入味, 正~雲吞河 -- 估佢唔到竟然有4粒雲吞, 而且店員仲肯加腩汁, 服務態度一流
(註 : 河粉質素係幾好, 滑滑的, 唔係鞋口嗰隻)炸雲吞 -- 脆卜卜, 又唔會有油淋淋既感覺, 好食炸墨魚丸 -- 呢個炸得比較油淋淋, 算是比較失色的一款飲品方便, 套餐里仲有凍檸賓可以選擇, 沖得剛剛好, 唔會太淡又唔會太濃, 讚.
以一間唔係專賣飲品既餐黎講, 算是沖得不錯了.最後, 食左呢個套餐之後, 都冇一般麵店吃完會有超口喝既感覺, 總括來講, 感覺良好~~~

經團購網買了現金卷, 預先諗好餐單, 一黎就叫.

點知, 到步落單先知無左甜品, 無奈地要重新再砌過餐單.

是日餐湯係蕃茄忌廉湯, 好正, 好多料, 杰杰的, good...

乳酪薯條 - 略嫌薯條太多辣肉腸pizza - 唔錯唔錯, 幾好食烤羊架 - 本身食羊既我, 點知落枱途中, 我已經聞到陣超羶既味, 食落口都好羶好羶, 適合喜歡羶味的人士. 另外, 又係超多薯條墊底蜜糖雞翼 - 好食炸魚併薯條 - 都好食, 但都係略嫌薯條太多忌廉海鮮意粉 - 都ok, 調味適中芝士焗肉醬意粉 - 好好好大兜, 好食水牛城雞翼 - 醮的醬汁好特別, 里面真係有芝士, 幾好味卡邦尼意粉 - 好正, encore過一碟
燒豬肋骨 - 呢個由落單到上枱, 足足等左個幾鐘, 邊食邊等無所謂, 但.......燒得太乾了, 乾得像柴皮
特級西冷扒 - 質素同價錢唔成正比, 試過一次就夠了

全程所有店員的服務都好好, 一叫即到, 唔會扮聽唔到, 唔理我地呢枱團購客人.
總括來說, 真係好食, 絕對會再黎光顧.
唯一美中不足, 店員話因為我地係團購買coupon, 唔會比水我地飲, 天噢...........就算叫左野飲, 都要飲水掛.......希望這點可以改善一下
值得一讚係, 本身係唔比水我地, 但由於臨時先知冇哂甜品, 我地打亂哂陣腳, 鼓譟左一陣, 店員主動攞左支水黎比我地, 好窩心呀......哈哈