在團購見到此餐廳，以為賣相同質素都幾好，膽粗粗一試。一行八人，由於未齊人，店員粗聲粗氣帶黯囂張語氣話無理由比張八人枱我哋到左既朋友坐。算，繼續等其他朋友先入坐。註︰間舖入坐率此時只有20%，完全不構成阻住人做生意。

終於齊人開餐喇

西西里菜湯，除左酸就係唔知乜怪味，忌簾湯算係可以飲得下。焗豬扒飯可算正常

西冷牛扒飯，扒係十成，部份邊位生既，因為見到血同肉色，雜豆都係唔好食

野飲方面，稀得像水。

總括︰試過一次就夠，怕怕.....

設有訂枱服務, 如果人多, 可以安排房間, 但只有一間, 要訂請趁早.

為慶祝媽媽生日, 特意揀黎呢間泰菜食.
每碟都係超水準之作, 比九龍城的泰國菜館有過之而無不及, 正正正呀.........

在團購見地點就腳而買的現金劵

用coupon去過3次, 每次都是差不多的問題
1. 店員服務態度確實有問題, 個個都懶懶散散, 唔多願serve客人
2. 店內空調設施嚴重不足

第一次去, 係下午六點幾, 幾乎我地點的所有甜品食材, 店員都話冇, 呢點喺第三次光顧時已有改善了.

除了彈, 也有讚的地方, 此家的雪花冰, 我覺得比最出名的糖X府好食好多. 這樣甜品已成為我每次必點的了.

由於第一次去, 幾乎百無, 唯有點左個看次好大路, 唔會失手既"芒果椰汁黑糯米".
點知呢個係我有生以來食過最最最差的芒果椰汁黑糯米,
因為椰汁同黑糯好似水溝油咁, 完全溝唔埋, 椰汁超稀, 黑糯米又超杰.好不容易先將呢兜野食哂

OVERALL黎講, 呢間既雪花冰係唔錯的, 以後正價黎食, 我都係食番雪花冰穏陣D了....

在團購買了這家特色甜品店的coupon, 所以第一次黎食.

老實講, 本人本身係唔太食甜品的, 如果唔係團購比呢個機會我試, 我一定未必會黎試食甜品店.

但這家店比我的印象幾好, 日後有機會一定會以正價黎再食.

第一次黎呢間拉麵食，是用團購COUPON的，試過後，正價黎食都已經唔係第一次了

推介豬骨湯叉燒拉麵，雖然湯底也是用現成豬骨濃湯，但佢勝在開得好味，這款拉麵是我每次必食之選。

如果7時左右到逹，有幸的話有個蛋沙律，只售8大元，但材料十足，建議兩個人SHARE一份就夠了。

今次仲試左個泡菜醬油凍拉麵，朋友食過都直豎拇指，一定會再黎食咁話...
凍拉麵的質感好好，但要同時間競賽，因為湯里面有冰，會溶的呢~~~

唯一不足之處係冷氣唔夠，如果可以改善就無得輸了 ^,*

經團購買了串燒coupon， $38有28串(已經叫做二人份量了)， 一心抱著期望去食， 一人預計要食二人份量先夠， 點知.....

盤野落枱發出的蒸氣煙，好明顯是經微波爐翻熱造成的，因為所謂的蒸氣，超快散哂，盤野立即變涼了....

除了雞翼外，冇一串似係自家醃製及串上去的，因為每枝竹簽都有別家品牌的記號

整體來說，除左雞翼可以食得下，其餘的口感全部都似煲完湯，"鞋烚烚"既肉加咬口十足，而且調味料有點怪怪

豆漿係OK的, 可以說是"低糖健康豆漿"
可取之處係冷氣十足
吃後感 : 食完個口有陣怪怪既味道， 涼涼地， 鞋鞋地咁， 呢間唔會有下次.

清左枱面堆野， 只得20%飽既感覺， 於是要去吃個拉麵加糖水， 咁都可以飽咋

一行六人， 也是用BeeCrazy coupon來食， 3月Coupon到手後， 立即預約今天開飯，過程一般順利，也有如其他人所講，電話響到飛留言，但又無位留言的情況，但最後只花了十分鐘左右，便成勁預約了。

在等位時，明明約左8點鐘，點知報到後，有位男人叫我地去對面M記坐陣，8點3先有枱。
但最後準時8點，就已經收到電話，話己安排好枱了，幾驚好似前幾位食評咁，比人耍完一輪先有位本人食打邊邊，都不是每款都食，所以此併盤對本人來說，是十分足夠的。
而具有足夠的菜及菇類，看起來十分健康呢~~~ 值得一讚......湯底味道也不錯，不至於其他酒樓超普通的湯底，GOOD~~~咪講笑，一行六人，食左超過10碟呢隻安格斯牛牛，真係OK架。再讚到最後，我們叫左3個一丁 + 一個店長推介的烏冬做HAPPY ENDING，又真係幾彈牙幾滑喎。
店長推介果然掂呀，三讚.....

由於席間有位朋友將近生日，所以我們預先帶左蛋糕黎。
此店不設切餅收費，坊間有好些地方做到上左軌道，都開始收呢D切餅費了，
牛大哥此服務，真的很窩心呢~~店員攞左蛋糕出黎之後，其中一位人兄主動幫我地切蛋糕同分蛋糕。
最後仲好好心機咁幫我地將個吉既紙盒包得靚靚。都唔似前人講黑口黑面，十問九唔應既態度丫~~

總括黎講，今次係我地第一次用團購COUPON開飯，但經驗總算唔錯，值得心第四個讚你。
而且店員都沒有催促過我地埋單。
經細問之下，原來該店都有留意"開飯喇"既食評，收到有客人設訴，都有作出過改善。
並唔係"意見接受，態度依舊"架，哈哈....
有機會再黎會一會你地先得

這是我食過云云放題中, 唯一一間令我有衝動讚好的放題!

我book了8點45分的一節, 但到逹時未夠鐘, 只可以在門口等, 所謂的門口, 大約只有15尺, 但所有8點45分入座的人客, 全都迫在這個地方, 空氣十分不流通, 所以建議如果去食, 最好9點鐘先到逹, 這一節食到11點的, 所以是有足夠時間.

一入座, 就起勢咁畫食物, 陸陸續續的上枱, 完全沒有漏單, 值得一讚.

侍應態度都冇一般放題的敷衍了是, 會幫忙跟單.

刺身也不錯, 唯獨是三文魚唔知點解, 叫左幾轉, 全部都附有少許魚皮, 要改善....

蝦天婦羅炸得超有水準, 質素比起好多著名酒店都要出色, 我比10個讚....除左蝦, 仲有南瓜同蕃薯, 都十分OK. 沒有一般天婦羅的油淋淋感覺.

但洗手間衛生情況則要改善, 坐位略嫌迫, 門口等候區地方太太太細, 根本容納唔到咁多人

但要食, 就請記得預先訂座, 當天訂座都得, 因當天真的是全場爆滿