新錦園大排檔 (大角咀)

話說就黎新年, 同班朋友仔諗起新錦園, 所以就再黎食.
諗住大家開開心心咁食個團年飯. 點知.......換黎一肚氣,
(由於心情不佳, 所以冇影到相)

豉油王炒面 : 平時係食得出有炸過, 脆口的, 但今次可能人多的關係, skip左呢步, 上枱時係濕濕的. 大家都體諒, 因為味道仍在, 只係欠缺左少少

上湯浸豆苗 : 明明係叫豆苗, 張單都係咁打. 點知黎左浸西洋菜. 最後擾攘左一輪, 都黎番正確, 當然, 里面係夾雜著部份西洋菜, 點換番豆苗不宜深究

煎釀三寶 : 略嫌每一件都太大舊, 建議將體積縮少, 增加件數, 因為好"溜"

成餐飯, 真係食得好唔開心.
食物質素係無問題, 上菜速度都一如以往的快, 真的值得一讚.
只係開頭的不快事件完全影响心情.
我地都體諒你好忙, 但係態度真係需要咁趕客?

總之, 以後過時過節, 一定唔會再黎幫襯. 唔想再黎貼錢買難受
以上只係代表本人立場, 如有冒犯, 唔好意思.

老實講, 由2012年7月發現呢間新大陸, 打後半年幫襯左不下5次.
第一次發生呢D不愉快事件.

一早都預計到好多人, 咁提早一星期打去卜枱, 以為無問題啦.
點知一去到攞枱, 有位亞叔話"唔知攝左你地張紙去邊, 冇留枱", 態度係OK既.
OK, FINE....咁咪自己揾囉, 我地一行6人, 仲有位大肚婆, 個肚籮咁大.
我地就話可以迫迫夾夾坐啫, 請問大肚婆點迫呢??
跟住有個好長頭髮紮馬尾既亞姐好晦氣咁叫我地坐張4人枱, 有腦都諗到塞唔落啦.
仲喺度嘈話冇枱就冇枱.
算, 為左餐飯啫, 我地自己去揾枱, 揾到張貼住條柱, 坐到6個人唯一方法係要拉少少張枱出黎.
一拉, 個亞姐又喺度嘈話阻住佢條路, 真係火都黎埋.
唔拉點坐6個人呀, 佢個態度仲要係趕客咁, 兇番我地轉頭.
我地講明有個大肚婆, 佢講到我理得你大唔大肚婆. 總之唔好阻住條路.
使唔使咁呀

碟豆苗黎錯左西洋菜, 又唔係我地叫錯, 咪叫人換
好衰唔衰又係嗰個趕客亞姐, 佢又喺度嘈, 黎錯咪黎錯, 我見到你地有人夾左食左.
請問唔夾又點知你黎錯呀??
最後個亞姐死死地氣咁換, 換完個口又唸唸有詞, 想點??

之後想加單, 另一個亞姐兇我地話而家落單要等一個鐘, 我地唔信, 係都要叫. 最後十五分鐘就上枱了.

其實仲想叫個油鹽水炸豆腐, 明明上一次黎呢款野係店員推介, 今次竟然話冇, 又係馬尾亞姐覆既. 唉........

靚粥工房 (佐敦)

早排已經喺電視節目介紹過呢間, 最近某本飲食雜誌又再介紹, 於是勾起左記憶, 唔試唔安樂.

未親身黎, 已經聽聞此店既大尾魷係店主媽媽每日新鮮喺塔門釣. 雖然本人一向對高膽固醇食物麻麻地, 但又唔係一次過啪哂一隻, 冇問題既

一了起條筋, 就即刻打去卜位, 天真地諗住卜1月2X日個星期. 點知......要到四月先有枱.
但係要最快既話........啱啱有人取消左1月18日既卜琼, 所以話呢, 綠份到, 擋都擋唔住, 哈哈.

店面老實講, 真係好唔起眼, 行過左都唔覺.
入到去, 全場所有櫈都坐滿人既話, 只係可以容納20人左右.

呢度既粥底邊邊收費, 係人頭計, 但係4位起, $160/人.
如果自問唔係大食, 5個黎食, 叫4人份, 其實都夠了.

粥底邊邊海鮮料, 陸續上枱, 好興奮喔, 上極都有, 哈哈.
有......鮑魚, 蟶子, 花甲, 生蝦, 三點蟹, 蝦, 大尾魷, 油炸鬼, 魚旦(白色嗰D), 南瓜, 雞肶菇, 雞件同牛展. 係咁多.其實都夠飽喇, 但四圍眼望望之際, 又想叫個煎蝦餅跟住, 又再八八卦卦既時候就諗, 既然一場黎到, 咁難得, 點都要試佢個大尾魷肉餅飯, 全日供應既套餐連熱飲, 都只係30大元咋, 唔叫對自己唔住啦, 係咪先跟住仲叫左個芋頭糕(本人認為冇乜驚喜)

好喇, 真係滿足喇, 埋單只係.......一人$150, (一行五人), 抵到呢.....

不得不提係, 粥底上枱時, 係好唔起眼, 好似D冷飯扔落煲滾水度, 試過味, 都冇乜特別, 只係用"好過水"黎形容.
跟住海鮮陸續倒落去, D鮮味呢..........無得頂. 一路邊邊一路畢粥黎飲.
店員會見你煲野得番一半既時候, 就會問你加粥定加水, 好好服務呢.
仲會見你成碟係骨嗰陣, 主動同你倒骨, 超讚.

到最後清哂枱, 煲粥都飲埋就帶住十個滿足走了. 等我呀, 我會再黎架, 呵呵

海鮮係多, 但係略嫌吐沙時間唔夠, 花甲, 蟶子, 以至鮑魚, 都有食到沙既現象, 花甲同蟶子特別嚴重, 真係要用"食到一口沙"黎形容.
如果店主能正視呢個問題, 呢個邊邊粥底定必無懈可擊. 飲到見底先走.

基哥火鍋小廚 (土瓜灣)

由於朋友住附近, 此店算係朋友的飯堂, 但就成日都想試下蟹煲同羊腩煲, 不過唔多夠飯腳"些牙".

於是我地組團黎食.
一坐低, 老闆同樓面姐姐服務真係好好, 好熱情加好有熱誠, 加水同清碟速度一流. 超讚.
最後我地一行7人食左:

羔蟹煲套餐(除了一個羔蟹粉絲煲外, 還有3款小菜):
粉絲帶點微辣夠惹味. 唔食得辣既我都食左一碟粉絲.涼瓜煎蛋:
好有自家製風味XO醬炒龍脷球:
又係辣辣地, 但好夠鑊氣脆皮咕嚕肉:
出乎意料之外咁好食同咁大碟羊腩煲:
好有自家製的味道, 見有個羊腩煲湯底唔好嘥, 叫左幾味陣店招牌火鍋料(手打墨魚丸, 炸雞腳, 炸支竹, 不過無影相), 但本人覺得都係蟹煲比較出色避風塘炒米粉:
微辣, 確是很惹味芥蘭粒雙腸炒飯:
略嫌太濕, 但好足料, 超多臘腸同膶腸總括黎講, 一定有下次.
事後眾人都認為老闆同廚司都好熱情, 令我地有賓至如歸既感覺.
以我地食左咁多野黎計, 實在超值

東歐餐廳 (中環)

由於團購做PROMTO, 難得有異國菜試下, 所以約埋幾個朋友黎試下.

橫掃完個MENU, 決定點菜了.

傳統蕃茄煨龍脷柳 : 坦白講呢個係OK架, 味道比較合理.雞肉蘑菇卷 : 呢個聽落個名都比較正常, 不出所料, 都是會理的.

家鄉煙肉馬豆湯 : 飲落除左有濃濃既煙肉味, 其餘嗰D配料都唔知係乜, 感覺麻麻地.地道牛羊炒飯 : 好好好淡口, 冇乜味, 最後要加鹽先得薯蓉 : 賣相似飯/炸米粉, 除左比較"漏"之外, 都OK既吉列雞肉唔知乜乜卷 : 切開中央後, 有D汁流出黎, 但D雞點呢D汁, 又無乜味架喎, 可能係當地特色, 我唔太識欣賞. 腸 : 都係比較好味既一樣.總括黎講, 侍應可能睇唔起團購既客人, 原全都冇乜點理我地呢一枱. 連水都唔多願加.
如果係睇唔起我地, 咁點解要做團購呢??

老實講, 只此一次, 唔會再黎幫襯, 也許唔太啱我地口味吧.

新錦園大排檔 (大角咀)

每逢有朋友生日, 一大班人既話, 都會諗起呢度既炒小菜.

價錢公道, 用料足, 味道好, 概括哂佢地既優點.

人數夠多既話, 大家不妨試下生日餐, 抵食又夠食.

每次黎呢度, 睇餐牌都唔使睇價錢, 可以盡快叫個痛快.
無論全場有多爆滿, 總係好快就上菜, 絶對冇亂陣腳.

首選豉油皇炒面 : 口感有D脆口, 而上碟唔會有一氹氹既油, 坊間很難找到了.咕嚕肉 : 必食項目, 肉同肥膏既比例出奇地好.霸王雞 : 每每都係侍應既推介, 標榜係"新鮮雞", 好味. 冇介紹錯.油鹽水炸豆腐 : 出奇地匹配, 脆脆既豆腐外層, 滑滑既內涵, 再樵上鹽水降温同降火, 正呀.沙拉骨 : 本人既飛佛, 唔識形容, 但每次食小菜都係必食既西檸雞 : 唔會有皮加粉多過肉既情況出現就算帶蛋糕去比店員雪住, 店員都唔會黑口黑面回應, 而且會準備刀刀碟碟自己切, 唔使收切餅費添, 超讚.
總括來講, 新錦園仍然係飯飯地方首幾位. 暫時未有其他小菜可以代替.