每當放工都經常經過, 知道6月2日正式開業, 裝修都好有格調, 前身係金田, 亦係一開業即去試, 當時水準好好, 但越做就越......知道轉開一間新既, 當然一試啦~

我之前一早訂檯, 侍應細心解釋放題內容, 門口亦放左order 紙作參考~

眼見都好多唔同食身提供, 有刺身, 壽司, 燒物, 炸物等等~
食後感係整體好味, 
特別牛類食物好出色, 樣樣都好林, 特別推介薄燒牛肉同牛仔粒, 好味好林...
另外, 壽司, 特別推介比目魚壽司, 正常放題唔會叫, 但試左一件, 再番幾次order, 
入口即溶, 好好味, 強烈推介....

另外好奇怪, 所有雞類食物都無咩味道, 基本上用無醃過無咩分別.....同埋麵豉湯好咸.....其他整體都好味, 服務質素都ok, 因無包飲品, 只有綠茶提供, 侍應都不斷加水及收碟, 整體ok

今晚約7點半到, 可能2位關係, 都算好快有位,
p.s. 齊人至可入座....
店員禮貌OK, 地方都坐得好迫, 
未入前, 上左黎呢度睇見推介係牛柳餐,
於是叫唔同汁料...試下, 
先黎個多士, 無特別....
再黎紅白湯......紅湯好有驚喜, 好足料...
如果濃小小蕃茄味更好...
白湯無特別.....

等多陣, 2份牛柳黎到....
鐵板都熱...倒D汁都仲(炸炸)聲,
但大家同樣叫7成熟牛柳, 但生熟程度都幾大分別....
一份見紅, 一份全熟.....

牛柳好林, 但覺得應該落鬆肉粉...
我奇怪我果份牛柳, 切出黎係一層層肉既....
懷疑係鬆肉粉關係.....唔太肯定

之前睇開飯, 見到此食堂都算近自己, 見星期日, 唔多想食D飯之類, 於是一係開飯搵到此食堂, 被個D車仔麵推介, 所吸引住......
雖然食評係年幾前既事, 本薯一試無妨心態....
去到街市內都唔算難搵......一眼已望到大大隻車仔麵檔....
裡面既兩食送麵, 都加晒價, 要21 蚊.....
但去到本著一試心態, 叫左個推介既豬腸, 真係好爽, 亦唔見有大量脂肪係裡面, 好明顯有醃過, 算有味道...... 推介...必食...
牛肚, 好爽, 唔勒, 亦入味.....
粗麵無咩特別, 一般大少.....
但以21蚊來講都算物超所值....另一友人叫既豬紅, 咖哩魚蛋...我唔太好辣, 都頗重咖哩味, 亦都算辣, 魚蛋是爽口那種, 不是很林身, 煮過久那種....推介
豬紅OK無咩特別.....所謂生炸雞脾, 因叫時已炸好, 再純焠返熱....唔知算唔算生炸....
不過老闆都好貼心, 提議加淮鹽, 加左的確美味好多.....可一試

整體21蚊來講, 算係抵食推介, 食送同麵都算多....

之前無意中睇雜誌見豬小姐賣廣告, 覺得個名好得意, 就貪得意試下搵, 有無豬先生啦......根著同樣係開飯睇見食評....話呢間潮龍好味d, 咁咪去試下囉~~~初入門口見得好小客人幫襯, 都有d貪心......本著黎到一試, 就去試下佢地既清湯腩啦~初試湯底好味.....不過如果加番小小胡椒粉, 應該味道再提升好多~豬潤, 牛腩都好味, 前者好爽口, 後者唔勒......個湯同泡飯湯底一樣, 好味~唔算好咸
蘿蔔好甜無渣
崩沙腩邊位有咬口, 肉都林, 粗麵有皂水味.......差dd溫馨提示, 2月6日-2月15日係休息既~想食就快d啦~

因食生日飯, 預早訂檯, 都好多人食, 一定要先訂檯才有位.
叫左以下菜式, 覺得好好味, 好鬆好林個汁有D似利賓納味, 幾特別唔錯.初時黎到係分開, 原來燒熱個煲放D菜落去, 好香好味有些小失望係細份左好多, 同埋無以前原整一條上, 味道都係好好味.

天婦羅南瓜好薄皮.....南瓜夠甜好味~好似叫炸蝦反卷, 唔太記得個名~但好脆口, 幾特別可一試~圖中見既係大蟹子沙律, 好新鮮~好味道~

另外再食左蟹棒壽司~無影~ok無咩特別~
叫左個鰻魚炒飯...無咩特別無影~
同埋最後甜品食左個半口芝士~推介~煙勒好味~

值得一提, 鋪頭唔夠人手做樓面~得兩個侍應幫手遞餐及加茶, 都見佢地做到踢晒腳~希望老闆請多個人幫手啦~

之前睇過呢度食評, 講到好似好差, 但同事去過一次食覺得好好味, 咪即管試下囉, 先講場地係好細, 一定要訂檯, 上菜都ok快, 今次3個朋友, 叫左個蛇(根), 好好味, 忍唔住食左兩碗, 另外叫左個滑雞盅, 呢樣都好好味, 不過俾起個麵包飯, 體積差好遠, 不過連不嬲唔喜歡素食既男友都覺得好味, 另外叫左個白汁麵包飯, 好大個, 個麵包un, 但d飯係炒飯唔錯..
另外, 叫多個似小籠包既野, 個名唔記得左, 但就普通囉...另外, 埋單至知那些玄米茶, 茶價收8蚊一位...
另外, 因有sms關係, 正價再7折~覺得好抵會再幫襯!!!

尋日, 一行八人去食, 首先要講講, 佢呢度打邊爐無得訂位, 比較麻煩d, 一定要早去, 我地約7:30去到, 都等左成個鐘頭先有位.
食物方面, 都幾多野揀, 第一次可能tick一大堆, 只有小部份黎, 後期情況好d, 另外佢而家係任飲任食, 啤酒汽水任飲, 有一jarjar酸梅海提供, 整體都ok, 值得推介...

今次係第二次黎, 見之前食過唔錯, 今次自己叫左個豬仔骨, 朋友叫左個鵝肝,同牛扒.....
豬仔骨~感覺好似金沙骨, 配左d生果, 感覺無咁滯
牛扒~好淋, d汁好味
鵝肝~好厚好大件, 感覺幾滯, 下面仲有意大利飯....加埋唔駛食其他...
出面個沙津bar, 有鮮青口好好味, 干時唔食開青口, 今次都不停出去拎...
另外值得一提,個度d cheesecake, 好好味, 好濃芝士味, 值得留一留肚食...

呢間食店,係我咁多年食野最好味, 最大碗一間, 推介有蘿蔔,雞翼- 好入味
豬腸- 好爽
豬紅- 甜甜的
辣椒油- 好勁辣
我今次去有米粉食的, 另外個烏冬有d似上海麵, 煙煙un un好味.