是日打風可以在此吃午餐,原本是給一個餐吸引著才來,怎知原來不是每間元氣也有得吃,一場到來,無理由唔食.最後坐低望下餐牌看看可吃甚麼最後決定了要壽司加烏冬$73:

壽司:

玉子:淡茂茂,無蛋味

墨魚:無味

熟蝦:無味

赤海蝦:唔腥,有蝦味,好吃

北寄貝:同樣無味

八爪魚:無味之餘仲韌

三文魚:有魚味...好吃

炸蝦卷:凍冰冰,好一般.

烏冬:汁過鹹,雖然係咁,但還是喜歡元氣滑滑的烏冬,如果大碗D就更好了

這個餐唔係平,仲要無湯或飲品,質素也平平,下次還是吃下午茶較經濟吧!

今日要去拎番張銀紙,所以出左中環,之後又要幫妹妹朋友去銅鑼灣拎野,所以黎左好耐無去的銅鑼灣了..妹妹原本想食日式放題,點知想打電話時竟然無人聽,最後她唔死心都要去食日本野.由她帶路帶我食啦!妹妹話好幾年無黎過,發現裝修改過....講番正題,午餐都有幾多選擇,由於想食魚生,最後揀左魚身刺身冷烏冬$68.凍飲加2,免加一.餐入面有前菜:中華沙律,正常,唔腥.雪凍D更好
            沙律:生菜新鮮,反為個醬雖然多但無乜味道
            麵鼓湯:夠熱都唔算稀,OK...            刺身:三文魚,吞拿魚,北寄貝,唔知乜魚每兩片.
                   三文魚肥美有光澤,估唔到咁有鮮味,也切得夠厚. 
                   吞拿魚薄之餘有乜無味道
                   北寄貝唔算鮮甜
                   唔知乜魚有D腥
                    
           冷烏冬:烏冬算彈牙,份量OK.可惜唔夠凍加冷烏冬汁唔夠鹹味...如喜清淡的會覺不錯,可我愛鹹  覺得差點點啊!

           凍奶茶:茶味夠,OK

 服務:店員有禮 ,收野快...絕對值得比貼士.

總括黎講:70元有一個午餐在銅鑼來說算超值呢.有機會再來試下其它食品...

原本打算去唱歌,點知因為學生開始放假,價錢貴左.今晚又要食放題,唱咁小時間唔抵,所以最後決定飲茶..

2點15分左右等位.等左5分鐘有位.雖然坐門口位,但有野隔住都OK的....由於朋友和妹妹遲點先黎到,又讓著肚餓,最後由我發板先叫一些,等她們來到時便可吃啦哈哈,慳劍的我,當然係叫最平的那張特價點心紙先啦!再加小小貴DD點心魚肚滑雞扎($10),這個入面的魚肚,雞肉都無乜味,腐皮正常啦!總括黎講比較清淡車打豆腐拼脆抄手($8)這個全場最好味.,豆腐入面有流心餡(我覺得係芝士),熱辣辣好味,抄手炸得比較乾.芋酥盒拼鯪魚球($8)芋酥盒淡味,唔太喜歡,鯪魚球味道倒不錯,熱辣辣幾好...咖喱魷魚酥($8)這個全無咖喱味,魷魚酥完全吸唔到咖喱味,咖喱又水汪汪,唔得...混醬白腸粉($6)哈哈,食呢個小小白痴,應該係街食比較美味....只係突然想食....呢到腸粉夠熱,但唔夠滑皮較厚...好一般貴價小小的點心如下:脆皮方丁魚腐($12.8),凍凍地,質感怪怪地,食唔到魚味,最後無乜人掂過金網蘿蔔糕($12.8)全凍,蘿蔔唔算多.川汁抄手($12.8)抄手都幾多,汁整得唔錯,只係包得太厚,己至皮唔熟金粟花姿餅($13.8)熱辣辣好好,花姿夠彈牙.鴛鴦雙潮($13.8)即蝦餃加粉菓.蝦餃皮唔算太薄,蝦算多,OK.粉菓無食,唔評蒜蓉元貝白玉($14.8)蒜蓉味夠.白玉即豆腐,但比較鞋口,可以唔叫水晶和菓子($11.8)未到前以前為係熱的,點知黎到係凍的.皮夠彈,黃色的奶黃好過紅豆,紅豆太甜了環境算唔錯,三個人俾張枱算大,枱與枱之間唔算密,坐得幾舒服

服務:唔覺太好,我地無叫的點心剔左黎左,叫阿姐跟佢好晦氣,仲要拎張單黎話你地剔左.其實,唔係我地剔的,話原子筆顏色唔同左佢先無聲出,但都好晦氣地取消張單....

茶錢唔知,無留意..3個人食左約180元,直頭超抵價...但質素平平

又到左見朋友和她的囡囡時候,由於有BB車的關係.所以要搵一個大D地方同有電梯地方聚會,最後揀左明星..未夠2點先拎位.等左一陣就有位可以入去坐住先,雖然我們只有3個人,都好好俾6個位我們坐.

由於唔搭枱關係,茶錢要8位.由於我們都唔飲茶,只飲了水....看了點心紙,總類都唔算小,還有一張下午茶特價紙.

最後點了以下點心:香剪煎腸粉(中):腸粉煎得夠香.有蝦米放落去令腸粉更香口,好吃....香煎蘿蔔糕(11.8):這個唔錯,煎得夠香,如果多D蘿蔔絲更好沙嗲蒸土魷(大點) 汁勁杰撻..唔得..香茜皮蛋肉片粥(大點):粥底唔夠綿,皮蛋有怪味,無食.好在個粥唔算鹹,俾BB食尚可..鼓汁蒸鳯爪(中點):鼓汁味唔夠.最後炒了碟燒汁雞柳炒烏冬($48):這碟烏冬認真難食,首先炒烏冬多油預左的,但唔係多到勁油浸,又唔夠彈牙,肉片仲要又乾又鞋,最後食剩左好多..這個真的可不吃

總結:食物質素平平,唔可以話難食,絕對唔可以話好食,只係坐得算舒服....

下午茶收費:小點$11,中點$14,大點$17,特點$20,頂點$23

價錢:每人約$60..食左6個點心(有碟無食無影,唔評論),1碟炒烏冬.價錢OK唔算貴...

家姐搭車經過見到,她說這酒店很型格...回家上網查看有自助餐供應,5月份的母親節尚未選好地方..那就這兒吧!原本以為7折優惠只限4月,於是急急訂位,怎知只有Waiting List.最後發現5月優惠尚未完結,立刻訂位.最終5月5日可以食了

6點未夠就上到去,一入門口便看見甜品位置,心下一沉,怎麼只有那麼少款式呢???算,既己訂了位,也要吃吧!今次被偏在窗邊,雖然無靚景望,吃得飽時望下窗外的車輛經過也不錯吧6點夠鐘便有待應通知可以取食物了.今次先取熱食..取了天婦蘿蝦,薄餅.由於只係用燈照,無用爐慶住,所以是比較冰凍.熱食也變微暖.熱食選擇也不算小...最好味是牛腩.....可惜溫度還是差一點點呢是日海鮮有頗多選擇,加拿大翡翠螺,松葉蟹腳,青口.海蝦,波士頓龍蝦,小龍蝦.最好吃的是波士頓龍蝦,有好多膏,松葉蟹腳也不錯.最唔好食係海蝦,完全無味道可言重頭戲生蝦有兩款.一款係美國生蠔,一款澳洲哥芬蠔....平日唔太喜美國蠔,今次竟然覺得美國蠔好味D...哥芬豪同平日食的有點分別..所以小吃幾隻算了...

沙律:有蕃茄,粟米,菜等等....一些醬汁,款式OK中湯:粉葛湯,無試,屋企人覺得唔差
西湯:龍蝦湯,我覺得有D苦,唔太喜歡.後來有換到白湯,唔太好味,好似用粉開咁的...西湯做得比較差勁....凍食:蕃茄芝士有煙三文魚,巴馬火腿加蜜瓜等等,質素唔差的....所以吃了幾碟...
日式食品:溫泉蛋:雪得唔夠凍,蛋也唔夠味道.蟹籽玉子,味道OK,最少無臭味,有些玉子豆腐未食一聞己可放低了...冷烏冬沒有試了.小食:墨魚仔,味付螺肉,帶子裙邊...三款都OK...刺身:三文魚,吞拿魚,八爪魚,三文魚肥美好吃,吞拿尔無乜味道,八爪魚味就無的了,最小係唔算好UN皮..都可以啦!壽司:有幾款,也會換下款式的.只試了北寄貝,赤貝,甜蝦..全部的刺身偏乾,飯又無乜醋味,質素差過超市,可以不吃.......

有粉麵檔,我一向唔食所以無試了...我最關注的牛扒,由於太薄,我請師傳可否給我們兩款,他也很好人給我兩塊..師傳磨左D鹽落去,鹹鹹地幾好的,牛也算有肉味,最後食左兩塊啊!滿足滿足...甜品:杯子甜品多,蛋糕只有一兩款.馬卡龍,朱古力噴泉基本甜品也有.....可惜沒有疏乎里,麵包布甸.只有葡撻...甜品味道唔差,好過一般自助餐...如果可以多些蛋糕款式就更理想最期待的雪糕:台灣粒粒雪糕,有兩款,其中一款似雪葩,兩款的味道OK,這裏供應的是韓式,但唔夠港式的好味,純料過下口癮啦!.....有哈根大師杯裝雪糕,喜歡吃的可多吃幾杯...

服務:起初無乜人,斟水收碟幾快,後來坐滿人就慢左D, 整體感覺唔差的...

總結:食物質素唔差,但款式略小..如果喜歡多款式食物會失望啦!當然如果接近400元有咁多海鮮又有生蠔就無乜投訴了....

服務:起初無乜人,斟水收碟幾快,後來坐滿人就慢左D, 整體感覺唔差的...

陪妹妹去買禮物俾契女.於是試埋一直想試的牛摩...入座前選擇了90分鐘放題,被安排在兩人座位,自成一格倒也不錯....

未取食物前先揀選湯底,要了豬骨湯底...湯底未黎前先出去巡一巡有甚麼好吃...由於當時己兩點多,肚子有點餓,見外面有烏冬和冷麵,那便取2碗作冷吃...麵和烏冬也是水準平平,任食當然唔會要求太高,在肚餓時拿來填肚子也是不錯啦

食物也是一般的丸類,菜和麵食...比較特別是公仔丸類.可惜的是只有樣貌比較可愛,質素倒是比較差,那個用來氹小朋友食還不錯...

豆腐一向係任食邊爐我的最愛,可惜這店的豆腐唔夠滑,豆味更欠奉.這兒還供應玉子豆腐,可惜未食己嗅到一股難聞氣味,最後放棄沒有吃啦!

90分鐘的放題是任食牛和羊...這兒的牛還可以,尚算有肉味,可惜豬沒有味之餘也比較鞋,最後沒有再加點了....

湯底要了豬骨湯底,湯唔夠濃,無乜味道..食時只好靠醬油,值得一讚芝麻醬不錯....
最後食乳酪,乳酪質素一般,略嫌唔夠酸...吃了一杯便放棄了

這兒的食物質素平平,價錢98尚要加一,實在沒有再光顧的理由...

服務:無乜,除了收過一次碟,湯底只加了一次.想搵待應也唔容易,食到最後幾乎全部待應坐埋一邊,可能差唔多落場吧!

有事要到深水埗,又到下午茶時段,肚子餓了,之前食過呢間都覺得OK.那今次再食....下午茶選擇頗多,價格也唔算昂貴...看了餐牌後最終決定了要混醬吐司$17.滷水雞脾加薄荷珍珠奶茶$30坐了一陣子,吐司上場.望著那份吐司,心知不妙...那份吐司是好像平日在家吃的麵包加花生醬牛奶...問題係入面的醬勁乾.真係乾到好難食....為了唔浪費食物,真係唯有夾硬食左佢..我覺得店方還是把醬放在麵包上比較好,唔會乾得咁離譜..滷水雞脾加薄荷珍珠奶茶...雞脾整得太熟,唔洗用太大力都可以切開了,滷水汁唔夠入味.又細隻,望落去都覺得營養不良..食完真係唔夠飽.加了錢的薄荷珍珠奶茶,與其話茶,倒畢如說是水,淡而無味,小小味道也沒有,珍珠也沒有味道之餘也過淋.又是不合格之作.

經過今次恐怖經歷之後,以後也唔會再去了...

服務:店員成日在附近,未諗到食乜又企在隔離,真係好有壓迫感..

環境:比較殘舊,尚幸清潔程度尚可...

四月又到左一年一度中學同學聚會,同學們想試放題.為了遷就大家的居住地點,最後揀左旺角...由於近來見此店高踞人氣,評論也不錯,最後揀了此店...
由於孤寒的關係,在7點前入,只需$168,比7點前省下$20...夠鐘入到去,店員可能見我訂位時堅持7點前,所以並沒有問我們加唔加40元叫升級食物,而我是有聽到店員問前面入座顧客加唔加食物的.說回正題...我們一行5人給了我們梳化的座位...坐低後發現沒有放題紙.於是,請店員補回給我們...
同學們未到齊,只好先吃前菜和壽司吧!前菜點了溫泉蛋,韓國牛舌,牛舌大根煮,兩款牛舌汁都太濃,溫泉蛋無乜蛋味,將軍沙律,入面有隻溫泉蛋,菜唔夠新鮮,有些帶黃,也唔夠凍.一般.壽司生薑,唔太辣又夠酸,OK.
壽司當中叫了赤貝,象拔蚌,鰻魚,火炙三文魚,海膽軍艦等等..壽司的刺身唔夠新鮮,也比較孤寒切得很細片,飯又唔夠醋味,海膽軍艦的海膽唔夠鮮美,食物貨式仲差過超市....
熟食:我只吃了牛肉窩,牛肉沒有味預期之中,但店方算慷慨,放了幾多牛肉下去.也有蔬菜,用來暖胃挺不錯吧
燒物和炸物都係好一般,由其燒物燒得太乾,冬菇更可列入不吃之列.沒有特別留下深刻印象....天婦羅粉漿夠薄.炸雞軟骨唔夠熱,凍冰冰唔好食...炸芝士年糕,唔夠芝士味,又凍,薯絲蝦似食粉,唔覺有蝦味,燒物和炸物都唔能夠熱辣辣上枱,比較失色...
刺身:全部刺身都有點...三文魚一般,唔係肥美.吞拿魚無味...希靈魚太酸..其它都平平,惟獨劍魚腩和甜蝦比較鮮味.尤其甜蝦,真的很鮮甜,所以第二盤刺身這個比較點得多,滿足口腹...
甜品:試了蘋果大福,唔覺得特別,仲衰過普通雪米糕,炸香蕉一般,puff無試,芒果布甸無芒果味,好假... 雪米糍NO SHOW,8點半叫己沒有,會唔會早左D無貨呢???最好味係菠蘿,酸酸甜甜好味...
見食評頭50位有鵝肝壽司,可能我們己此過此數沒有出現.五行壽司也沒有贈送給我們,唔知係己沒有此優惠,還是漏了,所以還是自己問問吧!
總結:甩單情單相當嚴重,我唔可以稱為漏單,漏左你再劃都會有人送俾你食,稱之為漏單,劃完再劃沒有出現,可以稱為自動失蹤,此店自動失蹤食物種類也頗多吧!總之劃左2次你都唔會再見的話,你可以死心唔洗再叫了...
雖然只係$200放題,但質素平平,服務又一般,唯一好處當晚我地食飯時無人等位,仲有吉枱剩,所以就算夠鐘埋單後,店員都沒有趕我們走.我們可以坐多30分鐘自行離去,由此至終都沒有俾人趕過...這是唯一的好處....
會去嗎??不會了,放題那麼多,而這間表現一般,還是去別間試試吧!

今天下午經過觀塘，又未吃東西，突然想起不如去沙嗲王醫肚，怎知原來要2點半才有下午茶，於是去附近行一陣才上去。上到去坐下看著下午茶餐牌，原來現在的下午茶好貴，一個粉麵餐都39元，仲要有加一，下午茶的款式又唔多。看了很久最後我選擇了32元的水手Pizza,即蕃茄，芝士味。飲品選了珍珠奶茶(飲品可以選26元的，貴過可以補回差額)，我覺得可以選26元的飲品才是整個下午茶的亮點，30多元的下午茶也可以給客人選26元的飲品。
由於Pizza要焗，等了十分鐘，所以先飲珍珠奶茶，珍珠好彈牙，我喜歡，珍珠份量也很多，可是奶茶味一般，茶再濃一點更好。等了又等，一個靚靚的Pizza 出現了，Pizza上鋪滿很多的小蕃茄，小蕃茄很甜，芝士份量也足夠，可是芝士味不足，再多小小芝士就好，Pizza比較薄，厚多一點和焗脆一點更好，可惜吃完整個Pizza也不覺飽，32元再加一，即35元，雖然再送回4元現金券，下次也不會再來吃。
這裡的服務，其實無服務質素可言，不明白為何要有加一服務費下這裡為一可取的是地方夠大，坐得舒服，可以慢慢坐，不用怕多人吃而被人趕走。

好多年無燒烤了....朋友們也想燒,最後決定了今天去燒,由於大家懶唔想自己買食物,最方便就是去任食燒烤場了...由於朋友試過這間味道很好,那便不作他想,一於去呢度試下啦.

其實,去呢度都好方便的....在美孚地鐵C1出口,過左圖書館一直行...之後去到過馬路到盈暉臺,行近巴士站果邊..見到OK便利店靠左行,咁就唔洗入公園,行直路,舒服過入去屋苑行..出左荔欣苑過對面會有個九華徑新村牌,有指示的了,跟住指示好快到了.

由於朋友遲左,我要等佢,妹妹跟另一朋友先到..首先要排隊買入場券.168元...交好錢,一張紙有齊飲品券,可到士多換8元飲品..多過8元俾番差價就可以了.....還有一張換用具券,咁先去揀燒烤叉,再拎膠碟1隻,銀色叉1隻,膠手套一隻,蜜糖一盅..(用完唔夠可以再取)

去到時己開左爐,據知是用石油氣開的.爐旁一早己有炭放低....我地四個燒都有剩,不用再買了..取食物餐盤有兩個,每次取食物也很拎呢個盤出去....由於懶的關係,都是朋友去取的...她們取了雞翼,墨丸,腸仔,腎片....粟米和翠肉瓜,茄子,方包和蒜茸包...

哈,可能大家太喜歡雞翼,所以拎左好多,其中有一款雞翼真係勁辣,辣到朋友狂飲水....當中南乳雞翼味道不錯...丸類味道普通...腸仔多達五款選擇......緊有一款岩口味...腎片好味.牛柳粒醃得入味,粟米夠甜,麵包加牛油美味....

Hidden食物:即係唔會放係食物枱,你想食要問職員:有蔬菜包,但無齋金菇,豬仔脾略嫌未夠入味.蕃薯唔太甜.切粒粟米加牛油,好滋味...

如果想燒乳鴿麻煩自費,入場費唔包....

基本上有兩種汁都好味,好過蜜糖,蜜糖係完全無乜味,塗好多都唔夠味....

提提你,無廁紙供應,我見好多人紙巾牌子相同,估計有得賣....飲品罐裝8元,支裝10至12元,建議先喝水,咁再買1罐飲品,會慳D錢.

洗手間只有4格,但算乾淨,11點幾臨走時去都無污糟呢個問題...

晚間燒烤時間:入場6點,開始燒6點半.可以燒到12點半....費用168(包1款飲品),不可自己帶飲品,除左紅酒,白酒,香檳.再買自行付款..雖則小士多有八達通機,那天卻壞了,建議帶備小量散銀.還有,沒有棉花糖和海鮮供應,如想吃建議自備.

後記:燒完野食後,發覺完全沒有燒過任何扒類...還有大家激讚的豬頸肉,看來要再去一次,試清楚味道如何了.

總括來說食味唔差,也唔會為左你要買飲品而醃到食物味道過鹹...讚...

溫馨提示:如果想星期六晚燒,記得早一星期前訂位,否則自行去好大機會沒有位.