又係同小學同學一年一度的聚會,為了方便大家工作地點,最後又是選擇到現崇出商場..由於同學一早訂了位.所以一入就有得坐..

由於一早己做定功課,所以好快鎖定3款食,一齊分來食...

海南雞飯$55,海南雞雖是冰鮮貨式,無甚味道...猶幸雞件尚算多和嫩滑....至於飯是沒有甚麼味道也稍硬卻大碗,男生吃也夠飽...生菜正常,湯是節瓜湯,夠熱...

豬頸肉叻沙$50,豬頸肉同叻沙分開上,豬頸肉薄切,燒得好香口,好味..至於叻沙帶點微辣....有椰香,但可再加多點椰汁..叻沙份量比較小,多一點比較好...

麵包豬扒$72,豬扒切條上,醃得夠味.....份量也夠多..汁的咖喱味香濃,用來蘸上麵包,真的十分美味..

前兩者是套餐,可加3元至15元的飲品,由於沒有喝,不便評論

總括來說,這裏食物水準平均,價錢經濟,豬扒包最出式,有機會再試其它食品

3人吃了195元

時常聽人說三哥的皮蛋好吃，今日一定要來一試，2點多來過仍然見店內有很多人，於是在附近商場行一陣再來，行到差不多3點來吃，已經唔多人了，仲有大把位揀...安坐後由於太肚餓的關係，便和朋友立刻點了一碗過橋清湯米線套餐，尖椒皮蛋加凍檸水，

還不夠五分鐘先來皮蛋，我覺得皮蛋加了蒜茸有點怪，汁也唔夠辣加小,至於主角皮蛋,我覺得略嫌切得太厚,更加吸唔到汁,浪費了皮蛋。過橋清湯米線來到時好大碗，真的客了一跳.我習慣吃時先喝一碗湯,湯夠熱也好香豬潤味,很好喝..我喜歡吃這個米線是因為甚麼餸也有小小,如牛肉,雞肉,腩南,魚旦,牛丸等等....咁多款餸我最喜歡吃腩肉，很爽，墨魚丸更值得一讚,有墨魚味,好吃.可惜我最喜歡的酸菜和肉碎都唔好味,酸菜過酸,肉碎的味也太鹹。最最最劣質可算牛肉,雖然夠滑但有渣,咬都咬唔開,最後不得不放棄.飲品的凍檸水完全沒有味，下次還是加點錢試下特飲。

不得不讚員工很友善，能聽到很多次的多謝。
今次第一次來覺得食物不錯，下次必定再來試其它食物。

經常睇雜誌見到極尚的平版廣告,越望越想食,藉著母親節呢個藉口,一家人決定在為敬愛的媽媽提早慶祝母親節...未夠六點去到,見到前面己有一堆人在等候,原來未夠六點是在門口排隊等入座,這個安排無論你有無訂位也是要在街上排隊的....這樣對食客極為不便,因為會阻礙行人.本人認為既然入面沒有食客,何不與大家方便,食客去到登記便可先行安排入座...可六點才正式下單,相信安排更為理想和貼心....餐具

由於只有兩個半小時時間,入座後立刻劃劃,第一件事當然劃最回本的刺身,然後壽司和熟食...刺身有十四款,俾起坊間的放題種類來得多...多心的我十四款也有試過.池魚王,油甘魚,鬢長吞拿魚,三文魚,立魚薄切,赤貝,北寄貝,響螺片,象拔蚌,紋甲魷魚,天使蝦,甜蝦,玉子個人認為只有赤貝和油甘魚,鬢長吞拿魚比較美味.絕不推介象拔蚌,太腥.,天使蝦完全無味道...如果俾泰式醬蘸會比較好...最奇怪是紋甲魷魚是一條條,不是一片片的...

手卷:
軟殼蟹,紫菜太淋,軟殼蟹無味.軍艦:
海膽,這個雖然是最回本位,最弊有怪味,第一輪叫的還可,第二輪有臭味,所以就算可以回本也沒有再叫第二輪了.壽司:
三文魚,海膽三色花,鵝肝帶子,黑松露油甘魚,海膽赤蝦,帆立貝,火炙三文魚腩,蟹膏伴皇帝蟹..其中鵝肝帶子和帆立貝最為美味,最差係蟹膏伴皇帝蟹,條蟹柳真係好乾又無味,正式大而無檔,可以不叫...其它質素平平,飯有少許醋味,也唔易散.前菜:

泰式鳯爪:對於不吃辣的我而言,感覺上太辣,如果吃得辣相信覺得滋味

日本溫泉蛋:溫泉蛋整到流心效果,有蛋香,配埋個汁唔錯

沙律:意式黑松露帶子沙律,帶子鮮甜,菜新鮮,汁夠酸,很開胃三文魚皮漬:有大魚子加魚皮,好吃..只是汁略甜

一品料理:蒜片炒牛柳粒:上枱時己微暖,牛肉無牛味,蒜片香味也沒有...非常平平無奇一道菜式,可以不吃..蒜茸露荀炒珊瑚蚌:

雖然無乜蒜茸味.不過露荀和珊瑚蚌好吃,所以叫了兩次...推介

黃咖喱炒蟹:黃咖喱夠辣,好味..如果有蒜茸包更好...或加一碗白飯美味之極.可惜主角蟹霉左...鍋物:
極尚餛吞雞鍋:好多食評話OK,我飲過又覺得幾差,只是有少少味道,是水加鹹果種,雞又黑漆漆,一定唔會食,最喜歡入面有豆腐,只是份量太小吧!

雪花牛肉鍋:
鍋的牛肉約4片,完全無牛肉味,飽的話可以不吃天婦羅:
只點了南瓜和蝦:因為凍左關係,己經不脆,淋晒,蝦又唔夠新鮮彈牙.南瓜味道倒不錯...炸物:
芝士年糕:外皮軟軟,芝士味香濃,推介..如果可以熱D更加好....

燒物:
鹽燒牛舌:太薄加太凍,加有蘇味,唔好食

鹽燒雞翼:味道正常鹽燒雞軟骨:燒得太乾身了...又凍鹽燒海蝦:這個燒得不錯,蝦也夠味道,叫左兩次

鹽燒多春魚:勁細條,BB咁...同埋唔夠鹽味...味淡

燒香草羊鞍:無羊味.燒得太乾,無汁.北海道帆立貝:醬汁太多太濃,蓋晒帆立貝的味道燒日本蕃薯仔:薯蕃香甜,好吃..燒有機菠蘿:燒得唔夠耐,可以再燒耐D更好...菠蘿甜甜酸酸,好吃甜品:

每人一個哈根大師雪糕,味道選擇也算多,無乜特別唔提...最想講的係所有甜品包括馬卡龍,無一樣野入得口,馬卡龍太甜兼瞌埋眼食都應該估唔到甚麼味...至於那件細細件蛋糕仔真的唔食也唔會可惜...如果無心機整或者唔請個好師傅整的話可以Cut左它都無所謂,,既然食同整那個都受難,更加無謂浪費食物..

總結:有兩個半鐘食,時間夠...刺身算新鮮,壽司也不錯,最差係熟食同甜品,前者不夠熱,甜品直頭唔知想點..如果用258(未加一)我又唔覺得特別好食...只係己服務取勝...所以我沒有去吃的衝動...

今日路經白田購物中心，知道附近有間林記，自製魚蓉燒賣很出名的，於是去買了一串魚蓉燒賣加一串咖哩魚蛋，魚蓉燒賣一串有五粒，五元，即一元一粒，可能比起其它地方貴，但魚蓉燒賣全是人手製造，現在很小地方可以食到，燒賣外型大小適中，皮很薄，有很香的魚肉味，非常好味，而魚旦四元有五小粒，味道一般，唔特別，依度仲有好多其它小食，但由於之前已經食飽，惟有下次再試，最欣賞依度就是有位可以比客人坐下來慢慢食。

今天很熱，經開歇腳亭，買杯飲品來解渴，平時飲慣了珍珠奶茶，覺得不錯，今次想轉下口味，終於是買了珍珠奶綠，但茶味唔夠，可以香濃D，而珍珠可以再烚淋一點，今次一個人飲所以買中杯算了，但原來中杯的份量較小，下次一定要買大杯才可以解渴。服務方面:店員做野頗慢，如果下次可以快D更理想。

在藍田掃完貨已經2:00,於是去食午茶，依間餐廳其實之前已經來過，食物唔差。今次吃了芝士蒜茸厚多土，蜜糖雞翼餐，有2隻雞翼，餐飲飲了熱朱古力。這份餐才22元。芝士蒜茸多士焗得唔錯，夠熱，芝士唔會太乾，有濃濃的芝士味，雞翼也有很香的蜜糖味，一樣焗得唔乾，熱朱古力也沖得很濃。食物味道很好，但服務只是一般，不過用咁平既價錢食到如此的食物質素真的非常好。下次必定再會來的。

經開九龍灣，一定要試下炸雞脾，去到見到都好人在堂食，沒有位，於是外賣到附近公園吃，知道依度D炸雞脾好出名，當然一試，叫了B餐，有炸雞脾同火腿三文治加汽水，等左5分鐘好快有得食，不過隻雞脾晤夠熱，但肉都好滑，至於火腿三文治就好普通，不過只需要23元真係好便宜。

每次經過滙景商場都必定要來食章魚小丸子，此店的章魚小丸子特別大粒，老闆雖然一早已經燒好了一至兩份，但食時仍然感到微暖，丸子內有很多椰菜和章魚，十分足料，粉漿也開得好，食落又不會覺得太粉，老闆每次也會問清楚客人要唔要沙律醬，非常細心，還有每次也在章魚小丸子放上很多紫菜，非常美味，15元仲有6粒大大粒的章魚小丸子，真的非常抵食呢！

一向去開牛頭角譚仔吃的,但見屋企附近開了一間新的,滿心歡喜入座.由於過了2點,午餐高峰期己過,不用等位己可以入座

坐底己揀了要過橋火線$48同蒜泥白肉(小)$23..等了15分鐘米線先上.嘩,個碗湯好大碗,最弊D料小到不尋常,只有火腿最多,豬潤,丸,豆卜小也算.最過份連米線也只有一個小碗的米線.1個人食都唔飽,2個人食更難飽...還有,個湯底勁鹹,食完勁口喝...

最過份的事係行出門口望下個牌時發現過橋米線材料俾人刻扣左雞肉同腐皮.唔止我係咁,隔離枱兩位太太也話俾小左丸,話係第二到食都無咁小的,後來個店員問廚房,先話係俾小左粒

唔同我同講新開張所以情況混亂,乜唔係開鋪之前己經知道每碗米線配菜的份量...新開就可以俾小d野人食,咁價錢又可唔可以減番呢??

蒜泥白肉,份量也足夠...很喜歡滿滿的蒜茸,配上白肉味道也不錯...

總括來說,我覺得俾咁的價錢唔值...暫時也唔會再去住,遲D再去食睇下有無改善...

跟好耐無見的舊同事見面,麻煩她幫忙訂位.由於是星期五可能人多吧!限時個半鐘便要交枱
由於只有兩個人,所以只點了兩樣食物.燒雜菌沙律.意大利陳醋汁.脆洋蔥焗芝士通心粉.
燒雜菌沙律選了半份.材料冬菇,金菇,秀珍菇,蕃茄乾,菜是羅馬生菜,新鮮爽口.汁是意大利陳醋汁,帶點點酸味,如果陳醋汁可以多點更加理想.
芝士通心粉上桌時熱辣辣,只是芝士味對於喜愛芝士的我來說唔味香濃,喜歡它汁多,份量也足夠.
環境:都幾清靜,幾適合傾計
服務不錯…食完之後待應會問下你食物如何..我都只係答了OK