開張不久時吃過一次生龍,發覺味道也不錯.今次再跟妹妹一同來到吃下午茶.她點了牛脷麵,我點了雲吞麵配熱杏霜.哈哈,人家叫清湯腩,理應叫牛腩.不過,我還是喜歡吃雲吞麵.清湯腩留待下次再試
雲吞麵送來時雲吞全部是在麵底下的,由於要影相所以令一粒深面.的雲吞大約有五粒.皮夠滑,蝦和豬肉粉量唔多,因為雲吞是細粒,不是現在時興的大大粒.麵夠彈牙,鹼水味也唔重.只是麵的份量唔算太多,食完唔夠飽.湯唔太飲得出有大地魚,羅漢果的味道.湯底要加把勁..配麵的杏霜是淡的,如同水,下次還是叫其它飲品.
試了妹妹叫的牛脷,牛脷整得夠淋,軟滑,,份量也唔少,甚至比起雲吞好吃呢

好耐無去過PRET吃午餐了.原本打算買回公司吃,見人少少就坐低吃.嘩,一望餐的選擇好驚喜,發覺39元的餐也好多選擇.有好多包和沙律選擇,仲有甜品.最多我選了在雪櫃入面的三文魚三文治,然後交給店員代為烘熱.飲品要了凍檸茶,甜品要了吉士布丁,唔夠滑和香
三文治烘過很脆口,配料有蘿蔔,洋蔥和三文魚配沙律醬很開胃.跟同事交換了的半份小龍蝦卷.小龍蝦鮮甜,份量很多.吉士布丁麻麻地,唔夠滑.檸檬茶正常無乜特別.這份餐食完都夠飽

終於可以去哈豆吃午餐了….由於坐位比較窄的關係,最後交由同事代買.上次吃過牛腩,今次改改口味,試了醬汁豬軟骨便檔$34,配肉燥,鹵蛋和時菜,醬瓜和飲品… 買完票,等店員送上便檔.由於上次食時覺得飯份量偏小,於是今次特別吩咐飯要加大.點知送來時飯是沒有加大.沒有加大便算吧!(朋友的飯有加大,看相便看到分別了)豬軟骨無乜味道,飯也煮得過淋. 鹵蛋同樣唔夠入味.肉燥也很小,幸好今次醬瓜很好味. 跟同事交換了雞腿,雞腿今次無乜味,幸好尚算滑溜.同樣地兩款飯也唔夠汁..下次必定要叫多汁才可 飲品選了哈豆珍珠奶綠,加了$2要珍珠,珍珠好煙靭.唔會過淋.由於唔係用奶精開,所以好香豆味,好喝 唔明為何食飯都唔俾筷子,只俾匙.如果要筷子又要出去自取.自取唔係問題,只是有時坐太入,根本無可能有位出去拎,這點真的要注意

家姐快將生日,由她拍板到這裏吃生日飯.家姐和姐夫未夠6點便到來取飛等位.六點零五分店員帶我們去店子就坐.由於枱太細,所以掂員姐姐問我們轉唔轉第二個鋪位會坐舒服點,最後我們轉左去第二間鋪,位確是大一點,坐得比較舒適
未說食物之先,首先要提提大家此店不會供應任何免費茶或水,如果口喝怎辦,那請光顧此店的飲品,包括樽裝蒸餾水,汽水或啤酒,價格由9元至23元.
說回食品,由於家姐想吃雞煲才到這兒,所以選了隨變麻辣雞煲一隻$168,點了小辣,由於我們全家也不太吃得辣,這個雞煲的小辣相對而言便太辣了..雞的份量也頗多,只是雞肉太鞋口,又太瘦,雞味也欠奉,不太理想,家姐也不喜歡太多汁的雞煲.
吃完雞煲便點了火煱料.
特級美國雪花肥牛$118,牛肉色澤均勻,望落去對版,只是吃下去覺得肉偏瘦,脂肪唔夠,牛肉味也不濃..
千千圈(豬大腸)$48,店員教放在湯內滾20分鐘便可吃,有兩款辣粉點,我只是齋吃,豬大腸洗得乾淨,無異味.
新鮮有膏鵝腸$45,這個不是太特別,也吃不出鮮味
中山脆鯇片$38,真的很脆,份量也很多
鮮豬肺$38,這個是家姐最愛,份量也夠多,吸入湯更添美味
天使米粉$18,很搵笨,因為只是包裝米粉份量,也吃不出有甚麼特別…千祈唔好叫,除非你真是非吃不可
合時時疏$20,點了娃娃菜,如果吃得辣,點這個很好
真係棍打牛筋丸$45,牛筋丸彈牙,只是肉味不太濃
海膽流沙丸$42.海膽丸無乜特別,正常水準.
芝士腸$20,吃得出是金字牌腸仔.
魚皮餃肉好鹹,不好吃
日本蟹柳$39,這個說是日本蟹柳,但淥幾下面層紅色皮即甩,相信唔係貴價日本蟹柳,味道也普通
响玲卷$20,一份五件,响玲炸得香脆,點湯好吃
總括來說雞煲唔算特別,火鍋料比較出色,食得出唔係便宜貨,只是來這裏的目的是吃雞煲,所以有點失望了.所以也沒有再吃的慾望了
服務:有漏單的,問題唔嚴重,店員服務勤快有禮..價錢:5個人吃了$733

同事8月份生日,於是跟另一位同事請壽星女食飯慶祝.地點是壽星女選的.放工後一點準時到達.由於趕時間關係,所以立刻叫食物.見餐牌個樣幾吸引,是次選了紅酒燴牛肋條$78,未來之前滿心期待,以為會好好味,點知來到極度失望,牛肋條好蘇,份量多也不太想吃,紅酒也完全無味.失敗之作.
是日餐湯是南瓜湯,雖然打得夠滑和厚,可惜沒有南瓜味,挺失望.餐包微暖,夠乾軟熟唔差..飲品點了熱朱古力,夠味唔會話似水…
甜品竟然係哈蜜瓜,都幾驚喜
總括來說味道唔算好,由於訂了位有幾位坐,所以坐得都幾舒服.不過,如果俾我選擇的話,我不會到此吃飯
由於出示公司員工證可以免加一

由於要去譽港灣取藍精靈禮物,所以就去了新蒲崗,由於想不到吃甚麼,最後去了八方雲集…記憶無去過八方雲集堂食,今次係第一次.
坐低差唔多兩點半,由於無留心睇下午茶時間,所以問下待應姐姐幾點開始,原來是兩點半.於是妹妹吃了下午茶$24,有麵線一碗,豆漿一杯和三件招牌鍋貼…而我就吃了一個餐飲$36,有紅油抄手,酸辣湯麵和豆漿一杯
豆漿先到,夠豆味也唔算甜,仲要夠凍,好喝.紅油抄手我不吃辣,所以要了珍珠乾抺餛飩…鼓油勁鹹,下次要點小鼓油.有6小粒後抵吃,餛飩皮夠薄.肉太淋,無乜鮮味,肉汁唔小,只是唔夠熱..酸辣湯麵的酸辣湯好稀,有木耳,金菇,幾件肉粒,雖然料多,也唔夠味,包括酸辣味唔夠,淡茂茂.麵似上海幼麵,煮得太淋,到最後D湯係變左淡水..
妹妹的麵線,我吃了一點點,弊病也唔夠熱,大腸洗得淨乾,但不知為何吃完口有點乾.鍋貼煎得夠脆又是唔夠熱,麻麻地..
我覺得今餐唔算貴,只是味道唔算出色….也有唔夠熱的弊病,如果改善的話會更好..

約了同事食午餐.由於要由觀塘出發,去到灣仔己經一點半.而這個半自助午餐是由十二點半開始,結束時間是兩點半,所以只可以吃一個鐘.由於時間緊迫,一去到便出去望下有甚麼好吃…
我和同事選了湯和沙律任食的$88再加10%.出面的沙律有菜,粟米,生果.白磨菇,德國腸還有好多唔同的麵包…粉類有己撈好的蝴蝶粉,還有好快就唔見了的螺…
最後取了麵包,磨菇沙律菜,我最愛的牛仔腸.沙律菜新鮮.洗得乾淨…德國腸煎得夠火路很香口,至於磨菇無煮過生生地,我唔太鐘意…
湯只有一個選擇,是紅蘿白洋蔥仔腸…湯夠CREAMY,夠熱.只是加了腸仔酸酸味不太喜歡..
甜品是每人一款,原本有黑森林蛋糕,由於去到太遲關係,到我吃時己沒有了,後來換了法式布甸…布甸很幼滑,又唔太甜啱啱好,我很喜歡…
餐飲一杯,要了檸水,正正常常
我覺得這個半自助餐都好抵.除了我吃這個餐外.仲有可選意粉扒類.可是,我怕太飽,最後只選了這個有湯和沙律的自助餐
這兒服務也不錯,收碟快.在臨收沙律前己有提醒收快取,唔會因為夠鐘就收埋.讚
雖然地方遠了點,如果有機會都會再來….不過,會早點來,因為太遲的話好多食物己沒有了

應承了請朋友吃生日飯,由於事忙,過了三個月才抽空請她吃,真的十分抱歉.由於上年跟她吃過一次這兒,她很喜歡,於是今次她也要求到此,既然朋友想吃沒有所謂吧

一點十五分左右取票等位,剛到時看見很多人等位,以為今天會有多人吃,幸好等了半小時便可以入座,而且,入座後也尚有不少位子,所以過了兩點左右應該不用等位呢

說回食物,由於今天是有限時的90分鐘吃98元任食放題,應該不會太多時間.所以吃一碟肉便算了,吃了最便宜63元的澳洲殼飼牛..牛肉有數片.不過,完全沒有味道的.幸好肉質尚算嫩滑.今次叫的骨膠原雞湯也太鹹了..除了牛肉還可以吃丸子,丸子特別特介南瓜餅和芋頭丸,兩款也同樣好吃..芝士腸唔好食,有蘇味.還有,超甜粟米,每次也要吃兩三件才滿足...當然滑滑豆腐也很得我心呢

今次不滿意的地方是:添加食物太慢,想添芋頭丸和南瓜餅足足行了三次先可以取回.還有,是乳酪雪糕在三點左右製冷中,要等了15分鐘才可去吃,但未吃完便被店員催促離座時間到,一心想吃多杯乳酪也不可以..不過,就算店員不催促,也不可以再吃一杯了,因為新製的乳酪太水,根本沒有質感.對於只可吃一杯水水的乳酪的我,心裏實在不是味兒

值得一讚地方還是整潔....並沒有因為開耐了而污糟...所以吃得很放心

服務:今次收碟和斟湯也主動了,值得一讚

前陣子妹妹看見網站有團購,仲講到獨家做團賺好抵食咁.望過下D食物覺得OK,加上媽媽生日的大日子有得訂枱,於是就訂了這兒作為媽媽生日飯的地方...

6時左右便到達,由於之前未來過吃自助餐,所以根本唔識地理位置,只好取出團購COUPON給酒店員工,他帶我們去搭電梯,說到一樓出便是了.一出到電梯有古怪..點解同平日食自助餐地方唔同的,原來是安排了去宴會廳吃..入到去時感覺怪怪的,因為未試過是這般吃自助餐呢

由於早到關係,唔算太多人.第一件事去取生蠔,龍蝦仔,青口,蝦和螺...基本上除了生蠔我覺得OK外,螺是好吃外,其它的都好一般,無乜味道的

至於沙律,有羅馬生菜,紅葉生菜,薯仔沙律,蘋果菠蘿沙律,車厘子茄,粟米雜椒沙律,煙香早三文魚,翠綠鮑魚雪耳沙律部份沒有吃,因為某些沙律可能太耐無人食,有生水情況出現,我怕肚痛,所以都係望下算數.不過,我有吃翠緣鮑魚雪耳沙律,雪耳爽口,可惜唔夠凍....煙三文魚都OK,如果再肥美D更好

湯是日老火湯,都唔知乜湯,因為你完全唔覺得飲緊湯,似係水加鹽,我的妹子還說似煲完雲吞的水,無言..至於意大利雜菜湯,無飲,只因本人一向對紅湯沒有興趣..

日式:雜錦魚生有8款:我記得的有甜蛋,蟹柳,三文魚,吞拿魚,鯛魚,魷魚,赤貝等>>只吃了三文魚和魷魚加赤貝,三文魚切到太厚,無乜質感,又唔夠肥美.魷魚有極大腥味,赤貝個色好怪,又唔夠爽口,刺身平平.原本我以為沒有壽司,妹子提醒你可以叫切壽司的師傅幫你整..

日式小食:吃了螺肉和八爪魚,我覺得唔好食,太鹹..螺肉仲有D腥味....

泰國:有泰式柚子蝦沙律,泰式香辣鳯爪,紅咖喱鴨,泰式麵檔,泰式青木瓜沙律,青咖喱豬扒,泰式菠蘿炒飯..我只吃了鳯爪和柚子蝦沙律..鳯爪唔夠入味.柚子蝦的沙律唔夠凍,柚子有點苦,蝦無乜味,後期剩番齋柚子無再REFILL過了

韓國有韓式泡菜,人蔘雞湯,韓式烤肉,蘿蔔炆牛肋骨條...我只吃了蘿蔔炆牛肋骨條,味道唔差,牛肋骨炆得鬆化...

有越色和印度食品,無部無興趣,不評論...

港式也有11 款的.有咖喱魚旦,D魚旦好死實又唔夠味,其實呢味餸整得好食唔難架,唔明點解可以難食囉!五香脆炸豆腐就咸左小小...花菇扒時蔬即係小棠菜加花菇,正常...雜錦點心,望見個樣己經唔想食,所以無乜特別印像...因為本人一向對熱盤麻麻,所以無乜點食.不過,屋企人意見係唔夠熱,有D只係暖有D仲凍架添,但係野食夠味的....如果熱D好好多

中國有口水雞,川辣青瓜,蒜香雞腎,上海小籠包,四川回鍋肉,上海粗少麵,川辣水煮牛肉,川椒蟹.只吃了雞腎青瓜和上海小籠包,只係覺得小籠包D皮太厚肉太實又無味,最重要小籠包的神隨湯汁完全欠奉..

燒牛肉:是由廚師切的,我取了兩次,兩次都切得太薄,個廚師實在太孤寒,切厚小小都得,D汁又落鬼咁小,激死..屋企人見到覺得肉太生,我又覺得OK,肉味唔太有,但對於愛吃牛的我有得吃己很滿足

甜品我真係無乜得好寫,因為只吃了小小,同埋因為每款出得一次關係,真係要去搶食架.由於太飽同埋食過小小甜品覺得無乜特別,所以都費事去搶.

雪糕:是細杯裝雀巢,味道三款,係乜味無留意,因為本人吃自助餐是不太愛吃雪糕,所以甚麼牌子也沒所謂

有生果的,印像中有西瓜,仲有火龍果,因為無點食,唔評論

由於沒有餐飯,但有一位待應姐姐推住架餐車SELL V8罐裝飲品,10元有5罐都真係超抵,飲唔晒都可以拎走,味道有2款,但個姐姐只俾左一款我地...是旦啦!有得飲就算費事煩

待應唔算少,但執碟又唔見得好快,有改善空間.叫人填意見表又離奇在唔放低筆,唔通假設人人都有筆,因為換左手袋關係係無放到筆,最後只要左coupon無填意見表

七折後每位$328,再加1,每人再加多半2元飲品,合共362.8.

今天放假和姐姐去了吃下午茶,看見門外也有人等位.幸好很多人可能是吃午餐,所以很快便到我們了.這間餐廳有個好處,可以選擇搭唔搭枱,雖然揀左唔搭枱,都好快有位....

實在太耐無去過這兒吃下午茶,所以取起餐牌研究了一會,最後選了西多四重奏$23,配了一杯熱杏霜.四重奏係有金銡,提子,牛油和楓蜜炸成的西多士,雖然全部係甜的.但配埋多士又啱啱好,唔會話太甜.熱杏霜開得太稀,完全沒有味道,所以喝了兩三口便放棄了

姐姐叫了巴馬臣芝士火腿焗長通粉$29,由於焗的關係等了一陣子才到.上桌的時候,通粉還是很熱的,長通粉沒有煮得過淋,所以都幾有咬口,芝士有下得頗多,正合吾意.至於火腿份量本人認為偏多,相反蔬菜卻只有矮瓜一小件.如可加多些蔬菜會比較健康,雖然是下午茶份量也頗多,適合二人叫一個Share....

服務:由於人多的關係,所以找服務員有點困難...