尋晚參加老豆前老闆個女既婚禮...
地方偏僻不過會場幾靚...
好在可以係德福廣場坐免費穿梭巴士去 EMAX...

12人坐一圍...d 位坐落都幾逼下...
最搞笑係有好多人都會放件外套係椅背度...
正常情況都會有個野笠住件外套...但唔係張張檯有亦唔係個個有...
好似我地圍檯咁...有5-6人都放件外套係椅背度...
但只有2-3人張椅背有野笠住件外套...好奇怪...

食物既次序同名稱唔係好記得啦...不過 d 野食偏咸...
★ 乳豬 ~ 都幾肥下...每人分到兩片
★ 咩雞皇翅 ~ 好鬼咸...我果碗食到最後發現一隻蚊仔...
★ 海班 ~ 唔識形容...應該係蒸得太耐...d 肉老晒...
★ 鮑魚 ~ 成晚最好食...
★ 帶子珊瑚蚌 ~ 都唔錯 ~ 個珊瑚蚌幾爽...
★ 蒸瑤柱唔記得咩瓜配小唐菜 ~ 都 ok 既...
★ 炸雞 ~ 又係好鬼咸...
★ 伊麵 / 炒飯 ~ 例牌一定有...
★ 桂花糕 & 心心棉花糖 ~ 桂花糕幾清甜...不過好凍...棉花糖好甜...
★ 紅豆沙 ~ 幾足料...
★ 水果...一人一粒新奇士橙...

負責我地圍既 waiter 哥哥最後酙茶時...
拎漏我同我媽兩隻杯...
到佢行埋來酙茶話「乜你地冇杯既?!」
我媽答「你都冇拎來?!」
跟住 waiter 哥哥好快拎返兩隻杯來...
再講「好 ~ 補返兩隻杯」
我地圍檯呢個 waiter 哥哥好忙架...要忙住開菓汁先生酙落 d 一渣渣度...

首先去「味壽司」食個 lunch ~ 位置係始創中心後面 ~
招牌極之唔明顯 ~ 諗住唔會咁多人 ~ 點知又唔係 ~
仲要上樓坐 order 檯 ~ 起初要搭檯之後我地又換檯 ~
燈光唔夠光 ~ 坐位又幾逼下 ~ 好快就收 menu ~
好在唔係坐樓下迴轉檯 ~ 否則逼死又食到趕頭趕命 ~

我地都冇叫太多 ~ 因為好似一客有三件 ~
★ 三文魚 sushi ~ 例牌一定叫架啦 ~ 厚身過元氣囉 ~
★ 媽媽魚 sushi ~ 食完好腥啊 ~ 頂唔住朕味 ~
★ 海松貝 sushi & 馬刀貝 sushi ~ 幾爽口 ~ 因為一齊上檯所以唔識分兩款貝 ~
★ 鱆紅魚 sushi ~ 幾好 ~ 都幾鮮丫 ~
★ 蟹籽 sushi ~ d 蟹籽多到成舊都放唔落口 ~
★ 蟹籽沙律 ~ 加左生菜麻麻地好食 ~
d 壽司飯好似落太少壽司醋 ~ 不過好在舊飯細細舊 ~
食完冇再安可 ~ 埋單走人 ~ 每人都五十幾蚊 ~

食完 lunch 本來想去就近太子間糖百府...
但唔係太識路所以都係去返廣華街糖百府...

同朋友一人一個冰...
★ 胚芽好立克冰 + 粟米片+ 煉奶 + 荔枝魔豆
好立克冰加埋粟米片真係好似食緊早餐...而荔枝魔豆好鬼甜...
魔豆口感好似食緊三文魚子咁...形狀又似水晶寶寶...
一咬就爆開...味道偏甜...

★ 杏仁冰 + 胚芽 + 煉奶 + 雞蛋布丁粒
朋友食杏仁冰我冇試咩味...不過雞蛋布丁粒少得可憐...
而且味道唔係好似雞蛋布丁味...

佢地個 menu 唔同左...但好似價錢都有ｄ唔同咁既?!
定係我錯覺?!

下晝五點幾
經過「甜品革命」入面一個客都冇
決定入去試一試好有名既椰果子

★ 栗子椰果子 $38
★ 焦糖布丁椰果子 $38

☆ 生果配兩片西瓜
☆ 焦糖布丁幾幼滑

我唔知焦糖布丁咩叫好食
我淨係知布丁入面冇洞洞應該都叫唔錯啦
味道應該都係果種味
不過配上椰果子幾O岩味

如果佢個門面可以明顯 D 就好啦

上次來撞正間舖休息...
呢次都於可以來幫襯啦...

★ 朱古力味+黑糖寒天+玫瑰珍珠+海藻珠
海藻珠細細粒...咬落去好爽口
玫瑰珍珠幾 "煙 un"...不過冇味架

★ 芋香味+芒果星星果+蘆薈粒+綠豆
見唔到有芒果星星姐...好似冇加落去...

★ 芝麻豆腐味+蘆薈粒+焦糖布丁+黑糖寒天
★ 芒果脆脆卷
外脆內軟及外熱內凍...入面舊芒果凍到飛起...
好食係好食...但就敏感牙齒幾怕怕...

d 坐位比較迫...不過價錢夠大眾化...
但都係覺得質感唔夠輕...始終係綿綿冰唔係雪花冰...

第一次食赤丸　入面得一兩張檯食緊野
完全睇唔出有幾受歡迎　屯門店睇落冷冷清清
下午茶餐兼免加一　我記得赤丸幾出名所以揀左呢間食

一行三人叫左三個下午茶餐
★迷你烏冬拼雞肉淮山飯團 x 2
飯團一拎起好快散晒～冇咁"實淨"

★咩野菌奄列蛋飯拼甜品 (芒果布丁)
個奄列蛋整得幾靚～

★加 $11 關東煮任揀四款
最鐘意食年糕袋～

結果侍應竟然上錯菜　來左三個烏冬餐
咁梗係要問下咩事啦　可能係新手啦
多左果個烏冬本來俾個侍應拎走
之後我玩玩下咁講「如果你送俾我食我唔拘架」
估唔到真係俾我食　唔計錢～因為個侍應落錯單
好在有食埋個烏冬落肚　個奄列飯等左好耐先有得食
至於所謂既芒果布丁只不過係普通出面買果ｄ$10/6個布丁仔
三個餐加埋只不過 $79 又免加一　算數　不過屯門赤丸店冇下次

其實一直以來都好鐘意食「別府」～
不過係屯門呢間次次睇親都係劣評多過好評～
唔知點解呢～我又次次去親食野無論侍應服務同態度都幾好～

今晚難得 family day 所以決定去豪一餐～
★牛肉火鍋 (木魚湯底)～d 材料都幾多～最好要求再加火～
冬菇、白菜、獅子狗、豆腐、烏冬、牛肉、金菇、蛋、魚蛋片(咬口似魚蛋)

★吉列蝦餅
幾迷你既 size～不過上檯熱辣辣幾好味

★三文魚刺身(5片) +$10 多一客 = $48
切得幾厚身～加 $10 多一客都算抵架啦

★牡丹蝦刺身(1隻) +8 多一隻 = $48
原價一隻 $32～而家 total $48 2 隻都算 okay 架啦～
而且媽媽發揮師奶本色～兩隻牡丹蝦頭唔好o徒～
擲埋落火鍋入面一齊煮～個湯加埋兩隻牡丹蝦頭之後個湯底更加好味～

★鰻魚小卷
呢個就要彈一彈啦～
一夾起ｄ飯同紫菜根本散晒～有相為證架！

侍應服務就唔錯～成日走埋來加水～
所有 sushi 均有 8折～都算抵食～只係款式普通ｄ～

次次行過臺北站都鬼咁多人～
都唔知係真係好飲定係慕名而等～

所以今次自己都去買杯來飲～
★榛果奶茶～ $10 再加 $3 細珍珠

服務員招呼幾好～問要唔要加珍珠～
仲問要大粒定細粒～大粒就 normal size (平時食開果ｄ)

即叫即整～需時等候～拎上手飲都唔錯～
不過好鬼多冰～天氣咁凍唔知可唔可以走冰呢？
而奶茶味道我覺得o岩o岩好～加埋 d 細珍珠幾得意～

即使長長的人龍也無損我想吃甜品的興致...
因為唔係我去買...XD

★杯芽好立克鮮奶布丁～好驚喜既味道！仲好過飲好立克！
★榴槤鮮奶布丁～雖然有少量榴槤肉...但味道不及好立克味！
★石板街千層班戟～有果仁粒有棉花糖...都唔算好漏！

第一次係呢度買甜品返來食...
都唔錯...以後唔洗再成日去許留山囉...

下次想試埋其他口味！

一路以來都好中意食許留山既所謂甜品...
連媽媽挷會買龜苓膏優惠券一套...
最初食多芒小丸子由 $23 食到而家加價到 $27...
區區價錢都有所出入...只不過連屯門都加價到 $27 真係覺得幾貴...

好在每次都有 d 一至五優惠...
咁媽媽叫左個楊枝金露水果撈...
我就試新野...叫左芒果流心 $13 and 水蜜桃流心 $13...
流心系列其實就係布丁囉...入面講真真係唔太流心...話就話係乳酸流心...
但一切開都幾 "實淨" 冇咩野流出來...至於味道呢...
水蜜桃偏甜...好似食糖ｄ味咁；芒果直頭冇味...但芒果肉加到分...

所以話呢試新野未必好食既...而許留山都好似越來越貴囉...