話說睇完醫生落去葵芳搵野食...點知撞正 LUNCH 時間...
行來行去間間舖鬼咁多人...結果走去葵痛廣場搵野食...
3/F 有間農家意粉...見個舖名諗一諗唔通意粉好出名...???
所以入去一試...入到去燈光都幾暗喎...而且仲有其他產品售賣...
睇下套餐 MENU 原來係手寫架...都幾特別喎...又分類豬牛雞肉類...
因為我同家人一齊入去食...所以叫左三個飯...
我：白汁豬肉腸拼龍脷意粉 ~~ 羅宋湯
媽：咩午餐6號 ~ 唔記得咩牛肉粒牛脷飯 ~~ 羅宋湯
爹：紅酒牛脷飯 ~ 忌廉雞湯
唯獨冇叫野飲...因為凍飲熱飲都要另加錢...好似 $3-4 左右...
羅宋湯幾多料喎...配蒜蓉包都 OK...浸埋落湯仲好快 "林"...
忌廉雞湯普普通通啦...冇咩驚喜...
我嫌 D 白汁味道淡左少少...舊龍脷就咸左少少...
所以需要一齊食先可以中和返咸淡味...略嫌意粉拎出來唔夠熱...
至於牛脷我冇試...紅酒牛脷飯略嫌 D 汁冇咩味...
不過整體來講 OK 既...而且老闆都幾親力親為丫...
我地食午餐....所以埋單 $114...價錢差唔多啦...

岩岩去食夜晚...叫左個二人套餐@$128
★麻辣魚腐米線: 雖然叫麻辣...但原來冇一樣野係辣架...咁就唔好叫麻辣啦...
★炸豬扒: 都幾炸喎...而且幾乾身...
★菜飯: 好少菜啊...味道淡...
★粉皮: 個醬汁好辣...(本身唔食得辣野)
★餃子: 好薄皮既餃子
★魚湯: 跟菜飯來既...但可惜我地差唔多食完先來到...
★另加$8 杯榨西瓜汁: 好稀既西瓜汁

呢次只不過食第二次...可能今晚食 dinner 比較早...
入到去得小貓三四檯食野咋...waiter 問幾位時我望兩望...
入面得一張檯食緊野...可能岩岩落完場開始夜晚掛...
好唔好食就見仁見智啦...我就覺得不過不失啦...
好多人都係俾門口好大個「八折」吸左入去...
入到去至知套餐冇八折...仲要加一...計落都唔多抵...
味道麻麻啦...之前食過都唔差架...乜而家...d 味變淡晒既??