深水埗要找上一間食兩三小時都唔會趕你走的食肆，非呢一間莫屬! 以前無數次經過都冇想過入去食野，偏偏有次想找個吹水地方，3條麻甩去完高登鴨記逛完街，好味大排檔要去到近石峽尾，火鍋去得多都悶，現時它已經成為我們晚上常去的食堂。

是晚星期五，敢說周圍都咁多人等位，個個趁weekend出動約人食飯。難得呢度有位唔駛等。環璄衛生係會給人唔清潔和混雜，始終平民食肆，所以我地以前都唔考慮，麻甩有咩接受唔到，試過就喜歡。

那裡分兩部份，近門口部份，是搭檯區，忘記還有咩分別。
入內係晚飯區，地方座位十分闊落。只有一位女待應招呼，自帶紅酒不收服務費(讚)，唔好接受她推介的晚飯套餐(選煎/蒸條魚+2/3/4款指定小菜)，細碟份量少，小菜款式唔多，相對價錢唔抵。

反而自已點菜，還有SO，價錢有$40-80不等，算大碟，味道和烹調OK，出菜時間約15分鐘。

昨晚都在創興搵野食，今天星期三試新野來這間，3位8:30PM，算快等佐一陣有位，地方闊落舒適，有兩部投射電視睇。
飲品冇啤酒(清酒要另外計錢買)，除汽水外，有菜蜜和麥茶(冷熱)。
先Order刺身，三文魚(肥美厚肉)，冇甜蝦()，只有虎蝦()，劍魚(好咸)，榮螺片(冇味)，八爪魚(咸)，冇鮑片和元貝。整理麻麻新鮮。
爐端燒，羊架(OK，order2次,可惜燶佐d)，海老串(等齊人先有，肉質麻麻)，燒魚骨腩(推介)，汁燒牛肋骨(order3條得1條出現，又漏單)，牛柳車厘茄串(寫佐紙2次都冇出現)，燒菠蘿(多汁Ok)，其他一般。
Order過雜茵牛肉鍋(一般)，海鮮粥和凍烏冬(OK)。
雖然甜品都係少，只有綠茶，芝麻和紅豆，勝在唔係杯上，而係一球球碗上。
坦白相比價錢和食物款式，我認為唔值。

平日星期二，2條友 Walk in 9:30PM，到達約幾分鐘有位，可惜兩位檯比較細， 向待應反映咁細檯放唔落要叫既食物，兩小時唔夠時間，部長回應會盡快清理食碟，結果未見理想。
環境Ok，先ORDER 刺身 有三文魚(新鮮堅挺)，鮑片(OK) ，榮螺(冇味)，細粒元具(OK)，有甜蝦和天使蝦(必食推介)，象拔蚌(Ok)， 希靈魚(咸咸地)， 刺身款式都算多。 天婦羅 蝦好味，必食羊架(外脆內林), 牛柳粒 (麻麻,有牛味)，壽司賣相麻麻(帶子/和牛)，牛乳鍋唔錯(湯底好味)，啤酒任飲(除藍冰，還有韓beer)，甜品只有細雪糕(朱古力，芝麻，芒果，雲尼拿)，其實還有個"棷汁炖蛋"(叫佐冇出現)。

唔好以為有魚送就會咁着數,點知食到一肚氣,我和屋企人食晚飯，來了個"法式龍蝦球"，我地

同聲食得出那個肉球都是似"蝦"多過似"龍蝦"，咁咪call個女部長問個明白，佢話呢個係"龍

蝦"肉，就算我們肯定呢個十足似"蝦餃"的味道，她竟沒有理就走佐! 跟住我地再找個經理投

訴，最後他試食後與我們解釋廚房說這真是"龍蝦"肉，幸好他肯取消這個餸，咁條氣都順D!

原來未完，第二單事件接種而來，之後我們點了一個"XX泡菜苗"，前後吹了兩次，最後我們

又試出它竟是一個值$48的浸薯苗，而我們係叫$58的菜苗，叫佐女部長，佢好唔負責咁

話"薯苗"咪即係"菜苗"的其中一種，話我地冇講要邊種"菜苗"，我真係好鬼嬲，呢個係甚麼服

務態度呀，我同佢講你有冇睇劉華廣告，知唔知今時今日的服務態度，唔係咁樣架，最後因

為爸爸叫息事寧人，我地才罷休，但真係好憤氣，一定要讓大家知道呢件事!