已經是連續三年的生日都品嚐意大利菜了，今次便是去尖沙咀阿士厘道的 La Taverna Ristorante Italiano。

本來這次生日飯，我是要求朋友請我到佐敦 DAP 吃的，可是不巧地當晚那兒有包場活動，所以朋友帶我到這裡吃飯。不過，我覺得食物的質素都很不錯。

既然食物還未送到，那麼不如先欣賞一下餐廳內的裝修吧。我覺得這裡很有懷舊的風味呢。

我們點了兩個 set dinner，set dinner 包括一碟頭盤、一碟主菜和一個甜品。

頭盤的其中一炮便是 Cozze Verdi della N. Zelenda，是由小蕃茄、大蒜、白酒和磨菇煮成的青口。(好味)

另外一碟便是 Lumache con aglio e Fungi，冬菇是以白酒、大蒜、牛油等煮成的。

而主菜也是叫了兩款，其中一款是 Risotto con Gambertti e Zucchini，是白汁鮮蝦意大利飯。意大利飯的飯粒，咬下去覺得飯粒中央是有少許硬的，不過我覺得這裡的飯，似乎是為了迎合香港人的口味，飯粒中央不是太硬，但吃下去卻會分辨到跟平時吃的飯的分別。另外白汁也混合了少許酒味，我覺得都很不錯。

另一道主菜是 Filetto di Cernia alla Livornese，是由白酒、檸檬汁等煮成的石斑塊，再加上西蘭花、薯仔和蕃茄仔作伴菜。對於我來說並不算很 impressive，不過我覺得都不差。

最後又怎少得甜品呢？其中一件是 Tiramisu。賣相都算不錯，只是我覺得酒味有點不足。

另一個甜品是我也忘記了是什麼味道的布甸。

這餐埋單大約是 $600 多元 (連加一)，其實我覺得都算合理啦。

我地一行二人, 揀左可以睇到大螢幕的四人座位坐低, 因為那位置會睇得較多間餐廳的間隔佈置。

我地一坐低無耐, 侍應就送黎好多麵包係我地面前, 咁我地就食麵包囉。

我地叫左「意大利雜菜湯」、「自製意大利粗麵伴鴨肉醬‧牛肝菌」、「自製意大利幼麵‧黑松露菌」、「自製意大利雲吞釀茄子‧芝士‧蕃茄汁 」，還有我們都喜歡吃的 Tiramisu。全部都係一份兩人 share。

雜菜湯味道好清, 唔似街邊個 d 所謂的雜菜湯咁濃味, 我覺得幾好。

我最鍾意都係意大利粗麵, 比一般的意粉粗身, 而且比較硬, 但係我好鍾意呢種質感, 好有彈力。

我覺得意大利幼麵‧黑松露菌的味道好怪, 好似酥酥地, 唔知係咪 d 上面的芝士粉的關係?

雲吞都幾好呀, 雲吞皮的厚度同埋軟硬都很適中。

Tiramisu 都好好味, 中間的餅做得好多好厚, 比起好多其他的 Tiramisu 更好, 但係我覺得酒味唔多夠, 而且又細件...

但係個日 lunch 同埋 tea 我都食到好飽, 否則我會要求叫多一碟野食~

張桌又擺左一支紅玫瑰, 環境都幾浪漫既~ 侍應的態度都很好, 不時都問我們仲有無野想叫, 不過後面的顧客比較嘈左 d。

埋單都唔過 $700, 以食物的質素都 reasonable 呀。

這間餐廳的佈置裝潢很優美，昏黃的吊燈、牆上的西洋掛畫、繡上花圖案的桌布、印有花的餐具、桌旁的蠟燭、還有窗外的夜景等，都為這間餐廳構成一幅很溫暖浪漫的環境。

除了溫暖，這間餐廳的老闆還很細心，他在為我們預留的桌子上，放上我的生日卡。

老闆娘送上火燄雪糕時，她還向我唱生日歌，很 Warm。

不過，剛巧那晚同時有一班人坐在一張大桌，令整個餐廳有點嘈吵。

我們剛到餐廳時，我和朋友被安排到近廚房的座位，後來近窗的客人走了，老闆娘便安排我們坐在哪兒，我覺得他們的服務都幾好呀。

都同意每碟菜的份量都很多，女生很難全部食晒呢。

我覺得最好味既就係火燄雪糕，被火燒過外面後，外面的 cream 暖暖的，裡面的芒果也是凍的，口感很特別。

我諗呢間餐廳的環境，都幾適合情侶在此談情既，如果好彩地沒有好大班人大聲講野既話。我都推介過俾朋友，他們去過都很讚！