係旺角食完LUNCH飽到嘔都要行黎呢度隊兩串, 咁多年都咁好食, 抵佢多人排.  以前我覺得佢好抵食, 依家雖然加左價但都還可以.

叫左生腸及雞腎, 爽口兼新鮮, 無得唔食la

二人來到這裡想食炸雞, 但炸雞無得叫半份, 一份嘅份量對兩個人來說太多了, 退而求其次叫午市套餐.

老公食牛肉定食 ($58), 佢用嘅牛肉似係打邊爐嘅肥牛, 醃得幾野味, 配菜亦多種類, 有椰菜沙津, Kimchi, 波菜, 芽菜, 著仔, 小形蛋卷, 半條腸及湯等, 都算均衡營飬, 味道不過不失.我叫嘅係雜錦石頭碢飯 ($68) 好大碗, 裡面有肥牛, 紫菜, 波菜, 芽菜, 蘿蔔絲及紅蘿蔔絲等, 撈埋韓式辣醤, 好好味.呢度午市套餐包一款汽水飲品, 任添.  除非係度打躉吹水, 否則對我呢D老人家黎講, 一杯就夠.

午市套餐抵食, 無加一! 之不過服務員就有點奇怪!  有位女待應都幾欣勤, 又不時留意我哋叫左嘅餐黎左未, 又幫我哋追單, 但佢講野超大聲, 不停罵其他待應落錯order (係non-stop 地講), 佢帶埋個仔返工(我贊成僱主比僱員帶小朋友返工的!) 但罵佢個仔係度打機, 唔做工課勁大聲, 唔理其他食客感受.  好嘈.   成個感覺唔似係韓國餐廳用膳.

叫左個焗豬排飯及午餐B嘅咖喱牛腩飯.

焗豬排飯黎到第一時間O左咀...點解又燶又醜樣嘅???!!!!!

本人知道係茶記要求換野係有好大風險的, 所以都係照食.  其實食落又幾好味, 醬汁夠晒味, 豬排又多, 無乜肥肉, 份量又夠另一個咖喱牛腩飯中規中距, 茶記嘅咖喱汁通常都無得輸, 唯一係D腩唔夠淋, 要用多點牙力咀嚼, 所以痴牙係度用餐最開心係見到有兩位待應伯伯滿載笑容的為食客服務

下午2時多, 等左25分鍾就有位, 算係快! 坐在二人位, 寬敞, 枱與枱之間亦闊.

叫左兩個沾麵, 我order左大size, 老公要加大, 兩個都係熱麵, 另加一份炸豬扖.  

個麵好快就上到枱, 見到實物先知原來係咁多, 有D後侮叫大size!!  

麵條比較粗, 裡面有兩片溥溥叉燒, 蛋及筍.  叉燒好鞋又咸唔好食, 筍都係好咸, 最咸就係個杰撻撻嘅湯!   我明白湯要杰先可以沾上麵上, 但太咸了, 感覺好膩, 吃了大半碗已投降!!最好食係個炸豬扖, 外層脆卜卜, 香口, 豬扖很諗身又易咬開, 沙津醬及醬油同時奉上, 算是體貼.此店試一次就夠, 如果要排半個鐘以上, 但用膳時間都係半個鐘左右的話, 真係要考慮係咪要排!

午膳時間呢度唔多人, 得幾個set menu 選擇, 買飛等叫number.

叫左個芝麻醬拌熱烏冬配煎餃, 附送麵豉湯及茶包, 熱水壺放係枱, 方便!

挪了自已嘅套餐, 心諗"中伏"! 芝麻醬勁多...夾起烏冬, 烏冬與烏冬之間被厚厚嘅芝麻醬包圍, 抖不過氣, 吃落口裡面只有芝麻醬味, 很膩嘅感覺喔!  我怕我嘅胃部負荷不了那些濃醬, 所以只吃半碗, 免得下午4,5點時肚子有飽飽濟濟既辛苦感覺.

至於糖心蛋及煎餃不過不失.

建議店員不用落太多芝麻醬, 或可另上醬油待客人自已下自已喜歡既份量.

三個女人仔行完美食博覽, 雙腿攰到爆之下, 再特登行落去灣仔道搵朋友提議嘅餐廳食個late lunch.  我哋為左食, 真係幾攰都無有怕!!

呢度好環保, lunch menu= order 紙, 食咩就咁tick就可以, 張menu 抺干淨又可以再用過.

至於枱櫈方面我覺得好細張, 可能呢度地方有限, D櫈似小學生櫈, 男士可能坐得無咁舒服. 三個女人叫左三個SET, 先上沙津, 一般般, 無特別.我嘅主菜係煙三文魚菠菜意大利飯 ($67), 飯質煙韌, 香口不太溜, 分量亦十足另外兩位女人仔叫左同一樣的, 豬肋排骨伴薯菜($70), 豬肋骨係半份嘅份量, 對女人仔來講都幾大份, 不過我哋胃口幾好, 全部都可以纖滅得晒, 豬肋骨醬汁野味再配炸薯角, 想唔熱氣都幾難喔! 最后加($4) 配杯咖啡再完美句號

平時幫襯開格離嘅茶木, 見呢間新開就試下, 呢度人唔算多, 可能新開, 但我一坐低就聞到好勁既油煙味, 我好怕D衫會有油煙味, 所以快快order, 食完走人

我叫左個 攬菜火鴨粒蝦仁炒飯, 約10分鐘左右就到, 聞到好香, 都算足料, 火鴨絲嘅皮脆卜卜, 應該係再返炸過, 所以特別野味, 份量十足, 略嫌炒飯太油, 吃了後幾個鐘都仲覺得好飽.

套餐包一杯飲品, 不過不失, 連加一$62

今日5大1細去食下午茶buffet, 原價$248+10%, 有member card 75折.

入到去, 聽到waiter 話今個星期起, 加左新款式食物, 擺設都唔同左, 叫其他員工留意.  哈哈我黎呢度食過好多次, 連我都覺多左唔同種類食物

呢度冷盤選擇有好多, 有cold cut, 三文治, 沙津, 芝士, 壽司等, 基本上多到我試唔晒, 要留反D胃口食其他野熱盤相對其他酒店既tea buffet較多, 有德國腸, 白汁意粉, 鴨胸, 雞翼, 串燒, Pizza, 燒買, 奶黃包, 炒菜, 炸魚, 魚蛋湯麵等等等等......款款都好味, 只是湯麵較為淡口, 不吸引如果你係嗜甜一族, 相信呢度能夠滿足到你, 因為佢呢個價錢, 環境, 味道比起其他同區酒店都來得出色, 有法式小點, 牛角酥, 酥皮提子包, Tiramisu, brownie, mousse cake, macaron, berry chesscake, pound cake pudding cake, waffle, ice-cream.......

推介呢度既牛角酥, 配咖啡一流!!我好滿意呢度嘅食物, 唯一一樣要挑剔的, 就是人手不足, 無人添水, 想找個服務員都好難.

同朋友到公司附近餐廳食lunch, 由於公司12:15就放飯, 所以上到去得一兩枱人, 仲可以影到靚相添!點了兩份lunch set, starter 我點了Caesar Salad, 雖然沙律普普通通, 得一款菜, 少少芝士及Bacon粒, 但生菜都幾新鮮朋友要了House salad, 呢份就colorful d, waitress 話house salad 加左d秘製醬汁, 朋友食完話好食除左兩個lunch set, 我哋額外叫左個stuffed Mushrooms ($68), 佢係將蟹肉攘入小蘑菇裡面, 再淋一層芝士焗.  蟹肉同蘑菇好合得來, 個芝士令到佢哋多一層口感, 好味! 朋友嘅main course 係 New Orleans Seafood bag ($138), 上枱時店員將藍色袋解開, 將裡面海鮮及配料倒到碟上裡面海鮮不多, 只有蝦, 魷魚, 墨魚, 螺, 蜆等等, 反而薯仔, 粟米及豬肉腸就好大舊. 朋友話呢個好味, 佢再order左杯Hayes Chardonnay($74) 白酒配呢個海鮮添呢個係我嘅Bacon & Mushroom Spaghitti ($88), 幾大份下, 又足了, 麵條比較淋身, 有少少港式口咪, 但醬汁不欺場, 有粒粒藩茄蓉, 洋蔥及basil.最後個lunch set 包左件小小嘅芝士蛋粒及咖啡(忘記拍照)

最近有點胖, 來個輕量午餐吧!

先來個煙三文魚中東捲!
中東捲外層烘得熱騰騰的, 薄薄的香脆可口. 裡面煙三文魚挺多, 少許鹹香及加了橄欖油, 食落唔乾, 有點喜出望外.隨便地叫左杯Mocha試試, 用玻璃杯上的! 呢個又係驚喜, 朱古力味好重, 飲落好滑又不會過甜, 最緊要係熱飲係要夠晒熱