今日喺深水埗行吓，見到呢間新開嘅越南餐廳 見到菜單價錢都合理，所以就黎試吓 今次叫咗一個湯河，－個撈檬，兩個小食！真係失望😮‍💨 火車頭河粉❌，河粉碎濕濕，湯頭無味，餸料老到好似柴皮咁。可能加咗底，湯汁一陣間就被河粉吸乾哂 傳統炸春卷⭕️，味道最好，味道正常，夾住生菜一齊食算係可口 豬扒撈檬❌，豬扒俾梳打粉拿度無晒肉味，成個感覺就好似食緊山竹牛肉咁 香茅雞翼❌，完全冇香茅味，只可以話夠熱係佢唯一特點 真係唔會再幫襯第二次

朋友有COUPON 所以去海港城試新餐廳
平時見呢間餐廳好多人排隊，OPENRICE 又多點贊，所以一心試吓呢間韓國餐廳
我地6點15 前巳經去排隊，好順利地6點45巳經可以入坐，當然未有坐到近窗邊，但起碼唔洗等太耐
整個入坐安排及侍應態度都非常良好 當日叫左以下食品，上菜速度超快，感覺係全部整定即叫即取果種 蒜香蜜糖炸雞 雞肉一個字乾，感覺同X大大雞扒既雞粒相同，醬汁好希，如同食滷水點酣咁，蒜香同蜜糖味薄弱。 三文魚子海膽忌廉醬烏冬 又一次食到唔新鮮海膽~! 馬糞海膽撇除海膽，呢個烏冬巳經係當日最出色既一碟 忌廉色好好味，但賣相俾俾人覺得係煮定好，收單就夾出黎

韓式湯鍋 呢個都無乜好講，唔熱。相有既料佢都喺晒個鍋入。除左唔熱之外，味度係正常
蕃薯條配柚子密醬 熱的味道都幾好，不過個醬汁偏酸，似係沙律醬比例偏多 肥納百川、藍紫泡泡、紅橙泡泡 飲品方面比食品出色，肥納百川味道與五兄弟MIKE SHAKE 一樣 (流質版)，而果茶汽水品質正常，無特別意見

諗住試吓新嘢！點知就中計 富臨集團餐廳！ 富臨集團餐廳！ CP值很低，價錢為60-100不等 睇吓你食乜！計埋加一，預計75-110左右 湯！磨菇湯，無味！磨菇應該係後加入去 完全無菇味 香草蝦意粉！味道一般，份量偏少 女同事反應話唔夠飽 卡邦尼意粉！正常常，偏水汪汪 味道正常 慢煮牛肉飯！同兩餸飯質素一樣 牛肉較硬，唔軟！汁好希，唯一有好感係用上珍珠米！ 侍應好有禮貌，服務態度Ok 坐位寬躺！ 飲品正常！熱咖啡會好少少 完！無下次

今次巳經是第三次黎珠江食晚飯
之前覺得味道都普普通通，都可以作為聚腳既好地方
雖然姐姐態度好好，但今次食物都不大符合期望
特列出以下菜式覺得大家可以落單前再三考慮

椒鹽鮮魷 - 實在太咸，炸粉太多
蝴蠂腩煲 - 味精太多，腩肉與梅頭差不多
檻柆肉蒸斑塊 - 最過份，用雪魚當班塊

今次相約好友一齊打邊爈做冬
喺OPENRICE 查看後見到呢間新開火鍋店都有廿幾個LIKE
又可以BOOK 枱有折，所以就去試下

到步後唔洗等位就可以入坐，服務態度幾好

我地一行五人就叫左個大芝士雞煲，味道OK，好多芝士，雞肉都夠嫰
但個人喜好，都係覺得傳統麻辣雞煲配火鍋夾啲。
食完芝士雞後，侍應會加上豬骨湯黎做湯底

哈~!! 個人覺得個豬骨湯底無咩特別

今次地叫左以下配料

(大) 雪花肥牛 - 太細碟，係用一個例牌碟再放上卷成一圓筒，數量有幾多可想而知，但價錢都唔平

響玲 - 相信與大家平時食的一定有好多出入，呢間應該係用腐竹再繞一圈再炸。係好有腐竹味，但口感同吸湯度完全不合相

蝦+墨魚滑 - 用料都足，但份量太少，只有一個細飯碗大細，但價錢要約100

其餘的都係一般般，雲吞、皇帝菜、珊瑚蚌、..... 都唔係叫左好多野
7折後每位約170
咁大家可以參考下

每日FB收到火鍋撚廣告已經好想去試，所以星期六終於約齊好友試食 如評論所講服務友善，個個都好有禮貌 環境係中式風格，算是舒適，不會太過狹窄 我地特別影咗個鴛鴦鍋，一邊係少辣麻辣，另一邊就係老火湯！當飲咗頭啖湯感覺麻辣無麻味，老火湯有少少苦澀的蔘味，少少失望！ 對手切牛肉最為失望！完全無牛味！ 其他火鍋料都是一般，無什麼特別 但值得一贊是即炸響玲同魚皮 最後，又一令人期待的甜品——腐竹蛋沙冰！飲落同普通糖水冇乜分別，糖水意思係甜嘅水，無乜蛋香，其實唔話我知呢係腐竹蛋糖味！我只係會覺得係一甜嘅沙冰

原本諗住去差唔多名的 當 X YA 食，剛剛經過呢間門口
就諗住轉食間新野，同埋諗住價錢應該比較親民啲
等咗都有一段時間先有位坐，再睇睇MENU
嘩，價錢一啲都唔親民，仲要偏貴
當晚叫左刺身蝦丼及帶子三文魚籽丼，賣相都幾吸引，仲有碗麵豉湯，品道出奇好味。
整體刺身都算新鮮，但米飯好似唔係日本米。價錢唔太合理，同喺超市買再放喺飯上面無分別

與朋友慶祝生日，當日在OPENRICE成功訂坐
當晚到達後侍應回覆訂枱巳爆滿未能提供室內坐位，及不停說明巳向OPENRICE申報訂位巳爆
但我未有收到任何通知，這樣要要我如何處理??
雖然侍應好有禮貌，但我巳感到不悅。後來侍應回覆可安排室外坐位給我們，幸好天氣不是太熱我們只可接受

當日ORDER 了帶子意大利飯及上級肉眼扒
帶子意大利飯; 味道OK，帶子新鮮，可以一試
上級肉眼扒; 七成熟，但巳經好硬及無乜牛味，品道一般

當日點了SMOOTHIES 及 VRIGIN MARY，味道OK，不過可以裝飾靚啲

整體黎講: 只係平平淡淡，價錢偏貴。個人意見可能叫餐會好D，但叫餐轉牛扒係要加~1XX。
坐室要留意，食完後會成日油煙味

我地巳經唔係等一次食呢間餐廳，其實食物味道同服務都唔錯

之前都有好多食評介紹了，但點解我都要寫呢個食評
原因係今次一家提早慶祝母親節，隨意由媽咪拍板點菜
(當然無俾佢睇價錢)

果晚我地叫左2人餐+龍蝦意大利飯+pizza+小食

2人餐的意粉 同 牛扒一如以往能保持水準，味道好好
甜品 tiramisu 又真係好好味，連平時唔食 chinese cake 既媽咪都大贊好味

pizza 同 小食都 ok

當中最貴的"龍蝦意大利飯" 係令我最為失望，意大利飯完全無龍蝦味
連海鮮味都無，真係好平淡的意大利飯
就算有原隻龍蝦開邊放上面，都唔能夠令我對呢道菜加分
呢個價錢 $4xx 咁既質素，請大家想點呢道菜時真係要認真考慮
個人覺得叫其他意大利飯的味道比佢好得多了

整體都滿意，就真係對"龍蝦意大利飯"非常不滿

又一次進行團購試食~!!
買團購經驗得知，團購的餐多數都不會有好結果
所以盡量會買現金卷團購，同埋買之前到 OPENRICE 查看 RATING

呢間真係好新，新到連 OPENRICE 都未有食評

今次因時間好趕同埋可以即日訂枱，所以決定一試

天文台道真係比較難搵，同埋要上一個長斜坡，有老人家同行既最好坐車直接去吧

入到餐廳人流非常少，可能新開的關係吧

我們點了薑母鴨湯底，呢個真係值得一贊
初頭上了一鍋鴨，心諗即係好似雞煲咁食左鴨先加水打，原來搞錯了，係分開食既
鴨件味道不會太濃又不太咸，比雞煲好味得多
但跟住又上了一鍋湯底，此湯真係太好味了，大家飲了大半鍋才開始打邊爐

是次叫了牛肉、響鈴、餃、凍豆腐、蚌、帶子、芋頭

牛肉鮮但份量少一點同貴左少少
響鈴新鮮炸出來的味道真係好味好多
凍豆腐又係值得贊的，非常錦，吸晒湯人面既精華

整體黎講，食物新鮮，味道好，服務都好好
但份量較少，相對價錢較貴
飲品都較貴呢~~~~
用團購平均一人大約 2XX，如無團購的話大約要 3XX 了