清真牛肉餅 (深水埗)

經過呢區, 事前搵定有咩好食既野要幫襯, 睇中呢間
有咖喱羊肉吃, 有好的食評仲要唔次造馬, 就決定一試.

可能同場兢爭大, 咖喱羊肉飯只係$25實在有點不能相信,
但吃下去味道真的不錯, 咖喱的香味比得上大x活的咖喱,
羊肉份量唔算少, 都有六七件, 飯亦如過去的食評相所示
的大大盒, 仲有一個清清的紅蘿白豬骨湯, 飲完唔覺口渴,
即係無味精啦.

除了羊肉飯, 還叫了一件牛肉餅, 買時見佢煮好放在爐邊,
以為唔夠熱唔好食, 但夾埋口一咬, 內裡很多熱湯流出來,
皮很薄, 內裡的碎牛肉餅很厚, 第一次食牛肉餅, 唔知算唔算
正宗, 但我覺得個皮厚回些少會好一點, 因為真係肉多過皮.

$33, 飽到差點試唔到呢區出名的尤魚鬚了.

友園拉麵小籠包 (西灣河)

好彩有五個人, 坐了全店最大的九人檯, 來遲半步就要等了, 門口真的日日都有幾多人等。

吃了下面咁多款野:
1. 小籠包- $16四隻, 皮唔太薄又唔會厚, 肉汁都幾多
2. 窩貼- $16四隻, 屋企人話煎得好脆, 好好味
3. 炸銀絲卷- $10一條四件, 唔大條, 不過幾好味
4. 上海炒拉麵- $35一碟幾大碟, 味道好, 椰菜就唔係切條, 而係一小塊的, 食落唔油膩
5. 酸辣湯- $40例(約四碗), 料唔係太多, 但都幾好味
6. 花雕醉雞- $45都幾大碟, 味道幾香酒味, 雞頗滑
7. 鎮江餚肉- $35, 唔細碟, 但係係全晚最差一碟, 一夾易散開
8. 韭黃鱔糊- $60, 鱔唔多, 不過韭黃好多, 味道都不錯
9. 瑤柱蛋白炒飯- $40, 大碟, 味道不錯, 只係瑤柱少了點, 不過咁既價, 已算超值
10. 蒜泥白肉- $35 , 有些類似銀針粉的粉皮箋底, 味道一般
11. 菜膽獅子頭- $42, 兩個獅子頭, 唔會好實, 好多菇同唐菜, 味道好好
12. 火腿津白- $40, 幾好食, 火腿好靚, 有少少肥肉
13. 豆沙窩餅- $18, 一客八小件

除了豆沙窩餅外, 相信其他都會係一早整好然後裝上碟即時上檯, 所以落單不用20分鐘已經可以全部上檯, 但佢\又唔會冷冰冰的, 樣樣都夠熱, 豆沙窩餅就相信係即叫即做, 因為都等得幾耐。

食品質素不錯, 感覺好吃過翡翠, 價錢亦好抵, 開了咁耐先幫襯, 真有點對不住自己。

佢話未整卡機, 暫時都只係收現金

君記粥店 (筲箕灣)

自從西灣河間海寧執左後, 早餐想吃碗靚粥就真係難, 成個西灣河都無一間煲得靚, 很多都係加粉煮成, 最後只好寄望筲箕灣的粥店.

根據OR的搜尋, 呢間似乎不錯, 星期日早上就係為了一碗粥而前來。叫一個艇仔粥($11)同一碟炸兩($6). 個粥食落去唔係十分靚, 不過已相當不錯, 係有用心去煲. 炸兩以佢個價就真係超值, 只係略為唔夠熱, 加上供應充足的芝麻甜醬同辣醬, 味道亦不錯.

十多個座位的小舖, 來堂食的人不太多, 不過外賣的人卻偶會塞滿門口.

大快活 (灣仔)

叫了個黑椒汁雞扒什扒飯, 其實雞扒只係兩小塊, 不過仲有一小塊火腿, 一隻雞全翼, 同一條粗身大力腸。

個汁分開用野裝, 吃幾多黑椒汁隨便自己淋, 呢個安排唔錯。平時見到雞全翼都好驚, 因為用刀叉吃非常不便, 不過呢處用竹籤串直隻雞翼, 吃起來非常方便, 正合我這種懶人。仲有, 隻雞翼唔油膩, 唔似拿去炸出來的。

回想以前的大快活, 這個飯只會求其放上碟, 但現在一個飯都好有心機咁擺上碟先俾個客, 或許星期六唔係忙, 不過整體都覺得有花心思去改好個型像, 真係值得嘉許的。

泉章居 (旺角)

上個星期同幾位去食生日飯, 六點半等到八點先有位。

叫了個四送套餐, 鹽焗雞, 海上鮮, 梅菜扣肉, 同豆苗。
最先上檯的係梅菜扣肉, 味道的確唔錯, 感覺唔係好肥, 雞就一般, 條魚就非常好食, 因為係用梅菜鋪面蒸, 好香味。

服務都唔錯, 但係落單入電腦都搞錯, 條魚變了個臘味煲, 結果等條魚等得好耐。