魚蛋唔係好味, 只不過係辣油夠辣.
牛腩麵唔好食, 牛腩味怪怪的.
豬天梯, 牛柏葉用辣油浸住, 咩味都無.

叫野六樣漏兩樣, 豆漿兩杯再提都要等, 都唔係做野, 如果係忙都情有可原, 但係當時都唔係忙, 只係掛住傾計。

叫了個皮蛋瘦肉粥, 同朋友share腸粉炸兩同蒸蘿蔔糕, 個粥都唔錯, 炸兩好脆, 蘿蔔糕都幾好, 此店最愛就係甜醬麻醬辣醬同芝麻任落, 想點邊樣就邊樣, 但係價錢就真係貴了點。
但係吃完個多小時, 就發覺最大的問題係好口渴, 相信下了不少味精。

雖然豆味唔係太強, 但係味道亦不錯, 加上任落的黃糖, 口味隨個人喜歡, 只係$5一碗, 入口感覺好滑.
朋友買了枝豆漿, 亦說豆味淡, 不過唔會用糖弄到過甜, 去開大埔不妨一試。
售賣人好均真, 有人想要凍的, 佢\亦主動話俾客人聽凍的不是雪了很久, 服務幾好。
唯一問題係無坐位, 要企在舖外吃, 或者買了外賣在對出的公園仔吃。

一個午餐, 叫了一個白菜豬肉同韭菜牛肉水餃, 先來了韭菜牛肉, 吃完還未見碟白菜豬肉, 就同一位侍應講, 不久有人拿碟韭菜牛肉水餃來, 因為已經吃過韭菜牛肉水餃, 就同佢講已經吃了, 再過一會又有人拿碟白菜豬肉水餃來, 見到隻餃有點深色的餡, 唔多似係白菜豬肉, 問多個侍應一聲, 佢confirm左話係白菜豬肉, 咁咪照夾來吃, 咬了一口, 發覺又係韭菜牛肉, 都唔明那些人點做野的。

餃子味道都ok, 但係覺得那些肉的肉質好似唔多靚, 個餃皮就幾滑幾好食。

630pm去到, 幸好早就有位, 遲些就要等了。

三個人坐下叫了個蛋包魚, 石頭窩飯, 牛肋骨, 雞肉, 同一個冷麵。

石頭窩飯率先上檯, 熱辣辣的喳喳聲仲聽得到, 侍應幫手加點辣醬後撈勻分了三碗, 那些飯焦仲好脆, 但係成個飯搞到勻吃有點怪怪的。

跟住上來九碟前菜, 本人唔多愛吃搾菜的, 但係佢地既搾菜味道又幾吸引。

烤肉叫了雞同牛肋, 兩個都幾靚, 唔會話好多肥膏, 後來加上的豬肉, 就好似無乜醃過的, 燒完點醬油吃又覺得幾好味。

冷麵分了三碗, 麵質幾爽, 但係朋友話個湯怪怪的。

蛋包魚或者期望大了點, 未點醬汁都幾鹹, 點後仲覺鹹, 但魚係食得出新鮮的。

一頓飯吃了近個半小時, 三個人吃到飽飽要去星光大道走走。

同朋友去食lunch, 坐低擺下餐牌就算, 水都唔斟杯, 落完order叫先識斟水。

order了個chicken pasta primavera, 個包未上就已經上了個主菜. order前睇menu又無留意, 以為有餐湯, 點知要另外加$10, 不過無所謂, 叫了個餐湯, 係好杰的忌廉洋荵湯, 杰到差不多似漿糊。

個pasta就ok, 不過出得太快, 似係一早整好的, 有咩理由order唔夠五分鐘就上到檯呢。

食完飲餐飲時, 個侍應執檯, 佢拿唔到遞俾佢唔該都無聲, 我朋友咀都未抹就連餐巾都收埋人, 擺到明想趕客走咁, 最後只好埋單走人, 到行出去見到吉檯處處, 原來生意都係麻麻, 不過有咁既服務, 要人再幫襯都難。

收工已經七點幾, 行過灣仔最多人的天橋見到大快活, 又再去試試其他食品。

大長今熱潮搞到我都忍不住叫了個泡菜肥牛石頭窩飯套餐, 落單等了約七分鐘就有。

石頭窩唔算大, 不過都有一碗飯, 飯面一堆肥牛, 一些泡菜, 一些海帶同一些菜葉, 仲有一隻荷包蛋, 熱辣辣入咀都覺有點燙, 味道都幾好。

個湯話係人參雞湯, 都見到有些好幼的參, 一飲下去, 出乎意料的好香參味。雖然湯中有隻雞髀, 但係個湯唔肥膩, 隻髀雪味又唔覺, 相信係參味蓋過了。

吃了個飯飲埋個湯, 成肚脹了, 因為過湯都差不多兩碗水, 再加埋杯汽水, 真係無言。

很難得有公司轉型像轉頭咁好, 食物質素同環境都咁好。

返了一日工好累, 放工同朋友去吃壽司。7pm 去到都唔駛排就有位, 或許那天係星期四, 唔係人多日子。

唔知點解選擇好似少了很多, 以前在尖東返工lunch去食款式好多的, 但家下唔多, 最想吃的小柱壽司有無。

整壽司既司傅就唔憂做咁, 稔住對住佢同佢落order, 叫一碟海膽壽司同一碟三文魚子壽司, 佢就只係做了三文魚子壽司俾我, 最後我同waiter落order好過。

食品質素都好彩keep得住, 軟殼蟹手卷既軟殼蟹都好脆, 結果兩個人一個鐘就掃了廿二碟, 最後捧住個肚離開。

星期五去了這處午茶, 點心都幾好食, 蘿白糕煎得好香, 唔覺油多, 又唔係好多粉, 吃到一條條的蘿白絲。

鳳爪同牛肚亦唔覺多油, 有些酒樓擺得耐成碟面的油同汁會凝結的, 不過就見唔到過油情況。蝦腸粉幾滑, 另外福建炒飯亦炒得幾好。

不過有個鮮竹卷就唔多好食, 佢係放上湯的, 食落味道俾上湯蓋過。

叫了個黑椒汁雞扒什扒飯, 其實雞扒只係兩小塊, 不過仲有一小塊火腿, 一隻雞全翼, 同一條粗身大力腸。

個汁分開用野裝, 吃幾多黑椒汁隨便自己淋, 呢個安排唔錯。平時見到雞全翼都好驚, 因為用刀叉吃非常不便, 不過呢處用竹籤串直隻雞翼, 吃起來非常方便, 正合我這種懶人。仲有, 隻雞翼唔油膩, 唔似拿去炸出來的。

回想以前的大快活, 這個飯只會求其放上碟, 但現在一個飯都好有心機咁擺上碟先俾個客, 或許星期六唔係忙, 不過整體都覺得有花心思去改好個型像, 真係值得嘉許的。