北酒場日本 (尖沙咀)

早前朋友甲生日，朋友乙提議來這處吃放題，吃前先來睇食評，但係都係一般，去吃前都有點擔心。

7pm去到坐低，幸好晤係多人，只得四有客，送來了茶卻無餐牌，又唔見有紙仔tick，等多一會終於出口問，先有人遞來餐牌，原來係睇餐牌叫，只係有圓點的食品要另外計錢。

先叫三文魚魚生，北寄貝等刺身，都係無限量供應，但每次來都係每人兩片，三文魚魚生比較薄，亦無乜魚生的魚鮮味。

生蠔都係任食，隻隻都很大，蠔味無乜，都吃完先見到原來生蠔係一早開定放入一個有蓋的膠箱，如果知道一早開定，我就唔會食，因為最易洗菌滋生的。那些翡翠螺試過兩隻，都係無味又硬，完全晤值得試。

炸天婦羅物的炸粉很硬，不過尚可接受，串燒亦可接受。

環境比較暗，服務又唔算差，有因不斷加茶，不過汽水清酒任飲，所以無乜飲茶。

每位$198再加一，即係近$220，如果唔食生蠔，就不須來此店，如果夠膽食，相信都抵食的。

十三座牛雜 (北角)

在新光戲院地下舖，一串賣$6，細碗賣$20，大碗賣$30

賣一碗細的，唔同部位都有，每件都好淋，而且剪得都頗細件，所以都可易食。我比較喜歡吃牛膀，吃上來很粉。

賣相很衛生，比西灣河更吃得放心。

潮館 (葵芳)

同朋友開飯, 想吃蠔仔粥, 最後揀了近友人公司的這所食肆。

715pm入場, 唔駛等位, 坐低740pm叫野食, 唔駛5分鐘已經能將一碗鵝片, 一窩蠔仔粥, 一碟糯米釀大腸, 一缽豆醬雞同一個荀蝦端到檯上, 效率果然驚人, 再過一陣連最後一碟煎蝦都上埋檯。

三個人都食不停, 鵝片都係例牌野, 無話點特別好, 但碗鵝片箋底的除了三片豆腐數片連藕還第一次見用栗子, 果然識慳錢。蠔仔粥一定唔係在廚房開火滾的, 因為來到檯面只係微暖。糯米大腸只係一層很薄的大腸皮入面釀了糯米蒸完再切超薄片炸, 口感味道都係麻麻。豆醬雞就真係要連白飯吃才能, 因為實在超鹹。箭蝦叫做唯一一碟好味的東西, 可惜的是那些蝦實在太細隻了。

話說吃到830pm, 剩下其中一位朋友撐場繼續吃, 檯面剩下五六件雞, 十數條荀, 五件鵝片, 朋友已經口不停的吃, 但係那些侍應小姐們卻車輪轉的問『仲要唔要呀?』。要是當時附近無吉檯的話, 我會體諒他們想趕我們走, 但係場內同樣係四人檯有兩將係無人坐的, 十分鐘五個人問同樣問題會唔會惹人討厭一點呢? 唔係朋友同我降火, 我已開口鬧了, 咁樣做生意點會留客呢。行到出店門, 一個等位的人都沒有, 真不明白咁急執碟來做咩。

(可以的話, 服務真係一分都唔值得俾!)

王家沙 (香港仔)

星期六去食飯, 聽到有人投訴, 見到個侍應同個經理向人連聲道歉, 個侍應急急的收起兩籠壽包。

已經吃了大半的我們, 聽到後都有點反胃, 急忙睇下檯面未吃完的東西有無。

估不到呢間野原來都係咁唔衛生的, 真係唔駛旨意我再幫襯佢。

峰壽司 (銅鑼灣)

為了一個準備在外地開壽司店的朋友了解多一點, 所以帶佢去峰壽司一趟。幸好拿了籌後去了逛, 所以不用等那麼久, 到逛完回去睇見個籌號只差十多個, 稔住唔會等好耐, 但係就企了大半小時都唔郁, 原來佢一早就跳到好後, 但係就有幾堆人交了籌等入場, 所以先會引到咁多人幫佢企門口做勢。到叫到籌, 一時又話無bar檯, 一時又話俾bar檯我, 但最後都係要坐四人檯。

第一個order叫了十碟壽司同一個手卷, 但係就只得七碟上檯, 又唔知係無還是未到, 等了很久都唔見, 就落第二次order, 結果亦係一樣, 要的東西都無到齊, 但係第一次order無到的卻又會有。

說回食物, 壽司上的魚生夠新鮮, 但係魚生下的飯就離譜, 未夾就已見鬆散, 做得咁隨便真係過份。那些wasabi亦有點問題, 唔覺有攻鼻的感覺, 反而有些"哪"喉的感覺。

三個人吃了25碟, 埋單一共$540, 咁既價錢, 真係唔駛去呢處等咁耐食咁既質素既野。