其實聽朋友講喺其他地區都試過，今晚見到屯門開咗就不妨試下，我覺得值得講嘅有兩樣我試咗嘅，一樣係煙三文魚配生果嘅麵，都幾得意，咬感都幾好，第二樣係有個雪糕&cream嘅包，內裡有已被切成一舊舊嘅蜜糖多士又唔淋，雖然七十幾蚊，但我好鍾意，兩個人食就剛剛好

話說星期五晚好偶然黎到長沙灣
見呢個唔算鬧市的地區竟然有人排隊食
咁我覺得都不妨試下
先講個海鮮烏冬
第一個感覺俾我都幾新鮮
起碼真係好似混粥咁起晒泡
而d魚肉真係幾好食
但青口.....蜆肉.....對我黎講冇咩驚喜
至於個烏冬.....我只能夠話唔係出面賣四蚊一包的質素
唔算係好彈牙啦(雖然話手打)

第二個講的係雞翼
個形式都幾特別
亦都覺得好新鮮炸起
但唔可以話好好食

第三樣係流心豬扒
講真......ok 0既.....
但我曾經在台北食過一間好似叫"豚屋"的流心豬扒
相比台北......呢間遜色左dd

總括黎講
如果未試過係可以去一試
但對我而言.....我翻兜的機會唔太大

[u]首先講服務態度

我同屋企人之前已經book左檯
但我比原定時間早左15分鐘去
無奈當時都冇檯俾我地坐
唉......(但唔關間鋪頭事, 係我自己早到姐)
但到左原定時間
依然未埋到檯
雖然有dd凍
但佢地門口兩位哥哥仔...唔好意思前, 唔好意思後
我心情都冇咩唔妥 (抵讚)

食物質素
我其實都係點d基本野
所以冇咩多款推介
但有兩三樣我幾like
1..豬粉腸
夠肥, 我滾兩分鐘就放入口,...正
2...手打蝦滑
唔識形容, 總之好味
3....羊片
真係比出面好味&無蘇味

唔可以話平
不過以呢個質素
平均每人180蚊係OK囉

之前在OPENRICE見到有唔少人講呢間食肆
咁見環境都好似ok就不妨同女朋友試下啦
第一下的感覺不太好
就係我訂左檯
但我唔係即刻有得坐
我係要等人埋單走人先有得坐(但我冇遲到架喎)
第二個感覺唔好的原因係.......
佢送黎果幾塊麵包係唔熱, 應該話唔暖先真
可能我對呢間餐廳有D寄望, 但結果係有D失望
第三個感覺唔好就係杯凍檸茶
無味0既??唔通佢以為我走甜??
但結果我發現隔壁檯D人杯飲品係有杯仔糖醬
我就知道發生左咩事

不過值得一讚的係個焗青口
真係好好食
另外佢D蝦都幾大隻, 亦有口感

昨日難得過對面海
咁就在灣仔一帶行下啦, 睇下有咩食都好
本身我諗住去呢間日本野隔離食串咖哩魷魚
竟然見到呢間野唔貴( 原來我睇的平價錢係只for外賣), 所以入去試囉
揭開餐牌.....咦.....唔貴喎(初初唔敢祈望好食or大件)
但坐低左右就叫左幾樣野試下啦
不過食完之後感覺係.......絕對very good
等我推介下先
1)生海蝦壽司 ($13)
呢個價錢竟然食到有咬感, 又新鮮的生海蝦
我控制唔到....叫左兩客
2)帆立貝壽司($18)
基本上可以話入口即溶, 我又控制唔到自己食左兩客
3)辣三文魚手卷($16)
D三文魚唔可以話好多
但係食到最底都仲有D三文魚.....抵讚
4)甜蝦刺身($35)
呢個價錢有5隻, 大唔大隻就見仁見智
但我覺得幾鮮味
5)西京燒三文魚鮫($20)
唔多骨, 幾好味.....但唔好祈求大舊囉)
6)三文魚飯($58)
都算大碗.....而且D料又足
唯一批評係略嫌貴左DD囉
總括黎講.....我諗大家都睇到好平下
至於好唔好食.....我諗你要自己試下(因為各人口味有異)
P.S 我另外想講係......有個男職員服務態度幾好
但地點.....唔係大街囉, 而且又係對面海....地方唔算舒適.......所以.....再幫襯都唔係短時間喇

本人第一次去呢間野食
講真...., 如果大家係著重睇外表, 講舒適, 呢間野就唔建議大家去喇
不過講到菜式特別, 呢間野絕對OK( 當然味道都OK啦)
我地一行十人叫左九個餸, 當中有D特別野想推介下
1)涼伴花甲
小弟比較少見凍食的貝殼野
而仲要係有D麻辣感覺的就更加未試過
呢味菜可以試下囉真係
2)避風塘豬腳仔
蝦, 蟹....我都食過, 但豬腳仔係用避風塘方式整就第一次食
OK喎(不過充咸左DD)
3)椒盬豬粉腸
同樣幾過癮, 而且味道冇咁咸.......大人飲啤酒, 細路飲汽水
食呢味野絕對唔錯

埋單每人平均舊零水, 我覺得絕對接受到

我其實係因為呢度有唔少人的介紹而去呢間酒店食buffet
講真.....d野唔算差0既.....
串燒.......魚生........不過不失啦
雪糕更加係我推介添
但種類真係唔多囉, 熱盤就更加一般
以我當晚兩個人食左六百幾蚊黎講
我覺得唔多值得
:

上網見過之後第一晚就去試
入去第一感覺..ok喎環境
坐低望到餐牌, 百幾蚊一個餐??(當時我未知道係半自助餐)
咁都ok啦....都坐低左喇
咦.....好似有人出去夾野食喎, 望一望.....
1)凍蝦, d肉夠實, 自己食左廿隻, 當中一兩隻梅梅地, 但唔算細隻
2)翡翠螺, 夠大隻, 不過我冇點其他汁, 因為我唔多欣賞
3)main course 我叫左個美式什扒時蔬配黑淑汁
唔算大件, 但羊脾都唔錯, 再者我食d冷盤都飽飽地
4)甜品......加埋我相信十款都唔只
木糠布甸(淡味dd), 焦糖布甸(甜左dd)值得一讚, cheese cake都ok
唯一一舊我覺得真係唔得的係比撩膠大舊少少, 有塊檸檬在面的cheese cake
講真....d味好似剛剛買的波鞋味咁
我隨即講笑咁叫佢試下係咪凡形容咁
我見佢真係拎左舊入廚房試
佢都笑笑口話第一下感覺幾似
我覺得好攪笑, 不過我都唔覺得係問題,,人人口味唔同嘛

最後值得一讚的係服務態度
話說我女朋友發現佢個青芥末醬北海道帶子米形意粉
有一條幻幼地頭髮
本身我地唔係諗住complain
但俾個經理聽到我倆的對話
即刻換一碟俾我地
呢種態度.......俾十個叻你

2009-10-14
經朋友介紹下第一次去食
感覺唔算特別乾淨, 不過唔緊要, 我黎就預左注意的係食物質素而唔係環境
好....閒話短說, 我只記得兩道菜
第一道菜...鐵板黑淑汁豬手
份糧絕對唔少, 味道亦絕對OK, 唯一係D肉就咸左少少
不過俾我感覺特別係唔用鐵板盛載豬手

第二道菜.....蒜蓉蒸聖子皇
25蚊一隻, 抵唔抵就見仁見智
我覺得size都絕對唔呃錢
味道都絕對唔錯