自己由細已經由老爸陪養出鍾愛飲茶，幾十年來，一星期總有三幾次上茶樓，更加係試過去學整點心，想起來都有點誇張。平時去飲茶，不外乎是一盅兩件，無他，份量問題，叫多兩碟已經飽，想食多幾款有難度。所以尖沙咀九龍酒店龍逸軒的任食點心就好啱我，因為份量可以位上，不會造成浪費，而且加埋一都係＄300左右，家陣係茶餐廳食個普通lunch都要一百幾十，仲要左逼右逼，家陣係酒店，環境、食物質素及服務是兩碼子的事。

而且就近母親節，不妨諗下同母親舒舒服服嘆個靚茶。

任點任食點心供應期為星期日至六，一周七天 每日都分為： 1045 1245 兩小時  平日成人$295.7 小童$250.7 1315 1515 兩小時  平日成人$310.6 小童$263.1

星期六、日及公眾假期，第一round 成人$399.3 折扣完$348.6 / 小童$344.3 折扣完$301.1


公眾假期第二round，成人$365.5  / 小童$315.5


龍逸軒招牌點心

0

0

原隻南非鮑魚燒賣皇（每位一件） 屬於任食點心的限量版，每位一隻，鮑魚扣煮得夠稔，燒賣豬肉好鮮，美味。

本身分為新派系列、前菜小碟、湯羹、蒸點、煎炸、飯麵、中式甜點及西式甜點。

新派系列

0

春筍金箔蝦餃 餡料是很傳統的加入筍尖，令口感清爽，蝦餃摺紋亦清晰，以金箔作點綴，更覺矜貴。櫻花蝦潮州粉果


在傳統的潮州粉果中加入櫻花蝦，無疑是多了入幽香，這個改動我鍾意。懷舊臘味包


已經好少地方食到，多數只會出現在一些街坊老店，更何況是在酒店？

煙韌的口感，記載了兒時味道。蟲草花淮山蒸排骨


平日係屋企煮飯，好多時以蟲草花蒸雞，今次是排骨，更以淮山掛肉汁，效果又幾好，係屋企可以整返次。菠菜野菌腐皮卷


腐皮香口，菠菜同野菌都好健康，可以試試。十年陳皮紫米豆沙包


咬落有陣陣陳皮香氣，餡料是紫米豆沙，不太甜，好啱我。

前菜小碟





先是清爽的冰糖蜜蓮藕，再來是店方名物，有嚼口的蜜汁黑毛豬叉燒以及脆皮素鵝卷。

蒸點

0

蟹肉菜苗餃 Q彈的餃皮，菜苗鮮嫩，配以甜美的蟹肉，無得輸。粉彩松露石榴球


加入紅菜頭汁去搓餃子皮，令色彩艷麗，每口都帶有松露的幽香。

煎炸

0

沙律醬蝦多士 可以話係必食，炸得金黃脆口，蘸點一下沙律醬，令味道更佳。香煎汁燒和牛包


單睇外表以為係生煎包，其實內裡是和牛肉，又夠多汁，水準之作。金鉤鹹水角


就比較平實，沒太多花巧。

飯麵

0

海皇泡飯 朋友都知我係澱粉質怪，可以話無飯不歡，上次食過完整版泡飯，今次係個人版，美味依然。

中式甜品

0

燕麥香芒卷 幾款中式甜品中，最推介的菜色，外層是軟熟的燕麥糯米，內裡是甜美芳香的芒果肉，好味。中午選擇任食點心可前往倚窗閣享用所有甜品， 當中有12款口味的 Movenpick雪糕。其他更有迷你cupcake、冬甩、芒果拿破崙、木糠布甸、意大利芝士餅、杞子桂花糕、椰汁西米糕、栗子吉士泡芙、藍莓芝士蛋糕、忌廉芝士甘筍餅、72%朱古力慕絲蛋糕、意式奶凍、香芒布甸、紅桑子特飲、 綠茶紅豆蛋糕、馬來西亞榴槤布甸、豆腐花、葡撻、紅豆熱香餅、麵包布甸配雲呢拿汁以及涼粉，加加埋埋，超過60款食物。（星期六、日及公眾假期要另加$68及加一服務費）


 



 



 

似乎有一段日子沒分享自助餐了，其實香港仲有好多餐廳值得走返轉，位於尖沙咀的金域假日酒店可說是其中之一。



中菜廳龍苑差不多每晚都爆，意大利餐廳味道正宗，仲有去過好多次既 Bistro on the Mile，近排又有新攪作，以香港人最喜歡的海鮮作主題。

由即日到今年6月30日為止，逢星期二及三推出全新環球海鮮盛宴自助晚餐， 原價是成人每位港幣$888， e-shop優惠價$532.8 （但要原價另收加一服務費）/ 長者每位港幣$710 ，e-shop優惠價$426/ 小童每位港幣$621 ，e-shop優惠價$372.6。海鮮


波士頓龍蝦可以話係自助餐必預海鮮，可以free flow當然更好，紅彤彤的蝦膏是賣點。而咖啡蟹又是多膏，夠邪惡。

加上雪場蟹腳、翡翠螺、小龍蝦、海蝦、瀨尿蝦及青口，款式夠多，食一 round 都飽飽地。法式焗龍蝦


另一個賣點，就係可以任食法式焗龍蝦，想食得香口同熱辣辣龍蝦，又多個選擇。鰻魚海膽飯


細細碗不佔胃納，而且口感豐腴。

每晚限時菜式，不定期供應。今晚就試了西班牙海鮮飯及星加坡咖哩辣蟹配炸饅頭。

每晚都會在不同時段提供。西班牙海鮮飯配料十足，有 龍蝦鉗、沙白、櫻花蝦乾、鮮魷、青口以及海蝦， 色澤亮麗飯粒有嚼口。

而星加坡咖哩辣蟹最吸引是用饅頭蘸點咖哩汁， 辣辣地好惹味。

熱葷
基本上以海鮮為主，想回本話咁易。薑蔥炒龍蝦鉗


啖啖肉，食得好方便。鮑魚鴨掌煲


好傳統的餐宴菜式，鴨掌不會過稔。蒜蓉粉絲蒸扇貝


精華所在一定係粉絲，吸晒蒜蓉香味，再澆點甜豉油好正。清蒸沙巴躉


斤半重左右“條頭班”，火喉啱啱好，肉質鮮嫩。帶子炒西蘭花瑤柱汁


很喜歡芡汁不會過重，帶子嫩滑，連埋爽口的西蘭花一切食，不錯。



鮑魚冬菇會伊麵


作為單尾用上鮑魚當然覺得矜貴些少，但最重要係炒得好乾身。另外，更有烚海蝦、烚花甲、煎中蝦、煎鱈魚、煎三文魚及煎多春魚，海鮮陣容夠強了吧？而西式熱葷就有煎鱸魚配龍蝦汁、香草炒雜菜、蕃茄海鮮長通粉、煎鱈魚配紫菜照燒汁、佛羅倫斯焗蠔以及迷迭香燒薯。

Carving Station

0

保雲酥焗三文魚配香檳忌廉汁 非常香口，三文魚肉緊熟，加上甜美忌廉汁，美味。



燒有骨肉眼扒


喜歡食扒的朋友，不妨來一片厚切肉眼扒吧！

湯

龍蝦湯

散發濃郁的龍蝦香味，質地濃稠，有水準。



蟹肉粟米湯


鮮甜可口，蟹肉能夠再多些更好，建議可下點胡椒粉來提鮮。

刺身





有八爪魚、吞拿魚、三文魚、鯛魚、甜蝦、北寄貝及墨魚，解凍處理得好好，沒有討厭的雪味。



天婦羅


有軟殼蟹、茄子、蕃薯及南瓜。



印度菜


又有印度菜專區，喜歡的有魚咖哩、印式燴蝦球、印式菜咖哩、印式烤包、蕃紅花飯、印度薄脆及印度豆咖哩。

前菜、沙律及芝士
想餐前吃些小碟來開開胃口，當然有選擇。龍蝦配芒果莎莎醬是必選的菜式。仲有三文魚他他、鮑魚海鮮沙律清酒啫哩杯、香辣木瓜配蟹肉沙律、煙三文魚、龍蝦忌廉芝士卷，加上刁草三文魚多士，好多都係以海鮮入饌。甜品





蛋糕有士多啤梨忌廉卷、芒果拿破崙、雲呢拿焦糖泡芙、紅桑子朱古力蛋糕、青蘋果蛋糕、美式芝士餅、法式蘋果撻、蜜柑朱古力餅同埋雜莓意大利芝士餅。迷你甜品類有歌劇院蛋糕、士多啤梨夾層蛋糕、朱古力Almond Financier、馬卡龍、朱古力慕絲蛋糕、焦糖果仁撻、熱帶水果蛋糕、栗子撻、芒果熱情果白朱古力忌廉、草莓忌廉杯以及香橙朱古力忌廉，放滿了整張檯。

個人對甜品胃納不及甜魔控，所以一定會挑最啱自己口味。

歌劇院、栗子撻及芒果拿破崙是我今晚首選。想要澱粉質又有葡撻、麵包和蘋果卷。哈根大師雪糕


全是獨立杯裝，味道有雲呢拿、曲奇雲呢拿、咖啡、士多啤梨及比利時朱古力，想點食都得。

水果

有西瓜、蜜瓜、哈密瓜及菠蘿，雖然西瓜清甜又多汁，但我都係鍾意酸酸地的菠蘿。

 

立足在沙田多年的櫻田，就算在疫情及北上熱潮下，依然屹立不倒，當然是有佢原因。經常轉換菜色，引入日本不同地方的食材，帶給客人新鮮感，訂價亦相當合理，就以今次主題是［長崎縣 A5和牛御膳］，原價是HK$1288，但家陣是HK$888，價錢是相當實惠。餐前先來一份沙律菜，澆上了柚子醋酸酸地又幾醒胃，不錯。長崎生蠔





再來是新鮮肥美的長崎生蠔，近乎No.1的體形，邊位爽口，肉身飽滿，講真，比我可以喪食一打。櫻鯛刺身


當造的“櫻鯛”真係無得輸，新鮮已勝過一切，肉質富油香而爽彈，蘸點些少醬油味道更鮮。日本松葉蟹鉗天婦羅配咖哩海鹽


除了鮮甜的松葉蟹鉗外，更有南瓜及茄子，尤其是茄子𐝹開成扇形，炸起來更加通透，蘸點咖哩海鹽是添加了陣陣辛香。大瀧六線魚蘆筍玻璃煮


以玻璃紙包好大瀧六線魚、冬菇、柚子皮及蘆筍，放在鐵板上燙熟，一剪開玻璃紙又真係陣陣清香，魚肉亦嫩滑，但略嫌柚子皮太重手，湯底帶少許苦澀味，或者下次在上檯時先刨少許柚子皮吧！長崎A5和牛厚燒三文治





絕對是整餐的亮點，厚身麵包切成丁方，以牛油煎至微焦，A5和牛同樣厚身，medium rare的質感無得輸，一口咬落，肉汁滲出，連麵包都變得惹味無窮。長崎A5和牛炒飯


炒得滿有油香，卻又粒顆分明有嚼口，美味其實可以好簡單。鐵板野菜


即炒包心菜及芽菜，火喉啱啱好，口感爽脆，而且擺放得好細心。味噌湯


餐後來一碗熱燙的味噌湯真好。櫻花十勝紅豆三色團子配櫻花玄米茶


甜品以色彩配搭為主，除了三色小丸子，伴碟是漬栗子、十勝紅豆及黑豆。走時候發覺有條魚個名好有趣，大家又知唔知我講邊條吖？



 


 

 

早前跟太太係屯門黃金海岸海店二人世界，晚餐不再是Buffet，而是吃得精一點，來個 Fine Dining。 Seafood platter 海鮮拼盤 Boston lobster, tiger prawns, blue mussels, fresh clams, scallops with caviar
份量十足，有齊波士頓龍蝦、虎蝦、藍青口、海蜆、扇貝配黑魚子。
波士頓龍蝦肉質雪白爽彈。


虎蝦同樣的彈牙；藍青口食落細嫩；海蜆絲毫無砂，而扇貝放上了黑魚子，是更覺矜貴。
Butternut squash bisque with crab meat
蟹肉南瓜濃湯
鮮甜濃稠的質感，雖然未至於每口都有蟹肉，但質地滑溜，美味。
***
Lemon and lime sorbet
檸檬青檸雪葩
中間就以一杯清新怡人的青檸雪葩來清清味蕾。
*** The signature cut (8oz/228g)Seasonal vegetables, Yorkshire pudding and gravy
招牌特式切 (8安士/228克)配時令蔬菜、約瑟布甸及燒肉汁





Prime Rib 烤至medium rare，是我最喜歡的火喉，嫣紅的肉色，略帶血絲，個人喜歡配上海鹽來提鮮，但肉汁也不錯，用來蘸點伴碟的 Yorkshire Pudding 啱啱好。 ***
Choose one main course 選一款主菜:Grilled seabass filletSeasonal vegetables, roasted new potatoes and dill cream sauce烤鱸魚柳配時令蔬菜、燒新薯及刁草忌廉汁 or或
Lobster linguineArtichoke, Italian parsley in lobster sauce
龍蝦意式扁意粉配朝鮮薊及龍蝦汁
係鱸魚同龍蝦之間，就選擇了龍蝦意式扁意粉，原隻褪殼龍蝦鉗，啖啖肉食得令人心花怒放，意粉煮至 al dente，而且掛滿醬汁，惹味到一個點，加入炸蒜令味道更添幽香，我喜歡。 ***
Dessert 甜品

Creamy cheesecake with seasonal berries
香滑芝士蛋糕配時令雜莓
大大份芝士蛋糕，濃香的味道，滑溜的質感，豐腴的口感，就算幾飽都想消滅晒！


Premium coffee or tea
咖啡或茶
最後當然係要一杯Earl Grey 來平衡一下。

網上成日都有人問我，邊度食自助餐可以有生蠔同龍蝦，老實講，有其中一樣好多酒店Buffet都有，但有齊兩樣就多數都好貴，但早排去尖沙咀九龍酒店倚窗閣，性價比真係高。



先講講價錢。

《尋鮮之旅》由2024年1月4日至2月29日供應，時間為下午6時至9時，可以食足3小時之餘，又可以切合近年香港人早返屋企的生活作息。

為慶祝九龍酒店38週年，優惠仲要超多，先係經網上訂位，會有72折，已經好抵食。

家陣(星期一至四) 6位以上更是高達62折，成人每位港幣$509.8元 起。

(星期五至日/公衆假期及其前夕): 6位以上高達62折, 每位港幣$553元起。

由【2月19日至3月14日｜閃購優惠買二送一】倚窗閣自助午餐及自助晚餐，每兩位成人，第三位可享免費優惠。

請注意閃購優惠期：2024年2月16日至22日

享用日期：2024年2月19日至3月14日

訂檯傳送門 : 《尋鮮之旅》



生蠔

但凡自助餐有生蠔或龍蝦加持，大家都會覺得係回本位，不過好多時都係得其中一樣，倚窗閣今次不惜一切，樣樣齊。先係有愛爾蘭生蠔及美國生蠔，仲要即開即食，並非半殼蠔可比。

而且美國蠔近年質素有改善，已非當年大而無當，肉質死實的感覺。

不過大家要注意，基於貨源問題，有時候會無生蠔，但會另行供應波士頓龍蝦，變成冷熱兩食。蒸海鮮





有鮑魚、龍蝦、沙巴龍躉、蜆螺、鮮蜆及海蝦，全部新鮮貨，喜歡的，更可以單點龍蝦，生蠔加海鮮，點都值返大半價錢啦！凍海鮮





小龍蝦、紐西蘭青口、智利藍青口、海蝦、翡翠螺、俄羅斯蟹腳及加拿大雪花蟹腳。





刺身及壽司





北海道帶子、赤貝、阿根廷紅蝦、八爪魚、劍魚腩、油甘魚及三文魚，更講明產地來源是阿根廷、澳洲、加拿大、中國、印尼及挪威。

精選手握壽司、三文魚籽、蟹籽。每晚的特別時段，都有即製火焰雪山。

熱葷
熱葷可以分為中式同西式兩種。支竹羊腩煲


一食便知高低，竟然用上了新鮮黑草羊，肉質鮮香軟熟，旁邊仲要放上腐乳，夠認真，可惜沒有生菜，唯有走去粉麵檔淥一碟加羊腩汁，真心覺得好正。慢煮和牛面頰


超稔同大件，好入味，又係可以配白飯食。臘味煲仔飯


原煲上，臘味油份落晒飯粒度，煙煙韌韌有嚼口同油香，美味度爆燈。



帶子海膽意大利麵


口感豐腴，帶子肉質幼嫩，而意大利麵個人覺得可以煮得較有嚼勁。



蟹肉乾燒伊麵


很傳統的宴會菜單尾，兒時最期待的菜色之一，炒得好乾身，蟹肉份量也不少。豉油皇虎蝦


烤得蝦殼微脆，豉油香味好出。酸菜魚


深圳食得多，香港反而少食，試了兩件，跟深圳的味道差不多。另外仲有雞蛋煙肉焗美國生蠔煲、美式燒排骨同夏威夷薄餅。即片混醬北京片皮鴨，有金薑、青瓜、京蔥、蜜瓜、海鮮醬、麻醬及酸梅醬供大家自行配搭。

湯





燉湯是蟲草花燉烏雞，火喉十足，一口氣乾了兩盅，滿足。



西湯是藜麥粟米周打湯，而中湯冬瓜清補涼煲雞，很家常湯水感覺。



越式牛肉河





大家都知我係“澱粉怪”，就算食自助餐都要來碗粉麵。
湯底清而香，配料有肥牛、龍蝦丸、鮮蝦、鮮魷、豆卜、黃金魚片頭牛丸及扎肉，相當豐富，麵底就有油麵及河粉。



即煎羊架好厚肉，臊味輕盈，加點Mint Jelly食，好味。另一款屬於隱藏美食係鹹蛋黃炸魷魚鬚，勁熱氣但香口。

仲有蔥鹽香煎和牛粒、香辣鐵板牛舌、日式雞軟骨串燒同香港特色及日式天婦羅，都係幾熱氣菜，大家要有心理準備。

頭盤










基本上帶港風，尤其是有港式碗仔翅同埋咖喱魚蛋豬皮。朋友係食雞控，口水雞同玫瑰豉油雞都是中菜廳龍逸軒出品，當然有水準，就連雞胸位都好嫩。

而黑豚叉燒又係正，有嚼口而鬆軟。



加埋四川麻辣豬肚及涼拌青瓜，都令人幾開胃。

點心







自家中菜出品的點心有蝦餃及燒賣。

西式頭盤





日本清酒生蠔海膽杯、白蘆筍鮮蠔荷蘭汁、芝麻吞拿香芒沙沙、自家醃製刁草黑椒三文魚。

咖哩


為了照顧不同口味的客人，咖哩當然不能或缺，不過被安置在餐廳較後位置，大家要細心搵搵。當中有印度蔬菜咖哩、泰式紅咖喱牛肉、印度天多利烤雞、印度素咖哩角、印度薄餅及印度香米。

沙律








想食得健康，有好幾款沙律，包括了雞蛋青瓜沙律、羽衣甘藍牛肉藜麥沙律、雜果大蝦沙律與甜粟米火腿沙律。





Cold Cut


有紅椒凍肉腸、Coppa Ham同埋黑椒牛肉。

甜品





選用了Movenpick雪糕，共有熱情果芒果雪葩、檸檬青檸雪葩、瑞士朱古力、士多啤梨、法式焦糖燉蛋、楓糖合桃、Espresso Croquant、Tiramisu 以及 Panna Cotta Raspberry，9款口味各有不同，睇下你食得幾多？

太太就好鍾意即製雲呢拿疏乎厘，熱辣辣出爐，灑點糖霜，口感鬆軟，好正。另外有好有趣既扑扑朱古力（棉花糖及杏仁），
小朋友就鍾意朱古力噴泉，因為可DIY自己喜歡的口味。

其他甜品種類好多，甜魔恐怕郁要失控。整個蛋糕有綠茶士多啤梨蛋糕、72%朱古力慕思蛋糕、芒果慕思蛋糕、士多啤梨慕思蛋糕、招牌芒果拿破侖、木糠布甸、意大利芝士餅同埋麵包布甸配雲呢拿汁。個人首選一定係芒果拿破侖以及Tiramisu。細細杯既有紅桑子特飲、杞子桂花糕、椰汁西米糕、藍莓芝士蛋糕、士多啤梨吉士泡芙、冬甩、杯子蛋糕、榴蓮布甸、Panna Cotta、香芒布甸及什果Jelly。

今次就推薦Panna Cotta 同香芒布甸。



中式甜品有楊枝金露，而涼粉同豆腐花，就有好多配料，任你配搭。



水果


有新鮮菠蘿、哈密瓜、西瓜同火龍果，揀得好好，基本上都勁甜。



飲品


除了有咖啡機外，凍飲有橙汁、蘋果汁、羅漢果茶以及檸檬青瓜水，個人鍾意健康些小，一於飲羅漢果茶。


 

  

月前抽空同太太美夢重溫，再次入住屯門黃金海岸酒店。

今次稍微有點不同，因為周末客人太多，未能提早入住，見仲有時間，就同太太先來個下午茶。今次主題都幾特別，蜜糖松露下午茶（$628/兩位），尤其是個三層架是特製六角蜂巢造型。

因為時近聖誕節，所以甜品的造型都是聖誕元素。

鹹點





鮮蝦蟹肉松露蜜糖撻
蟹肉幾鮮甜，蝦亦爽彈，配上松露的幽香及蜜糖的甜美，不帶一點違和感。香煎帶子配蜜糖芒果莎莎


帶子底面略為煎香，再放上芒果莎莎，食落肉質嫩滑又香甜。煙三文魚配松露忌廉芝士


把煙三文魚卷好放在松露忌廉芝士之上，一口咬落，口應豐腴。烤蜜糖雞串燒

話就話雞串燒，其實仲有彩椒同洋蔥片，烤得幾香口，不錯。脆炸手指魚配蜜糖松露沙律醬


手指魚炸得香脆，用來蘸點蜜糖松露沙律醬，又甜又香，送啤酒一流。

甜點

0

開心果松露杏仁蛋糕 放上了奔走中的朱古力聖誕鹿，充滿了動感，甜美的開心果與杏仁味道好香甜，太太好鍾意。經典松露朱古力


賣相勁似怕醜的雪人，非常可愛，朱古力的甘甜與松露的幽香好夾。紅莓白朱古力松露撻


賣相好似聖誕老人的腰帶，紅莓慕絲好幼滑，與另一款是黑白相襯，不過就多了紅莓的酸度來平衡。蜜糖慕絲配芒果啫喱


睇落好似聖誕吊鐘，口感Q彈又芳香。忌廉芝士乳酪配蜜糖啫喱


畢竟是應節，所以放上了薑餅人，令賣相更可愛，但味道就比較豐腴。蜜糖鬆餅配果醬及奶油忌廉


鬆餅似乎有點結實，個人喜歡鬆化一點，塗上了果醬，味道更佳。

至於飲品每位賓客可選擇一杯即磨咖啡或川檸茶包或松露白菊蜜（冷或熱）。

咖啡：即磨咖啡、意式泡沫咖啡、牛奶咖啡、巧克力咖啡、特濃咖啡。

精選茶包：英式早餐、伯爵、薄荷、洋甘菊、大吉嶺及茉莉綠茶。既然是以蜜糖作主題，當然是凍松露白菊蜜，簡簡單單，飲落好清甜，又帶松露的幽香，好特別。

 

仲有幾日就到新年，送禮拜年少不了，今次就介紹一下位於半島酒店商場地庫的 The Peninsula Boutique & Cafe。由於即將是［龍年］，所以店內陳設亦以［龍］為主題，就連大門口的可愛人身等高熊仔，亦穿上了新裝，打卡一流。至於產品，大多數都屬禮盒，既有年糕、果仁及茶葉，亦有蝴蝶酥同杏仁酥。當然少不了名物朱古力禮盒。想大方得體，仲可以配搭自家品牌香檳。對應新年，竟然有攢盒，內裡全是半島出品的糖果、朱古力及曲奇，令人完全不用費神張羅。而公司客又少不了賀年禮物籃。太多選擇自然行到攰，不如坐低飲杯茶，食件餅？洛神花山渣蜂蜜潤潤喉嚨，酸酸甜甜的感覺真好。

既然近新年，當然有新產品對應。先係［大吉大利］糕點組合。兩者賣相相當神似，一個餡料是柑桔果醬，而梨子是迷迭香梨子慕絲（$188）。如果要送禮，又可以選擇［龍騰柑桔朱古力慕絲蛋糕］（$468），在 glaze 下是黑朱古力慕絲，中間加有蜜餞，底部是奶油酥餅，層次分明，置頂是押上龍形圖案的朱古力薄片，最啱同人分享。如果仍覺得太大件，個人推介餅房的馬達加斯加朱古力、拿破崙以及士多啤梨卷，每次都令同行朋友大讚。



 

以前畢業初期，曾經當過送貨，經常都要出入觀塘區，午餐多數在工廠大廈內的飯堂填肚，都是很大眾化的。然後，多年後再在附近用餐，竟然有裝潢服務都有水準的餐廳出現，而總廚更是曾在酒店任職，看來世間的變化真大。雜菜湯（$88）


份量十足，內裡有意大利白豆、洋蔥、甘筍、菠菜、西芹、薯仔及大蒜，就算是餐湯，都處得非常認真，而味道更是用時間換來的，所有味道通通都落在湯裡了。蜜糖燒八爪魚伴茴香墨魚汁（$228）


八爪魚選得好，夠大隻，咬落有嚼口而且有蜜糖的甜味，又幾好喎！

新鮮布拉塔芝士配意大利巴馬火腿王（$168）


又是一道經常踫到的組合。香草焗原條海鱸魚配白酒茴香汁（$498）


原條海鱸去除內臟之後放入洋蔥、香草及檸檬之類，然後原條焗熟，魚肉細嫩又充滿了香氣。特色白酒香草焗白蜆（$308）


自己偶爾都會在家弄的菜色，白蜆毫無討厭的砂粒，又可以用餐包蘸點蜆汁食，滋味無窮。慢煮牛面頰紅酒汁寛麵（$228）


牛面頰煮得好稔，混和在有嚼勁的寬麵中，每口都是精華所在。新鮮波士頓龍蝦意大利飯（$288）（半隻）


新鮮已勝過一切，飯粒已經有嚼口，但個人始終喜歡更硬心些少，但飯粒蘸滿了龍蝦汁變得勁惹味。香烤原隻本地黃油雞（$488）


勁大隻，的確要同人分享，雞皮烤至金黃色，好香口，胸位肉比較結實，但已相當不錯，side dishes又豐富彩椒同焗薯都好正。Decomposed Apple Crumble（$108）


很傳統的風味，脆粒與蘋果的完美契合，又有雲呢拿雪糕的加持，難怪好快被消滅了。柑橘奶黃千層酥（$128）


賣相一流，酥皮處理得好好，配以酸酸甜甜的味道，平衡度見功夫。Tiramisu Ulivo（$108）


終於到了自己最喜歡的甜品，夠濕潤，酒味似乎過濃，但鬆軟的質感，加上可可粉的味道，又真的吃不停。


 

講起山打根，就會令我回想起當年梁朝偉同梁家輝既一套戲。

但係山打根係邊？原來係位於馬來西亞沙巴東海岸，當地人普遍以廣東話溝通，聽落又幾有趣，有機會可以走返轉。家陣又無須去到咁遠，因為係將軍澳早前就開了間［山打根］餐廳，主打東南亞菜色。望望餐牌可說是新意滿滿，當中有兒時回憶的［黑牛］，即是可樂配朱古力雪糕，正。前菜就來一份好香口的班蘭葉包雞。而當然更少不了馬來沙嗲雞串，但靈魂所在一定係沙嗲醬。之後是兩款打卡名物椰香咖喱雞西多士以及椰香咖喱牛肉西多士，莫以為只得外觀，下點糖漿，味道好特別，尤其是感覺似加入港式餐廳元素。講得係秘製，總會令人期待，其實秘製是南雞翼又真係好香口又大隻，醃得好入味。而越南蔗蝦炸得色澤亮麗，外層蝦膠柔彈，不錯。主菜的香茜胡椒花甲湯粉絲食落好有深圳街頭風味，湯底鮮甜帶辛勁，花甲毫無砂粒，食得安心。幾款主菜中，自己就最鍾意招牌蝦湯飯，蝦湯底真的好香又濃稠，飯粒泡了湯後依然有嚼口，三扒兩撥便清碗了。不想食飯，又有招牌海蝦煎蛋撈麵可選擇，麵條是近似油麵，掛汁能力一流，所以食落好惹味，尤其是弄碎雞蛋一齊食，就更有風味。食得太多肉類及澱粉質，一於來碟香蔥醬油時蔬
同埋蝦頭油時蔬，的確好香口，個人覺得蝦頭油味道更濃郁。

台式食品係香港一直都有捧場客，近日就走訪了尖沙咀海港城的［臺北棧］。

店方以小店形式經營，食品多是輕食，甚至是飯麵類。先來一杯健康的芭樂苦瓜汁（$52），甜度輕盈，氣味芳香。食到一半，再追加了宇治抹茶牛乳（$55），未拌和之前，色澤幾亮麗，其實味道好甜滑，幾啱自己。前菜是蒜泥台灣水蓮（$98），很奇怪，總是覺得食水蓮還是在台灣吃的好味。論賣相櫻花蝦烏醋茄子（$48）又真係麻麻，但食落又不錯，茄子肉軟稔，帶微酸的味道令人好開胃。三色鹽酥雞（$128）當然要食，又的確炸得鬆化酥香，很正宗的台灣風味。法國鵝肝牛舌芯湯麵（$238）


客人可挑選手工刀削麵或台灣寛粉絲，麵條煙韌有彈性，配上本地兆記牛肉的牛脂油，當中帶微辣，牛舌芯肉味濃，鵝肝溶入湯頭，令湯質更具油脂，濃稠的感覺非常吸引。在傳統的魯肉飯加上花膠的花膠魯肉飯（$168），口感更添層次，肉汁滲入飯粒，令人吃過不停，半隻滷蛋及漬蘿蔔，正好令味道不會太單一。而松葉蟹肉海皇麵線（$278）又是一道提升版菜色，以前去台南食蚵仔麵線是平民版，而今次以松葉蟹肉去代替，尤其是把蟹膏混和在麵線中，多了一份鮮香。大阪燒海鮮蛋餅（$128）材料豐富，木魚絲蓋滿蛋餅，瀰漫陣陣香氣，好味。甜品類是店方強項，先係自製牛軋慕絲餅（$78）當中的慕絲竟然係以綿花糖整，以餅乾夾起軟糖及綿花糖慕絲，又幾特別喎。至於宇治抹茶鳳梨酥麻糬蛋撻（$58）以及手工鳳梨酥麻糬蛋撻（$48），又係打卡點，尤其是從中割開一半，慢慢拉開，中間麻糬拉成長條，充滿了玩味，而餡料鳳梨酸酸甜甜，正好起了平衡的作用，必食。黑白配冰火湯丸刨冰（$108）


店方名物兼打卡位，用上了老字號［福元湯圓］，花生及黑芝麻刨冰好幽香，一次過舀起食，兩種口味，冷熱兩種感受，但一定要快，否則冰會溶化。抹茶奶奶麻糬（$108）


採用日本鮮牛乳及木薯粉，不含糯米，單用兩隻筷子撥弄，口感Q軟，非常特別。