昨天特登約朋友去食晚飯!!
叫左4樣野:

蒜蓉炒白菜 好好味 蒜蓉稍多

沙拉骨 第一次食呢樣野 幾新奇 類似排骨外面有沙拉醬 唔係分開上 d沙拉味道幾好 係個骨難咬左少少 食得幾辛苦

燒豬肋骨 外層好似乳豬 燒到好脆

豉椒鵝腸 小菜點都要叫返碟 味道比起其他大排檔無咁濃

本來想食12蚊蠔但無貨 好可惜!!
3個人食左2百2十幾蚊又唔係話真係好抵,可能係太少人食啦 哈哈

幫襯左金水好耐, 由剛開業一直支持到而家..
以前宵夜50%變到而家60%
份量小左 但對佢既熱愛仍然不變!
每次去都要點火灸醬燒三文魚 而且一定要係醬燒,
無醬燒既試過 感覺會好dry 呢味壽司好多地方都試過
但都做唔到有金水咁好味..三文魚做到入口即溶 即化
赤貝壽司 +青檸汁係第二種感覺 赤貝厚身 煙韌!!
醋鲭魚壽司 醋味很重 很回味..
三文魚子軍艦 三文魚子大大粒 純粹我自己喜愛=] 不過不失
蕃茄濃湯牛肉烏冬 餐牌裡既烏冬中最好味 熱愛蕃茄的話一定不能錯過 蕃茄汁開得好濃 好"杰" 已經唔可以用湯底黎形容

宵夜時段會無左好多配菜,青檸 檸檬呢d佢唔會比
我會覺得令道菜失色左不少,不過平 無計啦~
同樣響屯市,相比起板長活壽司 始終都係會選擇金水
雖然而家下降左少少 但仍然係超水準

成日行過都見到大排長龍，所以就搵日去試試係咪真係咁正！
火灸美乃滋三文魚最好味 入口即溶 飯亦有燒焦既香味
他他燒牛肉 最失望!$58 但原來係凍食 仲係好普通 洋蔥+薄切牛肉..完全唔抵

第一次去有唔錯既印象 會再去多次!
SERVICE唔錯收野快 環境更加唔使講 非常浪漫
但我諗唔會第三次，因為餐牌上既食物選擇太少

補寫返個食評
之前睇莫華倫個廣告賣得咁勁就去試試
吉列豬扒鳥冬 唔錯 豬扒脆脆 但未算係令人留下深刻印象
牛肉烏冬 唔食也罷! 牛肉同打邊爐果d無分別..

烏冬本身無味 係個湯底先可以帶出烏冬既好味
自家烏冬個d湯底十分普通 非常之淡
但配菜亦唔係做得特別出色
所以成個餐令人感覺好普通

每次經過都好香(可能其實係隔離間a-1先真XD)
所以搵左一晚3個人去試
真係好好味!!
叫左個2人套餐 $188
+8湯加酥皮 味道一般 較淡
燒帆立貝串 十個正!! 有D辣辣地 但total係超好味
蕃茄蒜蓉飽 特別 第一次 比起其他普通蒜蓉飽係多左幾分味道
田螺焗薯蓉 不過不失
泡菜牛肉石頭飯 好味!
黑豚肉意粉 似上海粗炒..可能係我食唔慣幼身既意粉
沖繩黑糖薑蜜 熱飲 好薑 但未算好辣 裡面有d百香果珠珠 幾特別

餐牌上既食物種類都幾多 去多幾次試新野都唔會悶
服務都唔差 唯獨係有一位侍應講野無咩尾音 "唔該 掰掰"都似錄音機= =