7月1日的假期打三號風球, 沒有戶外活動之下我們去了看戲
在荷里活廣場中找食店醫肚, 見到有間新開既金滿庭喎, 咁就去拎飛等位喇!

店內空間不大, 而且多數放2-4人檯, 相信都係打算做散客多。等位都等左成半個鐘....

睇menu既時候發現呢間金滿庭個menu有少少唔同; 佢有好多款食品都有分大/細size比客人選擇, 大同細既價格相差$20左右, 變相好似我地呢D二人行既可以叫細size但係食多幾款, 不過同時就會貴DD喇! 仲有仲有~一口小籠包都有得叫4隻。

今日我地2個既午餐如下:傻佬炒飯(細) - 比起平日食果個正常size真係細左好多, 變相唔係太抵食, 不過味道依然好味, 最喜歡佢上面有好多好多既肉鬆, 令到成個炒飯都好香同可口。雞絲粉皮(細) - 我覺得同平日個size差唔多哈哈! 麻醬好好食, 不過雞絲少左D, 我個人就覺得做得夠凍所以好好味>V<一口小籠包(8隻) - 雖然有得叫4隻, 但係由於我太喜歡食既關係, 我地都係叫番8隻架! 但係估唔到佢上菜既時候係比2個籠既4隻我@@ (即係冇左平時一個大籠放8隻), 其實都冇咩所謂既, 不過感覺佢呢度個廚房應該唔係太大喇....哈哈!
講番D野食, 小籠包個皮一樣咁薄身, 肉汁夠香夠熱, 真係keep得到D水準!

一個星期既開始, 跟飯伴走到旺角和民吃晚飯
去到見到佢地轉左新既MENU, d食物既圖片更新左同從新排過, 有d野食冇左, 不過又多左d新既野食, 都幾有新鮮感, 亦都令我地試多左d平時少試既新食品。

蟹肉忌廉炸薯餅@$28 - 外層的炸粉太厚, 感覺入面只係好多粉, 亦都唔多食得出蟹肉既味道...跟碟的那個醬汁不太合我口味, 如果佢配沙津醬比我我會覺得夾d同好味d...!特濃雞湯拉麵@$58 - 呢個係新menu入面既其中一個主食, 好可惜整個食物都不好吃。先說說特濃雞湯, 跟本就丁點兒濃郁的味道都說不上, 更不要自稱為"特濃"了吧...至於雞湯的味道有點奇怪, 總之就不像雞湯喇! 另外, 拉麵中加了一片檸檬, 我估是用作'中和'特濃雞湯的油膩感, 但加了檸檬的味道入拉麵有點奇怪...總之成個麵都好奇怪! 一點都不好吃!大板燒餅@$53 - 都是新推出的食品。平時多數都會叫豚平燒, 今次試新野, 味道都OK, 入面有海老同豚肉, 算是比較可以吃入口的東西。黑椒糖脆雞翼@$38 - 平日都會叫的食品, 黑椒糖脆的味道甜甜的, 加在雞翼上味道很好! 另外喜歡它是開邊的雞翼, 即是只是有一邊凡單骨, 吃起上來比較容易。沖繩豚角煮拉麵@$48 - 如果說上方所說的特濃雞湯拉麵是'不好吃', 那這個'沖繩豚角煮拉麵'是很難吃'! 飯伴一向都是走'有衣食'主意, 可以的話都不想浪費食物, 但這個他竟然覺得難吃得吃不下 豚角煮的味道是可以的, 但配以的湯底不好吃, 令整個麵都變得有怪味。
下次都係乖乖地吃一點正常的食品吧...

今日相約飯伴到元気吃午餐...佢既set lunch menu唔係太多選擇, 好似大概有5-6個set, 有點難先選到想吃的午餐...

不過呢間分店既環境幾舒適, 坐得幾舒服!

我吃了一個"三文魚親子丼"@$58, 跟餐有一個麵鼓湯, 三文魚是以切粒上, 份量還可以的, 味道也算新鮮, 不過那個飯太暖而有點失色。至於味噌湯, 我相信係因為開粉既關係, 除左偏咸之外, 佢仲未完全溶化而有一'pat pat'既野....而果舊野係超咸到我要吐番佢出黎.....飯伴點了一個"元氣定食。炸魷魚"@$68, 入面包括左一個蒸蛋、味噌湯、迷你烏冬、壽司及炸魷魚。整個的味道一般, 蒸蛋不夠滑, 炸魷魚則算香脆可口; 迷你烏冬及壽司都是一般水準, 而飯伴的味噌湯就沒我的那麼咸了。午餐SET真的不好選卻又不太好吃...唯一可取就只是座位舒適吧!

之前一日好夜好夜好夜先訓...

第2日累到訓到下午3點先起身既我...

已經餓壞了我的飯伴...(因為佢預計我會早D起身同佢去食野...XD)

於是打算搵一個早時段既放提去食, 

當然上黎Openrice睇下有咩心水喇...

最後就番地點、價錢、時間同笑哈哈既數目, 決定試一次在山林道的平成二十二!

刺身

呢度既野食種類都算幾多, 就連刺生都有一D平時放題少見既款, 就好似花螺同劍魚腩。
平時去食普通壽司店我都會叫劍魚, 因為我地喜歡佢果種魚"油香"既味道, 估唔到呢度有劍魚腩而且很肥美! 
另一個令我地驚喜既就係佢既花螺喇! 估唔到佢D花螺都幾有鮮味, 食得出有螺味而唔係得個雪味。
三文魚都係厚切, 夠肥美夠新鮮; 帶子是很細粒的那種, 比較普通。唯一不喜歡的是那個甜蝦是連殼的, 比較吃得麻煩了一點。

燒物

記憶中吃了...
燒牛舌: 味道OK唔會燒得太乾太硬, 幾好食。
燒海蝦: 又是整個連殼的, 不過飯伴說有鮮味, 亦燒得不錯。
燒冬菇: 燒過頭了, 整個都很乾身, 又沒有醬汁加上, 不好吃的。

揚物

蝦天婦羅: 不過不失的, 粉不算太厚身, 炸出黎食既時候都仲係熱辣辣, 味道不錯的。
炸魷魚: 好奇怪的感覺, 就好似用錯炸粉的味道, 不太好吃...
炸粟米餅: 因為佢呢度冇就咁既燒粟米, 而好喜歡吃粟米的我倆就叫了這個, 一開始都會覺得粟米拎去炸應該都麻麻地, 點知佢竟然幾好食喎! 我地仲encore叫多幾次添....!

壽司
一向我食放題都比較少吃壽司, 感覺不太抵嘛哈哈...! 但係今次我見到佢竟然有花之戀呢!! 好有誠意啊, 吃了一件, 味道同外觀都幾好, 可以在放題吃好味的花之戀真的比較少見呢!

小食
飯伴叫了中華沙津, 我不吃的所以不給評價了, 不過飯伴都吃清光。我叫了蟹子沙津, 味道一般, 感覺不夠凍, 又只有青瓜而得很少很少很少的蟹柳。

和食
牛油炒雜菌: 大大碟的, 味道還可以, 不過不失, 不過唔係用錫紙包住而只係碟上, 好快就放涼左冇咁好食。
蒜片炒牛肋肉:牛肋肉切成細細粒, 炒得都ok香, 不過都幾大碟, 好可惜飯伴唔食牛, 我一個人食極到食唔哂....

最後仲有雪糕可以食, 同埋佢都有氣水任飲。總括黎講, 成個放題都唔錯, 可以再番食的一間食店。

第一次吃麺屋武蔵的時候就是沾麵風橫行的時候,
試過一次後覺得平平無奇, 又長期很多人排隊要等位,
所以一直都沒有再光顧。

剛巧今天在APM想不到吃些什麼...
打算碰碰運氣再一次到麺屋武蔵試試看。

今次門口沒有大排長龍喇!
我們2人一到坐吧檯的話就可以直入,
不過我們選擇等卡位, 最後都只是等了10分鐘左右而已。黑武骨 (配豚角) - 說實在它的湯底很一般, 不大吃到有很香的黑蒜味, 那個豚角夠入味夠香味道不錯, 麵身的軟硬適中, 但麵本身的香味不突出, 以這個價格來說不太值得。白武骨 (配义燒) - 湯底我覺得比黑武骨香, 叉燒竟然只得一塊...?! 不過叉燒的味道OK同夠"林", 其他配料都很普通。比目魚柚奄燒 - 跟飯伴常常都不敢叫魚吃, 因為我們都有點兒怕魚骨, 又怕烹調不好會很腥, 但今次這個比目魚柚奄燒卻令我們很驚喜! 首先比目魚只得一絛大骨, 可以啖啖肉咁樣食; 成個魚比我想像中無咁油, 同埋佢配上既柚子醬非常好吃, 一來幫助去除魚腥味, 二來甜甜的柚子配上比目魚十分夾, 很好吃的一個小吃!

今日跟飯伴走到馬鞍山, 剛巧吃完晚飯後想去吃甜品, 於是走到這間新開的甜品店一試。

去到既時候都幾多人, 不過好在咁岩有張2人檯結賬, 好快就有位唔駛等太耐 見到有好多野都好似好好味好想試咁, 所以最後我地決定...2個人食3款野食!!! (肥死了....)最先黎到既係"浪漫巴黎", 入面有心太軟、雲尼娜雪糕同朱古力奶凍。
首先當然係試我最喜愛既心太軟喇! 個心太軟既熱度掌握得好好~ 非常夠熱辣辣! 入面個流心原來唔係普通既朱古力醬, 而係好似"金莎"入面既朱古力醬+榛子醬! (我都係因為有店員解釋先知咋!!  )
入面仲會有D細細粒既花生去增加口感~

成個心太軟都好特別, 不過我個人還是喜歡純朱古力醬的心太軟多一點點

雲尼娜雪糕就不過不失喇! 朱古力奶凍都好滑好CREAMY, 夠哂朱古力既香味~芒果法式千葉餅 - 呢個即係好似出面既芒果拿破崙, 芒果幾甜不會酸, 拿破崙餅整得很鬆脆和很香口~ 中間的Custard夠Creamy, 一個令我幾滿意既甜品 石板燒班戟 (芒果味) - 呢個淨係個名都覺得攪笑同有趣, 所以叫黎試試, 店員上這個甜品的時候真係一個熱騰騰既石板上的, 另外配上一個奶油, 把整個奶油倒在石板上, 就好似我地平時食鐵板燒咁"沙"一聲再在石板上沸騰, 未食淨係呢下都加哂分哈哈~!

店員提醒我地唔可以放佢太耐在石板上, 否則個班戟底就會容易燶, 所以好快就將佢上碟慢慢食~
班戟的皮整得幾好食, 夠軟滑, 再加上石板上燒熱了後令個暖暖地既軟身皮更突出。
入面既芒果都係暖暖地唔酸的, 入面Cream既份量我覺得剛剛好, 唔會唔夠Creamy又唔會太溜。試左3個甜品後我最愛這個, 又好玩又好食!!  下次有機會可以再試其他款既甜品

跟一大班朋友在九龍城吃完雞煲後, 他們竟然說要再去吃甜品!心太軟+芒果雪糕: 每一次黎到我都忍唔住叫既心太軟! 黎到既時候滿心期待, 食落口....咦....?
好似無左之前果隻熱度...當然我唔係指唔熱, 但係好似得番之前既80%左右~
中間既朱古力依然夠流心, 不過好似無之前咁甜...
到底係我既味覺唔同左定係佢真係差左呢...?
問一問同我SHARE既飯伴, 佢都覺得好似欠了一點什麼味道似的...
芒果雪糕依然好好食, 一凍一熱既對比夠大! 綠茶蘆薈爽 - 佢係一個比較唔甜既飲品, 入面都算幾多蘆薈粒, 綠茶味比較偏向茶味及有丁點點兒的苦, 不過吃完甜野中和一下都是一個不錯的選擇。

跟飯伴走到旺角, 目的是買itune card...
早幾日一大班人想食CPK, 好可惜等唔到位轉場去第2度...
今日飯伴比多次機會我食喇!!

不過其實都等左成半小時先有位...Carbonara - 我最喜愛的一個Dish..>V<
不過O係CPK食就好似係第一次,
一開始見到個樣覺得唔多好食 (因為我超唔喜歡吃青豆的!)
但係一夾起私意粉就已經見到一絲絲既芝士...
食落超Creamy同Cheesy的味道!
加上所配的煙肉的味道烘得有少少"燶燶地"既味道, 而且不會太咸,
我食到停唔到口呢!
(P.S. 我係好努力咁FING走哂D青豆先食架...所以唔知青豆好唔好食!)  Pizza - 我地叫左BBQ chicken pizza, 一向我對BBQ Sauce都有D保留, 但係呢個個味道又OK喎, 個人覺得呢個唔夠多芝士, 不過個餅邊就有淡淡既甜味, 都係一個唔錯既選擇。

話說今日放工去APM搵食, 跟飯伴記得開左間新既食店, 所以去睇下個MENU, 最後都決定試下佢。

先睇下個開放式門口:店舖上面既佈置都好有香港風味。我地2個一人叫左一個Dinner Set, 前菜就一個沙拉一個湯, 旨在一次過試多D唔同既野。先黎餐包: 不算是非常熱辣辣咁拎出黎, 不過都溫暖既, 個飽幾鬆軟同幾香, 我同飯伴都吃清光。餐湯是南瓜湯, 份量有點少...味道是不錯的, 南瓜味幾Creamy。沙拉...這應該叫做生果, 因為佢只係將好幾樣既生果放埋一齊, 無沙津醬/油...而D生果有好多都係超酸的, 我們都不太喜歡呢.我叫的大蝦意粉, 上碟既時候先知道係茄醬底, 本身都心底一沉, 驚會整得好酸或者好茄汁味。但係結果幾令人驚喜: 那個茄Sauce唔酸, 連唔喜歡食茄醬既飯伴都覺得幾好味, 同埋食到個醬都沾左點鮮蝦既味道, 至於個意粉, 我就覺得硬左少少, D大蝦都幾鮮味, 同埋都有成5-6隻大蝦, 算係似番佢呢個價格既水準。飯伴的白汁海鮮焗飯, 這個是以鐵板PAN上檯的, 它因為是即焗的, 所以等候的時間比例長, 個白汁有好重既芝士味, 不過呢, 味道比較一般, 個人覺得沒有太特別之處, 亦覺得賣這個價錢有點不值.

今日端午節放假, 跟飯伴心思思去大角咀想吃蘿蔔, 估唔到晚上9點幾去到都仲係Full House,
不過好在只係等一張檯姐~ 碗仔翅 - 我地平時好少會叫, 個碗仔翅好足料感覺一D都唔會"水", 入面有大大片既冬菇、魚旦片等等, 入口每一啖都好rich, 食完個味又唔會有味精, 正!魯肉餃 - 最喜歡佢上面一大"PAT"既蝦籽, 哈哈! 依然保持得咁好食...味道一如以往!平時我跟飯伴多數一人一碗麵, 今次因為叫左碗仔翅, 所以只係叫左一碗麵, 而另外一碗...就係2份既蘿蔔喇哈哈! 我們2個也太誇張地喜歡吃這裡的蘿蔔了吧....

蘿蔔一樣的鮮甜, 一樣的無渣, 實在太好味喇嘻嘻, 個油麵就旨在飽肚了吧, 不過不失喇!
另一樣我們喜歡的是它的腩汁湯底, 因為食落去, 你會發現有少少甜味...而不會有味精味.熱冬瓜茶(後) - 飯伴黎到必叫既飲品, 佢應該超級中意呢種冬瓜茶既甜 (P.S上次去台灣買左3支比佢做手信...轉眼間就飲哂喇=W=")
凍秋梨茶(前) - 雖然我都好中意飲呢度既冬瓜茶, 但係今日我想試下新野, 所以就叫左呢個凍既秋梨茶喇! 佢個味道好濃郁, 但係又唔會有渣架喎! 梨既味道好出好甜, 下次又可以多一個選擇喇! 仲有佢係凍飲...係我至愛!