如果你想谷氣就幫襯！
不愉快經歷1: 前幾天幫襯買盆菜做冬，加埋中號蓮蓉焗布甸，收銀亞姐講唔出與大號size嘅分別， not professional.之後落咗大號布甸，我要中號，收錯錢，仲blame 我講錯，之後收咗我錢又話無，隔離負責人都知我無講大話，（因為之前我無現金，我要去㩒機，他都在場）。及後又漏咗寫布甸的收據給我，要隔離嘅負責人提佢.😤
不愉快經歷2: 今天取盆菜，counter 亞姐話無布甸😲有單有記錄，咁都得！！！佢話廚房做咗兩盆，已派發，廚房已收工，最後退錢了事。
有冇挍錯！俾咗錢，有單有據都漏單⋯⋯
如果大家想在大時大節經歷谷氣經歷，就考慮吓幫襯，我就無下次。
後記：就此事，我寫在該商號的社交平台 訴說我不愉快的經驗。負責人亦很快回覆，表示歉意及願意付出$188盆菜一份及蓮蓉焗布甸一盒作補償。
我本應高興，但我的回覆是”...不要了。知道現今香港飲食業在疫情下經營不容易，但是作為香港傳統老店，維持食物質素與服務態度，同樣重要。今次事件令閣下知道現存的缺失及需要改進的地方，希望貴公司在流程上多加改善。”
其實我實在很嬲，嬲到連免費盆菜及布甸嘅補償都唔要😤😤😤

我在團購買$199 價值差不多$700元, 參考以往食評都幾好, 於是落了搭.
指定菜式與之前的HH&MM一樣斱是二人套餐. 補充就是之前仲有個前菜, 好似海草的物體. 及最尾有粒雪米糍.

蟹籽沙律 - 比起之後的菜式, 分量已算多.
蜆肉連殼麵豉湯 - 粒蜆肉好細粒.
串燒 - 算是全場最好味, 雞翼皮燒得恰好脆脆地.
明太子鮑魚 - 二人只有一個手指公長度的鮑魚殼,上面有鮑魚切粒,用washibi +沙律調味,幾好味, 不過 二人分量就...
麵豉燒蠔 - 因為有芝士舖面, 我好似食到帶子多過蠔 ?!
凈烏冬 - 可能我地等咗一陣至食, 好似粉團
汽水兩個人分一罐 - 好彩老公唔飲汽水,自己獨吞
服務水準 - 都幾好,一人貼身服務, 因為全間餐廳由晚上7:00至8:00只得我地二人團購幫襯.走時多咗一枱6個熟客幫襯.

在同事的推介下, 認識這間吃粥專門店. 可惜上次與3位友人遲左2秒, 晚上差不多7時左右, 只剩2個吉位, 最終轉到附近另一間西餐廳用膳.

2/11/2011的晚上, 放工與老公2人再闖這間吃粥專門店, 終於品嚐美味晚餐, 當日食了奄仔蟹粥, 鮮魚餃粥, 薑蔥魚腩及油炸鬼.

本人極力推介薑蔥魚腩,首先是以一窩熱騰騰的端上, 不會太多汁, 薑蔥很多, 魚腩厚度適中, 魚肉表面有點焦, 好似煎過 , 入口有丁點甜及薑蔥味, 甘香, 正, . 自問我是一個不太喜歡吃魚的人, 但我都被它的味道所吸引, 魚腩沒有細骨, 吃時很放心. 以前只吃過薑蔥焗蟹, 原本薑蔥魚腩一樣出色.

至於粥品方面, 之前已有很多食評寫過, 我唯一的意見是, 好就好食, 不過吃完會口渴, 好似落左味精. 無論如何, 我都覺得值得一試, 下次帶埋媽咪來幫襯.

溫馨提示, 由於座位有限, 人數方面要留意, 只有2張大圓枱, 其餘只適合2-3人坐. 多人可能分枱坐.

二哥早前推介在他工作的地方有間好味的酒家, 由於位於工廠區, 平時召呼商務人士, 星期六日就推出特價點心, 吸引了不少家坊幫襯. 差不多兩個月前到坊. 這裡有座如太古坊商業大廈, 有獨立電梯從寫字樓大堂直達酒家, 洗手間更有水晶吊燈, 酒家內掛了拼風式富中國式彩的中國畫, 很有氣派, 環境不錯, 食物質素都幾好. 雖然二哥話侍應服務於假日比平時差, 可能服務對象不同, 我覺得大致上可以接受, 於是今天同家人再來, 可惜....

到達時是早上約10:50, 桌面放了兩張點心紙, 一張是正價, 一張是適用於11:00後才供應的優惠點心紙"優惠點心紙". 我問侍應有沒有11:00前的優惠點心, 她說10:50後無得落單, 於是我分別遞上正價及, "優惠點心紙", 可惜那個大肚短髮姐姐話.現在入唔到機, 我話你未到時侯咪入機囉, 但她不肯, 仲俾番張"優惠點心紙" 給我

我覺得好奇怪囉, 1. 點解11:00前無11:00前應有的優惠? 2. 又未到11:00, 唔通這段時間就要一定食正價點心? 3. 未到11:00, 桌面已放上 "優惠點心紙". 但又唔俾人落單? 4. "優惠點心紙" 寫上11:00後供應, 沒有寫上11:00前不可落單. 5. 原來今時今日, 位於甲級寫字樓內的酒家都有咁嘅服務水準, 真的需要再培訓. 希望有關酒家股東及管理層能看到, 有所改善.

這間酒樓其實都幾遍遠, 雖然心中怒火未熄, 但是有老人家, 不方便離開工廠區到地鐵站附近再找另一間酒家. 最後還是叫了叉燒包, 馬拉糕, 豉汁蒸排骨, 蒸餃, XO醬煎腸粉及肉餅蒸飯.食物方面, 馬拉糕很軟熟, 不似番蒸, 與"X好運"差不多水準, 難以形容的味道, 令我有種重拾兒時所吃酒家點心的感覺. 其他點心方面, 排骨 - 很入味, 有住家餸的味道, 蒸餃 - 皮薄, 算是交足課. XO醬煎腸粉 - 以普通圓圓的腸粉, "業"成豉油般的深色,上面灑上雞蛋切絲,入口有小小辣.

進食期間, 點心嬸嬸兩次奉上我們沒有落單的點心. 眼見附近都有類似的情況發生, 有些更與侍應對單. 心感不妙, 埋單時更提高警覺. 終於給我發現多計我一碟排骨點心, 價值$20, 請大家食客多加留意, 希望精明消費的你唔好好似我咁留下難以忘懷的經歷.