約左個朋友黎觀塘行開食，經過見到係觀塘東廣場入面嘅呢開忘不了，就決定入去試試

環境不錯，用木枱木椅
有啲古典風味

一坐低侍應送上熱茶，招呼不錯

因我有選擇困難症，所以諗都唔諗就緊係叫個套餐

涼拌雞絲粉皮
清爽唔油，粉皮不會太淋，有口感

蟹粉小籠包
皮夠薄，一口咬下去裏面充滿著蟹粉，滿口留香，味道濃郁

宋嫂魚羹
浙江傳統名菜，湯內有火腿，冬筍，魚肉，湯鮮味美，無魚腥味，岩晒鐘意飲湯嘅我

十三香農家雞
一上枱已聞到濃郁芳香，炒得幾乾身，肉汁保持其中，嫩滑惹味，送酒一流

本幫黑醋骨
陳醋味道剛好，不會太酸，吃後胃口大開，排骨不太淋，強烈推介

黃金蝦仁炒飯
飯炒得乾身，粒粒分明，不太油

埋單一共$218,一人大概一百，飽到捧住個肚走，下次要帶埋屋企人黎試個四人餐