經過金馬倫道,被熟成肉嗰幾個招牌字吸引住,跟住再透過玻璃望入去棟喺門口個餐牌,咁就入咗去。 未打開餐牌,心目中已諗好想叫啲乜嘢 向侍應要咗個特上A5和牛燒肉套餐 八片淋上燒汁嘅A5和牛,燒汁味道正常,燒到六成熟嗰舊咬開有困難,雖然達A5級數,油脂分佈看似平均,但無一舊係有入口即溶感覺。 我係五尺三寸高,當我夾咗幾塊肉去燒嗰陣,覺得挾牛肉上去燒爐好唔太就手, 另外覺得吧枱枱身幾高,放個手機喺台面碌得好唔就手。整體用餐感覺麻麻,但餐廳環境都幾企理。

用餐時間係口1月15日中午十二點，我諗 應該我係最後一個食評,估唔到今日再去已經執咗笠。 我呢位腸痴喺youtube視頻睇人介紹牛腸鍋之後,就慕名而來。呢度牛腸鍋滾得好軟稔,牛腸入口即化,甘香嘅牛脂滲入每一個味蕾,入口膏滑油香。佢層牛腸衣唔同其他喺食店食到嘅牛腸，層衣不但止唔韌,仲唔使點咬,可能早已經用其他烹煮方法處理過,齋滾唔會做到呢個效果。 跟手嚟過用日本米煮成嘅飯加多一隻蘭王蛋撈落用牛腸鍋滾過嘅湯底裏面攪勻,牛脂嘅香氣混入濃郁嘅蛋汁比啲飯索哂

隱世居酒屋

喺日本食過博多牛腸鍋之後，心血來潮突然又想食返，於是去網上揾資料，最後決定嚟呢間居酒屋。
當日係年廿九,睇完中醫後,自己一個去到依間居酒屋醫肚,上到去己經係八點正,本來以為樓上居酒居會無乜人,錯啦！估唔到坐滿哂食客,好彩仲剩得最後一張枱安排比我坐。環顧四周,日本人同本地人都各佔一半。兩大枱日本人似係放工之員工同老闆嘅歡樂時間嚟呢度消磨。而餐廳裝修偏向日式酒吧格局,店內有部大電視播緊日本電台嘅節目。
我點咗博多牛腸鍋、鐵板海鮮明太子、明太子芝士玉子燒、炸蝦仔、炸物(牡蠣豬肉卷、蘆筍、炸牛腸×3、炸海鰻、炸牛肉、炸秋葵......)。炸物
先講吓炸物,薄薄一層脆粉漿包住,沾啲帶酸味嘅喼汁令到各色各樣食材粉外惹味,但炸牛腸可能喺高温嘅情况下縮到一小嚿,感覺無淥咗三十秒嘅牛腸體積咁大。牡蠣豬肉卷可能又就住塊豬肉嘅熟度,連帶牡蠣縮到好細粒,食到有啲到喉唔到肺。其他炸物食材正常。博多鹽味牛腸鍋

博多鹽味牛腸鍋一流,牛腸鋪上好多韮菜同芽菜仲有幾片檸檬,賣相吸引。成口牛脂滿足無比,含住嚿牛腸等啲牛脂香氣慢慢浸淫喺口腔裏面,然後差不多食到剩返塊比較韌嘅腸衣就幹脆吞下,真係好好味。明太子芝士玉子燒夾住啲芝士同明太子,玉子濃郁柔滑,拉絲芝士同明太子餡味道好匹配,不過用匙羹攞起時需要夾穩啲,事關感覺足料墜手兼易散,份量一啲都唔少。鐵板海鮮明太子呢個比較淡味唔吸引 炸蝦仔
炸蝦仔係鐘意食炸嘢嘅人唔能夠錯過,鹹香嘅炸蝦仔酥香鮮脆,無論當佐酒小食又或者係當正餐前菜開胃小點都係一絕。
留意到嚟呢度嘅食客有啲同三五知己飲酒食輕食消磨時間,有啲係情侶嚟開餐,有啲放工約朋友嚟呢度食飯,有啲比老細捉過嚟焗住Happy Hour,無論食客輕食或開餐,每枱都必定有碟串燒放喺佢地面前。

一直都好想去呢間拉麵店試試,地址一啲都唔易揾,喺Openrice睇到喺民泰街,本來以為可以趕到11：35分過到去唔使排隊,點知揾唔到間店於是問路人,比人老點去附近間家維商場嗰間唯一燒鵝,去到先發現嗰位路人可能聽錯泓一係唯一,於是再問多幾個路人終於揾到間食店,11：45分趕到去食店門外排隊,而我係第七個啱啱可以坐到店內最後一個位。 一坐低發現呢間拉麵店唔係咁專業,喺膠盒入面啲筷子同湯匙放得好唔整齊,成大咋擠入去咁款,喺日本係唔會見到有咁情况發生,地方亦都唔覺經常清潔。 坐低即刻叫咗個招牌白雞湯拉麵,麵條比較幼身,並不如預期般爽滑彈牙,喝一口奶滑嘅湯頭,感覺雞味熬得唔夠濃郁,但嗰片叉燒同慢煮雞肉算肉嫩柔滑,隻流心蛋個流心程度啱啱好,配料如葱花筍絲亦正常,但整體唔會令人失望,但就無我期待嘅驚喜感覺。 食完過後返屋企竟然肚瀉了幾次,我係一個唔易肚瀉嘅人,對上一次食到肚瀉都忘記咗幾多年前啦！我又食唔到佢地有酸宿味,所以我第一時間諗起可能同呢間店啲肉類煮得唔夠熟或餐具有關,希望店主可以正視。

我喺腸藏愛好者,甚麼牛腸、豬腸、雞腸通通啱哂我胃口,越多脂肪越鐘意。
一向幫襯開蘭香麵家,佢地雞腸同麵嘅份量適中,見以下人兄嚟到三蘇記叫嗰碗雞腸腩河啲雞腸份量都幾多,自己又叫咗碗雞腸麵,雞腸連住脂肪爽滑油香,但可惜分量幼少,麵條完全無彈牙感,浸到想稔哂。
另外本來想要碟酥炸鲮魚球,可惜店鋪今日無貨,食完仍然肚餓,於是繼續出去覓食。

我去親西餐廳或者係甜品店,有一樣嘢我一定會點嚟食,呢樣嘢就係檸檬撻嘞!

今日去咗香格里拉間Island Gourmet外賣咗一個原個檬撻嘞!

唔會過甜又唔會搶喉.面頭蛋白輕盈軟綿,亦唔會過甜.如果蛋白面頭刨上
啲檸檬皮係面,,相信蛋白味道同賣相會更好,餅皮就不過不失啦!

唔係話老細係做凍肉批發,靚牛肉留番比自已店咩? 我係扒痴,但從來無喺扒王之王食過一塊靚牛扒,佢地啲牛扒味道同大家ｘ快餐

店嘅味道一模一樣。

稍前我朋友係透過團購以HK$299買咗個所謂扒王之王牛博士火鍋團購四人餐,佢免費請到我咪去食囉! 佢淨係話買咗個牛博士4

人火鍋團購套餐,早知係去扒王之王我免費都唔會去. 呢個4人火鍋套餐,我地兩個都只不過係免強夠食,好彩嘅係我哋另外有兩個

朋友甩底，如果四個人到齊，咁就一定唔夠食！如果唔夠食另外叫,就中哂餐廳計啦!難委個位侍應小姐重稱讚我哋竟然食得哂所

有食物，我哋心諗唔係掛！咁少嘢點會食唔哂呀! 不過真係勁唔抵!加一仲要跟原價$750個正價!無病嘛!夠擔死話呢個所謂嘅團購

四人餐正價係$750,明顯將個正價吹到上天囉!

先講講主角牛肉拼盤,包括手切美國安格斯雪花前小排、手切美國前頸肉、美國選級前肋肉及美國吉腩,如果真係比以上呢啲嘢,

當然值,但佢地嗰盤牛肉拼盤,無乜肉味兼成盤肉全部都係鞋口,絕對無一塊係嫩肉.

其它食物如四寶丸及海鮮拼盤也只是不過不失

唔記得喺邊份報章雜誌睇倒呢間新馬來亞餐廳廣告，還掂去開上環，Shopping完走過嚟西環

幫襯吓呢間餐廳就試吓佢地啲菜色啦!雞肉串燒比牛肉串好吃＋倍，先喺味道方面，雞同牛肉串都烤得香噴噴，食落有噚燒烤味，

雞肉肉質好香嫩，蘸上沙哆花生醬後滋香惹味; 牛嘅肉質就真燒到過哂火喉嘞，韌到飛起!

唯有靠蘸上啲沙哆花生醬免強食完餘下嗰兩條牛肉串。烏打一向係我最愛，佢係娘惹出名小食之一。烏打即係蕉葉包住啲辣魚蓉嚟燒，自從上次喺

檳城南興茶室嘅烏打令人回味無窮，佢地仲整得好食過馬六甲內嘅古城雞粒好多，所以當時

一次過叫咗＋幾舊嚟食，而呢度嘅烏打雖然口感細膩，但略嫌椰味太搶,亦唔夠我之前食過咁

回味，講唔出欠缺啲乜。男友叫咗呢個但我無食，佢話比佢呢碗叻沙80分，而我就覺得成88蚊都叫做比出面貴，加返

多兩隻獅蚶感覺上抵啲，雖然話就話喺酒店食係咁上吓價錢架啦! 但係你呢間係喺西環又唔係四五星

酒店喎! 何必吝嗇那區區一兩隻獅蚶呢?味道相當清淡，似比病人食，收78蚊真係貴咗啲

特首選舉完畢，終於選出一個大家認為有共產黨背景嘅香港特首.記者再無興趣跟進小桃園飯局，

但小桃園就比Dream Bear攪到聲各大噪，恭喜哂!

每年母親節呢度超爆，今日當然唔例外，老閭終於唔洗見光死，今日係揾銀嘅大日子,所以身為老閭

都要親自下厨去應付。

上湯龍蝦彈牙爽口又夠鮮，上湯個汁又教得唔錯，差啲想飲埋啲上湯。鮑魚雖然大隻但蒸得稔身，放喺上面啲葱帶出鮑魚嘅鮮味，最重要唔韌炆老虎班頭腩炸得又脆又入味，肉厚又惹味炒老虎班球夠彈牙爽滑，而且大瑰又鮮甜,蒸花蟹啲膏有稀有杰，蟹肉又鮮又多肉每條粉絲都索哂喲蒜蓉味，加埋葱同豉油，個汁好正，只可惜個蚌體積太細蒸魚唔腥又唔晦，啱啱熟嘅程度，啲魚又滑又唔峭,蒸得好!離開嗰陣門口都仲係好多人等位，車場超爆，呢餐食得我地好滿意，但最重要媽咪食得Happy。

買咗個團購$998頂級吞拿魚套餐,裡面包括1.吞拿魚沙律、2.吞拿魚腩薄脆、3.刺身: (吞拿魚腩

、吞拿魚背、香葱吞拿魚溶、長竽伴吞拿魚)、4.天扶良: (吞拿魚紫蘇葉、吞拿魚溶紫菜卷)、

5.汁物: (吞拿魚肉丸赤麵豉湯)、6.壽司: (吞拿魚醬油瀆壽司、火炙吞拿魚壽司)、7.兩杯木盒清

酒。

吞拿魚腩鍋巴賣相唔錯，但係最失敗係鍋巴太脆口啦! 脆口嘅感覺令我過份集中喺嘴嚼而差喲

忘記咗吞拿魚腩嘅味道，只有分開嚟食先可以食到香葱吞拿魚腩溶嘅鮮味; 另外，薄薄嘅吞拿魚

紫蘇葉好芳香脆口，又唔油膩，可惜裡面塊吞拿魚好似罐頭吞拿魚嗰種口感同味道; 清洒杯用嚟

擺設都仲可以，要嚟飲就好易會出現類似下巴流水嘅情况 ;另外，散叫嘅牛脷幾厚切亦都好稔爽，

感覺好似放咗條脷喺個口裡面; 而另叫嘅北海道帶子好鮮甜但比一般連銷店嘅北海道帶子體積細

塊; 軟殼蟹手卷啲料包括 軟殼蟹、沙律汁同埋牛油果,算係足料，但價錢同味道都平唔過同啲

料多過佢嘅元氣壽司咁好食。

特別一提，呢度話哂都係高級食府，侍應零笑容都算，待客嘅態度有啲睇唔起你嘅感覺，唔知係咪

同我嚟呢度食團購餐有關，食咁多次團購唯獨呢間嘢比我有呢種感覺，真係想同你地老闆講，話哂

我都係食你地團購最貴個套餐，又有散叫你地其它食物，對你地啲女侍應冷淡態度留下好深刻印像，

必定NO NEXT TIME