新裝修後去過一次飲茶，環境無咩改變，服務殷勤，照樣都係舊果班員工，只係食物上大不如前…以前好多主打既點心已人去樓空，選擇上比以前更加少，只係名字上多左好多名貴的添加，好老實講，真係好失望，加上分量上每碟都係一舊起兩舊止…但價錢上就係酒店級價格，價格高左唔緊要，但作為一個聰明食客，其實用肉眼都識得分貴與平的食才，而唔係係菜單名字添加色彩！服務同擺碟上雖然係好乾淨，好殷勤，但尼樣野應該係一間酒店價格經已包括在內的服務！好可惜，試問一間無景，無停車位，上樓店，如果連咁既服務都無，仲有人肯會比中環酒店級價格去飲茶咩？人地酒店既分量都唔會係一碟野得兩舊或一粒啦！重點係我唔係食緊某位出名大廚既出品，只係好普通飲茶食點心，點心只係出自普通食材，或許新裝修後賣點係（服務）而唔係食物，十分明白但我真係好想講我未試過比成接近100蚊，得一粒仲要有個蓋打開比你望下一粒既蝦餃，好似好珍貴，仲話配上自家既特製豉油，咁我想問一下，4個人係唔係要叫4碟？其他點心基本上都要叫2碟先剛剛夠一人一口分！如果係點心Omekase ,我唔介意咁既玩法，但奈何我唔係去左一間米芝連咩星餐廳或某位出名廚師既出品級咯！未試過飲完茶會有一種搵笨既感覺！飽經已唔能夠提及…只能夠話我去左食服務！完！

食過好多次，好食又抵食，唔怕口乾既上湯，濃而有味，唯一有少少麻煩就係附近無車位，開車既朋友會麻煩少少…加上又成日排隊，所以想食都係平日去最好！個人覺得佢個湯好入味，唔掛得見到好多街坊都會排隊去食，有時候見到條隊太長，我自己都會放棄，因為怕抄牌無辦法！次次去都會叫一碗粉加小食，好少地方搵到尼種風味，好有香港特色既味道，第二度根本無可能搵到，所以我耐唔耐都會去食下，如果唔洗排隊當然仲更加好啦，但為左食，有時候都要付出代價！值得推介！好食！ 好味！ 😋😋😋

第三次去打邊爐，無耐，要碗無碗，要羹無羹，問員工要碗，只比一隻碟！都算，菜上齊，店內所有員工就係咁玩，笑聲復蓋全店，有好多食客覺得好煩，因為那女笑聲實在很煩，叫加湯水，無人應，只聽到在廚房傳出的一大堆笑聲，基本上樓面無任何服務人員，可能就快放工，所以無人理會客人！客人要加水，難到升天！我同隔離檯只見，一班員工只在玩，恐怖的笑聲不斷，連店掌都不停玩，不理其他客人！老實講，我未試過見過飲食業員工咁樣，恐怖既笑聲，愛理不理，要碗無碗，求其比隻碟你，我想話，管理人員應有責任！任由員工在店玩，已失去工作態度！我唔會再去尼間舖！好有問題！員工太唔成熟！唔！推介！好失望！真係好失望！無下次！

屋企人約左一齊去食下酸辣魚，用手機app落order唔緊要，但個app好亂咯！我地用膳時間係中午，佢有lunch set,我地叫左2個，再叫一個大既酸辣魚同拍黃瓜，仲叫左2杯飲品，熱情果soda 同桂花唔知咩釀，首先講下個酸辣魚，我叫左大辣，我地一食，一d都唔辣，個湯又唔熱！我同伙記講唔夠辣，佢話大辣無得加辣（但明明張紙寫住有得加辣）老實講食酸辣魚唔辣咁不如唔好去食，咁我就問佢有無辣椒油啦，問左好多次先比一碟好細既辣油我，我比錢食架，洗唔洗咁呀！因為同樣地個拍黃瓜係無味架，所以我想自己加d辣油落去！我人生中食過無數次水煮魚，酸辣魚等，未試過中伏中到問人要辣椒油都要問好多次先比我，我唔明點解咁多好評！伙記態度差，十問九唔應！酸菜魚真係唔好食！酸菜唔酸，湯唔熱，辣既情度係微辣！都唔緊要！你話可加辣，但客人問你加辣時又話大辣唔加得辣！咩道理？

We were wait at the main door and some of waiters or waitresses to ask us about how many people to go in, I told them we have 3 persons, one of staff told me there’s full inside, she asked me to wait outside then a guy came after , they also didn’t make any booking appointment but I was the one came first they just asked me wait but the other guy they asked him the phone number so at that time I was so mad about I came first why they don’t ask my phone number first? Then I asked the staff about why I came first and why didn’t ask me first about my phone number to make a reservation? One of the staff she said sorry to me but to be honest this is not professional at all!! They said they will call me back if the table is ready but still no call from them! Super disappointed about Cova! I will not go again!

見北角有分店，因為食過好幾次不過都係係西環店食，咁試下北角尼間，點知北角分店無裝修，好簡漏，地方又細，無西環店有裝修，好懷舊，食物方面西環係新鮮好多，因為我係北角點既所有牛都唔係好鮮色，切功仲要係好麻麻，明明記得西環店出品既牛部位，件件都好齊整，有雪花架麻，點知北角尼間分店唔係同一樣嘢咯！仲要自助混醬區係細到不得了！舖頭已經細，坐得好逼，整體而言好唔舒服，加上食物唔係好似另一分店咁好食，比同樣既價錢，我會選擇去返自己覺得食得滿意既地方咯！

尼間蘭州拉麵食過幾次，好鐘意佢人手打麵，入到去個環境好似返左深圳咁，疫情下無地去旅行咁唯有嚟尼度感受下大陸的味道！我個人好鐘意食佢地既烤羊肉串，好好味，仲要係用鐵支燒，又唔貴，啖啖肉無肥膏，不過我叫大辣都唔係好辣，但都好食！下午茶時段好抵食，今時今日食碗車仔麵都要50蚊以上，唔包飲野，但佢係人手打麵，湯好有牛味，平過食車仔麵！麵既口感好正，真係正宗蘭州拉麵！碗麵個碗係大但麵就少左d,可能下午茶關係掛...但整體上係好食既，服務員態度都幾好，如果有得追加麵就好啦！我唔介意比多少少！一路寫食評一路好想食烤羊肉，可以天冷既關係🤪如果想有返大陸既感覺，可以去試一下，入到去真係唔似係香港，感覺幾搞笑加上食物唔差

店舖雖然小，但充滿暖暖的人情味！老闆好好人，有多款特別的東西可以叫，味道當然係有住家的味道！價錢並不貴！很平民價但整碗車仔麵給你的也不少！老闆多創新，不只是車仔麵連滷水食品都有！有機會試下！我食過幾次，沒太多味精也不會口喝，湯底有幾款可選，車仔麵店有多選擇已買少見少了！我推介韭菜豬紅，咖哩湯底！好食！堂食比較細小，但還可以接受，買外賣就不太建議，因為湯會變凍，會失去車仔麵既美味！有時間係鋪內食下都唔錯！

唔係食唔起，其實環境都幾乾淨，服務都算幾好，但只是食物標價比較貴，加上只是湯底較特別，但一個湯底已經要3百幾，覺得有點過份，其他食物，講真都係普通打邊盧料，但收得比出面任何一間貴！我已經無叫咩特別海鮮，只是點了些普通食物，冬蔭公湯底好鹹，逼到我要叫飲品，返到屋企仲要係咁飲水！兩個人食左好少野，買單都千幾，咁既價錢我不如去食燒牛，以打邊盧咁既價錢有好多仲好既可以選擇！你用酒店價錢收費，有點過份，一碟牛肉都3百幾...無任何特別既牛肉都咁貴！有少少覺得唔抵同笨左一次！

全食🐂，湯底好正，就咁飲都覺得好味！食唔同部份牛，講真，價錢收得好抵！環境唔錯，有空間感！乾淨，舒服！牛有牛味，湯底好特別，每一個部位既牛都好好食！就算食飽都可以影下相，因為環境唔錯！打卡一流！我叫左好多牛部位，每一個部位都好新鮮，好好味！會再去食！醬料任你加，價錢真係好抵！全牛呀！買單都係400位倒，我覺得好抵！加上服務態度都幾好，又加分！所以我會再去食！佢既牛每一個位都唔差！藥試過先知好味！