訂枱服務：
只供兩段時間選擇
1) 1830 - 2000 (選擇了)
2) 2000 - LATE

當我們於1820到達時，門口接待女士要我們一定於1940還枱，否則不能入座！她都有給我們第二個選擇，就是7個人要座入房內的一張4人枱。還說，你們坐得親密些咪得囉！

最後，我們好無奈地選擇了第一個方案。因為一星期前已經訂位了，不想親人來到酒樓重要轉去其他地方。

大家一埋位就叫嘢食，之後唔夠5分鐘，所有嘢都係張枱上面。不過，叫個WAITER攞個MENU加餸都等了5分鐘。之後，個類似經理的見我們舉手落單，又扮見唔到！茶壺冇水又唔加水！

因為我們買了個蛋糕，叫個WAITER幫我們去雪櫃攞及準備叉和碟，10分鐘都未動身！唉！當我們CUT完蛋糕，先過來收飯餸碟；服務重好粗暴及態度非常欠佳！

睇了好多好食評介紹此地方，所以一試！不過，食物質素比想像中差。一定唔會介紹給朋友！！！

一定唔會有下次！

一個字總結「劣」！

西班牙菜都係第一次食。
羊仔骨頭盤& 西班牙海鮮炒飯主菜- 都唔錯！
我哋兩人座係窗邊位，又望到街又有美食！

睇食評前，有以下忠告︰
1). 大事小事都免得訂房攪聚會。
2). 要有心理準備，服務水準係極差！
3). 食物都偏咸！
4). 房間太少，冇私人空間！
5). 洗手間好濕，好危險！
6). 好市井的感覺！

有朋友介紹話食物都幾好，所以就訂枱試一吓。
最初都係想去始創的分店，不過上次上去想訂位，門口個姐姐仔話唔駛咁早，你遲些打來都得。於是，問齊所有親友確定晒便打電話訂枱。一打通問個姐姐仔話冇位，佢立即話婚宴包晒。個刻已經立即打咗折扣！

之後，咪打咗去呢間旺角店，唉！一個字形容"差"！
話四點交房，足足等咗半小時，叫我哋係一各座住等。又冇茶水，又冇人理！終於等到有房，麻雀枱又未安排好，有個服務員問要乜嘢茶，但係放咗個茶壺足足十五分鐘都冇放低杯，咁叫我哋點飲呢？

算喇！終於五點先開始打到麻雀，但係我哋係要咗一間房，都係想要私人空間，唔想有人行來行去。不過，前前後後，多個八位服務員係我哋間房出出入入數十次，係因為要取麻雀給大堂攪婚宴的人客。如你每次排本房間負責的服務員入來取都比較好，但係以上八位不同的服務員每過五分鐘入來一次，重要唔出聲自出自入，好冇禮貌！而且，重有二名男服務員於本房間的緊急逃生門外吸煙，嘩！真係過分到極！

七點幾終於要開張大枱食飯，因為間房唔夠大，唔係好穩咁！都有啲驚！都算！食到第二個菜，服務員話已經係足夠咁多人吃的鮑魚，點知足足少咗半打。之後，個部長入來話廚房重未整好，就得喇！死雞橕飯蓋！

中途叫位服務員取一套刀叉，都足足等咗十分鐘！死未！食到最後，叫埋單，真係好快，三分鐘即到。係個部長入來，之後交咗張訂金單去計埋個數囉！簽完單個部長重好厚面皮咁叫俾"tips"！

一句講晒，"好唔掂"！呢間酒樓真係唔係做包房仔生意，只係鍾意做埋啲大嘢"婚宴"個類包大堂，等！

最唔得就係全程個酒樓"負責人=董事長"都係間酒樓到叫啲人做嘢，但係啲員工都係一碌木咁企係到，重要自己落手做，唉！點樣做Management！

好味！
而且湯底好特別係\"香梨雪耳\"，幾清！
芝士餡丸及豬膶，好好味！

好多人.
食物一般, 蝦唔新鮮.
都唔係平.
座位(car位) 好逼！枱又唔太夠大！

應該唔會再去！

環境都唔錯, 食物都幾好, 身冬瓜盅好清淡, 冇乜味精, 不過最唔抵就係叫咗個龍蝦兩食,份量少又冇特別而且又唔係有乜特別材料一齊煮, 真係好唔值!
外國有好靚的酒吧, 而且有麒麟啤酒飲, 重有happy hours (3-7pm) 50%, 正!

Salad Bar 都ok.
Mushroom Soup 唔太好.
Service 就一般.
石頭rice 都可以咁囉！
叫咗一個little spicy 豚肉& not spicy 牛肉.

上次行過呢間restaurant, 男友話係以前皇悅酒店個chef出來自己開,所以今次專程來tasting一吓.我哋叫咗一份西冷,一份rib-eye (yummy啲),又叫咗支紅酒,一般水準,service都唔錯,可以再come.重有呀！成晚播的音樂我都好鍾意！
Lunch抵食,$28-48不等(set-lunch)有drink.

昨晚去食糖水,冇乜人,食咗個熱清心丸,太大粒,要食好耐先食晒成碗,可以話都ok咁囉！而男朋友就食咗個凍雪耳糖水,都係一般.

昨晚我同4個女朋友一同去呢間陳太食晚飯....我地有定位....入到去安排咗個好似好舒服嘅位...有靠墊在背部而且有軟布蓋面....但當我地坐落去...係好硬嘅櫈!

之後, 叫人來介紹.....馬拉盞炒蘿蔔糕...good! 其他就ok啦!

不過, serive...唔係太好......