今日好想出街食,星期五嘛~
第一次黎白木屋,估唔到可以咁樣間咁多房出黎,兩個人黎食都有房仔~
店員介紹枱上部tab,香港似乎唔係好多餐廳咁做仲可以一路食一路睇now新聞或者mytv,不過隔聲就唔洗諗喇,隔離左右講緊乜都聽得一清二楚
有考慮過二人餐,不過d配搭又唔係好o岩食,都係散叫飲品最快出現,叫左曲奇芝麻豆乳特飲(好似係)
唔算好甜,冰溶左之後更加唔甜~鰻魚炒飯就一般,冇其他地方咁腥,又唔會炒到勁乾最鐘意就係呢個鹿兒島牛肉火鍋
牛肉唔肥,比起其他牛肉鍋真係冇得輸
鍋入面都好多蔬菜,淨係菇都有3款!不過湯式略咸,尚可接受南蠻雞就唔係太適合我地口味,一黎個汁太多,二黎係包住雞o個層外皮太厚
可能係我地唔識欣賞啦~白木屋推介暖暖豆腐,特別在店員o係你面前由個木桶好似豆腐花咁畢出黎
唔快d食就好快出水~~~但係又唔算特別滑,不過好有自家製感覺

正月十五剛好要返學,好努力咁做左個present,梗係要去食d甜野獎勵下自己
諗起松記同一條街開左呢間新野,十點左右落到黎唔full,o岩哂~
坐低先發覺店名好有趣,店內牆紙都係海洋feel,又幾得意喎睇下餐牌,一面係糖水,都唔係gimmick野,價錢適中反轉後面,呢度連蒸飯都有得食!仲要送糖水~成件事飽左
我地上堂時已經食左飯,所以就小小地應節食返個湯圓算喇同學要左最basic o既湯圓,有4大粒~~~
個碗又幾精緻,份量剛剛好見到好少有o既馬蹄露!感覺其他糖水舖都已經冇左呢樣野,好開心~
加左兩粒湯圓~~口味係冇得揀o既,只係得芝麻
湯圓皮本身都甜甜地又唔會太薄,芝麻餡又唔會好搶,唔知係咪自家製呢?
馬蹄露都唔會太甜,雖然我叫左熱o既,不過又唔會出哂熱,係暖暖地剛好入到口o既程度
下次打算試下蒸飯~~~

六點正放工就即刻搭叮叮過黎,六點半過D就已經開始出現人潮~~
冇選擇任飲,水就夠喇每次都會叫湯,同事要左菜湯,我就例牌忌廉湯
兩個湯都偏稀,味道適中飲得湯就要配返個蒜蓉包,真係好抵,即刻焗,又香又脆又熱~
同事知我唔鐘意食肉,就叫左個野菌pizza
芝士都幾多,所以食到有d漏,而且凍得好快,凍左就變得唔係太好食喇薯角一般,都係一堆芝士咁,本身食落冇乜味,但都算幾大件
因為又係好多芝士o既關係,已經飽飽地...諗住食個唔同d o既先叫海鮮,但係強差人意
洋蔥味徹底蓋過哂所有其他野o既味道
但其實入面又唔算真係勁多洋蔥,就係唔知點解每一啖都只係食到洋蔥味,好失望

以為情人節應該都同平時差唔多咁多人,所以好早就落左黎食
7點左右入座,好多吉位連張餐巾都換埋,依家都幾興呢d印哂花好靚靚o既紙巾
佢冇俾平時個menu我地,淨係得個情人節menu又唔係話好貴,算係咁啦.我地揀左最平o個個餐我地兩個都要左個湯,牛肝菌已經切碎哂,有好濃o既香味
但係說好的心形酥皮呢?!?!點解係三角形架~~~上菜好快,個湯到左一陣就上主菜
揀呢個餐o既其中一個原因係我唔係好想食好多肉,呢個飯就比較適合我
唔知係咪因為情人節,連個汁都係兩邊唔同款
白色o既係疑似忌廉,因為覺得會好漏,所以冇乜點食個汁;另一邊係....唔知咩汁,因為肉味已經好濃
講下個煙肉卷,最外層煙肉,入面係雞,最裡面係菠菜同菇,唔會好鞋,味道剛剛好個意粉其實幾彈牙,但如果唔撈d汁黎食就會好怪
d牛肋切得唔夠好,兩舊中間仲有小小連埋一齊
汁略咸,唔知係咪紅酒汁就會偏咸o既呢最後係甜品,除左個雪糕正常,下面塊pancake我就真係唔識欣賞
又係兩款汁,黃色係糖醬,另一邊係朱古力
本身塊野係咸咸地,個糖醬味又太勁,所以成件事錯哂
平平地唔想出去俾人劏,又唔係好講永高檔次的話,其實都算唔錯架喇

朋友最近發生左d唔開心o既事,當然就係時候要以食為發洩啦
舊年mr.bites開左之後佢就成日話想黎試下,o係正佢屋企樓下,方便到呢
我地3個女人仔,唔係大食,不過樣樣都想試下,於是好唔小心就揀左3樣野...(估唔到份量大到咁)拼盤全有齊噹starter入面每一款,樣樣試少少
左上角開始:魷魚圈,洋蔥圈,水牛雞翼(辣),白汁冬菇,茄子,芝士菠菜卷
中間係唔知咩名o既火腿2款同好似甩左色o既煙三文魚
都咪話,估唔到d煙三文有咁多,食完呢個platter都飽飽地
魷魚同洋蔥個炸粉厚得滯,覺得太油膩佢o既pizza選擇其實係比較清淡,唔想食四色芝士咁寡,就要左個煙三文
薄脆形o既pizza,食唔食埋d rocket就自己話事
如果冇叫個burger的話,3個人食其實剛剛好....中間舊肉厚到!!!
呢個係蟹肉扒,朋友話都有蟹味,下面仲有一整塊微煎過o既菠蘿,蕃茄同生菜
其實個包後面仲有d沙律~~
薯條係厚片薯,都相當唔錯,不過真係要趁熱先好食

經理已經上任一個月~約到依家先有機會黎食welcome dinner
本來冇野算黎酒店食,不過事緣係經理上黎openrice見到有coupon,問我好唔好
於是我又打黎搵酒店sales r折頭

我地book七點,仲係好多吉位呢
睇完menu之後決定叫個六人餐,另加我最最最鐘意o既車厘茄自從某次sales介紹之後我就徹底愛上,有d凍再加上微酸真係超開胃
一啖一粒剛剛好,百吃不厭~~套餐頭盤係燒味~叉燒稍為靭左d,腩仔剛剛好~青瓜少辣,但都幾清爽湯一到就好勁杏仁香味,雖然我唔係太喜歡聞到呢陣味
但飲落去其實唔覺,而且感覺好滋補因為係第一次晚飯時段黎呢度,唔知份量係咪一向都咁大,睇見個蝦球已經有d飽左~
蝦球好大粒,墊底o既豆豆都係超多!!至於呢度o既招牌菜當然都要食啦,雖然我已經食過
唔知點解每次食呢道菜都係覺得好飽,可能係油分問題吧再黎炸雞,雞油唔算多,而且炸起就食,皮脆脆~
只係黎到呢一刻已經八分飽荷~葉~飯~
都係勁大個啊!!!飯o既乾濕度剛好,唔會痴立立,一打開仲有撲鼻o既荷香
7個人都食唔哂終於到甜品時間
唔~~~本來如果係淨紅豆糕的話係非常唔錯的,但係洛神花始終太酸,所以食左半舊就冇再食珍珠露就好好多,唔係太甜,非常易入口

o係油尖旺好多餐廳,但要揀又好似冇乜得揀咁
於是又係隨便篤一間
朋友話呢度前身係仙跡林(因為唔知到底係仙蹤林定仙跡岩)
唔怪得覺得個名好熟口熟面...

食物方面又唔算台式,有珍珠奶茶之類o既特調,但主食好西式
對比之下甜品o既選擇多過主食好多~
原本我地打算揀兩款薄脆,點知其中一款原來辣o既,所以只係叫左呢個西蘭花咁又因為佢d野黎得好快,所以我地唯有食左個甜品先
朋友本來係想叫紅咖哩蜜糖吐司(這是什麼組合?),但收銀哥哥話都係辣o既,於是改叫鮮果吐司所謂o既鮮果就....得藍莓仲要好似係急凍出黎咁,冇其他生果...
不過個吐司都好食o既,有少少煉奶伴碟,不錯不錯
講返個薄脆,凍左都好食喎!仲脆!仲以為凍左會林哂,不過始終吹凍左感覺就爭d
飲品我地叫左一凍一熱珠奶,基本上冇乜特別
係朋友o個杯d珍珠不停咁卡左o係飲筒入面唔係好啜到上黎囉

以環境計係唔錯,幾relax;不過唔會有人帶位,除非真係好爆先需要搭枱
另一角度睇就係有機會唔易搵位,又或者食完d人會坐好耐~

冰室其實已開業一段時間,之前都冇細心睇,以為佢係茶仔黎
原來係食頹飯o既冰室~~~
真係要狗衝入去試下

無論係頹飯定係汁扒飯都跟塊蒜蓉包,仲要係厚包!
我要左個富士山肉汁芝士撈公,都有蒜蓉包,配料係吉列餐肉同煎蛋塊多士真係好好食~~~有衝動問佢送多塊俾我得唔得,烘得剛剛好,食完又唔會口臭
個撈公始終都因為有芝士而顯得有d漏,係一塊芝士直接放上去,靠麵同配料o既熱力令佢融化,但一凍左就會漿住,變左食得慢就有d狼狽,一舊野咁
跟餐飲品+$5要左杯薑汁檸蜜,極之適合呢個天氣!而且我係薑汁fans,所以超級鐘意呢杯野大人o既常餐B就有番茄洋蔥牛脷通+煙肉煎蛋/炒蛋+蒜蓉黑椒包
我地兩個都係見到塊包就雙眼發光,見到第二枱有人完全冇食過真係覺得d人好浪費
炒蛋都幾滑,外面熟o既,但切開入面仲係水水o既蛋~
通粉份量算多,配牛脷係幾特別o既組合
飲品都係+$5要杯薑汁...奶茶~唔落糖就咁飲,正呀~~另外薑汁系列仲有咖啡,下次要試下先得~~

店內唔算大,係6張四人枱,嚴格黎講唔係冰室樣,不過感覺就會好過隔離xx冰室.話時話,咁樣開正隔離都幾有趣~
順帶一提張餐盤紙都好有心,因為依家已經唔係好多識呢d用語~呢d小店真係好需要街坊支持

之前見到呢間主打長者o既餐館,分店之中又得太子係食中餐,趁大人生日就黎試下~book左枱,所以即刻就有得入座.店內係比較迫d,不過都尚可接受
叫左個二人餐,懶得諗,散叫又好似冇咁抵食唔想飲湯,於是揀左素翅.
湯有淡淡o既南瓜味,都幾大碗,飲完已經有d飽飽地個香酥骨o既梅醬又唔算好酸,真係有一粒粒梅核~
表皮脆脆,而且唔算好多肥,又唔會淨係得個骨
侍應叔叔話佢地每日都賣好多呢個骨
今晚o既時蔬有油麥菜,生菜同芥蘭;我怕油麥菜會苦,就揀左大人鐘意食o既芥蘭最後呢個小菜係西芹炒牛肉&魷魚
稍為油左d,不過牛肉同魷魚都炒得剛剛好,仲有極多洋蔥
甜品係桂花糕,一小杯獨立膠兜仔裝住,唔太甜又有桂花香,如果可以大兜d就好喇~~

***呢個二人餐係冇飯o既,不過三餸一湯都真係夠飽喇

其實一向對韓國菜都麻麻,離唔開泡菜同辣味
朋友就話school food係唔一樣o既韓野,要我去試下
因為我好憎等位,所以其實朋友係攞定位等我黎
但係有限時,75分鐘,所以搵人去攞定位都唔好太遲先到,否則會趕到痴線
又因為佢有限時,所以基本上有數得計,想大約幾點食,預返上一輪埋單o既時間去攞飛就唔洗等太耐~

睇個menu,又真係幾唔韓國
但好多都有隻辣椒,甚至3,4隻辣椒o係隔離~有d淆呢個年糕其實就係將個意粉底變做年糕底,但係比意粉飽肚勁多~~~而且d年糕勁chewy,個口有d攰..咪就係公仔麵囉..有d搵笨~屋企自己煮o既都係咁上下,小辣
同埋入面得兩隻餃子,唔係好夠餸
旁邊o個一jar係芒果....唔記得全名,冇乜特別,因為d汽蓋過哂芒果味,份量都適中o既
原本其實想叫熱飲,但呢度實在係冇乜得揀,天氣凍都焗住飲凍野朋友話基本上每枱都叫呢個,因為係最好食
未至於食到個口黑哂,細細件可以一啖過,好食係因為d墨魚本身有汁,可以唔洗點沙律醬最後呢個又係澱粉質,食到呢一刻已經飽到痴左線
上面一細篤係sour cream,配搭唔錯,不過唔係人人都喜歡o個陣味
入面d牛肉調味都好夠,所以又係唔洗點d cream都可以
可惜係牛肉餡唔係平均舖哂o係成件餅上面,食到外圍變左齋餅

之前提過係限時,出菜係快,收碟都極快甚至有少少趕人走o既感覺
朋友食得快過我,侍應見佢放低哂筷子就問係咪黎齊,之後就極速收走哂d餐具
到我都食完之後唔夠兩秒又收埋,仲抹定枱,淨係留返我地未飲完杯野o係度
呢種感覺就認真唔良好,而且75分鐘對某d天生食野慢o既人黎講係趕到癲
食物質素算唔錯,但趕頭趕命咁食飯始終唔係我杯茶