為左郊遊，我地特登來左大埔呢度，本來諗住飲茶既，但太多人，唯有食個快餐啦。我地叫左一個鰻魚黑椒飯同一個豬扒蛋包飯。個個阿姐都唔知係咪遊雲，我地明明叫左個黑椒飯，佢左repeat左一次，都唔記得落單，搞到要再買過
講番正題，個扮PEPPER LUNCH既飯幾好味，算係幾香同多配料，可惜ｄ鰻魚就少得可憐，而且唔係鐵板燒，係將ｄ叮熱左既飯放係個鐵板上面。至於個蛋包飯就普通啦，ｄ蛋包住ｄ有茄汁的飯，麻麻地好食，賣３６蚊貴左ｄ囉。

個個fd都話呢間野好味，加上早排又鬼咁熱，就算排隊都要試下（好彩老細係我地排隊個陣派左ｄ冰菠蘿俾我地消暑）！
我地叫左一個香蕉冰加棒子糖漿（冇錯，係棒子，張紙係咁寫既）加朱古力樹皮加奇異果同乳酸丸子。佢既份量認真大，好多人都係share來食。
個冰實在太好食喇，D冰好棉滑, 好有口感呀，又有好香香蕉味，個小丸子好特別，咬落有ｄ益力多味，唯一唔好就係個奇異果太硬，未夠熟。而家間間野都賣呢ｄ冰，天氣又開始涼，唔知仲有冇咁旺呢？我真係好想再食呀!

好耐冇食burger，點知俾我地發現到呢間野，就去食下啦。我地叫左一個classic big bite同一個the jerk，仲跟埋薯條（唔記得叫乜名）同一杯oreo smoothie。個the jerk係泰式雞漢堡，D雞肉落左好多香料，都幾香，又有好多好味的醬，正！個classic big bite相對來講就普通ｄ囉，但都好好味，又係有好多汁。個薯條都幾有薯味，ｄsour cream同beacon又好好味，仲有好多醬俾你任落。oreo smoothie就好似朱古力奶昔咁，都幾好味既。
呢間野ｄburger咁多醬汁，真係會食到好論盡，好彩張枱有好多紙巾，又有個洗水盆，唔係真係唔知去邊搵廁所。

又開學了！由於早到的關係，咪又食下ｄ零食先囉。呢間雞蛋仔之前食過一次，覺得冇乜特別，今次就試下ｄ格仔餅。ｄ格仔餅中間有好多煉奶同花生醬，都幾香甜，可惜個餅冇乜雞蛋味。我諗呢間野咁多人幫襯，係因為佢個位好，經過試下都無妨。

本來諗住食附近間青藏麵，但係搵唔到喎，咪過來呢間試下囉。我地叫左一碗排骨雲吞麵同一碗菜膽魚卷麵。排骨不愧為招牌菜，炸得好香，又腍又唔太肥膩，個雲吞就普通啦，不過都唔錯，碗麵又有好多菜，好鬼大碗。另一碗麵都係咁鬼大碗，落足料，但魚卷梗係冇ｄ排骨咁好味啦。呢間野個阿姐好好招呼，我地臨收工先來仲要諗鬼咁耐先落單佢都面帶笑容，以呢ｄ街坊麵家來講真係好難得。

貴人出門招風雨，第一次去深圳東部華僑城就差d打8號風球，不過最後都夾硬係下雨天出發。

華僑城真係好大，但係有野食既地方唔多。如果你唔係園內食，可以話冇野食。

見到呢餐廳好似裝修幾新，又平d所以就試下。午餐選擇唔多，餐牌上寫既5個意粉，只有2個仲有供應.....唔怪得隔離檯全部都係食同一種飯。無選擇之下，就食左︰水果雞柳飯(有d水果係碟飯度，好似有怪)、肉醬意粉(有舊好似桃既生果，味道普通)。兩款味道都唔差，但係就好似太多油(大陸食物特色)。

本店乃係一間飲果汁，食甜品既舖頭，但係飲果汁既人甚少，可能係佢一杯果汁既價錢仲貴過碟飯! 深圳既物真係好奇怪。

To Editor: 本人未能找到華僑城本店之資料，所以以上非南山店食評

今次深圳旅程同回教朋友食野都要就住就住，深圳通朋友介紹既呢間餐廳就唔會喇!

深圳既餐廳間間都咁大，呢間唔例外，門面都幾企埋。佢既餐牌整得幾靚，好似樣樣野都好似好好食咁。5人總共點左︰
1. 八寶梨 - 一個梨裏面有d八寶飯，味道有點怪
2. 羊肉餃子 - 羊肉味幾香
3. 牛肉夾餅 - 好大份，淨食呢個都飽
4. 西蘭花 - 唔算好新鮮
5. 羊肉串 - 燒得硬左d
6. 酸乳酪 - 加左糖好好味

大陸既食物好大碟，叫左咁都食哂...但係都只係食左二百幾蚊! 抵呀! 雖然話係清真餐廳，但係風味唔夠北方...都係要去新疆先試到真正清真風味!

註︰個廁所點解都有d臭味??

去左咁多次深圳，從來都未去過食pizza hut!

今次成3點幾先食午餐，所以只係叫左幾個意粉︰三文魚、焗雞飯(唔記得係咩)。佢價錢雖然平過香港好多($20多元一碟)，但係份量就好少。相反佢既飲品都要成廿幾蚊杯，可以食多碟意粉喇喎!

香港pizza hut一坐低就有杯水俾你飲，但係深圳呢度叫左3次小妹先攞杯水俾我地，大陸既服務真係...唉!

係大梅沙變左落湯雞之後，焗住打的黎到聞名已久既深圳書城! 其實深圳有好多個書城，但係呢個應該係最大個個!

書城實際上係一個大商場，所以食野買野乜都有。我地早餐都未食就到左書城，所以就入黎食個飽先! 每個人經過都聞到一陣麵包香，都幾吸引架! 叫左件蘋果酥($8)，一撕開就成地都係酥皮，但係都算幾香既! 其他意粉/焗飯套餐都係$20幾蚊，好抵食喎。

行左成日華僑城，天開始黑，都唔知可以去邊度食飯，全個菌拉特根小鎮只有呢間比較靚同埋多d野食，所以自助餐($150)貴少少都要食。如果大家去東部華僑城，下午個餐最好食d平d既野，留番d錢夜晚黎食自助餐喇，因為真係冇得揀!

自助餐就係乜都有得食︰湯麵、燒烤、壽司、小菜(個豬手好稔滑)、仲有飲品任飲(有長城牌紅酒!)，但係就冇乜蔬菜! 大陸d菜咁平，但係竟然好少選擇!

餐廳個環境唔錯，對正個人工湖，7pm仲有湖上歌舞表演(有黑人跳hip hop架)，一路食一路睇幾好喎。可惜當天落雨，如果坐室外仲正呀。

食完想返酒店，點知原來要特別叫車，好彩係免費架啫!