今次係我地第一次參加language exchange搞的活動，我地包場搞french night，所以食物同平時的不同。
我地一入去就有紅白酒揀，我地揀左紅，因為襯之後食既野嘛。ｄ包係主辦人係法國帶來既，好好味，ｄ牛油又香，但同呢間野無關。到正題，首先係starter,係escargot同pate。個escargot實在太鹹,連普通餐廳都冇佢整得咁鹹,有d失敗。個pate就幾好,預左鹹,但好似eason話齋,好"潤",唔知一般餐廳咁有陣鹹牛肉味。之後個係洋蔥湯,亦都唔錯,幾甜,而且個包幾好味,包上d芝士好香。個主菜就麻麻, 一個係beef tenderloin,都幾嫩既,但個鴨肶就唔掂啦,好似臘鴨咁,鹹到嘔。最後個甜品係bread pudding,好香奶味,但可惜之前食得太飽,個pudding都食唔晒。

近年香港好多貴漢堡，triple o's都可算幾出名，根據舖頭ｄ相，係由一個加拿大由細細間舖開大既。
我地叫左一個蘑菇漢堡餐同一個BC burger餐，仲加左個洋蔥圈。個蘑菇飽好大好多汁，件酸瓜分開上，睇來都幾多人唔食喎，但我就覺得幾好味。個BC burger d汁個味濃，食完個包都飽飽地，仲有薯條，都幾有薯味，唔係好似ｍ記咁得ｄ粉。但個洋蔥圈就差ｄ，裡面ｄ洋蔥腍晒，食食下又同ｄ炸粉分開左。呢間野近ifc，可以見到中環夜景，好好feel架，而且間野都唔少美國人幫襯，如果食得多會變walking mountains架!

本來呢個位係大家食既，但唔知係咪金融海嘯做唔住，所以執左。而家換左呢間水餃，咪又去試下囉。我地叫左一個咖哩水餃，呢個配搭幾新，ｄ味都唔錯，份量都足，有成十隻咁多，食哂都幾飽，仲有個貢丸湯添。我地又叫左個大腸麵線，個湯冇台灣咁杰，但係味道都幾濃既，但ｄ蚵仔唔知點解個樣好怪，好似有一層粉係面咁，一pat。

好耐冇食正宗既法國餐，唯有食午餐去食，平過去食dinner!

呢間餐廳係士丹頓街一個唔太多人行既路口位，所以成間野都係得兩檯客。兩人點左兩set午餐︰檸檬汁魚柳天使麵同烚青口配鵪鶉沙律。一落order就每人一杯雪梨汁，幾清甜。平時好少食鵪鶉，凍食都唔覺韌。魚柳天使麵都幾香，但係好似天使麵就太少，可能平時食慣大大份港式西餐所以唔慣。大大盤既青口就成幾十隻，慢慢食都覺飽。初時佢未上青口既時候伴埋一小碟清水，都唔知俾我做乜，後來先覺得佢應該係俾你食完青口洗洗手，好似你係酒樓食蝦個碟檸檬茶咁。

餐廳環境幾好，可惜我坐左係個播住英文歌(冇法文歌!)下面，成個氣氛破壞哂!

去完美荷樓之後，我地去左區內少有的日本野食，係舊區食日本野真係好少有，所以價錢都平ｄ，但客就唔算話多啦。佢有兩層，但唔知上面個層有冇客坐，ｄ侍應係唔係都叫我地坐下層。
我地叫左個１６８蚊sushi集錦，有三文魚，蝦，赤貝等等廿幾件壽司，都幾抵既有咁多舊，ｄ味就不過不失啦，都算乾淨既。我地仲叫左個炸八爪魚咀，可惜落粉太重手，好鬼多粉唔太好味。最後我地叫左個麵豉蠔鍋，個鍋個湯底幾濃既，可惜個爐short short地，好耐都唔熱，我地又坐正係風口，ｄ送好耐都未食得，就算個侍應換過個爐都唔得。後來其他壽司食晒先，將個鍋搬去第二個位先熱，實在太失敗啦。好彩食咁多野都唔駛一百，夠平補數。

呢日為左去美荷樓開放日，要係附近食野。咁去到舊區，就梗係食舊野啦，睇呢間雪山餐廳個樣就知舊，非常有feel，仲有好多街坊捧場。我地叫左一個常餐，同一個枝竹班腩飯。個常餐有煎蛋，火腿，多士，忌廉蘑菇湯，粟米雞絲飯同奶茶。食常餐食到有湯有飯都係第一次咋，真係飽到上心口，味道就不過不失啦，可惜杯凍奶茶實在太甜，都係淡少少好。

為左慶祝本人第360個食評，所以就搵左呢間餐廳。原來此店乃意粉屋集團成員....呀

唔好以為佢間野細細地，d野都幾貴! 冇午餐俾你揀，全部a la carte! 兩個人叫左一個有蘑菇既意粉(個名都唔記得)、煙三文魚pizza，咁就每人食左$70! 貴! 仲要唔好食! 個蘑菇意粉賣相唔差，但係味道就冇特別，仲有拌碟既蒜蓉飽係韌既! 另外個pizza，完全唔覺得有味道...係咁易有少少煙三文魚既鹹味....而且賣相好港式，pizza hut好食過佢喇!

意屋粉集團既出品真係令我好失望，以後都唔好再叫我去意粉屋!

之前在灣仔個間鬼老burger度見到有d burger加錢就有poutine。咁咩係poutine呢？原來係quebec的薯條，上面仲加ｄ芝士同肉汁。咁我地好夾硬咁都將佢同法國associate一齊，係去LV展之前食啦。
一入去個收銀就好好招呼，攞ｄ免費sample俾我地。初頭以為只可以食個杯裡面的一條，但原來成杯都俾晒我地食， 真係唔夠飽食sample食飽。ｄ套餐的組合好亂，一時又話combo冇汁，唔知加幾錢又有汁，真係頭都暈埋，最後都係揀左一個regular的poutine兩個人share食。
個poutine的份量好大，又有肉汁又有芝士，真係食到滯。ｄ薯條連薯皮食，好有薯仔味，又好夠汁，就算唔夠都可以加茄汁mustard加青瓜，絕對冇可能冇味，可惜如果唔加醬的話，得肉汁ｄ味唔係太多層次，ｄ芝士味又唔夠濃，如果焗一焗d芝士仲香。
ｄ薯條有small，regular，同一隻更大既，美國人可能要食最大個隻先夠飽。

食完New York Fries, 冇飲過野，於是係city 's super個層見到呢間外表好似好健康既smoothee店。

可能佢用綠色做theme colour, 所以俾人感覺佢賣既食物好清新。佢既smoothee有好多種，多都你唔知點揀! 一杯小smoothee都要$34, 唔算好平，但係佢料係會落足，唔似某d smoothee 好似加得太多冰，變左唔夠生果味。Power rush有濃濃既berry味，比較啱女仔飲; power rush香蕉味濃，幾香! 佢menu仲寫埋有咩vitality指數，令你會覺得好健康好清新!

夏天飲杯smoothee，舒服哂!

去完附近的教堂探sister之後，本來想飲cafe既，但係又經過呢間野，覺得佢幾chic就試下啦。
呢間野淨食yoghurt，味道得原味，青蘋果味同swirl，即係兩溝，但配料就大把，花多眼亂呀。佢ｄyoghurt分三種size，最細個隻35蚊，得一隻配料，中個隻就多3蚊，但有兩種喎，咁梗係食中個隻啦。我地叫左藍莓、消化餅、raspberry syrup同chocolate chips的swirl。藍莓個味太搶，搶左ｄ青蘋果味，消化餅又整得唔夠碎，太大舊。raspberry syrup有ｄ似麥記的士多啤梨醬，但就唔會搶左ｄ青蘋果味，chocolate chips亦好脆。
杯yoghurt真係好好味，地方又好坐，可惜杯野唔夠大，價錢貴，唔算太抵食，兼且個位好隔攝，所以都唔係太多客，真係驚佢執粒。服務方面，有兩個好似賓賓的人主理。一個就幾好，好有心機介紹，另一個面黑黑咁，見我地猶豫不決咁睇ｄ配料，就猛催人order。