來到最後一日，去完官也街狂買杏仁餅之後，剩番１８蚊，想食甜品，但又要返碼頭，點算呢？唯有行過威尼斯人搭架免費車囉。我地買左兩個木糠布甸，見咁多人食冇死啦，但味道其實麻麻，好似雲呢拿雪糕咁，都係甜在心好味ｄ。

來到仔玩，玩下玩下玩到三四點，個肚有ｄ餓，但官也街呢度冇乜野食，賣杏仁餅就鬼咁多，見本書介紹呢間就食囉。我地點左一個燒豬同忌廉馬介休。個燒豬係推介，但唔脆，又肥，仲有好多薯條，食唔晒。個馬介休係仔裝，好似焗魚腸咁，都幾好味，唔鹹，但份量又太多，食到頂住個肚。雖然我地食到好飽，但係要付出代價。呢度既菜式都要９０幾蚊，唔算平，而且冇水飲，乾到想死，叫一枝葡萄牙汽水都貴過人。
但係間舖真係幾有葡萄牙feel，睇葡文電視台，掛晒ｄ葡萄牙波既紀念品，老細一定係足球迷，可惜ｄ侍應態度麻麻，類似香港茶餐廳的水平。好彩我咁都撞到個奧地利家庭，原來個爸爸在澳門科技大學做researcher，所以成家過左來，個女仲學中文添。雖然講講下好想講法文，但總算用德文溝通到。

睇過幾次電視介紹，見到佢咁懷舊既雪糕包裝，真係覺得好得意! 跟住本某旅遊週刋所示既地址搵左成個鐘，結果發現書既地址同真實地址係差成幾十個門牌!!

店舖裝修好懷舊呀，其實根本幾十年都係咁。我地二人同時叫左雪糕磚，巧合地竟然兩個人都係同一款。雪糕磚外層係威化餅，裏面就有3種味，除左其中既朱古力同菠蘿味比較明顯外，其中白色既雪糕食完都唔知係咩味。

雪糕磚既包裝好懷舊，好似時光倒流左咁。係香港都未見過一間舖頭會淨賣自制雪糕，澳門既飲食文化同香港真係好唔同!

估唔到食酒店早餐都有得寫食評。

一直以來都對酒店早餐冇咩期望，因為以往食既自助早餐都唔好食。皇家金堡酒店雖然唔及得美資賭場酒店華麗，但係房間不小，空間足夠有餘。

早餐選擇眾多，中西式俱備︰中式有粥、菜(很新鮮很嫩)…西式就有即製奄列(勁多料)、腸、炒蛋、各式麵包….真係比想像中豐富。諗住求其係酒店食個麵包，飲杯橙汁就走人，點知食到咁飽，差d連午飯都唔駛食!

今次去澳門竟然有一餐可以免費! 中旅最近做既澳門套票promotion就送星際酒店既免費自助餐劵一張! 雖然間餐廳只不過係係賭場旁邊既小caf憿A 但係就可以睇到大螢幕同台上既美女騷，都幾好呀! 食物選擇雖然唔多，但係味道都唔係太差，以免費餐黎講，算唔錯喇! 佢既食物都係源源供應，有澳門地道特色既雞腳、炒麵、湯、燒賣、生果、蛋糕…實食得飽。

初時以為中旅會送個d呃鬼現金劵，點知真係送免費午餐!

去澳門唔食葡菜即係冇去過澳門! 各大賭場既高級餐廳我就食唔起喇，反而覺得食本地化既葡菜更有特色。

餐廳氣氛好似普通茶餐廳，但係就有香港冇得食澳葡菜! 兩人叫左煏牛尾、牛肝,同必食既馬介休球，最後俾老說服之後再叫左兩枝葡國汽水。牛尾炆得非常腍，味道又適中，必食! 至於牛肝，個人認為就做得乾左少少，如果有d汁就會好食d! 馬介休球就冇想像中咁鹹，澳門做既當然係正宗d。至於葡國汽水，同一般果汁汽水冇咩分別，都幾解渴既。

以咁既價錢食到咁有質素既葡菜，抵!

P.S.本人見到店內有歐洲見到既espresso小杯，難道澳門都興飲espresso ?