cindy syc 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-01-14
團購$178: - Apetizer - Soup - 香草包 - Main course (3揀1) - Dessert (2揀1) - 1 glass red/white wine 星期日7:30, 只有3枱兩位食緊. 我哋7:30入嚟之後無人入過嚟… 其實之前一至五望過入嚟冇咁少人食㗎. 有啲唔慣. 靜到不得了, 唔咁用正常聲線傾計, 因為成間餐廳靜到講嘢應該會餐廳嘅最盡嗰張都聽到你嘅對話. 當然, 好處就係佢哋唔會急住做第二輪台而push 你走囉. 一早知呢間係社企, 侍應會較年長. 招呼有好有唔好. 有一位好笑面迎人好殷勤, 另一位好敷衍有啲惡添. 畢竟嚟呢度都唔係諗住五星嘅服務. 食物超乎水準. 啲蝦好彈牙好鮮好濃蝦味! 意大利飯啲飯整到唔係成粒軟晒, 而係留番中間有少少硬, 有啲煙韌, 呢個係最正宗嘅煮法!!! 呢位廚師一定唔係扮識煮西餐嗰種, 而係經過長年訓練做西廚. 好意外~ 甜品都好好味, 用料又係優質喇~ 啲house wine就麻麻喇… 推介美食: 燒豬勒骨+pasta,大蝦+意大利飯
評分: 味道 5 環境 5 服務 4 衛生 5 抵食 4
2014-01-14
鹹魚雞粒煲仔飯: 有梅香, 鹹魚細細粒均勻同雞撈埋一齊. 最怕食食下有鹹魚骨影響口感, 佢清得好干淨, 唔太鹹, 又啖啖都食到鹹香味. 啲雞夠多又唔會有急凍雞味. 有飯焦, 唔會硬晒嗰種. 排骨雞煲仔飯: 都整得幾好. 湯浸菜: 都整得好好, 仲加少少粉絲曾加口感. 有坐室內同坐街. 好彩我哋今次坐室內, 因為有消防車刻意駛過, 坐街嘅食客食食下要"走鬼", 拆帳篷.
評分: 味道 4 環境 2 服務 2 衛生 3 抵食 5
2013-12-30
聽朋友推介, 有啲份子料理嘅玩味, 感覺新鮮, 抱住好奇心, 亦對食物有expectations 諗住一試. 當時有邀請過呢位朋友一齊同我再試, 不過佢話 "唔洗喇", 到我試完, 我就知真係 "唔洗喇". 係有新奇嘅嘢, 不過並非amazing, 味道亦一般般. 環境唔算好. 服務唔好提. 太過著重新奇, 同玩食物東西crossover, 反而忽略咗食物嘅味美. ie. 雞蛋仔crossover意式麵包, 既無雞蛋仔外脆內軟口感, 又無烤焦後嘅蛋香. (2012 下旬) Test tube 飲料refresh下, 不外如是, 好多時西餐一個簡單靚sorbet做到嘅效果仲好. 小籠包, 我覺得平時傳統嘅好食啲. Main course 嘅係所謂燒豬, 唔脆唔香有啲諧. 其實唔係好差, 不過以呢個價錢, 其他地方食到更優質更有美感嘅食物.
評分: 味道 3 環境 3 服務 3 衛生 5 抵食 1
|