觀塘有2間同名，起初以為系姊妹店，但見到餐牌同食物好似有d唔一樣，尤其系芋泥奶凍吐司 上次去個間有印花卡可以儲印花，但呢間最後埋單時冇講印花卡既野，所以個一刻我就知道唔系姊妹店啦~~ 豐盛台灣牛肉湯麵 : 湯底偏藥膳味，丸好有味，肉好 “霖”，蛋滷得岩岩好，唔會太咸，好好味，系唔中意扁麵 芋泥奶凍吐司 : 好味，唔會好膩，配合奶凍感覺好中和，但好飽，同埋本人食得比較 “論盡”，個芋泥同奶凍成日比我 “唧” 左出去 (￢д￢。) 加左甘梅薯條，都好好味 飲品 - 黑糖芋芋鮮奶 : 好味，唔會太甜，剛剛好，又有口感，不過食左好多野，再飲埋杯野，真系超級飽 ○|￣|_ 1. 眼見有其他空位置，但會行黎提你時間，唔可以長坐慢慢閒聊的地方，但上次個間，仲細過呢間，但坐左勁耐 2. 剛吃完一樣就即刻過黎收野，好趕客 超唔中意，我一飲完杯野就過黎收，仲同我講話唔夠杯用，我同個fd即諗，唔係應該一座位應擁有一杯? 好慳皮姐 🤔😅 總括 : 食物系美味的，但如果系禁既服務、時間，我寧願去返上次個間，但只為食就可以去下既

抹茶latte，可能因為叫左凍，所以甜味唔系好感覺到，熱應該可能會好d，飲落去系濃抹茶澀味，但唔苦。 蝦彈牙有調味，番茄仔超酸，牛油果部分有啡色，湯底龍蝦味不足，但有少許龍蝦碎絲，烏冬正常，唔知係我大食，定烏冬份量少，食完完全唔飽，，總括 : 有d失望 (๑`灬´๑) 1. 因為得自己一個人去，而且又系午膳時間，真系有d睇眼色，同埋店鋪位置不大，所以上餐 至 我用餐時間15 mins都唔知有冇就走左，飲品剩左半 (´-ι_-｀) 2. 冷氣好足，如果著長褲應該唔凍（我想） 3. 店子小小，但感覺員工好多，可能因為得自己一個，會成日周圍望同埋本人系比較看眼色既人，感覺成日都見到其中一位員工系前面，好唔自在，好似你入衫店睇衫，店員望住你 或 跟住你 個種感覺? 結論系 : 系香港真系好難休閒嘆時間 ╮(￣⊿￣)╭

睇左韓國既綜藝節目，外賣吃得開嗎， 成日見到斗俊整既pizza都好想食， 終於比我揾到間差唔多既 (≧ω≦)/ 我係利用外賣app叫，見開12:00，但app冇顯示有得下單，我唔忿氣，不斷等……………… 等到2點幾先有得order，送到3:05左右，因為本身比較近，所以送都算快，仲熱 ╰(*´︶`*)╯ 其實很久以前曾外賣食過意粉、小食，感覺普通，可能因為個陣要去遠既地方，所以凍曬。 Parma Ham Pizza 帕爾馬火腿薄餅 餅底不會太硬太脆太厚，軟硬度適中，有咬口，第一口感覺好咸，但咸得黎好味，好足料，單吃菜有點苦，熱食更美味，凍也不錯，推薦熱食 食左3塊 ε٩(๑> ₃ <)7з Pepperoni Pizza 意大利辣肉腸薄餅HK$96.00。 Small (9 inches) 小 (9 吋) 本身想叫三重芝士，但睇到呢個，發現三種芝士都有系入面，所以叫左，但味道不及前者，餅底感覺一樣，我叫既係辣肉腸，但一d都唔辣，食落去感覺差d，可能因為有得比較 🤣 正系食左1塊 (〃'▽'〃) Meat Lasagna 肉碎肉千層麵 本身我同加菲貓一樣，中意食千層麵，見到套綜藝就更加一直想食，食左幾啖，都系pizza吸引d，所以呢個變左我明天的午餐，芝士好多，我中意 🤤 好足料，調味不濃，感覺靠芝士，食完呢個，飽到晚餐冇食野，正系食左水果。(=￣ω￣=) 下次有機會都會想再試，因為真係幾唔錯，唯一唔好既，就係外賣開太遲啦，個日食左4塊，夜晚都免了 (๑`^´๑) 因為一個綜藝，自己叫左個二人情侶套餐，仲加錢叫多個pizza同加＄20要千層麵，我覺得自己好勁 🤣 唔知試瑪格莉特系咪會比蜜糖呢?

因為有事去尖沙咀， 所以係收藏入面，揾想食既餐廳順便解決午餐， 印象中好似係睇左openrice介紹，所以先save抵左。 我系比釜山豬肉湯飯吸引左， 雖然美食個度冇人推介，但我仍記得當初系釜山既雙胞胎店食既豬肉湯飯，超好味，所以相比呢個之下，真系超級失望。 1. 價錢貴 : ＄1xx既湯飯價錢不包飯，要+＄15先有碗紅米飯，湯多過d料，韭菜得幾條，肉好碎，唔係完整片片，有d似骨頭黏住既肉，扯下來的樣子，肉質適中偏“孩”靠近，味道稍咸，但屬可接受程度，加左旁邊既辣、蝦米仔，味道有所提升，但仍不足，比得太少，可能因為對比返韓國既，真系…… (இωஇ ) 2. 红米飯：因為員工預先盛起，放係保温地方，所以我個碗有一忽仔結左，變硬左…… 3. 泡菜餃子：味道適中，冇話特別好好味或好差，只係如果可以整到有埋汁會更好。 4. 餐牌：可以選擇既食物或小食好少。 5. 員工：有禮貌 (＾▽＾) TMI：旁邊枱有2個女仔，叫左大醬湯、其他湯，一碗飯share，佢地係禁話個大醬湯唔正宗、湯好多、顏色似醬油色，唔係大醬色，我偷看了，真的是醬油色，她們還說，是不是加不夠? 我想還是因為標榜冇味精?

即日上左openrice訂位，book左6:45， 但冇地方去，所以早左6:10到， 到左可能冇咩人，所以都比入，唔洗等到6:45， 坐抵左之後，職員親切地問需要講解嗎? 雖然有睇食評，但都聽左講解! ヾ(@^▽^@)ノ 要左鴨煲，因為特別， 首先d鴨肉嫩不《鞋》，肉質屬適中程度，系d肉煮得好《林》，好易撕開，唯一唔好既係，一鍋上，超多頸和有4～5隻鴨掌 ( •̥́ ˍ •̀ू ) 之後要左沙爹湯底，比較少少偏甜，太喜歡，蜆有沙，其他纸上的肉均很新鮮，尤其系牛肉、豚肉、雞子、鵝腸，雞子煮完咬落去有汁，鵝腸爽，冇味道，唔似出面既偏橙色，但厭菜類好多都洗唔乾淨，有明顯既泥於菜上，金菇略厭不新鮮。 職員均挺有禮貌 ╰(*´︶`*)╯

用左$138 Coupon去食串串鍋，好似幾新奇特別，某牛款很多肥肉，"牛帕葉"、大腸等等都有味，不太吃得很多，買單的時候才發現，原來我食過呢間既魚鍋，印象中是滿不錯的。結帳時，$138 Coupon 條款內容只是說要收服務費，並沒有說要收$138 Coupon $84？這是附加費嗎？當時也沒有問清楚，感覺好似比人欺騙左禁 真的一次就夠了 😅

一直收藏， 咁岩經過見到， 本身想要士多啤梨奶昔， 點知店員話唔靚所以無入貨， 同埋話唔喺當造， 於是我想要芒果奶昔， 點之都係冇貨， 於是揀左哩個， 品嚐後的建議 : 若選購外面黏了食物的飲品，最好與人分享， 因為拿著逛街很方便， 但影相效果不錯，水果奶昔我想會更美。 雖然塗了花生醬， 但偶然也會有少少的曲奇碎掉下， 有點不太方便， 還有感覺不是太相襯，只是拍照很美？ 味道還可以，感覺一般。 店員很親切、友善

晚上去到，冇book位，但用等位。 去到正系叫左盤魚 (冇加任何配料，初初以為會有少少，點知冇)、2罐飲品，好貴，價性比高，人地仲平d，又有少少薯粉，呢個真系…… 又貴又超级油，但味道ok ge，但真系太油啦，一上菜，飲淡湯，油到爆，酸菜又勁酸，麻麻地，仲有，第一次食到有骨 我地勁快食完勁快走，我估我地系店舖營業禁奈以黎最快買單既一枱 見到網上雜誌推介……果然不可信……

在韓國吃過，念念忘，但身邊的友人均不喜愛吃冰，所以收藏到現在，才有人跟我一起享用 即使吃到沒有汁的冰也會難吃，因本身已有淡淡牛奶味，配上煉奶會更美味，可是怕胖的我，能加就加了。吃到一半時，會發現兩款味道的中間會有一層醬汁，所以是可以用加的 士多啤梨款 : 水果是酸的，雪糕加上牛奶冰美味，糯米糍友人說好味，如果是士多啤梨味雪糕糯米糍會更好 蜜瓜款 : 屬清甜感覺，水果微甜。

本身想買優惠卷可以平d，點知見到時間唔岩，於是用左正價。 可能因為得2個人，所以感覺好寬敞，缺點系張長椅識郁，有點兒危險。 本身已經有興趣，終於有機會一試。 員工都好親切禁講解如何使用、醬汁使用，出去拎左d串燒、熟食同冷盤。 都不錯，仲有菜可以叫，可惜通菜冇晒 叫左d要比錢既小食，金菇、鱔、茄子， 金菇 唔系平常內地食燒烤既個種味道 = 蒜蓉味，系用左類似佢地既燒汁？味道一般，可能我習慣左蒜蓉味。 鱔 本身我好期待，因為我平常系别間吃開，都很美味，皮脆肉嫩，但這個，知道是我燒夠熟，還是鱔本身的問題，吃起來有點酸澀，馬上吐了出來，之後用了飲料刷口，也仍有那種酸澀感覺。浪費了我的金錢 🤮 茄子 漏左單，算了。 我們2個女人，只拿了2次，第1次是上圖，第2次只拿些菠蘿、翠玉瓜。可能我地比較以傾計為主，所以食左好少野，同埋友人既戰鬥力嚴重足，感覺上時間也都不太足夠。所以，我們吃的，和價錢相比就便宜啦。 熟食冇哂會有新的增加。 而且還有湯，雖然我冇飲。