金殿堂 (宋玉生廣場(皇朝))

非常喜出望外同震撼既一餐~

經友人悉心既安排之下, 令到今次既澳門美食團可以包括呢個既 "神秘" 又 "免費" 既飯局在內, 真係可以話係 "有食神"~

事前對金殿堂並無任何印象, 事後從友人口中才知道, 原來名廚周中師傅係該店既烹調顧問, 佢負責構思, 同另一個行政總廚合作創新菜式...

進入酒樓既時候, 見到華麗既裝修, 以為該食店只與一般高級酒樓無異, 對食物的質素放心之餘, 應該心裡有數, 誰不知每款點心既來臨, 竟然帶俾我地一浪接一浪既驚喜, 當中有數款點心, 甚至可以令我地所有人咬落去第一口既時候都不禁地 "嘩~" 左一聲出黎, 果種驚喜既程度, 絕非筆墨所能形容!!!

由於頭 $800 係"免費" 既關係, 我地一行六人食到 "嚴重超標", 值得推介的有以下食品:

吊燒鵝肝金錢雞 - 用了鵝肝做餡, 是比較特別和創新的做法, 肥膩感減少了, 味道亦不錯, 但當然不及舊式酒樓的原裝版本那種懷舊感覺來得強烈吧~ 事後才知道, 原來同晚在電視節目中, 蔡先生也介紹了這道菜式, 實在失敬失敬~

金牌脆皮燒腩仔 - 原本對我黎講呢樣只係 "例牌動作", 冇乜特別大期望, 但當我聽到身旁友人食落去既時候發出好大既 "索索" 聲, 我就知道唔少野喇, 急不及待地食一件, 仲專登叫其他友人留意... 哈哈~ 真係勁脆啊!!! 果然係 "金牌" 呢~

殿堂蝦餃皇 - 另一以 "招牌" 掛帥之作, 又係 "皮薄餡靚", 蝦肉非常新鮮, 絕對唔會拆招牌~

月影香妃餃 - 唔好比個平凡既外表呃左, 我地成班人食晒 D 蝦餃, 呢碟都仲係無人問津, 點知第一個夾起呢款點心黎食之後, 佢竟然話: "仲好食過蝦餃", 我地成班即時做左 "羊群", 食完個個都一致認為好食過蝦餃啊~

鮑汁鴨胸批 - 食到 "嘩嘩" 聲之作 !! 又係唔好俾佢個平庸既外表呃到, 類似菠蘿包既脆皮做到無可再薄, 一咬落口, 脆皮 + 鮑汁 + 鴨胸.... 答案咪就係等於 "嘩嘩聲" 囉~

香芹叉燒腸粉 - 上檯時見到腸粉入面既叉燒份量之多, 我地個個已經 O 晒咀... 食落去, 只可以用 "皮薄餡靚" 黎形容

蟹黃小籠包 - 因為唔食蟹既關係, 無試到小籠包, 朋友話屬中上水準~

淮湯蟹粉小籠包 - 價錢係蟹肉小籠包既兩倍, 仲要少一隻, 但係友人又係食到 "嘩嘩" 聲, 絕讚~!!!

高湯海鱸卷 - 幾特別既菜式, 有棵條墊底, 可以連埋上湯都飲埋~ ^^

香滑芝麻卷 - 另一食到 "嘩嘩" 聲之作, 黑芝蔴既味道同平日食到既唔同, 更有人話, 食落有幸福的感覺啊~

楊枝金露 - 另一高質既甜品, 不過友人話其味道同香港鴻 x 既出品差不多...

除左以上既推介外, 我地仲食左:

蘋果叉燒酥
白花菇黑豚燒賣
金蒜鮮蝦春卷
蜜汁叉燒包
荷香珍珠雞
龍團玉繡球
碧綠東星卷
頭抽一品脆燒雞
油泡田雞腿
薑汁炒芥蘭
綠茶煎丸子
琥珀金露酥
金殿精選甜品

以上全部皆屬中上水準, 值得一讚既係, 點心份量係可以隨住人數而變動的, 例如我地六個人, 蝦餃一籠有四件, 店員就幫我地叫左 1.5 客, 上檯時每籠則分別放了三件在內, 非常體貼和窩心....

扣除 "必要開支"後, 最後每人要俾 $130, 絕對係超超超超超超超值!!!!

席間, 有朋友問我 "你咁耐以黎食得最開心既係邊餐?".... 當時諗左好耐都諗唔到, 事後諗返, 唔知會唔會係呢餐呢? ^^

咁高質素既點心, 晌香港應該好難搵得到了... 以後唯有儲多幾個錢, 先黎呢度再 "朝聖" 吧....

陸舟餐廳 (竹灣海灘)

一直都有 "去澳門前上 OpenRice 做定 research" 既習慣, 但對 "陸舟" 呢個名字可以話係毫無印象... 後經幾位朋友同時提及之下, 就去左呢間餐廳, 作為是次澳門之旅既第一站... (後來先知道, 原來之前一個食評都無人出過, 無啦啦做左"寫第一個食評的食家" )

首先, 要講既係, 呢間餐廳既位置非常之隔涉, 真係要講解一下呢間餐廳要點去:

友人本旅遊書既地址, 同 OpenRice 一樣, 係 "路環竹灣馬路 (竹灣泳灘側)", 但竹灣馬路長到冇人有, 問左幾個的士同巴士司機, 冇人聽過 "陸舟", 見到地圖有個竹灣泳池晌附近, 想話晌果度落, 好心既巴士司機就同我地講, 話泳池果邊吹到垃垃亂, 建議我地晌過一個站 (即竹灣青年宿舍), 由泳灘既另一邊落, 點知好心做壞事, 原來竹灣海灘好鬼長, 同埋基本上係落唔到去既.... 於是我地沿住竹灣馬路行返轉頭, 沿路打算截的士, 仍然冇的士司機聽過呢間餐廳, 最後行左差不多半個鐘先行到返去 "竹灣泳池" 個路口, 沿斜路行落去十分鐘左右, 竟然行左入去豪宅區, 發覺唔對路, 好彩遇著好心既住客, 話俾我地聽間餐廳其實晌我地之前經過果個"竹灣泳池" 個路口沿住條隱蔽石級行落去.... 於是我地又再沿斜路行返上去, 原來要調返轉頭行先會見到個第一幅圖果個頗為神秘既路牌, 仲要寫住 "照常營業 STILL OPEN"..... 你都咪話唔驚....

沿住石級落到去海灘, 見到既果然係司機叔叔所講既 "垃垃亂", 大量雜物同垃圾被 "克格比" 吹到上岸, 可以話係 "劫後餘生"...... 幸好, 餐廳既位置高少少, 未受到克格比既影響....

餐廳分為室內同室外兩個區域, 晌唔穩定既天氣之下, 我地決定坐晌室內, 入到去發覺原來我地 "包場"..... 餐廳環境優美寧靜, 令人有渡假既感覺, 同餐廳外 "劫後餘生" 既感覺, 可以話係天淵之別, 大家到左呢個時間, 先稍為安心一點....

餐廳主打意大利菜, 一張 A3 Size 既 Menu, 已經包含左好多其他餐廳未必有既選擇.... 淨係 Pasta 已經有以下咁多個選擇:

Spaghetti 意大利粉
Wheat Spaghetti 全麥意粉
Squid Spaghetti 墨魚汁意粉
Penne 長通粉
Linguini 粗扁意粉
Spinach Tagliatelle 菠菜寬條麵
Homemade Ricotta Cheese Ravioli 自製利哥達芝士意式雲吞
Homemade Meat Ravioli 自製肉醬意式雲吞
Tortellini 意式餃子
Gnocchi 薯蓉貝殼粉

由於之後仲有好多站既關係, 一行四人只叫左以下既食品:

Mushroom and Parma Ham Pizza - 上檯一刻見到好多"煙", 絕對可以用 "熱辣辣" 黎形容, 適中厚度既餅皮被焗至香脆可口 (後來發覺呢間餐廳係用大型炭火爐黎焗 Pizza 既); Parma Ham 達到風乾效果, 味道屬中上水準, 唔會得個咸字, 四人不約而同話: "爭咁舊蜜瓜" XDDDD

Homemade Ricotta Cheese Ravioli in Olive Oil, Garlic and Pepper - 友人醒水之作, 棄易飽肚既意粉類, 選擇了意式雲吞, 橄欖油﹑蒜蓉同紅椒既配搭恰到好處, 唔會互相搶走其他配料既味道, 咬落去滲出淡淡既芝士, 食完唔會覺得 "漏"

BBQ Beef Rib - 賣相較遜色, 可能同炭燒有關, 牛仔骨被燒至偏黑, 但非常惹味, 牛則屬頗有"牛味", 兼有咬口, 值得推介~

服務方面, 全餐廳既職員都係東南亞人士, 操英語為主, 相信同餐廳既主要客源有關 (除左我地之外, 之後入黎幫襯既全部都係外籍人士), 但服務非常殷勤友善, 個個都面帶笑容, 值得一讚~

總括黎講, 無論餐廳既環境﹑服務和食物質素都屬於中上級, 奈何其位置真係隔涉得可怕, 周邊亦冇其他既配套, 連交通工具都要沿住條頗長既石級行返上去竹灣馬路先有...... 相信餐廳方面絕對要晌 marketing 上落多 D 功夫, 例如搵多 D 暴光既機會, 同埋要改改擺放指示牌既位置啊~

當奧豐素意式料理 (南灣)

位於新葡京酒店 Grand Lisboa Hotel 的意大利餐廳 Don Alfonso 1890, 源自意大利南部榮獲米芝蓮二星級的同名餐廳, 店內不少食材均由主理人 Alfonso Laccarion 家族擁有的意大利農場空運回來, 當中不乏一些罕有和獨家品種, 而所有的食物的烹調過程中, 更沒有用上任何牛油和忌廉, 屬城中罕有。每次用餐首先送來的麵包籃, 從來是葡京集團旗下餐廳的強項, 例如過往於 Robuchon au Dôme 和 Guincho a Galera 所吃過的麵包籃, 基本上都是令人停不了口的, 每次「檸茶」吃完都飽得幾乎吃不下其他食品。

來到 Don Alfonso 1890 自然也不例外, 這個麵包籃, 全部來自店子前方火爐的即製貨色, 上檯時熱烘烘。雖然是免費贈送, 卻一點也不馬虎, 款式多達十款, 包括甘筍包、菠菜包、蕃茄軟包等, 質素均達高水平, 而要說最特別的, 當然是印有其品牌 1890 字樣的薯仔包, 質感鬆軟帶薯香, 坊間罕見, 值得一試。這兩顆牛油就是整個晚餐中唯一出現的機會, 只作蘸麵包之用, 而橄欖油是這裡的賣點之一, 屬 Don Alfonso 自家品牌, 橄欖當然來自其意大利的家族農場, 味道幽香獨特, 吃麵包時不蘸一點, 是你的損失。

8 (南灣)

8 位於新葡京酒店二樓, 是一家混合廣東菜和淮揚菜的新派中菜廳, 自 2009 年澳門區首個米芝蓮年度以來, 所有年度均上榜, 由 2009 年開始獲取一星級, 到 2012 年升為二星級, 到 2014 年更躍升為三星級, 與同屬葡京酒店旗下的 Robuchon a Galera 齊名, 是現時澳門區僅有的兩家米芝蓮三星級餐廳。很喜歡這裡的點心造型, 藍天使蝦金魚餃 就是其中一款, 「檸茶」雖然品嚐過好幾次, 原來這次是新的版本, 食材由河蝦變成藍天使蝦, 其實原本的河蝦已經非常好吃, 想不到來自紐西蘭的藍天使蝦, 竟然可以令這款點心踏上另一層次, 蝦肉鮮美得無話可說, 而且非常彈牙, 值得高度推介。

葡國餐廳 (南灣)

葡國菜通常給人一種較為 Casual 的感覺, 尤其來到澳門, 要找一家擁有舒適環境的葡國餐廳, 實在不易, 位於葡京酒店 Lisboa Hotel 的 Guincho a Galera, 或許是個上佳選擇。又要再說一次, 每次用餐首先送來的麵包籃, 從來是葡京集團旗下餐廳的強項, 例如過往於 Robuchon au Dôme 和 Don Alfonso 1890 所吃過的麵包籃, 基本上都是令人停不了口的, 每次「檸茶」吃完都飽得幾乎吃不下其他食品。

這裡的牛油軟包和葡國香腸包當然也不例外, 卻不要忘記另一精髓, 就是自家製香蕉牛油, 牛油含大量香蕉果肉, 甚具口感, 吃麵包不能沒有。