Ikigai Concepts (荃灣)

很久都沒有去吃夜晚的Omakase了，辛苦了一個月，月頭應該要好好犒賞自己，是晚就來到如心廣場新開的餐廳吃日本菜。

餐廳闊偌，有提供刺身壽司的廚師發辦區、主打串燒的炭火燒區、供應鐵板燒的鐵皮燒專區和有各式各樣的定食的和食專區，可說是把香港人愛吃的日本菜式都一網打盡。

這裡還有一個清酒專區，雖然我不喝酒，但看著也覺得挺有趣，因為這裡有部自助清酒售賣機「Sake Z」，有近30款不同風味的清酒，不但可以用手機二維碼下單，亦可以得到各款清酒的資訊。

一心想來吃壽司，左思右想，最後選了12件壽司的Miyabi Omakase。

前菜有海膽豆腐、水雲和鱈魚白子。海膽豆腐，入口有淡淡海膽甜味。加了醋汁的水雲，清新開胃，而且對腸道很好，一向都很喜歡吃。鱈魚白子口感軟滑，每逢秋冬正是當造季節，特別肥美。

因為相片所限，就挑一些印象比較深刻的壽司分享一下。

石垣鯛。有「夢幻之魚」之稱，肉質彈滑而柔韌。

深海池魚。入口魚油甘香細膩。

赤貝。口感爽脆，鮮甜十足。
赤鯥。火炙過的赤鯥，油脂豐腴，入口即溶。

秋刀魚。秋季裡絕對不能錯過的魚！師傅說這兩天開始進入肥美期了。

吞拿魚鮫。比剛才的赤鯥魚油更豐富，但相比之下赤鯥的魚味濃一點，各有特色。

筋子。入口味道都幾濃，先是柚子的甜味，然後酒味慢慢滲出來，酒味比想象中重。

海膽。來自北海道根室，是走清甜而不是濃郁的路線。

最後有茶碗蒸和魚湯，這個安排都幾特別，通常茶碗蒸都會跟頭盤一起上，這裡則與魚湯一起上。

最後有甜甜的蜜瓜作結。

離開的時候經過鐵板燒區，看來挺吸引的呢，下次有機會再來吃午市吧～

祥仔 (尖沙咀)

灣仔碼頭前陣子推出了不少新口味的水餃，特別是辣味的最為吸引，椒香鮮辣和辣子雞餃都吃過，不過在家裡吃都只是用水煮，吃餃子原本的味道。不過前陣子得知祥仔Crossover灣仔碼頭，推出一系列星級菜式，就在Happy Friday找朋友一起來吃晚餐。

脆香鮮蝦雲吞皇伴薯蛋沙律。炸過的鮮蝦雲吞很香脆，加上冰涼的薯仔雞蛋沙律，挺好吃的，之後自己在家跟著做應該也不難呢！

泡菜豚肉煎餃部隊鍋。其實煎餃也不一定要煎，大廚將煎餃水煮，然後放在部隊鍋上，加上腸仔，厚切午餐肉和芝士，瞬間變成韓式風味餃子鍋。

紙包焗黑松露鮮蝦迷你餃。紙包的做法在煮的過程鎖住了黑松露餃散發的香氣，再加上濃郁的蕃茄味，味道更豐富。

這個期間限定Menu只做到7月底，如果有興趣試的話就記得要快咯～

土生花 (尖沙咀)

呢幾年韓國野大熱，連帶韓國菜式在港都多左選擇，韓國素食又係點既一回事? 俾僧人享用既又係點樣?今日就去韓籍行政總廚主理既韓國素食餐廳試下感受下。單邊大玻璃窗透入充足陽光，如果怕太曬都有另一邊裝潢悅目既位置可選。先上既係韓式開胃特飲，特飲似乎加左覆盆子，入口微酸解渴唔錯。而香脆蔬菜片如其名，薄切後炸香食落真係好脆，只係簡簡單單用左鹽調味已經帶出蔬菜原味。上檯既薯蓉蒸香菇有啲黏口入口鮮甜；純素蔬菜湯用蕃茄做主打，蔬菜湯十分夠熱，茄蓉香氣直撲喉嚨。左邊既煎牛蒡唔會太油但亦唔係係走香脆路線，食落帶微甜口感有啲似食緊年糕既感覺；右邊金針菇入口煙韌中帶微辣及芝麻香，中間杏鮑用左十年陳既醬油伴上，令本來已經突出既鮮菇味更多一個層次。用左天然色素既蓮藕餅十分搶眼，雖只有兩件但份量唔少亦咬口十足，但藕餅不是我所好，淺嚐一件後另一件交身邊人完結。茄子蕃茄同樣用上陳年醬油襯托，口中一時間香甜酸夾雜一起；中間甜辣酥炸菇菌既粉槳夠薄食落香脆，而酸甜交錯好有咕嚕肉既影子。表面搽上辣椒醬既風乾蘋果入口果香中帶辛辣；右邊既牛蒡絲豆腐都加入陳年醬油添加風味，不過牛蒡絲在上面可能吸收過多醬油變得有啲鹹，相反下面已煎香既豆腐就吸收左岩岩好既醬油份量令豆味更突顯。而下面既青瓜麵食落清爽，加上菇絲及芝麻後整體味道更討好。韓國寺廟主食送上，當中大醬湯味道十分濃郁，同係韓國食到既冇分別。而免發酵既韓式泡菜十分爽甜。主食係香菇飯，而米飯香味中隱隱帶出菇香，加上中間幾款特色配菜，令人不自覺成碗食到見底。韓國甜點係柿卷口感軟糯又充滿柿香，而芝麻酥做得夠香口但對自己黎講偏甜。韓國素食雖然唔係石破天驚既出品，但總廚具辰光以往在韓國寺廟跟隨當地主持學習寺廟素食製作多年，出品精緻有板有眼，對於喜歡素食又喜愛韓國菜既人黎講，不失為一個好選擇。

滿樂潮州 (尖沙咀)

今晚潮菜飯局湊夠四人，見見好耐無坐埋同檯食飯既朋友同食下功夫潮菜。先黎杯功夫茶係常識。滷水鵝肉拼盤有鵝片、豆腐、墨魚、豬腩肉同滷水蛋，鵝片雖合格但本身鍾情鵝件，所以覺得肥瘦相間既豬腩肉先至係最好。潮菜湯水中既鹹菜豬肚湯係最愛之一，煲到軟嫩既豬肚十分吸引，湯既鮮味同胡椒既辛香係絕配。蟹黃脆皮海參伴柚皮賣相討好，加埋表面微焦入面彈牙既海參同火喉十足食落無渣既柚皮真係冇得輸。胡椒粉絲蟹煲一打開胡椒味撲面而來，蟹肉鮮甜加上胡椒味焗到入蟹身同粉絲，呢個菜式好快食曬。潮州蠔烙煎得金黃厚度平均，要煎而唔係炸先會咁薄身，加上香脆有蛋香蠔鮮，再黎呢碟都會encore。龍鬚子母中蝦用左蝦膠包住中蝦而成，蝦膠味濃但就無中蝦口感，兩樣野走埋一齊就令蝦味更濃口感更實在。糖醋伊麵唔雖要花考而整到呢個咁香脆好食就得。反沙芋係香港愈黎愈少見，因為整呢味野都吃力不討好！今晚呢個出品糖衣厚度雖唔算好平均，但入口熱度、芋頭粉既程度同糖衣跟芋件既黏合都不錯。老牌菜式雖然唔係大熱菜式，但功夫潮州菜自有佢係飲食市場存在同值得欣賞既價值。

本店 (將軍澳)

去唔到旅行既日子，係度諗一有得飛會去邊，日本肯定係大家既熱門選擇，不過諗得太多冇用，有機會就搵下日本野食最實際。 季節針魚刺身先上，肉質爽口有不錯魚味，配上酸汁魚味更突出。玉子燒上黎已吸引到大家既目光，食落夠滑又夠蛋汁已經收貨有餘。新鮮豆腐皮伴海膽係鮮甜跟豆香既混合出品。另黑朴葉味噌燒日本豬腩肉每片都切得夠厚，肥瘦相間的肉入口有油香又有肉味。白蜆五色燒有創意但味道普通。鯛魚昆布燒效果唔算非常好因燒得耐左，鯛魚有點過熟不過食落算滑。松葉蟹甲羅燒睇到都覺吸引，檯上即燒即食既甲羅入口都係蟹膏既香甜同蟹肉鮮味。黑豚肉卷溏心蛋既汁覺得有點偏甜，不過甜d既汁可平衡油膩又可突出蛋黃香。而免治雞肉棒咬落爽口，配埋蛋黃醬同食都係冇得輸既配搭。廚司發板壽司６件比較一般，壽司飯有d實淨似乎可以做得更好。一品吉列和牛每件份量不少，外面香脆食落入面仍有肉汁。另日式烤飯糰未食已聞到燒烤香氣，食落外層香脆又有一點飯焦，令人不自覺成個食曬。焙茶焦糖燉蛋入口香滑兼茶香不俗。店內既環境有日本feel似日本既居酒屋，去唔到日本既黎感受下日式居酒屋既氣氛都唔錯。