話說琴晚趕住開工,是但搵間野食,朋友話呢間海南雞好正就去試下
我地全部都叫左海南雞飯
另外再有碟馬拉棧炒通菜
個菜先上,偏辣,但咸味完全唔夠
火候都可以接受

跟住一人一個雞飯上菜
先唔講味道,淨係份量都好有問題!
有乜理由四碟飯,有兩碟係明顯少左起碼三舊雞!
仲要我上黎睇返食評,見到人地張相勁多雞,我地好似係將兩碟既份量勉強分比四點咁!
極唔專業!

然後食雞,勁多肥膏,如果唔食D皮,基本上D雞得返一半
然後仲要係半生熟...冇流血,但咬落去基本上係FEEL到佢生生地(係嫩口,但亦都係生既感覺)
咁都不特只...連D飯都係未熟...硬到好似糙米咁!!!
太過份了,不過趕住做野拿拿聲食完就要走,就冇媽叉佢
而且係BOSS比錢,廢事搞事

不過如果同FD一定唔會再去

難得同家人一齊食餐飯,諗住搵間好D
打左去訂台,明明係間類似菜餐廳既食店,居然好似食放題咁限幾點入座,然後幾點交台
去到坐低,個侍應立即推銷老火湯比我地,就要左煲青紅蘿蔔豬骨
跟住又係咁游說我地蒸條百幾蚊既魚
一話唔要就黑面走開

我冇比意見話食乜,佢地點左
咕嚕肉
豆腐斑腩煲
豉汁蒸魚雲
梅菜蒸肉餅
蒜蓉炒菜心

咕嚕肉最好食,炸到脆哂再落汁,食果陣仲脆,仲有好多唔同生果,反而冇左青椒洋蔥等濃味野,不足之處係肉既份量都算少
豆腐斑腩唔係斑就緊係唔洗講,但又比稔魚肉質好少少,唔太肯定係乜魚,其餘就係幾毫子唐芹同芫茜,仲有兩蚊豆腐,同兩匙豆瓣
豉汁蒸魚雲係終極呃錢之作,半個大魚頭價值15-20蚊,由於唔想比人發現佢得半個所以琢到勁細件碎哂黎蒸然後64蚊賣比客人食
梅菜肉餅算係合格,因為D肉唔係機攪,但15蚊半肥瘦同幾毫子梅菜賣到55蚊又係暴利(最慘係仲要唔夠自己煮好食)
蒜蓉炒菜心又係合格,猛火炒所以一分鐘都唔洗已經熟,爽口又唔會太生,再埋個芡6兩菜心盛惠36定42蚊(唔太記得)
白飯每碗十蚊 如果6個人去食,已經可以買5KG金象 我地4個人叫左4碗

環境方面真係差到絕頂
出面已經30度,係尖嘴行入尖東成半個鐘熱都熱死,坐低飲左湯後更熱
但成間野D冷氣差到好似冇開咁,佢竟然話商場冷氣係咁細所以冇
同一層有韓燒,都自己裝冷氣同抽風
樓上又有酒樓,我唔信會同佢一樣咁熱囉,搵鬼幫襯?
一句講哂就係佢間野縮骨,唔裝多兩三部分體比D客人食得舒服D
仲要要求7點入座8點半交台,懷疑熱到人早D走都係其中一個策略

服務可以話兩睇
佢地有服務效率,但0服務態度
已經做到好似機械人咁,特別係一位短髮女侍應,就係我剛剛講唔蒸百幾蚊魚就黑面走人果個

總評:比樓下菜記不如,卻是酒家價錢,永不光顧,列入黑名單

好食的店當然要再度幫襯
話說中午同女朋友唔知去邊度食好
就打去1000円問下下晝有冇放題
佢話有而且只係$58+1任燒一小時
反正早餐只食左少少,中午未食,兩點去食任燒真係最佳選擇

去到即刻有位,又再見到之前提到既"部長"
竟然咁岩又安排上次個卡位我坐
其實成個場都只得三台客左右

坐低後二話不說當然去拎野食,食物方面其實都少左一部份
依稀記得冇魷魚鬚、墨魚仔、全蝦、蝦仁、去骨雞翼、瀨尿蝦、豬頸肉etc
最正既一口牛柳粒就仲係度，仲多左蛋餅燒完第一ROUND都係決定左+15蚊任飲
雖然最後兩人加埋只飲左六罐,即係平均五蚊罐並無賺,但我覺得都冇蝕啦
最後埋單都係一人$80左右 依然覺得好抵呀
最緊要係食得開心,唔洗同人逼,又唔洗受氣

既然呢間餐廳係我提OPENRICE UPDATE，又未有人寫第一篇食評
就等我寫第一篇啦

話說，星期日同朋友由旺角一路行，經過由麻地都冇咩好食
終於行到佐敦，見到1000円同2000円招牌，就諗住上去問下價錢同有冇位啦
一問之下先知道原來原本既2000円(佐敦分店)已經冇左，裝修後重開成呢間1000円
門口果位應該係經理或部門級既先生(下稱部長)好好人，主動邀請我地入去參觀一下有咩食先
入到去見到地方唔算大，但全新裝修，而且坐位都幾鬆動同舒適
食物一字排開，放既地方唔算大，但款式可能都接近50款了
每款食物放出黎既量唔多，但時不時有人REFILL，呢點幾值得欣賞
部長話加埋一就$136一位，限食兩個鐘，另外任飲飲品就$15一位，任食甜品就再$15一位
本身都覺得任飲另加唔太抵，但睇一睇飲品櫃，除左百事、七喜等汽水外，仲有道地無糖綠茶同烏龍等
甜品就唔考慮喇，我地一行三人就決定叫任燒+任飲

食物方面有牛肉、肥牛卷、牛利、牛柳粒、肥牛串
雞柳、有骨雞翼、無骨雞翼、雞皮、雞心、雞腎、雞軟骨
豬柳、豬頸肉、豬肉卷(即係肥牛卷既豬肉版)
秋刀魚、魚柳、多春魚、鯖魚
原隻蝦、蝦仁、魷魚鬚、墨魚仔
包心丸、腸仔、雞尾腸、墨魚餅仔(圖中白雪雪上面有舊黑色紫菜果件就係)
錫紙兜有金菇、冬菇、粟米、蜆
菜蔬類有冬菇、青椒、菠蘿
配菜有大蔥、蒜
另外可以自製沙律
調味料有鐵板燒醬、柚子醋、粗醬、黑椒、芥辣沙律醬同芝麻沙律醬
太多了不能盡錄(因為我唔太記得

服務方面我覺得唔錯，部長經常走黎走去幫客人
又有人專責檢查食物剩餘量同補充
我同朋友都跌左幾次筷子佢地都冇黑面(話時話點解D筷子咁易跌
另外就係夠鐘時部長冇即時拎張單埋黎，而係埋黎問左我地想唔想加野先，見我地話唔需要先問幫我地埋左張單先好唔好，食咁多間放題都得一兩間係咁好
有D二百幾蚊既放題 LAST ORDER完過左半個鐘就拎張單埋黎，同佢講有好多野未到佢就即刻話"你地夠鐘喇喎"係都強調好多次佢野食唔黎係佢錯佢先黑面然後去拎D野食黎要求五分鐘內食哂

星期日難搵食就預左喇
落到福榮街,間間都爆哂棚
娘親話想食呢間就排呢間喇
不過等位時間真係有點耐,

入正題
店舖設計就真係麻麻地,樓面好細,側邊得少許四人台
中間反面放D大台搞到行都行得唔太通順
仲有張二人台係通入水吧既走廊位
不過好彩,佢地都安排左個四人位比我同娘親坐,如果唔係係大台同人搭台仲慘

點野食方面有D麻煩,全部都畫紙,圖片太少
我地就叫左
一份鱈魚套餐(有沙律或湯+飯+燒鱈魚+綠豆沙) $36
一碗熏蹄撈朦 $22
一份炸魷魚圈 $14
一份越南春卷 $14
一份牛肉蝦片 $14
一份燒茄子 $14
一份保寧雞 $22
一杯咸檸梳打 跟餐+$5
小食大概係14蚊份啦,記得唔太清楚小食做得細細碟,每碟十幾蚊我覺得幾好
可以試多D唔同款式
主食唔算貴,份量都足,賣相亦唔失禮
最奇怪係燒茄子居然係吉列因為娘親唔想再食炸就叫佢換返碟燒(即係煎)既黎
但竟然薄到得返原本一半雖然不滿意但都算數了

叫到成台野,埋單都係都係百五蚊,而且星期日去其他地方食好多都唔抵
總括而言相滿意

是日星期日下午,本來想食米線,豈料位子被菲傭坐滿見到呢間有位置,雖然兩點鐘仍要$55一個拉麵有點誇張,但為醫肚只好入去食
店員都幾貼心地安排卡位比我同朋友坐
坐低後居然冇熱茶只有清水(雖然唔係話熱茶係必備,但去元氣就算食9蚊Sushi都有抹茶招待,去女人街食廉價日本餐廳都有熱茶)
選擇拉麵選擇不多,一係帆立貝,一係蟹棒,一係叉燒,一係炸雞等等
我選擇左味增叉燒

直接評分
湯底: 非常咸,並非濃味而係咸,冇味增香味---2/10
麵: 吸收湯吸收得好快,彈牙度亦不足好淋---5/10
蛋: 唔識欣賞,裡面好凍,外面浸左D湯好暖,口感好怪---0/10
叉燒: 全碗最好最正常,雖然味道只有6分,但肉質彈牙---8/10

總評
不值得$55一碗,雖然味千好平庸但都比佢好食同抵食

做左CD-ROM好耐,冇打食評好耐
今日比呢間野呃左真係火滖
特登打篇食評鬧下佢

呢間野真係不知所謂
話說我今日路過,睇左幾間都冇咩特別想食
見到呢間門口個餐牌寫住 A.蒜蓉汁肉眼扒拼火腿飯
幾吸引就入左去啦
然後我就叫左A餐轉意粉,飲西湯(羅宋湯),飲熱奶茶多奶

先講"肉眼扒"三個字
係人都會諗到牛扒，就算係維基百科打肉眼排都係出Rib eye steak

The rib eye or ribeye, also known as the Scotch fillet (in Australia and New Zealand), is a beef steak from the rib section.
The rib section of beef spans from ribs six through twelve. Ribeye steaks are mostly composed of the Longissimus dorsi muscle but also contain the Complexus and Spinalis muscles.

但佢就竟然比豬扒我,有心詐騙?
心諗拿拿林食完要去明愛覆診先冇嘈佢

然後佢D意粉係全部碎哂,冇一條係長得過10CM
咁都叫意粉? 是但搵間最CHEAP既茶餐廳叫碟炒意粉都唔會炒到咁碎啦

然後個汁真係好笑,明明係洋蔥汁,放幾粒生蒜落去就同我當蒜蓉汁都夠膽死
完全冇蒜味!! 比鬼咁多汁,都唔知我係飲汁定係食粉

餐廳熱奶茶多奶
完全唔滑,茶冇茶味,奶冇奶味,似係第二浸(即係檸茶底)開出黎既多D
一係就係佢見D奶貴就奶照比正常,溝多D滾水淡色D扮多奶

冇下次!!

話說我一向都頗喜歡吃燒味
特別是脆皮的燒肉
最外層如果烤得好，真的比炸蝦片還要脆
比嘉頓威化還要鬆

是日經過看見這間酒樓裝修完畢
瑰麗堂煌，並有燒味48元一斤的優惠
心動便買了"一條骨"試試
說好一條是40元左右，切出來卻55大元

問題想了，盒有開洞，我也沒有放太久才吃
可是外層的皮不是像煮的豬肉一樣，就是燒到變炭，又黑又苦
(就如前面一食評，拍下的乳豬)
附送的芥末醬更是又苦又辣，我寧可吃街頭小食那種黃芥

要做好的燒肉真的不容易
55元在又一城的瀚騰閣只能買到一碟十二粒左右1cm*1cm大小的燒腩仔
在這間多彩雖買到一大盒，但卻跟食煲湯瘦肉無異
下次我也不會再貪這種小便宜，乖乖到真正的高級酒樓買算了

勸多彩一句
如果想吸引食客，這種連街市燒味都比不上的貨色
只會惹來食客不滿!
要麼就做得更好，要麼就直接取消燒味部!

呢間店都並非第一次去食
唔知由幾時開始
佢地竟然改左LUNCH限時一個鐘
(莫非係同最低工資有關...?)

既然一早約好左人黎食
一個鐘都照幫襯再算
食物質素唔係一個值得擔心既問題
呢間店既味道一向都有保證
(我唔知道正唔正宗啦，但我覺得幾好味)

ORDER左一份烤牛肉午餐

有前菜三小碟
有湯、飯及燒牛肉(鐵板上)

前茶味道不錯
每個餐都有三小碟
時不時會換款

個湯偏咸
同埋幾重味精
個人不太喜歡
友人卻全碗飲盡

白飯採用肥身珍珠米
口感不俗

燒牛肉早就醃過
口感與一般牛肉有少少不同
味道很好，上台時更是香氣撲鼻
(但請記住切勿讓牛肉於鐵板上一直乾煎，否則會煎燶變成焦)

食物黎講整體都很好

反而想講講員工們
我諗應該係最低工資實行後，令該店人手被削，餐廳既人唔想被炒
就一直搞到自己好忙好忙，最後忙到亂哂陣腳
仲影響埋客人進食心情
希望會改善

早前去九公深完水
打算食少少野
後來見到呢間店竟然只有海南雞食
心想專賣一味都生存到
質素應該都唔錯

於是唔係好餓，都拉埋兩個朋友入去食
下午時候堂食冇乜人
但都一直有人黎外賣全隻海南雞拎走

我地ORDER左三份海南雞飯餐(大)有中湯一碗
雞一份
油飯一份
醬汁三小碟

中湯頗清甜
亦非常足料
可惜油份偏多

油飯幾特別
有少許花生衣
帶出香未
米粒肥瘦適中
飯口感適中，唔太軟亦唔太硬
雞油味與翠華的比仍然有少少距離

份雞好嫩滑
非常優質，甚至可見到皮與肉之間有層天然的雞汁凝固物
雞味不算太濃，配以醬汁會更佳

如此優質只需$39實在係好抵
可惜住得唔近
如果唔係一個星期至少食三次