來西九龍溜冰
想話見佢成排野新開
就買D小食食下

見佢5蚊一串仲話北京風味就買三串試下啦
包括 羊肉、雞軟骨、雞腎
點知果三串野,佢冇生意
我都等左成8分至10分鐘

跟住一渣上手,勁油
正宗串燒根本唔會甘多油，所以我可以推斷，佢係煎唔係燒
淨係呢一點已經可以FAIL佢

然後先試雞軟骨，夠跪，表面既香料味食到，好遺憾完全冇醃
換句話說 香料還香料，肉還肉，而D肉係完全冇味

羊肉同雞腎都係咁 香料還香料，肉還肉
再扣分

最離譜既就係羊肉
我唔知我係大陸食既係咩風味，係正唔正宗
但我食既羊肉係切薄燒到好乾身
但佢既羊肉就係一粒粒，D肉霉又冇口感
最慘係連羊味都冇，唔講我以為自己食緊雞

未食過既朋友們，一次都唔洗試了

如果你飲貢茶,COMEBUY等大型連鎖店飲到麻木左
不妨試試呢間平民價錢,正宗味道既 八度半

小弟經過呢家店十多次,今日終於幫襯
ORDER左一杯 珍珠奶茶少冰微糖 價值$10估唔到又幾好飲, 係真正台灣珍奶既味道
而且有層泡沫係面,的確正宗
珍珠有口感,而且唔會有陣臭味 (唔係講笑,貢茶會用埋D唔新鮮既臭珠)
但我認為D珠有點過甜,如果唔叫半糖/微糖的話,會飲到好辛苦

ANYWAY
值得一試,的確好飲!!

之前見雜誌介紹過
話係男歌手開的,仲自己做埋師傅~
咁岩路過.『大住個肚』都買來試下

我話要個生煎包丫
佢就話多謝20蚊
我疾左疾點解一個生煎包咁貴
點知原來係要一次買4個
心諗死啦岩岩食完飯又食4個生煎包邊食得落
拎到上手先知原來好細個食落又唔錯,好多汁,而且好鮮味
調味調得剛剛好,唔會太鹹
最抵讚係個底,煎得好脆,但又剛剛好冇燶

不過廿蚊4個都係貴
我個人的話就食一次就算 (話哂廿蚊都食到兩個武大郎)
相信都唔會有人會成日食
所以我就建議
佢可以慳返D無謂既包裝費用 佢膠袋質地太靚,又印哂LOGO,個盒好似又再印多次
我覺得不如節省左呢筆錢,降低成本再賣平D
(希望佢會睇到)

估唔到我係第一個寫
不過好遺憾我既食評係完全負面

之前MISS推介我去食呢間,,雖然佢唔算係一個識食之人
但佢講到幾正幾正應該唔會差得去邊
咁就約我朋友去試下啦

叫左
蟹黃蒸燒賣
春卷
百味鳳爪
叉油雞飯
梅子排骨飯
熱奶茶X2

先講兩個飯

叉油雞飯既叉燒完完全全係瘦肉,仲要係肉乾,勁乾勁"鞋"勁多渣
油雞霉的,成份雞胸隊上黎飯先最離譜,瘦身,又乾又硬,起哂冷降...都唔係人食
絕對係睇在"珍惜食物"四隻大字份上先食哂佢!!!

梅子排骨飯既飯同上面所講一樣啦
碟排骨另上,勁細碟,仲少過學校CANTEEN D頹飯
味道完全唔掂,好明顯就求其搵D醬蒸!!

- - - - - - - - - - - - - - - -

然後就D點心

春卷,超熱辣辣,應該係即炸,不過D餡就強差人意左少少
因為係一PACK野唔知乜黎又冇甘荀又冇木耳
見佢熱辣辣,勉勉強強過骨

百味鳳爪,我真係唔明,鳳爪就鳳爪啦
你可以整南乳,可以整椒絲,可以整豉汁,可以整蒜蓉豆豉點解偏偏要整百味?真係乜都有D,但又乜都唔到位
總之就一個字──怪!

最後最後
真係唔鬧唔得
蟹黃燒賣竟然係冇蟹黃
你冇蟹黃你都整D碎咸蛋黃黎敷衍下我丫大佬
竟然整碟個頂係光禿禿既燒賣比我食問個伙記佢話,個名係咁GA唔好意思
我就回佢,咁又係,潮州粉果都唔洗搵潮州佬整啦而家

仲好意思叫燒味點心茶餐廳
燒味又難食
點心又難食
佢有乜野可以比人食??

建議各位唔係就餓死兼搵唔到地方食都千奇唔好去!!!!

四十蚊
係呢間野食叫一個海南雞飯餐
一個餐竟然係冇餐飲...汽水要加6蚊，奶茶咖啡同特飲要加10蚊

呢個餐就包括
味精湯一碗
寒酸青瓜粒一碟
同勁難食海南雞飯一碟個湯一句講哂就係味精
所以我只食左兩舊冬瓜就冇飲

個前菜青瓜,,只有辣味,冇酸甜味又冇咸味
用豉油碟裝, 雖然係前菜,都唔洗咁寒酸掛

碟飯先雜哂大譜 (但唔記得影相)
色水就好黃,但一D油香都冇,係一D都冇(所以我可以幾肯定佢係加左色素)
跟住飯身肥大,而且口感濕軟,完全唔係正宗油飯口感
至於D雞 寫明冇骨 ,但就比件有骨既雞槌我
有一舊雞腿,一舊雞槌,其他全部雞胸 (要全腿+5蚊)
D雞肉一食就知係內地雪雞，絕對唔係文昌雞
D雞胸肉勁霉勁爛 一咬就散哂
至於個汁亦唔掂，冇薑蓉既香味，又冇甜酸汁既開胃
食完仲要唔飽肚

總之就係唔掂!!

至於裝修簡直核突死了
成間大陸下價快餐店咁
D台凳好矮
BAD

今日,路過南昌街,就幫襯呢間好似都幾老字號既餅店買左半磅蛋糕仔

$15 剷左一殼ONLY真係估唔到D蛋糕仔咁重身賣相好差,霉哂,唔知係咪隔夜
色水又唔靚..個面又唔夠啡

食落先知中伏
勁實,勁硬
就比佢賴天氣凍

但係味道都勁差
冇牛油味 但勁重椰子味
頭兩啖食唔到甜味,食哂先有
( 我係一個唔好甜食既人,我都覺得唔夠甜 )

絕對是失望的
其他野我冇試就唔知LA
但我就絕對唔推薦佢D蛋糕仔

PS. 阿姐D態度都麻麻地

估唔到我係第一個寫食評
講起FROYO
其實 APPOLO老早就有啦
今日行開大角咀
見到APPOLO就去買返個食下
畢竟都有10年冇食...

同佢講要"鮮果甜乳酪"
佢就叫我揀生果LA
咁我就揀左草莓同藍莓

竟然要$25!!
不過佢都畢左OK多藍莓(超市買大概10蚊)同幾粒草莓(超市買大概3蚊)
跟住就見佢倒呀倒,倒左D生果同舊白色FROYO落去
跟住部機就攪呀攪
跟住再唧落個脆筒到
出黎竟然變左紫色,好有趣既呢!!!食落就唔會話好正
因為佢唔夠味
( 仲要我係一個唔太好甜食既人 )
如果D中意食甜野既朋友食就一定炸哂型LU

不過都幾健康
啖啖都食到果肉
食完冇起痰

$25蚊 我覺得係可以接受既價錢啦!!

PS. 單拼 $15 若有藍莓OR荔枝 就22
　　雙拼 $18 若有藍莓OR荔枝 就25

所以如果唔揀果兩樣貴野,仲真係幾抵食GA

一行9人去打邊爐
唔想貴、唔想時間限住哂
可以試下呢間
埋單價$98蚊位吸引左我同我D朋友來試試
混醬就少左DD
料就幾多選擇
呢個價位竟然有蠔、雞子、白鱔、蝦
都算係咁啦
整體來說D料都新鮮
但D丸就認真強差人意
而且叫丸數量俾超多，叫魚就俾好少呢樣真係要改善
仲有糖水，雪糕任裝
不過10點左右就唔肯再REFILL番D糖水..
搞到冇得食...

不過總的來說係超抵食的

朝早凍冰冰
走左去買個沙嗲牛肉包


第1次食
都幾驚喜
咬左啖仔,已經見到好多餡
跟住咬左半,直頭係見到薄皮之下全部都係沙嗲牛肉
正丫
雖然食落似咖哩牛多過沙嗲
不過8蚊都算食得過!!!

BTW
D蛋撻就強差人意左少少...
個底好厚
而且4蚊亦唔算係平價

唉...之前都好中意飲呢間野
味道岩口味
D布丁又幾好口感咁...

不過唔知點解AND幾時開始
最近幾次我覺得呢間野好唔掂



1.換左個新仔沖野飲，同落ORDER，手腳超~~~~~慢~~~~明明前面得2個人，計埋我果杯要等成10分鐘......
2.布丁份量勁少~! 我嗌雙份同以前一份一樣~!!!!!離哂譜!!!!!!
3.D茶冇左1/7..唔知佢點鬼沖
4.布丁變到鞋口...咩事

隔壁已經有間COME BUY搶客
仲做到咁頹咁冇水準
希望店主快D注意改善!!!!
如果唔係.....唉....好自為之