朋友生日
六人行訂左台
6點25分入座
本來開頭影左好多野食諗住比D心機評論下佢D食物
不過後來
我已經完完全全打消左呢個念頭
呢篇食評將
針對五月花既服務黎評論
先講講食物先
D凍野認真麻麻地
與其話超市貨,不如話TASTE果D都靚過佢
比如花之戀,得一片三文魚卷住舊飯,得丁多蟹籽,但有好多青瓜絲,賣相好差之餘仲破壞哂個味道
刺身,有三文魚、(NEW)吞拿魚、魷魚、八爪魚、鯛魚、赤貝、甜蝦
三文魚,食左6ROUND左右都算OK,OK意思係唔覺得好味,但係唔會難食
吞拿魚,同上
魷魚,會有D唔新鮮,不過食過呢個價位既其他放題都差不多~點左豉油會好D
八爪魚,冇味,肥姐小食果D八爪魚仲好口感過佢
鯛魚,都係OK
赤貝,頭ROUND OK,之後黎左ROUND勁臭,叫佢收返哂去
甜蝦,OK,算係咁多樣之中最好
款少,魚唔新鮮,食日本放題最大目的就係食到好既刺身,呢間野好明顯唔入流( 吞拿魚呢D基本野我完全唔明點解要括住NEW
)
跟住到服務
話說由中段(約食左一個鐘)開始,唔知邊一台神人,寫單寫左我地張台既台號
而收單既侍應竟然冇對單
跟住入左佢地叫D野就拎黎我地台
咁我地冇叫就當然話唔係我地啦
跟住個中年女侍應(應該較一般侍應高級??)就走埋黎黑口黑面
話『拿,呢張火鍋紙我岩岩親自埋黎收嫁喎』
我地五個四眼仔加埋廿隻眼入場以黎都未見過佢行埋黎
加上我地從來冇畫過亦冇交過白色紙(即係火鍋)
佢竟然話佢親自埋黎收??
靠嚇唔係大哂咖喎!!
跟住佢又拎左一堆畫左一號台既單埋黎
果D我地冇叫既單,明顯係冇寫人數,而我地張張都有寫
即係擺明係有其他客寫錯啦
跟住佢就話『得,總之而家你地唔要我就同你地CANCEL!!』
講到好似我地錯咁
真係好野!!
咁呢件事就暫時告一段落啦
跟住最後一個FD都黎埋
就坐低叫野啦
叫左一陣間,剩返半個鐘就話LAST ORDER
咁就叫叫叫叫叫
畫左成堆野食啦
跟住
黎左一部份之後,就有個後生女侍應叫埋單
咁我地就當然話有好多野未到啦
佢又話CHECK下先
CHECK完話冇落過喎,叫我地再寫
寫完有個中年女侍應埋黎話收錢咁我地就比D紙佢
佢話CUT左張單啦,有咩未到同佢講
跟住講完佢又記唔住,原來耍我地既,又叫我地寫單
寫完之後佢無啦啦話我地冇叫過
跟住緊係同佢講我地叫左好多野都未黎啦
跟住就畫左張係兩個雞翼拉面
跟住佢無啦啦汁左一張我地本身都冇諗住交既紙
上面畫左五碗拉面,但諗住食唔哂又再畫過
跟住佢就勁大聲話『先生,你地自己紙都唔記得交就緊係冇入單啦』
跟住走鬼左去,佢自己無啦啦拎起張紙就鬧我地
係鬧,個語氣係好似我地係UNDER佢係佢D下屬咁
嘩呀姐,老實講句,我地係食客,冇食客=你地冇生意,冇生意=你冇工開呀
搞清楚D關係好喎!!
跟住佢又拎左盆魚生過黎,都未放低就話過哂鐘咖啦,你地最後五分鐘好快D食埋
加埋之前咁多件事,我就終於忍唔住口鬧佢
第一,岩岩張單根本唔係我地要落既,而我地的確有落左兩個雞翼拉面!
第二,你地漏左咁多次單我地都未同你計數你而家嘈乜野先
第三,我比你叫多五個同事過黎,台面而家咁多野你五分鐘食比我睇!就算係過左時間又點?搞清楚係你地引發問題,係你地拎左人地D野黎我地台,係你地漏左我地D野夠鐘先補上!
跟住佢仲駁嘴,話總之而家D野到齊哂啦係咪?咁唔好話五分鐘啦,總之你地盡快搞掂啦!
跟住又走左去
如果唔係張台放滿野食?!?! 我唔拍台鬧到佢狗血淋頭?!?!
1.佢鬧我地果單野我冇兜口兜面鬧返佢
2.佢由頭到尾冇道歉,放高姿態黎對客人我冇鬧佢
我唔可以話$146/HEAD係好貴既一餐
不過我可以好肯定咁講$146樓下食到既服務可以好過佢幾十倍!!
果兩位內地中年女侍應態度連一個應該係暑期工既學生妹都不如
會唔會有少少羞愧?
唔該冇返少少基本應有既服務態度既人唔好走出黎SERVE人,因為根本唔係服務而係折磨!
仲有唔該D老闆請人之前睇清楚佢既服務質素同態度,唔係肯收你少少錢就幫你做餐死就係好只工!!
總之呢間野簡直就係比錢買氣受
我地絕對唔會再去,同時亦在此建議各位千奇唔好去
(如果你EQ極高比人打完左邊面可以打埋右邊果度就例外)
有一ROUND竟然上D一粒粒既吞拿魚,應該係D好粗糙既部位先會咁:(
有一ROUND竟然上D一粒粒既吞拿魚,應該係D好粗糙既部位先會咁:(
食左三粒三粒都係塞滿沙,叫台式路邊田螺,我諗真係係路邊執返黎:(
食左三粒三粒都係塞滿沙,叫台式路邊田螺,我諗真係係路邊執返黎:(
上面果行係花之戀,未見過咁醜樣既花之戀:( 右下果個係軟殼蟹反卷,但係中間果D係腐皮味:(
上面果行係花之戀,未見過咁醜樣既花之戀:( 右下果個係軟殼蟹反卷,但係中間果D係腐皮味:(