去文化中心聽音樂會前先來醫醫肚.

常餐的火腿炒蛋多士, 炒蛋味道同賣相係一致; 多士烘得靚, 食落外脆內煙韌.

一向極少食「湯意」, 呢度的竟然唔係腍 bad bad, 竟然仲 al dente, 邊個話茶記湯意做唔到?

奶茶就係一貫我一向唔喜歡的連鎖快餐店奶茶味道, 太澀了.

40 幾蚊一份常餐, 喺呢頭係咁上下啦.

更多相片及分享 @ http://locusttunghok.blogspot.com/2011/03/deli-wine.html

睇了呢度食評好似不錯, 星期日嚟試試 $88 set lunch (3-course).

麵包唔熱, 乾, 剝落, 唔知隔了幾多晚夜? 其中一塊仲有灰灰藍藍的一撻撻似發 mould, 但 waiter 又話其實係 food colouring.

沙律菜唔新鮮, vinaigrette 太多太酸, 早知飲 carrot soup.

Char-grilled beef sirloin 夠 "rare", 但筋 / 渣非常多, 肉味一般; veggies 及薯蓉就兩者都唔掂.

較好的只有朋友的 Pizza Margarita, 餡料係 standard 的蕃茄及 mozzarella, 仲有面頭幾片 basil leaf, 味道可以預計, 叫穩打穩紮吧.

Chocolate cake with vanilla ice cream 係「嘉頓」味的所謂朱古力蛋糕, 配牛奶公司呍呢拿雪糕, 不吃也罷.

每人約 $97 埋單, 唔會再來.

更多相片及苦水 @ http://locusttunghok.blogspot.com/2011/03/bravo-brivo-pizza-pasta-grill.html

19-3-2011

都 10 幾年無食過扒王了, 是日 2 人喺銅記搵 dinner 食無乜心水, 不如平平哋上嚟据個扒吧, 難得朋友竟然無異議. 叫了一人一牛扒餐 (non-鐵板), 有餐湯, 美國牛扒一件 (跟「薯菜」及自選醬汁) 及飲品.

怕忌廉湯飽膩, 餐湯要了羅宋湯: 典型「紅湯」, 飲落「茄膏」又少少辣, 勁多腍腍的雜菜, 味道真係十年如一日. 配湯的係烘過的豬仔包, 少少脆, 但有點太乾又韌韌的, 還是嘉頓 (?) 的微甜餐包開心 d.

主食好似叫「美國窄身厚切頂級肉眼」(8 oz): 想食 "rare", 就叫了「3 成熟」, 結果又真係幾 "rare", 質地略嫌「實」了少少, 但食落肉味亦竟然幾香, 又不錯喎 醬汁要了「燒汁」, 味道就係食 buffet 供應 roast beef 的 "gravy", 不過肉眼扒的肉味本身其實幾香, 就咁食都得了, 留返 d 汁嚟蘸唔太脆, 薯味又一般的薯角好過. 薯菜 d「菜」就係混了白汁的一 pat pat 嘢, 咁嘅專容當然啃唔落啦. 都唔差的一份肉眼扒, 平平哋可以一試的 -- 大佬, 唔係同 8-9 倍價錢的酒店扒房 (http://www.openrice.com/restaurant/commentdetail.htm?commentid=2016640) 比較呀嘛!?

朋友叫了「4 成熟」的「美國窄身厚切頂級西冷」(8 oz): 切開發覺同我份肉眼扒差不多生, 似乎未必滿足到佢想要的 "medium rare" 效果? 試了少少都幾香, 不過好多渣, 後來更發覺「生得滯」, 其中一忽係切都切唔開 , 更遑論咬得開了, 結果亦因為切唔開, 最後係剩了三份一. 黑椒汁的黑椒味比預期中輕, 不過用嚟蘸薯角, 都算幾惹味的...

餐飲係凍檸茶, 檸檬份量夠, 無茶澀味, 夠凍又唔太甜, 收貨了吧.

服務又比預期中好, 起碼女店員係幾有禮貌的, 可能係我哋無期望的關係?

埋單每人約 $180, 始終扒王都係「求學時期的回憶」的一部分, 間中一次半次都無妨的.

19-3-2011

Lunch (http://www.openrice.com/restaurant/commentdetail.htm?commentid=2156419) 唔太滿意, set lunch 又無咖啡飲,「唯有」轉場嚟到呢間服裝店 x 咖啡店飲杯嘢溝溝貨.

如常一人一杯 caffe latte ($36): 面頭奶泡賣相厚身但有點鬆散, 飲落亦然, 有點洗潔精 feel 下面的咖啡就熱得燙嘴, 聞落香, 齋飲唔苦, 唔澀, 不過咖啡味比預期淡, 奶味就直程薄, 唔太喜歡.

另見呢度有「老佛爺」(http://www.openrice.com/restaurant/commentdetail.htm?commentid=2055958) 的 macarons 及少量蛋糕 / 甜點供應, 不過既然銅鑼灣都開了分店, 你會專程嚟中環食「老佛爺」嗎?

咖啡一般, 但環境就幾舒服, 坐吓 hea 吓玩吓 Angry Birds 都無妨的.

$36 一杯 regular, 索價同 IFC 嗰間 (http://www.openrice.com/restaurant/commentdetail.htm?commentid=2033426) 差不多, 但質素同人哋差好多條街, 亦不及同類型的尖沙咀「頭文字 I」(http://www.openrice.com/restaurant/commentdetail.htm?commentid=2119338), 應該唔會再來呢間「森林雀仔」了.

19-3-2011

留意咗呢度好耐, 是日終於有機會 lunch 嚟試試了. 約 2:00pm 嚟到仍然有 set lunch 供應, 不過大家想食的 roasted pigeon 及 sea bass 都無了, 結果轉完又轉, 最後 sea bass 變 red snapper, roasted pigeon 又變了 roasted chicken, 但就搞到收費就有點混亂, 到而家我都唔知究竟我哋有無俾多了錢

麵包烘得好熱, 外層厚身, 韌中帶脆, 中間密度幾高, 不過食落又幾軟熟, 帶麵粉香, 再塗點 lightly salted 的牛油, 好食喎.

Starter 係 cured ham with pickles and olives: 一向唔喜歡漬菜, 後兩者都無食 Cured ham 片得好薄, 食落幾鹹, 但實在濃香, 正 On the side 仲有一小碗 mixed salad (餐牌又話係 Niçoise salad 來的?), 不過大部分沙律菜都軟撻撻, 生菜仲幾 rusty , vinaigrette 又太少, 食了兩啖立即將佢推埋一邊.

Main 叫了 roasted chicken ($148): 係 spring chicken, 皮 roast 得薄脆,切開 d 肉見到不少水份, 不過只有雞脾位置係嫩滑的, 其他的白肉係好嚡又好硬 睇得見醬汁內有不少煮到腍晒的 baby onions (?), 味道則好甜, 仲有 raisins 的味道, 幾特別, 不過唔太啱口味; 旁邊仲有一小碗 potato wedges, 灑了鹽的, 食落唔脆, 薯味 ok, 不過又有點燶, 唔太喜歡.

朋友食 whole red snapper ($188), 試了肉少少魚肉都幾鮮香, 不過 grill (?) 始終食唔慣, 亦唔係我喜歡的 red snapper 煮法, 旁邊的一堆 diced tomatoes / onions / olives etc (係咪叫 Provençal sauce?) 亦唔係我喜歡的味道 (鬼叫我唔食 olives...), 唔講太多了. 最吸引反而係配角之一 mashed potatoes, 雖然薯味一般又較多水, 但做得幼滑似 puree, 而且落了味道似 pesto 的調味, 食落香而不膩, 幾喜歡.

食物 ok, 環境亦 ok, 不過檯底竟然有幾粒飯 , 仲黐了落我個袋度 , 唔知上幾多手的!? 衛生認真麻麻喎.

連加一埋單約 $163, 朋友的就約 $207, 整體印象麻麻, 唔知 a la carte 會唔會好 d? 不過應該唔會再來食 lunch 了.

18-3-2011

12:xx pm 收到食友 G 的電話短訊, 原來佢身在灣仔仲剛剛辦完事, 不如一齊食 lunch 吧. 佢好客氣的由我揀地方, 最後 book 了勁近公司, 但又一直未食過的呢間 Italian x Indian 餐廳試試. 叫了 Italian appetizer + Indian main course 的 2-course set lunch; 而 G 就叫了全 Italian 的 pasta lunch; 另加了一份 dessert (加 $20) share 食.

麵包: 香草 crisps 勁脆, herbs 味亦香, 面頭 coat 了層疑似 olive oil, 不過對味道幫助不大, 但又拎到手指油溼溼 另一款唔知叫乜名, 食落就似「走 herbs 版 foccacia」, 不過較乾, 麻麻哋; 旁邊仲有一人一小碟 sundried tomato paste, 勁酸, 味道亦有點「茄膏」及「罐頭」feel, 唔喜歡.

Appetizer 揀了 Parma ham with cantaloupe melon: Parma 有點太乾, 不過食落夠鹹香, 配上超甜的哈密瓜, 幾好食; 中間的 salad 有 rockets, frisée lettuce, red cabbage etc, 新鮮度麻麻, 食了少少就放棄了.

無試食友的 tomato & buffalo mozzarella with mixed salad 賣相很不錯, 唔知好唔好食?

Main course 揀了 lamb curry with naan: 辣度的確如 waiter 所講 "very mild", 不過味道亦無預期中咁濃 spices 味及複雜, 唔係特別喜歡; 羊肉煮得入味, 不過質地略嫌唔夠軟熟; naan bread 比預期濕腍得多, 不過食落煙煙韌韌又帶幾勁 ghee 的香味, 配咖喱汁都不錯. 旁邊仲有 papadum cone 及一件 samosa, 前者胡椒味較輕, 後者則餡料 (咖喱薯茸及青豆) 幾惹味, 不過層皮都真係幾乾硬. 整體都唔差, 不過絕對可以更好的.

食友叫了 homemade pappardelle with king prawns & zucchini, 試了一條 pappardelle, 幾爽滑掛汁, tomato sauce 亦酸甜清新; 而 tiger prawn 就爽口鹹香, 小試牛刀都幾好食.

甜品揀了 chocolate & hazelnut crème brûlée, 不過無朱古力味又無 hazelnut 味, 食落又好嚡好實淨, 質地勁似打邊爐滾得太耐的豆腐 (!!!), 好唔掂呀吓. 而點解會叫 "crème brûlée", 相信只係面頭有層好薄又幾脆的焦糖吧?

食物好壞參半, 環境就闊落好坐, 而店員們亦有禮貌, 配套反而幾好.

連加一每人約 $170 埋單, 唔算十分滿意, 不過係傾得幾開心的一餐飯, 有機會再一齊食過吧.

P.S. 原來呢度同我一直想試的尖沙咀 Gaylord 係同一集團... 咁即係 Gaylord 唔使試了?

>> 本文另記載於 http://locusttunghok.blogspot.com/2011/03/duetto-italian-indian-dining.html

17-3-2011

早前睇過蔡瀾先生的專欄介紹譚臣道一間台式小店, 本來是日 lunch 想過去試試的, 去到卻發現佢「東主有喜」落了閘; 火車頭 (http://www.openrice.com/restaurant/commentdetail.htm?commentid=2129245) 又無位, 結果求其入了呢間茶記就算. 對招牌咖喱菜色無乜興趣, 叫了 3 餸車仔麵 ($25), 另加 $5 跟一杯熱飲.

先嚟熱奶茶, 賣相好「奶」, 飲落亦然, 奶味 vs 茶味約 7:3, 可幸無茶澀味, 質地亦算滑, 算啦.

金錢肚: 鹵得幾入味, 但太腍了, 食落軟撻撻的, 唔太喜歡.

魚皮餃: 皮白雪雪 (但其中一件有「煎」過的痕跡, 黐了底? ), 質地幾「實在」, 豬肉餡就無乜味, 不過既然係來貨, 算啦.

蠔油冬菇: 切得細件, 但厚肉入味, 食落香濃豐腴, 幾好食喎.

而腩汁就完全融入 MSG 湯底內; 不過出前一丁 (加 $3) 淥得爽口, 亦好香麻油味, 算啦.

放低 $33, 試過就算.

16-3-2011

收工有點口痕又有點肚餓, 行去搭巴士途中路經呢檔小食店, 又買了豬耳及墨魚各一串0趙吓. 吩咐了「唔要芥辣, 淨係要甜醬」, 不過店員轉個頭又忘記得一乾二淨 , 好在芥辣都唔算唧得太多.

豬耳: 呈螢光橙色, 厚厚的, 帶點軟骨, 食落脆口, 味道就係甜醬 + 芥辣的酸酸甜甜, 果然係「掃街」小食.

墨魚: 又係螢光橙色, 又係甜醬及芥辣味, 食落亦爽口唔 rubbery, 不過同以前牛頭角下邨嗰檔 (http://www.openrice.com/restaurant/commentdetail.htm?commentid=1996410) 就梗係無得比啦.

小店「柄」埋後欄, 不過平日 6:xx pm 係好好生意,「人氣」度絕對不遜於附近的咖喱魷魚/臭豆腐檔 (http://www.openrice.com/restaurant/commentdetail.htm?commentid=2154320) 或牛雜店 (http://www.openrice.com/restaurant/commentdetail.htm?commentid=2152673) 的.

放低 $14, 下次再嚟的話似乎叫「少醬」好一點, 雖然其實應該唔會再喺度買嘢食...

15-3-2011

大半年無見過朋友 J 了, 難得佢忙到趴街, 是日仍有時間出來食飯, lunch 就到中環見見佢吧 , 由佢帶路嚟到 Sushi Kuu (http://www.openrice.com/restaurant/commentdetail.htm?commentid=2104825) 樓上的呢度.

2 人叫了 2-course ($168)* 及 3-course ($188)* set lunch 各一份 share 食, 食物雖然唔係咁 Spanish, 不過整體印象不錯的:-

麵包係 tomato bruschetta, 多士鬆脆, 蕃茄茸味道新鮮甜美, 不過點解咁嘅色水的?

大家的 starter 都揀了 steak tartare with capers, gherkins, shallots & crispy toast: 生牛肉剁得幾「粗粒」, 似 "diced" 多過 minced, 賣相亦如朋友 J 所言「咁似生嘅肉餅?」 食落帶點爽身, 有淡淡 olive oil 的味道, 但就無預期中來自 shallots / 黑胡椒的辛香或 herbs 的清香, 配上夠乾脆的 melba toast, 加加埋埋味道一般, 少少失望的.

Main #1 Lobster & prawn linguine with mushrooms & lobster cream sauce (加 $30): "lobster & shrimp" 係面頭幾粒爽身鹹香的肉, 不過似乎兩者調味差不多, 食落其實兩者味道係無乜分別. ; linguine 非 al dente 質地, 但煮得爽滑, lobster cream sauce 就幼滑香濃, 份量亦剛好掛到 linguine 上, 拌勻 mushrooms 同吃就多一份野菌的香味, 加加埋埋幾好食的.

Main #2 "Fricando" traditional Catalan stew of beef rump with wild mushrooms & mashed potatoes: 醬汁濃稠, 帶 mushroom 味及少少酒味, 亦有點ハヤシ feel, 幾喜歡; beef rump (即 "round"?) 帶少少肥脂, 燴得軟熟入味, 配上香濃 wild mushrooms, 幾好食; mashed potatoes 做得幼滑, 薯味清香, 而且又菇又牛肉又濃味醬汁加加埋埋, 唔會唔好食吧?

Dessert 揀了 Catalan cream: 面頭有薄脆香甜的「火炙」焦糖, 下面就係質地仍然「流質」, 食落好滑, 帶香濃 vanilla 味及少少檸檬味的 custard cream, 幾好食, 算係 "Spanish crème brûlée" 吧.

最後當然飲咖啡: 奉上熱奶, 不過落糖落奶後仍然好苦, 即使唔澀唔酸又夠香, 呢杯咖啡都係唔太啱口味, 對我而言太啃了 旁邊仲有一小塊 chocolate almond (?) cookie, 食落鬆化香甜, 比咖啡更討好.

環境就光猛乾淨, 仲有我喜歡的白雪雪裝修 店員們亦有禮貌又有求必應, service 都不錯.

連加一埋單每人約 $215, 各方面都不錯, 地段嚟講唔算好貴, 值得試試的. 唔知有無機會夜晚嚟一次? 好想試 tapas menu 的 grilled razor clams with garlic & parsley / scallop ceviche / lobster & shrimp croquettes, 仲有 crispy suckling pig!

*更多 set lunch 資料: http://www.fofo.hk/update/Lunch.jpg

>> 本文另記載於 http://locusttunghok.blogspot.com/2011/03/fofo-by-el-willy.html

14-3-2011

好日都唔過一次海的朋友有事要到土瓜灣一轉, 收工就捉了佢到紅磡陪我試試呢間人氣蟹粥店 2 人約 8:30pm 嚟到, 竟然啱啱好「攝」到位, 不過都真係坐得幾迫夾.

是日無想食的蜆肉春卷 , 唯有轉成蠔仔春卷 (兩條 $29): 新鮮炸起當然又熱又脆, 唔油, 蠔仔餡就似用醬油炒過, 食落極甜又軟糯多汁, 正 呢味其實完全唔使蘸其他醬汁, serve 時店員亦根本無供應任何醬汁, 但又見搭檯嗰對男女未食先「媽媽叉叉」, 話人哋「無汁點0架?」及「會腥0架喎」, 跟住走去店員度唧了一大碟辣椒醬及一大碟豉油 , 不過最後佢哋咪又係食剩兩大碟調味料? 而家 d 人真係識得「珍惜」食物喇. -_-"

而是日天氣悶熱, 唔食招牌蟹弼了, 主食叫了「2-3 人份量」的膏蟹清湯伊麵 (好似 $128): 伊麵煮得煙韌; 膏蟹幾好膏, 蟹膏亦軟滑甘香又帶少少甜, 蟹肉當然唔及肉蟹的結實爽口, 不過食落係極鮮甜, 好食喎 清湯底簡單落了芫茜, 薑絲及唐芹吊味, 初初飲落覺得清得有點淡, 不過愈浸愈甜, 食到最後 d 湯攤凍不少, 但十分鮮甜, 正

埋單每人約 $80, 小試牛刀食物不錯, 有機會再來食蜆肉春卷 / 蟹粥 / 蟹飯 / 八爪魚丸 / 椒鹽白飯魚吧.