18-2-2011

早前食車仔麵 (http://www.openrice.com/restaurant/commentdetail.htm?commentid=2132947) 留意到隔嚟呢個茶檔, 是日漫無目的又行了上呢頭, lunch 就喺度食個簡餐吧. 叫了常餐 ($27), 有沙爹牛麵 (亦可選五香肉丁, 公仔麵亦可轉米粉 / 意粉), 火腿奄列 + 牛油方包, 及飲品一杯.

熱奶茶: 色水 ok, 飲落奶味 vs 茶味約 4:6, 唔滑, 不過亦唔澀, 都 ok 的.

火腿奄列 + 牛油方包: 唔記得將後者轉多士, 結果無食 ; 前者就外乾內油, 火腿正常, 蛋就係無味的

沙爹牛麵: 湯係滾水湯底, 沙爹汁則有色無味, 牛肉質地一係霉霉的, 一係好韌, 麵底 (大光麵?) 就腍得近乎發脹, 除了「難食」2 字, 都唔知仲可以講咩.

放低 $27, 飽, 但食到「媽媽聲」, 唔會再來.

17-2-2011

早前食過兩間喺大坑的港式串燒店 (即 http://www.openrice.com/restaurant/commentdetail.htm?commentid=2143522 及http://www.openrice.com/restaurant/commentdetail.htm?commentid=2145238, 不過前者好食 d), 印象 ok, 今次試試天后呢間人氣店. 2 人約 7:00pm 嚟到啱啱好「攝」到位, 不過坐低劃了一 round 不久, 仲等緊食之際, 門外已開始出現人龍

先嚟一人一支龍眼水: 少甜, 味道清潤, 仲有好多龍眼肉, 可惜樽口太細, 龍眼肉「撩」唔到出來食了.

蒜蓉包:「籠仔」上, presentation 得意之餘, "long" 起後亦唔怕水蒸氣「焗」濕 / 腍晒 d 包, 不錯的安排. 食落係烘得好鬆脆, 不過蒜蓉味就太少了.

牛舌: 薄切, 乾身, 幾香, 但食落極韌, 練牙力無得頂

雞肉: 掃了少少帶點甜的醬汁同燒, 燒得香, 食落亦嫩滑, 幾好食, 結果追加了一串.

安格斯牛肉: 賣相似「牛柳粒」, 食落唔算軟腍, 不過牛味幾香亦 juicy, 算係咁吧.

蜜糖粟米: 何來蜜糖? 不過粟米食落都幾甜, 而最可惜就係無牛油同燒...

豬頸肉: 燒得香噴噴, 食到滿口油香, 質地爽口, 結果又追加了一串.

蒜香雞中翼: 唔覺「蒜」香, 不過燒到皮薄脆, 肉又幾嫩, 食落鹹鹹香香, 無投訴吧.

蠔: 30 幾蚊都預咗唔會好靚, 不過食落係苦的, 質地帶點粉, 連面頭的煙肉粒都係硬而無味, 認真麻麻.

黑糖菠蘿: 菠蘿本身幾甜, 面頭再塗上一層薄薄的脆糖 (有點似 creme brulee 嗰 d), 又甜又多汁, 幾好食 而「黑糖」又是否真係「黑糖」就無從考究了, 加上本身又唔係 d 咩「黑糖怪」, 對我而言加加埋埋好食就得0架喇.

脆皮腸: 我覺得燒得稍燶, 不過夠晒脆皮又甜甜哋, 其實都幾難唔好食?

肥鱔: 掃上同燒的醬汁有點 teriyaki feel, 鱔就真係幾肥, d 肉就好爽, 食落濃香惹味, 好食喎

薄荷羊架: 要了「四成熟」, 嚟到就係 medium... 雖然好油膩吓, 但食落羊味幾香, 肉質鬆軟, mint 醬汁則酸酸甜甜, 40 幾蚊一客, 算好唔錯了.

亦貪得意叫了芝士豆卜, 不過呢個幾唔好食: 豆卜好脆, 味道好「臭豆腐」feel , 中間已溶的芝士則無味, 而且同豆卜味道唔夾, 唔喜歡, 朋友就直程食到「囧」咗

食物比 so far 喺大坑食過的兩間港式串燒好, 不過大坑 d 人就 friendly 得多, 呢度的人「串串貢」的, 真係無改錯名喎.

埋單每人 $165, 有位的話都值得一試的, 不過排長龍就咪搞了.

17-2-2011

對呢個咖啡品牌印象最深係佢以前間姊妹店 (http://www.openrice.com/restaurant/commentdetail.htm?commentid=2037525) 及大有分店的 "latte macchiato vs caffe latte" 疑惑, 不過灣仔嚟講呢度的咖啡都算唔錯, 是日 lunch 後嚟到最近公司的新分店飲杯嘢.

為免「鮮奶咖啡」事件再次發生, 還是叫杯 hazelnut latte (regular $32) 算吧: 奶泡有 "attempted" 的樹葉圖案 latte art, 稍厚身及 creamy, 飲落就幾甜; 咖啡 base 幾香濃, 夠滑, 亦夠 hazelnut (syrup?) 味, 幾啱飲的一杯咖啡.

不過呢度配套就認真麻麻... 是日 ventilation 係極差, 坐了 15 分鐘索足 15 分鐘油煙味, 離開時亦搞到成頭都係 pasta 味 , 店員們態度亦「茶記」得很, 睇嚟再幫襯的話都係外賣一杯返公司飲算了.

15-2-2011

是日忽然好想食羅宋湯或蕃茄湯底的粉麵, search 了 Openrice 的灣仔食評發現呢度有供應, lunch 又過嚟試試. 叫了「有營常餐」($32), 有湯粉一碗, 沙律一碟及飲品一杯.

先來熱奶茶, 色水「茶」得很, 飲落茶味幾香, 奶味 vs 茶味約 3:7, 落糖後唔澀 (唔落糖試了一啖, 不過就發覺唔落糖唔得了...), 不過飲完個口超嚡, 真係

意式湯螺絲粉:「意式湯」係港式 minestrone, 茄膏味強烈, 但酸得離譜, 似「醋」的酸嗆多過「蕃茄」喎, 都幾難頂的 螺絲粉煮得幾有咬口; 配料以雜菜為主, 有紅蘿蔔, 西芹, 椰菜及洋蔥, 幾入味 (又名「酸到爆」...), 不過完全唔腍, 咬落「確確」聲的, 感覺麻麻; 而火腿就嚡烚烚味道又怪怪哋; 整體味道認真麻麻.

什果薯仔沙律: 混了大量疑似「卡夫」沙律醬, 食了一粒唔知蘋果定薯仔只覺 sok sok 聲及沙律醬味, 加上碟嘢幾「出水」吓, 最後幾乎無掂過一樣.

放低 $32, 唔滿意, 唔知會否再來, 不過即使再來都唔會再食呢個常餐了.

13-2-2011

要自己食飯時 10 次有 9 次都會去了紅磡, 貪其有唔少好嘢食之餘, 亦價錢平選擇多, 連返屋企都方便過人 , 是日就嚟到呢間新開的「疑似三河屋」(三河屋即係對面呢間: http://www.openrice.com/restaurant/commentdetail.htm?commentid=1947790). 門口放了 menu 出來, 細看竟見有
hayashi rice (hayashi 汁又喺邊度食過: http://www.openrice.com/restaurant/commentdetail.htm?commentid=2125668) 供應, 又入嚟試試.

漢堡扒橫濱茄醬飯 ($48): 白飯粒粒肥大, 係珍珠米吧, 不過食落稍乾, 亦無預期中的米香;「橫濱茄醬」嗒落幾酸幾茄, 不過亦幾似即食包裝ハヤシ的味道, 紅蘿蔔, 洋蔥及薯仔則有點硬; 漢堡扒有點似潮苑的牛肉餅 (ie「揼扁版」牛丸), 食落異常彈口, 亦有點「膠」 蔥味比肉味突出, 都幾「肉餅」feel

亦叫了一客鹽燒牛舌 ($38): 原來係薄切 +「碟」(cf.「串」) 上, 濕濕的又幾油, 煎的? 食落幾油膩, 不過幾爽口亦夠鹹香, 可以一試的.

放低 $86, 小試牛刀食物 ok, 有機會再來試試黑豚肉系列吧.

12-2-2011

中環的兩間蘭芳園曾經係我的飯堂, 知道佢開了分店喺尖沙咀, 趁是日夜晚到文化中心聽音樂會前的 dinner 要快手快腳, 又落嚟試試. 例牌一人一奶茶, 再一人一撈丁.

熱奶茶: 作為中環店的「名物」, 嚟到尖沙咀分店當然都要叫吧, 不過賣相奶多過乜, 飲落亦然, 唔澀, 但茶味 vs 奶味近乎 2:8, 飲到黑晒面

主食叫了叉燒煎蛋撈丁: 醬油汁份量夠「撈」的 (其實仲有薑蔥, 不過我無撈...), 丁麵亦爽口; 煎蛋全熟, 喺底的叉燒就黑黑的又樣衰衰, 不過食落鬆軟帶甜, 亦幾有肉味, 估唔到都幾好食. 整體唔差的, 不過好好食就梗係唔係啦.

無試朋友的豬泵兜撈丁配叉燒汁了... 朋友就話 d 汁辣辣哋, 「豬泵兜」就係豬頸肉, 唔知好唔好食?

亦叫了一客奶油豬, 牛油及奶油都落得好多, 不過牛油唔溶, 奶油就明顯係求求其其唧 / pat 落去就算, 食了少少「上層」仲係韌多過脆的, 還是華康 (http://www.openrice.com/restaurant/commentdetail.htm?commentid=153623) 好.

環境裝修係「新淨的懷舊」(好似呢度咁: http://www.openrice.com/restaurant/commentdetail.htm?commentid=2063442), 衛生就當然比中環兩間店好得多; 而每人約 $40 埋單, 價錢亦同中環差不多, 不過食物似乎比「逐漸下滑」的中環店更「下」, 睇嚟亦應該「逐漸」唔幫襯?

12-2-2011

收工本來想到汕頭街的一間上樓餐廳食 lunch, 點知原來佢星期六 lunch 唔開 , 兜兜轉轉上了 QRE, 求其揀了呢間日本餐廳試試. 門口睇落幾「居酒屋」, 入去坐低就係「西餐廳」格局, 有點 Sushi Kuu (http://www.openrice.com/restaurant/commentdetail.htm?commentid=2104825) feel, 而店員的推介竟是三文魚刺身 , 最後還是穩穩陣陣, 要個蒲燒鰻魚飯定食 (跟前菜, 沙律, 味噌湯及餐飲) 好了.

無食沙律; 前菜就唔知係乜, 食落似浸了木魚清湯汁的海蜇, 腍腍的, 飯前清清味蕾都不錯.

蒲燒鰻魚同飯原來係分開上 鰻魚唔算肥美, 燒汁鹹 vs 甜味平衡得不錯, 濃稠又唔會太杰, 不過面頭又灑了大量唔知乜鬼粉末, 味道似足「話梅粉」, 正宗與否無從考究, 不過唔啱口味就係真的; 白飯就太乾, 太瘦又太削了.

朋友又食碎蔥吞拿魚腩飯定食, 佢嘅評語係「不過不失啦」, 我試了少少已拌勻醬油及牙膏 wasabi 的, 只可話朋友手勢不錯吧, 哈哈.

味噌湯味道好 "Sogo", 不過唔會太鹹, 算啦.

另 share 了一客燒牛脷: 濕濕的, 唔似「燒」喎 不過食落微鹹帶羶香, 質地幾爽, 都 ok 吧.

連餐飲熱檸水, 連加一埋單每人約 $125, 唔算太貴, 不過食物絕對唔值呢個價, 早知食返公司樓下的居酒屋 (http://www.openrice.com/restaurant/commentdetail.htm?commentid=2016431) 就算, 都怪自己唔先「停一停, 諗一諗」.

11-2-2011

慶祝特別的日子當然要食 fine 一點, 睇了呢度食評及 2 月份的餐牌* 好似不錯, 地點又好似 "private" 一點, 又試試. 每個 course 都叫了 1-2 款 share 食, 不過整體係幾失望, 係我哋太高期望? :-

Plate of pâté for bread tipping - Goose & duck liver pâté and smoked salmon pâté ($62): 麵包係兩款 baguette, 一款 plain 一款就混有 olives, 不過兩款都係唔熱及超韌; 兩款 pâté 就以 smoked salmon 較香滑, goose & duck liver 的太乾, 味道較淡, 太似白烚完就咁攪碎的「膶」了.

Starter #1 Escargot de bourgogne (snail with garlic butter and potato purée) ($42): escargots 唔韌, 唔會有雪味, garlic butter 就太水汪汪, 油而不香, 倒落 potato purée 同吃, 作用不大. 都真係做得幾麻麻的一份 escargots...

Starter #2 Fresh mussels with white wine sauce ($78): 火喉不錯, 但青口食落完全無味, white wine sauce 則酸酸澀澀的, 比起 escargots, 呢個更唔掂

湯揀了 crab bisque ($48): 質地 thick,「殼」味香濃, 仲有一絲絲蟹肉增添咬口, 呢個湯好飲好多!

朋友飲 wild mixed mushroom soup ($45): 睇得見有大量菇茸, 但唔知是否唔係 "cream of" 又唔係 consommé 的緣故, 質地較稀, 飲落菇味好淡, 感覺似「無米粥」多 d!?

Fruit sorbet ($15): 係番石榴味, 打得幼滑, 食落酸到喊, 不過番石榴味香, 夠晒 refreshing 的.

主食揀了 confit de canard (baked duck leg with berries sauce) ($168): 鴨肉乾身鹹香, 皮就脆卜卜, 不過皮下脂肪太多了, 一舊舊 / 一 pat pat 油的; 圍邊的 berry sauce 幾香, 味道酸多過甜, 整體都算係咁, 不過上次喺 Bonheur 食 lunch 嗰份 (http://www.openrice.com/restaurant/commentdetail.htm?commentid=2085545) 絕對做得比佢好.

朋友食 sole with a shrimp spread in a yellow wine sauce ($188): 只試了好少魚肉, 幾滑溜, 而 "yellow wine sauce" 真係食唔出係乜, 無 wine 味的? 朋友最後就放棄了四分一, 睇怕...

Gratin Dauphinoise (baked potato with cream & cheese) ($42): 朋友係薯仔癡, 見有 potatoes au gratin 又立即叫了一客試試 面頭焗得金黃及微燶, 食落煙煙韌韌, 芝士味及薯味都夠香, 亦 creamy 得很, 雖然 Zenses 的 (http://www.openrice.com/restaurant/commentdetail.htm?commentid=2087934) 比佢好食得多, 但呢個都不錯的.

甜品 #1 Vanilla pineapple French toast with crème fraîche ($42): 麵包韌韌的; pineapple 好酸; crème fraîche 黏黏厚厚, 食落就竟然係 sour cream, 同碟上的其他嘢完全唔夾, 整體味道亦怪怪的, 還晁放棄吧.

甜品 #2 crème brûlée ($42): 下面的 custard 夠滑亦夠香 vanilla 味 (仲睇得見一粒粒 vanilla seeds), 面頭的焦糖就稍厚, 食落脆而帶點硬及黏, 不過整體亦敗在呢層焦糖上, 點解食落陣陣燶味的?

環境就粉飾得幾靚, 幾有 privacy 亦帶點「浪漫」, 不過都真係幾嘈, 都怪我哋唔好彩, 撞正一檯「wee wah 鬼叫」的「開年飯」吧.

是日食物有好有唔好 (而「唔好」又好似多過「好」...), 連加一每人 $390 同預期差不多, 不過我覺得唔抵食, 試過就算了.

*更多資料: http://ypsilver.yp.com.hk/ypdiy/Member/2248/gallery/Menu%20Feb2011.pdf

11-2-2011

Lunch 後想食點甜, 路過見有細細份的 waffle 賣, 又買了件原味窩夫 ($8) 試試, 不過淨要牛油及煉奶好了.

嗰頭俾錢, 約 1 分鐘之後就有得攞, 整定了的? 翻烘 (?) 後熱辣辣, 食落外脆但帶硬, 內就幾韌, 唔係預期中的 "Q", 質地麻麻; 牛油及煉奶就因為包裝問題, 未食已漏了不少落塊紙度, 味道則帶點鹹 (salted butter?), 感覺怪怪的.

以為牛油 + 煉奶 + 麵粉 + 雞蛋造成會差極有限, 但呢個假設明顯已被呢件所謂「窩夫」推翻了, $8 一件當跌了落鹹水海吧.

8-2-2011

前一晚想喺度邊飲咖啡邊等飯局但佢已爆場, 是日 dinner (http://www.openrice.com/restaurant/commentdetail.htm?commentid=2148406) 後想搵地方飲杯嘢, 又嚟碰運氣, 終於「攝」到 2 人位了. 叫了一人一 caffe latte, 另 share 食一份 waffle, 不過唔知是否期望太大, 結果係幾失望:-

Caffe latte 一杯面頭有樹葉形 latte art, 另一杯就無, 只係「一 pat 嘢」狀的奶泡 對味道無影響其實無問題, 不過點解又要咁唔 consistent 呢 奶泡少少厚身, 不過幾鬆散, 咖啡飲落幾香, 唔澀, 但有點太啃, 奶味唔夠, 亦唔夠滑. 呢杯係「唔差」的一杯 caffe latte, 但可能近來飲過「超級好飲」的 (e.g. 大坑嗰間新咖啡店: http://www.openrice.com/restaurant/commentdetail.htm?commentid=2147761), 呢度的明顯輸了幾條街.

Waffle 好似叫 "plain waffle with maple syrup & butter": 竟然係 (1) 乜都無落的 waffle, (2) Anchor 牌牛油, 及 (3) 一樽 Fifty 50 的 "Fluctose Sweetened Syrup - Artifically Flavoured - Maple" 分開上 Waffle 熱辣, 脆卜卜, 不過都幾乾身及「空心」, 乜都唔落咁食係會無味, 而落了牛油及勁稀 + 無 "maple" syurp 味, 又甜得好假的 Fifty 50, 味道竟離奇地似老麥「熱香餅」 一向覺得中環嗰間 waffle 的 waffle (http://www.openrice.com/restaurant/commentdetail.htm?commentid=2130339) 已一般, 呢度的卻更遜一籌, 可以不試 -- 不過加咗雪糕, 應該又係另一回事吧?

小店地方真係幾小, 檯檯椅椅又放得密密麻麻, 加上 10 檯有 9 檯都係吱吱喳喳的一個 / 多個「墟」, 都咪話唔辛苦.

埋單每人約 $45, 平日下午的 hea 爆時間嚟應該會不錯, 但既然最想試的咖啡及 waffle 已試咗, 又唔係咁啱飲 / 食, 應該唔會再來了.