之前進食晚餐幾次, 評價尚可, 今次同mom第一次午餐點菜, 速度好快, 價錢比同區來說抵食, 湯夠味, 麵包夠脆, 加錢只是$8雞沙律平平, 有雪藏雞肉味不夠新鮮, 主菜豬手漢堡薯條, 這裡薯條一向不錯, 可惜豬手配漢堡顯得好難handle, 由於豬手太肥, 基本上好難放入口, 去除肥膏再吃, 已變得豪不滋味, 如果可以不加太多肥膏, 會易食一點。

因為預約即可入座 環境較迫, 與其他座位距離近,有落地窗陽光多點, 加上一大落地鏡,感覺空間大一點, 整體座位舒服。 服務尚可, 可能食飯時間忙, 要待一會才下單 食物方面: 服務員說明了這河粉沒有豬紅了, 我照叫, 味道偏甜, 有泰式風味, 鴨肉也夠軟, 切一片片易食, 不過食完有點頸渴, 賣相也一般,整體食評普通 我的同事好喜歡這店食物,所以去過呢間店3-4次, 印象炒粉或煲仔食物較惹味, 好出色就真的不覺。服務上也是要催下才有人服務。

環境:凍冰冰就腳地舖小店火鍋,店舖空間雖小, 座位舒服, 不覺迫, 火鍋用電平面枱易取食物同傾計。 服務: 預約了好快收到餐單火鍋教學及預約確定, 入店時服務親切, 感覺隨意, 回應快, 臨走時也會道謝提醒拿齊東西走, 相對其他火鍋店唔覺有咁既服務, 希望這小小服務也保持著。 食物: 6款海鮮有蝦蟹蜆鮑扇蚌, 另送迷你食物籃有豚肉小丸子菜, 雖然海鮮尺寸不算好大, 至少新鮮程度令人食得安心, 賣相也好看, 不過應該突出鮑魚較好. 其中鮑魚, 扇貝, 貴妃蚌好食。 湯底較清, 因為主要是粥底火鍋, 不過程序上粥是最後才放米。我選粟米, 唔覺有粟米, 另一款椰子味幾清香不算濃。 另外各人選3款東西, 份量也不是好多, 其實好足夠. 已附送的豚肉有點白筋不太喜歡, 不過食落不鞋口已算好了。 份量足以我們3人食, 未食粥已飽, 好奇試下粥味道, 但唔覺有提供南瓜竽頭粒, 可惜提供的是飯糕的粥糊, 有點行, 也沒有粥香, 不過朋友加入椰子湯上就夠香。 整體: 最滿意服務, 既然主打粥品應該落點心思, 個人希望加點有辣的湯底選擇。

周圍食市都似要排隊 見到沙律幾吸引來試下 等左好耐位終於有位

場內左面吧枱位擺滿好多酒類飲品, 因為要駕車所以只飲玫瑰荔枝梳打, 賣相玫瑰浮在飲品面上, 唸住應該一般沒有花味, 飲上口味道比想像中好飲。

蒜片牛肉鐵板飯, 賣相與相片似有點出入, 牛肉偏薄, 不太油膩, 但味道一般。

沙律賣相最吸引, 抵食份量大, 但炸麵條太多, 基本上食唔哂, 食完感覺熱氣, 配料味道可以。

刺身雙款魚生及帶子$68,口感新鮮, 不算厚身。

整體食物質素可以, 價錢抵食,需改善上菜次序,應該先食刺身冷盤才到熱食主菜, 飲品餐牌名字有點攪笑,酒類飲品看似應該不錯。

慶祝生日上來27/F Skye 歐陸餐廳, 餐廳坐位不算好多, 首先入場地行上軟綿綿地氈好舒服, 環境寬敞時尚, 設計亦見花心思, 天花排著幾隻花紋匙子,柔和燈光配合窗外夜景, 感覺潔淨利落。

服務親切周到, 主動幫我們拍照, 價值偏貴, Menu內容排位唔太清晰, 5course和7course選擇沒列明清楚有咩食品, 睇到我有點confuse. 不過上菜時侍應有介紹一次。

未點菜先主動送上一包不同種類餐包及牛油, 不過水就要付款, 一大支Evian$80。之後送上一杯mini welcome drink, 帶少椰香味泡沫似。

最後選了5course, 前菜, 主菜, cocktail.

5course包括~
1)蕃茄他他tomato tartare: 不同層次的蕃茄食材, 來自法國品種蕃茄, 配上軟蕃茄蛋白泡沫及蕃茄乾碎, 最好味凍冰冰蕃茄雪芭, 鮮香甜。

2)慢煮龍蝦Slow poached lobster: 慢煮的質素帶出鮮肉味道, 又不失肉汁, 食到龍蝦軟滑口感。

3) 焦糖小牛胸線Caramelized Sweetbreads: 唯一唔識欣賞, 口感似鵝肝, 帶少少酥味, 第一口感覺嫩第二口油膩感,未能做到外脆內嫩, 配汁帶少焦糖味還可以, 松露一小片沒味道。

4)澳洲和牛牛柳Austrlian Stockyard silver Wagyu beef Tenderioin: 賣相靚, 熟程度恰到好處, 雖然未能入口即溶口感卻軟滑帶牛香味。配菜薯仔好甜, 不過只有一小塊。

5)甜品Pava of Guanaja 70 % Valrhora chocolate cake: 主角蛋糕非常creamy and rich chocolate, 入口香濃軟滑朱古力包滿著70% 朱古力濃度。配角鹽爆谷雪糕偏甜, 食埋爆谷更甜。

另外前菜炸蠔Oyster beignets: 賣相顏色一般, 3件炸蠔必須快食, 否則失去炸脆口感, 炸蠔不用太大, 最緊要新鮮食上口剛好, 入口還有脆感, 配汁好似太多, 味道算香濃。

第2main course 另外叫煎多寶魚柳Pan fried fillet of Turbot cockles$550: 價錢有點貴, 香煎厚魚, 不夠嫩口, 魚質感重, 香檳蜆肉細小, 配菜不覺有露筍, 不過不失。

Cocktail Bellini 75: 只記得有peach 就叫來試下, 杯上有幾塊唔知咩生果, 淨食唔覺有味道, 於是直接放入杯內, 味道清新帶淡淡桃味的白酒似, 好易入口, 在餐廳外空中酒吧zone 坐位飲酒又不錯. 對住尖沙咀ICC 夜景感覺幾舒服。

最後還送上小碟3款朱古力, 其中有粒帶花香伯爵茶似的味道好味, 另一款有提子香味但我唔鐘意食白朱古力, 最後一款係澳洲出名的乳酪朱古力帶香濃果仁味。

整體價格中上貴, 服務算貼心, 食材帶層次多新鮮感, 最滿意食tomato tartare和牛柳,如果食品賣相顏色再加鮮艷更好, 希望增加多幾款清新甜品。

Weekend沒有lunch set, 不過見到心儀喬麥麵, 樓下同侍應又說有8折所以試下, 不過食完遇上2件不太高興小事情。

當時12:40餐廳只有1枱客人, 可能太早, 餐廳坐得也舒服, 可以靜靜食東西.最後選另一個酸辣幼麵, 差不多15分鐘上菜,

羞澀的新娘戴簇頭里: 賣相幾靚又清新, 份量不算多但剛好飽, 食上口好開胃, 酸辣醬味道偏酸, 不過食唔到辣的人會覺得好辣, 配料的青瓜與照片有點不相符, 只有幼幼青瓜碎及幾條紅菜頭絲2粒花朵泡沫等, 而不是一片片青瓜, 不過味道可以就算啦。

再望望餐牌名稱有鵪鶉蛋, 食完都唔見一粒蛋, 問過才說這個巳沒有鵪鶉蛋了, 相片雖然都唔見,不明點餐時明知又沒說, 唔介意換了但應該先與客人溝通, 始終餐牌說明有這食物, 食完才覺貨不對版, 基本上食$88 一個齋麵, 我又算了。

埋單時收正價再加服務費, 另一侍應說今日沒有折扣, 我只好問清楚剛才與我說那位侍應, 她說他不清楚會給改回我, 我趕時間所以算了。

整體食物味道不錯, 想下次同朋友來試下其他食物, 不過員工真的要好好一致溝通清楚岡位, 餐單有變動更加要與客人說啦, 服務常識吧!

起初以為甜品屋, 原來有西餐食。
店內環境好大多位, 6:30入座巳說7:30還枱, 有點過份, 趕頭趕命食。

招牌菜其中一個漢堡扒, 上菜時感覺似pepper lunch 鐵板加封套, 貼心給小圍巾遮擋熱力彈出來的汁, 雖然是黑椒汁, 不過太少汁, 唔太感覺到, 份量不算多, 對我來說剛剛好。

Carbonara 意粉無影相, 味道偏奶油重, 幾香滑, 食完好飽。

蟹餅有少少失望, 與相片有出入, 形狀似雪藏小魚柳, 食不出蟹味,口感偏軟。

甜品沒有試招牌限定蜜瓜咩雪糕, 有點貴。叫個standard雪糕班戟加糖漿, 口感不算好滑, 但切起來軟琳的。

點晴的焦糖咖啡蛋糕雪糕芭菲, 賣相吸引, 可惜我唔鐘意太多cream.比哂朋友, 配合咖啡雪糕與啫喱好味。

整體:
服務有點催人走, 食得有點壓力, 雖說full booking.但埋單時還見吉枱.
食物: 甜品多款式配搭, 不錯
環境: 空間大, 座位舒服

午餐前菜燉豬肉, 味道香濃, 肉質軟淋。

這款薄餅卷飯忘記名稱, 賣相好墨西哥feel, 飽肚, 味道唔吸引, 薄餅包著飯, 切起上來又食得唔方便。

4度豬肉冷麵$78: 賣相吸引, 限定2分鐘乾冰煙效消失後, 眼望迷你冷麵份量, 質疑能否食飽, 結果剛剛飽。

冷麵必須配上特製醬汁才惹味, 中間辣炒豬肉越食越辣, 其他4款配菜只是點綴冷麵而巳, 基本上旁邊的人也不會食蘿蔔絲, 本身唔喜歡食也是放棄了, 配菜同樣份量極少, 只可說胃口不大試下尚可。

整體環境幾好, 服務還可, 食物價錢偏貴, 質素未去到差, 感覺好集團式經營standardization, 沒太多驚喜。

整條街都有幾間餐廳想試, 不過見到有麻辣食品, 引唔住要入去試下。
餐廳格局平民化, 差不多滿座, 因為為了餐後再去附近食甜品, 留下伏筆, 我們點選了少量東西食。

水餃好多種類, 原本想叫金玉滿堂水餃, 不過說有茜, 最後選了2食水餃-蕃薯苗鮮肉水餃和白菜馬蹄鮮肉水餃, 上碟時不時配湯, 整碟好似有10粒$40, 水餃皮雖然不是薄但厚度適中, 內料口感豐富新鮮, 而且每款帶有香味, 好食!

串燒羊肉: $20串, 有點貴, 肉質新鮮, 不酥味, 但不夠香。

麻辣牛肉$44: 失望, 雖然朋友說食都麻辣, 但我食的味道只有辣油的辣而沒有麻的香味, 或許不同地方有不同麻辣, 但不是我鐘意的辣。切牛肉厚度不錯, 食落去感覺嫩滑, 不會太乾。

飲品荔枝玉露滿天星名字幾cute, 沒有星星, 不過是一般雜果啫喱, 再加荔枝玉露, $14算平。

總括: 餐廳侍應態度親切, 食物質素幾好, 感覺多種水餃帶著地道人情味,可以再來試其他水餃, 見到旁邊人叫的麵份量算大, 也想再食。

懷舊下去茶餐廳, 我估係70年代前吧, 因為我也未出世, 這間茶餐廳門口別有用心裝修成一間理髮店, 有舊式招牌燈箱及座椅, 進入後一排排卡位坐滿人, 我倆還是港式地與人搭枱。

炸雞脾薯條, 餐飲叫紅豆冰是常識吧!對面枱的人兄同樣叫這款, 不同是配沙律, 但份量比我更大, 要放沙律面上, 炸雞脾部份炸得少少乾, 味道一般, 薯條必須厚曲型才好食。

蝦多士配沙律: 蝦多士炸出來恰到好處, 香脆有蝦味, 份量2隻唔夠食, 沙律不過不失。

整體餐廳環境光猛整潔, 服務算快, 食物質素可以, 但沒太多驚喜, 平穩帶出懷舊食物和環境,令人懷念青春。

想一提, 唔知有無人食過, 還是喜歡小時候大快活曾推出的炸雞脾最好食, 現在也找不到那些年的味道。