huen_yz 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-10-07
依間茶記嘅常餐,係我暫時最最最滿意一間,大大份之餘絕對唔hea,冬蔭功肥牛米粉足料又夠哂冬蔭功味即係夠酸夠辣,最最最值得讚嘅係個餐包,唔係求其搽d牛油落塊方包到就算而係新鮮出爐熱辣辣麵包,之前食過都係比提子包同一款綠綠地既餐包,兩款都係夠熱夠新鮮,今日終於等到係菠蘿包,外層脆卜卜又夠熱,簡直係一絕 食過佢地嘅常餐有: 羅宋湯餐肉米粉 - 羅宋湯唔夠濃,相比下比較失色 冬蔭功肥牛米粉 - 必食推介 沙嗲牛肉米粉 - 終於有一間係我鍾意嘅味道 濃湯豬扒米粉。豬扒大大件夠入味,正
評分: 味道 5 環境 4 服務 4 衛生 4 抵食 4
2020-11-07
睇食評好多都因為有coupon先會去食同埋質素麻麻地,睇完無帶過期望淨係帶住coupon入去反而有驚喜。 餐包-夠熱好軟熟,好味 主菜 - 肉眼牛扒伴薯菜配燒汁,$178 。都算細塊男人食一定唔夠飽,勝在有牛味又夠淋 烤煙鴨胸伴薯菜配黑醋汁,$118。依碟真係驚喜,平平無奇既煙鴨胸煮到好嫩好香好夾黑醋汁好好味 最後依款炸素魚柳薯條,點解既點解既,以為入面係豆腐但食落又有魚味,感覺好神奇! 總括:叫左3款set lunch,3款都有驚喜,係塊肉眼牛扒細左d,味道各樣都係唔錯。
評分: 味道 4 環境 4 服務 4 衛生 4 抵食 3
2020-05-15
係Openrice外賣自取落單好抵又方便,lunch前15分鐘落單,時間剛剛好,扣埋Alipay 2%discount只係$36.26。唔好以為甘平一定無好野,拎上手分量十足,揭開黎睇大大盒仲有紙包飲品送。原本盒飯既美道期望不大,但原來係有驚喜架。豬軟骨夠哂入味,又夠淋d汁好香,d汁撈埋落d飯到簡直好美到不得了呀!價錢甘平分量居然甘多,兩大舊豬軟骨,仲有好多椰菜,肉、菜、飯比例剛剛好!食左幾啖先記得影相 推介美食: 秘制豬軟骨飯
評分: 味道 4 環境 4 服務 4 衛生 4 抵食 5
2019-04-30
係OpenRice 訂坐後用餐前一天便會收到sms在網上確認出席與否個人覺得非常方便!比較喜歡依到調較既柔和燈光好舒服!講番食物質素等我逐一介紹: 非一般餐包,一個鬆軟,一個外脆內軟,好好味! 羽衣甘藍牛油果.....沙律(名字太長唔記得)酸酸甜甜加上羽衣甘藍獨特既味道既開會又健康! 牛柳7成熟剛剛好,連配菜都食哂 卡邦尼意粉,夠哂濃郁又creamy,正。不過都幾漏 賣相唔錯,但最麻麻地就係依碟豬肋條,肉質又乾又鞋口! 推介美食: 羽衣甘藍牛油果沙律, 餐前麵包
評分: 味道 3 環境 5 服務 4 衛生 3 抵食 4
2018-10-13
地方夠寬敞,食物種類多已新鮮,仲有仲有橙汁、汽水、紅酒白酒隨你飲,甜品種類亦不少,有我最愛既Movenpick雪糕仲要係一盒盒任你食,確實抵食。其實仲有好多美食未試但實在太飽真係飽到上心口。 雖然無我至愛既特濃咖啡味但都有五款口味選擇 Panna cotta實在太好食,真係好想食多杯,但當時真係太飽我依家好後悔食一盒甘少 海鮮類我個人覺得好出色,長腳蟹唔會一味死鹹,佢係有鮮味架,凍蟹鮮甜,蟹鉗啖啖肉。 仲有特色甜品,當然要試啦,有少少酒香又幾好味 靚景配美食簡直一流
評分: 味道 5 環境 5 服務 5 衛生 4 抵食 4
|