huen_yz 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2018-10-13
地方夠寬敞,食物種類多已新鮮,仲有仲有橙汁、汽水、紅酒白酒隨你飲,甜品種類亦不少,有我最愛既Movenpick雪糕仲要係一盒盒任你食,確實抵食。其實仲有好多美食未試但實在太飽真係飽到上心口。 雖然無我至愛既特濃咖啡味但都有五款口味選擇 Panna cotta實在太好食,真係好想食多杯,但當時真係太飽我依家好後悔食一盒甘少 海鮮類我個人覺得好出色,長腳蟹唔會一味死鹹,佢係有鮮味架,凍蟹鮮甜,蟹鉗啖啖肉。 仲有特色甜品,當然要試啦,有少少酒香又幾好味 靚景配美食簡直一流
評分: 味道 5 環境 5 服務 5 衛生 4 抵食 4
2014-04-27
屋企附近終於開間台式食物,開左無耐已經食左好幾次,食左幾次都係食蕃茄牛肉面,湯底好好味,面又好滑,仲會有酸菜做配料,牛肉又入面,所以一直無轉其他款,直到最近去食面時睇到好多人叫酸辣粉,我都學人試下,要左碗酸辣腩肉貢丸拉面,唔食得辣既我要左碗小辣,味道剛剛好,成碗面都好惹味,唯有美中不足係拉面唔夠淋,可以用硬黎形容,下次都係要番紅薯粉了。 大大碗面加杯野食成為$35,絕對抵食啦! 推介美食: 酸辣粉系列
評分: 味道 5 環境 4 服務 4 衛生 4 抵食 5
2022-10-07
依間茶記嘅常餐,係我暫時最最最滿意一間,大大份之餘絕對唔hea,冬蔭功肥牛米粉足料又夠哂冬蔭功味即係夠酸夠辣,最最最值得讚嘅係個餐包,唔係求其搽d牛油落塊方包到就算而係新鮮出爐熱辣辣麵包,之前食過都係比提子包同一款綠綠地既餐包,兩款都係夠熱夠新鮮,今日終於等到係菠蘿包,外層脆卜卜又夠熱,簡直係一絕 食過佢地嘅常餐有: 羅宋湯餐肉米粉 - 羅宋湯唔夠濃,相比下比較失色 冬蔭功肥牛米粉 - 必食推介 沙嗲牛肉米粉 - 終於有一間係我鍾意嘅味道 濃湯豬扒米粉。豬扒大大件夠入味,正
評分: 味道 5 環境 4 服務 4 衛生 4 抵食 4
2020-05-15
係Openrice外賣自取落單好抵又方便,lunch前15分鐘落單,時間剛剛好,扣埋Alipay 2%discount只係$36.26。唔好以為甘平一定無好野,拎上手分量十足,揭開黎睇大大盒仲有紙包飲品送。原本盒飯既美道期望不大,但原來係有驚喜架。豬軟骨夠哂入味,又夠淋d汁好香,d汁撈埋落d飯到簡直好美到不得了呀!價錢甘平分量居然甘多,兩大舊豬軟骨,仲有好多椰菜,肉、菜、飯比例剛剛好!食左幾啖先記得影相 推介美食: 秘制豬軟骨飯
評分: 味道 4 環境 4 服務 4 衛生 4 抵食 5
2017-10-12
之前食過佢地既特式腸粉已經覺得好味,薄薄的皮,有九王同肉碎再配上佢地特制豉油,佢地腸粉種類特別多選擇困難症的朋有會好頭痕。今次叫左及第粥,兩個字形容就係好味,首先粥底好重要,依家既粥底就very good夠哂綿,豬潤又爽口,正!叫多碗炒麵,絕對唔係得個講堅係即叫即炒,唔好見到一碗好似好炒,分量絕對唔少架,但略嫌淡口同油左dd。依家舖7點前會幫咩人,唔好見無咩人就唔敢入去試,我黎過兩次,都係7點後開始旺又多外賣架!
評分: 味道 4 環境 4 服務 4 衛生 4 抵食 4
|