以往去開屯門店.
叫左:榮式雞扒拼茄子醬飯,雞藕天成飯.
榮式雞扒拼茄子醬飯:雞扒唔夠入味比較嚡,反而茄子肉醬好香口味濃夠野味.
雞藕天成飯:蓮藕太油太硬身味道唔夠香脆,雞扒同樣唔夠入味好嚡口.
整體:同一出品,不一樣嘅味道,還是覺得屯門店好.

經典點心.懷舊價錢.
叫左:流芯煎堆仔,農家滋補雞腳,燒鴨米線,煎釀三寶,韭菜豬紅,貢苗餃拼米卷,叉燒包併野菌包,金粟肉丸粥,時菜鯪魚球,香菇雞扎
流芯煎堆仔:內在為流心奶皇十分香甜好味,外片煎堆仔香脆美味.
農家滋補雞腳:完全冇藥材味,雞腳比較硬.
燒鴨米線:燒鴨比較瘦同骨,米線好爛又粉,差.
煎釀三寶:魚肉新鮮,煎得唔太油,煎魚蛋特別彈牙鹹鮮.
韭菜豬紅:豬紅味道好腥,完全唔好食.
貢苗餃拼米卷:貢苗餃清香美味,米卷香糯夠味.
叉燒包併野菌包:叉燒包香甜用料足汁醬出色.野菌包好香菇菌味,清香味美.
金粟肉丸粥:個粥出來已經凍,肉丸冇咩味,味道一般.
時菜鯪魚球:鯪魚球唔彈牙有小小腥,蒸得太乾.
香菇雞扎:同一問題蒸過籠乾過頭,腐皮唔香又老,雞肉完全冇味又嚡.
整體:環境比較差,食品一般.

開業至今睇住three on cantoon嘅起落.
真係keep唔住食品質素.因加枱太多令環境差左強國人又多,好嘈雜!
生蠔:以前有3種選擇,如今得1種,肉質新鮮,都幾鹹鮮,不過要食就要早啦,因食到途中已開始變味.
龍蝦仔:味道鮮甜.
龍蝦:味太淡,唔鮮味.
蓮藕湯:味道香甜幾好味.
翡翠螺:肉質幾淋,但有沙.
泰式魚:味道香滑野味.
燒雞:又乾又嚡,完全冇味.
三文魚,希靈魚:三文魚味淡唔夠油香,希靈魚可食,冇咩特別.
羊架,鵝肝,炸豬扒:羊架味道好淡,肉質好嚡.鵝肝肥美足味,可惜好油食多兩件會反胃.炸豬扒又乾又嚡完全冇味.
花旗參燉湯:清香味美,花旗參味濃幾甘香.
整體:一落千丈,食品買小見小,經常用同一種食品做3-4款菜,完全冇新意.

叫左:皮蛋瘦肉粥,白粥,炸兩,炒米粉
皮蛋瘦肉粥:粥底唔夠綿皮蛋味道幾香,瘦肉鹹香好夠味.
白粥:粥底唔綿,煲得唔夠火候.
炸兩:個腸粉皮味道幾好又薄皮,可惜油炸鬼好硬令整體味道唔得.
炒米粉:用料太小又淡味,味道完全唔得.
整體:完全失敗,冇祈望.

假期冇嘢好做,走去食太興,入去飲個下午茶Hea下.
叫左:星洲炒米,燒肉鵝飯,老火湯,西多士
燒肉鵝飯:個皮幾脆,肉味鹹香肥瘦適中,鵝肉香滑,但個皮好硬,鹵水汁唔錯好夠味.
老火湯:冇咩特別.
星洲炒米:用料足,炒米好入味,份量又夠,蝦都彈牙,整體幾香口咖哩味濃.
西多士:炸得好香,唔會燶,冇小小鹹香味,幾特別,反而這個最好.

眼見人流好似其門如市,專程去幫襯.
叫左:總匯三文治,冰焦糖瑪其朵,北極蝦沙拉吐司佐馬鈴薯,黑糖卡布奇諾咖啡,鹽味焦糖冰淇淋鬆餅
總匯三文治:份量真係好大,三文治幾脆口,雞肉好滑又夠入味香口非常,蔬菜味道清新,沙律配上脆脆去食一絕.
冰焦糖瑪其朵:味道過淡冇咩焦糖味,只係有普通嘅咖啡味,完全唔得.
北極蝦沙拉吐司佐馬鈴薯:蝦沙拉好好味又新鮮份量又多,吐司幾脆馬鈴薯鹹香爽口,用個柚子汁去點菜食好開胃又好味.
黑糖卡布奇諾咖啡:黑糖味淡,卡布奇諾咖啡味濃,但味道好普通.
鹽味焦糖冰淇淋鬆餅:個cream好香好滑,鬆餅好重身好香麵粉味,可惜硬左小小,焦糖醬香甜味美,加上冰淇淋一起食一冷一熱幾好味.食完真係超飽.
整體:食品出色,飲品好普通.一般般啦!

今日好想食章記香港仔魚蛋王又懶落街,只好叫外賣.
叫左:牛什飯,墨魚卷米粉
牛什飯$31送紫菜湯:牛什炆得好淋夠入味唔太肥,可能外賣關係有小小凍左,紫菜湯味道都可以,但有沙,不過份量比堂食細左D.
墨魚卷米粉$28:墨魚卷爽滑彈牙,米粉份量唔小.
整體:食品都可以,但總係覺得堂食會好D.

好一輪冇來,再去試試.
叫左:鮮牛肉魚片頭蕃茄濃湯米粉,雞排雜菌清雞湯米線,餐肉炒蛋+奶油厚多士.
鮮牛肉魚片頭蕃茄濃湯米粉:鮮牛肉幾滑又淋,魚片頭香脆鹹鮮又彈牙.蕃茄濃湯好多蕃茄,酸酸嘅蕃茄味令人好開胃.米粉份量好多,好大碗.
雞排雜菌清雞湯米線:雞排大大件好入味,好重蒜蓉味,雜菌清雞湯茹菌小左D,雞湯香濃,米線份量唔小好大碗.
餐肉炒蛋+奶油厚多士:份量唔細,炒蛋好滑又夠蛋香,餐肉係一般貨色,奶油厚多士好軟熟.
整體:味道可以,祈望唔好再變差.

叫左:忌廉湯,香辣醬燒雞翼配香脆薯角,烤美國有骨豬柳伴天使麵,流心蛋芝麻包.雞肉腸.意式沙律煙肉配挪威煙三文魚,抺茶意式奶凍
忌廉湯:打得個湯好cream有水準,味道香口重菇味,份量大小小更好,麵包新鮮香脆好有口感.
香辣醬燒雞翼配香脆薯角:醬汁好有醋味唔太辣,有小小似食韓式雞翼嘅做法,肉質幾滑大大隻.薯角香脆野味,唔錯.
烤美國有骨豬柳伴天使麵:豬柳肉質好淋鮮嫩又有咬口,天使麵做得唔錯配上醋汁十分開胃好味.其他配菜都好新鮮.
流心蛋芝麻包.雞肉腸.意式沙律煙肉配挪威煙三文魚:流心蛋做得好好夠juicy,芝麻包香脆味美,雞肉腸粗嚡味道一般.意式沙律清新味美,煙肉鹹香肉質唔嚡幾好味,煙三文魚都算厚身鹹鮮味美.
抺茶意式奶凍:自家製造,奶凍香滑,抺茶有小小過甜,都算唔錯.
整體:好睇又好食,可以再試.

今日路過見到,第一次去即管試下.
叫左:火腿奄列,牛油餐包,沙嗲牛肉米粉,叉燒意粉,熱奶茶
火腿奄列:蛋太濃口感唔得.
牛油餐包:香甜幾好味,又唔會硬.
沙嗲牛肉米粉:米粉份量幾多,沙嗲牛肉十分野味肉質幾淋,味道唔錯.
叉燒意粉:叉燒好有舊式炭火燒嘅味道,肥瘦適中幾香口.意粉味道比較清淡,但仍可接受.
熱奶茶:香滑茶味濃又夠熱.
整體:可以回憶年幼時嘅味道,可以一試.