周圍搵食,走左去食車仔麵.
叫左:五香牛筋香茅魚餅油麵(秘制沙嗲汁),鹵水大腸蘿蔔油麵(香辣菜甫),香草雞翼,蒜香雞翼
五香牛筋香茅魚餅油麵(秘制沙嗲汁):五香牛筋夠淋,但唔夠入味,香茅魚餅同街邊貨一樣,油麵好硬身唔淋,湯底似好淡似滾水,個所謂秘制沙嗲汁真係不得了又小又唔夠味,都唔知用咩秘制.
鹵水大腸蘿蔔油麵(香辣菜甫):鹵水大腸好淋夠入味,蘿蔔唔甜有根,油麵一樣好硬唔淋,湯底一無一樣似滾水,香辣菜甫唔香又唔夠辣,普通.
香草雞翼:又乾又嚡,細隻又唔夠味.
蒜香雞翼:好小小夠味D,但都係乾嚡細.
整體:冇下次囉,環境又差.

因買左團購所以要再來,多次去幫襯都唔錯,做團購就將貨就價.
叫左:擔擔麵,金獎雲白肉,酸辣湯,蒜茸有機棠菜,生煎包,南瓜黃金餅.
擔擔麵:可選辣度,好重蝦乾味鹹香野味,有小小肉碎.必食之選.
金獎雲白肉:得平時食嘅1/3,又乾又嚡,用急凍肉做唔新鮮,完全唔得.
酸辣湯:酸辣味濃,好重味又野味.
蒜茸有機棠菜:粗嚡淡味,唔新鮮.
生煎包:又油又唔熱皮又厚,唔係即叫即做.
南瓜黃金餅:普通.
整體:將貨就價,真係貨真價實.

因團購而來.
叫左:意式沙律,凍咖啡,雞肉有機鮮磨菇及亞麻籽燴紅米飯(配蘑菇汁),流心蛋.芝麻包.雞肉腸.意式沙律煙肉配火腿扒,迷你法式薄餅
意式沙律:沙律菜都幾新鮮,味道不過普通左小小,反而個麵包好好味,好脆.
凍咖啡:幾重嘅香濃咖啡味,唔錯.
雞肉有機鮮磨菇及亞麻籽燴紅米飯(配蘑菇汁):個飯做得幾好,夠juicy唔乾身,亞麻籽燴紅米飯口感粗糙幾有咬口,鮮磨菇冇異味都幾爽口,雞肉唔嚡,可惜份量小左小小,都唔錯嘅.
流心蛋.芝麻包.雞肉腸.意式沙律煙肉配火腿扒:流心蛋做得剛剛好夠juicy,芝麻包香脆味美,雞肉腸反而有小小粗嚡味道一般.意式沙律都上面果個一樣,煙肉鹹香肉質唔嚡幾好味,火腿扒都算厚身鮮香夠味.
迷你法式薄餅:只係普通pan cake味道一般,都幾香麵粉味.
整體:地方舒服服務唔差,食品質素都唔錯,可以一試.

今日去食宵夜.
叫左:薑葱虎蝦煲,惹味龍鬚炒通菜,美極蒜片牛柳粒,香茜皮蛋魚片泡飯
薑葱虎蝦煲:虎蝦彈牙,個汁十分惹味,份量都可以嘅.
惹味龍鬚炒通菜:做得真惹味,一出來已經好濃蝦醬味,通菜新鮮唔會老,龍鬚係魷魚鬚,味道唔錯,不過要留意食到尾會幾鹹.
美極蒜片牛柳粒:太重油,牛柳粒有小小嚡,味道普通.
香茜皮蛋魚片泡飯:魚肉好多,香茜好香又夠味,好重薑味,份量都唔小.
整體:幾底食,唔錯啦!

叫左:小柱,汁煮帆立貝,他他牛,赤海蝦,三文魚腩,灸燒辛辣三文魚腩,炸蠔軍艦,牛肉薯餅
小柱:新鮮味美,紫菜好脆.
汁煮帆立貝:清甜味美,帆立貝好鮮味.
他他牛:好嚡牛味唔足.
赤海蝦:細隻左好多,唔夠新鮮,冇咩蝦嘅鮮味,味太淡.
三文魚腩:好有油香,肥美好味.
灸燒辛辣三文魚腩:同其他灸燒三文魚分別不大,只係加左味道似xo醬嘅物體,普通啦.
炸蠔軍艦:蠔味十足,炸得香脆野味.
牛肉薯餅:薯餅好硬,炸得好油,完全食唔到牛肉味,薯蓉算甜,講賣相真係0分.
加價後,質素反下降,希望下次唔好再差落去.

叫左:叉燒米粉,家鄉咸水角,蜜汁叉燒包,山竹牛肉球,鳳瓜排骨飯,腐竹薏米糖水,上湯鮮竹卷,蟹籽燒賣皇
叉燒米粉:叉燒肉質好淋味濃,米粉唔錯湯底做得鮮味.
家鄉咸水角:用料十足,炸得唔油,味美香口.
蜜汁叉燒包:叉燒味濃汁野味,蠔汁做得出色,包好乾身唔會濕超好味.
山竹牛肉球:牛肉大大件,腐竹又淋又夠香.
鳳瓜排骨飯:鳳瓜好淋排骨香滑,肉質唔錯.
腐竹薏米糖水:同外面食到嘅好唔同,似食麥米粥,味道過甜.
上湯鮮竹卷:湯底清甜味美,鮮竹卷做得出色.
蟹籽燒賣皇:大大隻蝦幾彈牙,豬肉香滑做得出色.
整體:質素唔錯,價錢合理.

今日又係冇飯開走左去本人嘅飯堂.
叫左:火腿豬排飯
火腿豬排飯$30:豬排大大件,肉質好淋又有咬口醃得好夠味,火腿一般貨色冇咩特別,例湯都算有味,送嘅都算係噉囉!
整體:有飯有餸有湯包熱飲,都係$30真係平到冇野講啦!

轉左地址第一次幫襯.
叫左:南乳雞球米線,鮮豬潤撈麵,青瓜海蜇,菜心
南乳雞球米線:雞球香脆肉質嫩滑,南乳醬十分野味帶小小酒香,米線好滑唔會爛,雪菜超好味夠鹹香味,湯底係現成清雞湯底所以一定好味.
鮮豬潤撈麵:豬潤處理得好好,爽口唔嚡唔會有異味,份量唔小.粗麵口感幾滑幾彈牙.
青瓜海蜇:好多海蜇超底食,幾爽口彈牙,個麻油好香.
菜心:清甜嫩口,好正.
整體:真係底食又好食,繼續支持平民小店.

經過此地,即管入去試試.
叫左:梅菜蒸肉餅飯,茄子排骨飯
梅菜蒸肉餅飯:入口完全唔知係咩,冇梅菜味不特只,肉餅完全溝粉,食到一口粉,差到冇人有.
茄子排骨飯:這個好小小,茄子都淋夠味,排骨好小,個汁令人有小小驚.
整體:一定唔會再去.

今日冇時間周圍搵食,剛剛經過平民飯堂於是走左入去.
叫左:梅子蒸排骨飯,蕃茄肉片飯
梅子蒸排骨飯:份量小左小小,不過$30一餐有飯有餸有湯重要包熱飲,重要有咩要求呀,梅子酸甜好開胃,排骨好淋煮得夠入味,送飯一流.
蕃茄肉片飯:蕃茄味唔酸都幾好味,肉片份量都可以都幾淋,味道都唔錯呀.
整體:好有家庭feel,平民飯堂實至名歸.