侍應對孕婦很細心 -二人晚餐安排了四人枱, 因為一袋二袋太論盡 -孕婦食客自動給予熱水, 非孕婦食客就給茶 -孕婦食客的西瓜自動換給非孕婦食客 謝謝 麵豉湯不能REFILL

今晚叫了三樣食物, 第一個是個意大利飯, 傑撻撻, 得果兩片菇, 拳頭咁大, 淡淡口, 唯一優點是熱.
第二個明明寫住甚麼菇撈飯, 結果就變成飯餅, 口感像食緊糯米雞一樣, 也是夠熱不夠味不夠飽.
第三樣最無期望反而最正常的全日早餐, 香腸較肥, 炒蛋用蛋黃太濃, 還有不夠熱因為放得太耐才上菜.

來這餐廳食點心較好, 蝦蛟夠大粒和入味, 只是四粒蝦蛟得一粒有貓眼睛有點馬夫.
流沙包很熱, 甜味也可以, 算是最好了.
碟飯就有點怪, 蘋果裝雞絲令個蘋果暖暖地又粉粉地, 當生果食又唔係, 當餸食又太大舊食得困難. 而且雞絲真係無乜味道, 茄汁也是淡淡的人造味. 簡單點來說就是用食材來做幅畫, 但真係唔好食.
不會食第二次.

成個下午茶餐牌得這個有意粉, 份量是迷李的, 平時飯盒一半都未夠. 肉醬偏淡, 當然可以說成是低鹽. 都無所謂, 因為夠熱.
酥皮湯入面是粟米火腿湯, 也是淡淡的, 不過有粟米香味. 要把酥皮浸晒入去才有八成滿. 可能牛油落得太多, 食完個胃悶住.
奶茶真是淡奶加茶包, 好過飲水少少, 建議不加白糖, 否則味道仲怪呢.

這餐廳的下午茶和團購差不多, 其實相差一個小食.
我們點的黃咖哩飯有少少辣, 但可以接受, 內含雜菜, 只是飯得一碗不夠撈, 到臨走才問我們夠不夠飯說可以加...
小食的芥茉味杞子木耳很好味, 爽爽地而芥茉的辣同咖哩辣又有不同.
小食的夫妻肺片是酸甜的, 口感不錯, 份量也足夠.
烏冬才是最好食, 不太油, 有芝麻香, 最重要是不辣, 又夠熱.

餃子上枱時很熱的. 不是是否用清湯煮, 餃子皮無乜味道, 而羊肉香是有的, 如果多些葱就更好. 同埋應該無味精, 食完不口渴. 如果跟一碗清湯上就更佳.
餃子夾起來不易穿, 有一定韌度.

三十八蚊有五粒蝦肉雲吞也很足料, 不過煮左好耐才上枱. 麵夠彈牙, 只是湯太清.
椰汁紅棗糕很香濃, 桂花蜜拉糕的太甜, 掩蓋了桂花的清香.荳漿不過不失不算太甜, 可是仍然比香濃的玄米茶比下去.

這杯鮮果冰茶有成半升, 兩個人飲就差不多. 最弊是超甜, 不是正常果汁的甜法, 不知加了幾多砂糖落去, 慘得我平時飲檸檬茶都不落糖, 這次實在太甜了. 甜到的地步是個茶包的茶葉溶不到出來, 飲不出任何茶味. 入面有蘋果塊, 橙塊, 熱情果核, 菠蘿, 簡單點說是加了糖的果汁.限坐一個半鐘, 只是這味咖喱牛腩法包, 等左半個鐘頭呀. 麵包得四片點會夠飽, 而且好硬, 完全不軟熟. 最大反而是菜, 好在有點沙律醬點下, 唔係真係幾難吞. 咖喱牛腩無乜驚喜, 不太辣可以入口.

咖喱味加上香草味很香, 而且熱辣辣肯定是即炒的
芽菜入口仍有點爽
豬頸肉微焦好味
反而想食多點粉, 這是很闊的粉, 不同平時食的河粉
珍多冰的煎蕊比較少, 椰香也可以多點, 不過整體配搭炒粉還是匹配

飯炒得好香, 粒粒飯都有炒過, 不會黏埋一舊. 不過有點肥膩.
只是個珍多冰令人失望, 椰汁味淡似乎加多了水, 青蕊無味不特只仲很碎, 而且得果幾條, 其實這些成本不太貴的材料比多一點都咁艱難?