由於美心巳經全線停止供應外賣小菜, 於是只好改往大家樂選購o
9.19 黃昏時想簡單快靚正索性買了三餸 (三文魚/牛肉/雞球) 才回家, 結果換來一肚氣, 等候即叫即煮期間,  後期才發現原來丁收銀員把其中一款打錯變成排骨 (全家人也不吃豬肉) , 馬上返回收銀處反映,  這位職員不單沒有道歉兼對著其他客人面前大聲話我~打錯單咪改番囉! 唔駛死呀嘛! 依家唔錯得呀!  然後就用對講機告知出品部, 單號XXX要改單, 並沒有提出是自己做錯事, 結果使我浪費額外十分鐘寶貴時間重新等候o
現衷心希望火炭寫字樓的管理層, 除了關注位處中產屋苑的御龍山分店之出品質素, 也要一併留意培訓前線職員的最基本待客態度 

因為得到其中一位同事推介 , 所以決定大班人一齊過黎呢區開餐

一行人叫左好多食物 , 炸魚皮真係幾好味 , 豬骨煲好足料-差唔多滿到瀉 , 菜肉餃就好咸 , 肥牛及生蠔不過不失 , 腐皮蝦一般 , 丸類都幾好食 ,
其實大部份食物水準及份量都可以 , 而且價錢都算大眾化

忽然有些物件係我的頭頂掃過 , 抬頭一望 , 原來有一位穿著粉紅色雪紡超大衫袖的女職員從事樓面工作 , 可能她不是普通伙記 ,
所以想著什麼就著什麼 , 火鍋店雖然係明火煮食 , 但係檯上大部份都是生料 , 少數是熟食 , 她這樣的衣著 , 特大衫袖掃完檯面的生肉 ,
然後再掃到客人的頭髮上 , 如果她的衫袖不小心勾住檯面的湯煲 , 也會造成人為意外

希望從事飲食業既人都要為人為己 , 萬事小心

以附近咁多間酒樓黎計 , 我自己比較喜歡肇順和稻香 , 不過公司請食飯 , 所以要跟大隊 , 俾錢果個話事
以前仲有做小菜套餐既時候 , 因為點心比例少 , 所以覺得食物質素沒問題 ( 雖然是特價套餐 , 但是味道和份量都足巳令
大檯所有人食得飽兼要打包 , 但係自從取消套餐之後 , 點心比例佔大多數 , 所以逐漸覺得味道越來越一般 ,
例如炸魷魚和脆素鵝 , 脆漿實在太硬太多 , 煎薄瓦礃唔知係唔係預早整定 , 感覺微暖 ; 雖然蝦肉爽口 , 但係蝦餃皮好厚 ,
炸子雞無變過 , 夠味不過熟番些少會更好

今次又係十幾人迫係張所謂大檯 , 我就坐係柱位旁邊 , 更加迫過人 , 門口既帶位阿姐真係唔掂當 , 唔理男客定女客 ,
失驚無神用盡全力撞個 pat pat 入黎攞走餐牌 , 又唔預先揚聲 , 又唔叫客人遞過去, 唔通街坊級既酒樓真係連最基本既禮儀都欠奉 ,
忽然又令我記起年初團年飯局 , 呢間酒樓女侍應唔理三七廿一 , 未攪清楚紅酒類別就幫客人加酒 , 總之見係紅酒就全部倒晒落酒杯

天氣開始熱 , 加上附近街坊都放棄偉記改去金時 , 話味道唔錯兼有優惠 , 所以就由根記改金時

七點半去到 , 門口個圍裙阿姐問我幾多人 , 我話三個 , 佢就叫我等一等 , 於是就企係門口等 , 點知十分鐘後 , 另一個男侍應
又問我幾多個人 , 先至識得補番張手寫籌俾我 , 我話頭先巳經同阿姐講左啦 , 點解會叫個唔識登記既廚房阿姐負責 , 真係越等越火滾 ,
如果兩個鋪位都顧唔掂 , 裝修得幾靚都無用 , 究竟想留客定趕客架 huffy:

不過 , 味道得確好過以前 , 進步左 , 乳鴿雖然細隻 , 但皮脆肉嫩 , 又好味 ( 根記近排的鴿真係咸左好多 ) ,
阿媽話小菜比以前大碟 , 紫羅駝鳥/大班兩味也可以 , 只係燒肉真係好咸 , 我覺得干炒肉片河味道一般 ,
公司樓下間茶餐廳仲好食 , 但係阿媽話還可以

希望佢地好好利用大熱天時呢個優勢留住街坊的心 , 如果出品服務唔得真係減價都無用

因為聽同事講話幾好 , 於是約個朋友一齊試 , 點知我地都一致認為下次無交易
佢話壽司新鮮 , 不過甜品選擇少 部份味道麻麻 , 薄餅好食 不過太燶
我都覺得以晚餐同價錢黎計 , 食物選擇唔算多 , 但係味道還可以 , 不過天寒地凍 ,
大部份熱盤都唔熱無煙 , 有煲連蓋封住都只係微暖 包括白飯 , 原來下面果個電磁爐只係裝假狗 , 擺設而巳
仲衰過其他用熱水墊住食物既酒店( 只有中西湯 蒸鱔 糖水係熱到出煙 ) ,
結果我惟有用西洋菜湯同中式粉麵既湯浸番熱小菜先至食 , 如果唔係成晚就睇住人食 , 因為我唔食生冷野 , 怕攪肚痛
仲要身體傾前伸長隻手先至掂到個煲蓋 , 自助餐黎計真係第一次見識
當時同廚師反映食物唔熱 , 結果得個桔 , 之後再同女侍應講 , 佢話轉告經理 , 先至多一兩味小菜正常咁熱番些少
我個朋友話返到屋企就同為食老豆阿媽講 唔駛專登由西貢走入去試

某星期四晚上7:30 , 偉記只有五六檯客 , 如此情景巳經反映出品如何 , 天氣巳經秋涼了 , 梗係去番陳根記穩陣

我們叫左出名既乳鴿 , 朋友話不單好味 , 而目大隻 , 薑蔥炒蟹夠味有鑊氣 , 椒鹽九肚魚香口送飯幾好 , 不過好多骨呀 ,
我食左一舊巳經停口 , 因為太驚
西蘭花炒帶子就覺得菜硬了一些 , 另有一樣野今次幾滿意 , 致電查詢時我曾經提過會帶埋 BB 過黎 , 我現身時巳經見到
佢地自動自覺準備左細路椅 , 都幾細心 , 所以我地今次各方面都幾滿意 , 只係仍然覺得環境太嘈

因為覺得偉記差左 , 所以寧願唔嘆冷氣改食陳根記 , 今次坐係外圍的位置 , 所以唔算好嘈 , 媽咪話乳鴿比之前好食左 , 時菜炒什會的西生菜佢話好靚 , 今次上菜速度快左好多, 惟一不滿就係叫親白飯伙記都無左件事 , 起碼要叫兩次先至出現
整體上今餐全家都好滿意

本來 " 幫襯三小菜 再送一麵飯或一小菜 " 條橋幾得 , 白飯都慳番 , 攪到又多人又嘈 , 上菜又慢 , 但係佢始終好食過酒樓 , 所以多數揀呢間 , 今次真係好失望 , 蓮偶豬頸肉微暖 , 唔知係一早整定還是整完無人傅菜 , 免費既豉油炒麵三催四請先到 , 仲要係無煙出 , 完全唔熱唔暖 , 呢餐極之一肚氣