用左某食飯apps book幾好 夜晚7點鬆d book 都無問題，一樣book 到，仲有10%off 都可以啦。 去到啦 要用英文溝通，差唔多全部都係非華裔，唯一一個華人都係竹昇仔，不過，佢既服務態度係好好，值得一讚👍🏻👍🏻 因為今次我地係輕食，叫左一個pizza, 所以我講下間餐廳先，地理位置一流，係蘭桂芳黃金地段，飲野又得食飯又得，間野氣氛幾好，又唔會催你鐘，唔錯，但係如果你想搵間靜靜地就唔洗諗，因為都幾嘈，咁要睇下想要d 咩啦～ 講返野食，其實都幾貴，叫個最平既pizza, 茄醬加洋蔥仲d 唔知d 咩香草，無啦，盛惠一百一十幾，仲要係細批得6件咁多多，但質素係好ok, 個批香脆，d 醬夠濃，又唔會覺得佢太濕，相當唔錯，果然係出名食pizza, 竹昇經理仲要問我地仲咩唔叫芝士，係咪唔中意食芝士，真係唔知點答佢好🤦🏻‍♂ 最後我地都係食左個幾鐘，當食少少野休息下hea 下時間就算～

我見到某飲食apps 訂坐有半價，所以就約埋三五知已去試下依間hugo le resto grill，去到呢間野d 裝修唔錯，最緊要係個女 waiter 幾靚女😍又好招呼😙 不過呢，半價原來得主餐牌先有，飲品呀套餐呀就無，本來想試下佢既沙律吧放題，咁無計食唔到啦。 我地研究完個餐牌，發覺個樣樣價錢都差無幾，所以我地三個人都係叫左美國頂級new york 牛扒，感覺會抵食d 呢！當我地落order果陣，靚女waiter 極力推介個德國脆皮蜜糖燒豬手，見佢半價又係靚女推介，當然要試一試，叫一個三個人分啦～ 上菜啦，d 牛扒果真多汁，份量呢又幾大塊既，又有幾個汁比你點，唔要汁又有海鹽，百鬆d 既價錢又有咁既質素邊度搵呢！ 最後十分期待既豬手到啦，果然係即製，外脆內軟，不過呢，蜜糖既甜配豬手我就真係唔係好岩食，我覺得麻麻，浪費左個豬手啦... 我地食左3個幾鐘，完全無催我地走，坐幾耐都得，岩哂我地食完野吹下水咁，我地本來諗住食埋佢既甜品，不過得三款揀，半價左又唔係好抵就無試，所以就閃人啦～ 埋單每人都係百幾蚊，係銅鑼灣黎講都okay~

今日元宵節，我地就去食間係旺角既The Italian Club Wine Bar, 用某飲食apps 訂座仲有有50%off添～ 入到去，餐廳非常貼心，又有水又有杯有氣白酒，又有兩條麵包。餐廳提供醋同欖橄油點麵包食，依樽醋非常好食，酸偏甜，麵包又唔係好硬，真係好好食，好想買樽醋返屋企添呀～ 好啦，講返正餐先，餐廳全英菜單，所以就由我發板，叫左一個意粉同pizza, 意粉係卡邦尼意粉，係好香芝士味，煙肉極少又偏鹹，意粉份量又相當之少，但d 汁就相當多，係哂碟底度，唔好話太差，如果係正價，我覺得唔係好值得呢！ 第二樣係火腿蕃茄pizza, 個火腿真係無得輸，唔會太鹹，又香，其他既真係差dd, 邊太厚太硬，中間番茄醬太多，搞到pizza 底太軟，好似無焗過咁，份量都算唔錯，但咁既價錢冇下次... 最後本來諗住叫多個burger, 不過都係放棄啦，有少少驚中伏🙈

有澳門朋友帶路, 去位於雀仔園的新恆心食晚飯, 朋友係下午預先訂位, 到達後等了數分鐘便安排入坐。

新恆心分上下2層, 我們到達已經係8點, 全店爆滿, 座無虛席,此店並沒有旅遊書介紹,店內全是街坊,相信味道一定不錯!新恆心舖仔細細,座位未算舒適, 格局以及食物都有點像廟街。

朋友負責點菜, 首先上既係是日例湯-合掌瓜湯鮮甜, 用料以及火侯足, 若然唔落味精會更好飲完湯之後, 小菜好快就上, 首先黎既係蚵仔煎蛋,  蚵仔唔算大粒肥美, 但係量多, 蛋略為老左D。
椒鹽九肚魚-表面香脆, 唔會太咸, 細細條咁食完一條接一條, 好快清晒

之後既小菜, 大家都掛住食, 唔記得影相
咸魚煎肉餅-最美味既一款, 即叫即煎, 需時比較耐, 上菜時熱辣辣, 爭D辣親個咀 肉餅入面肥肉唔算多, 但一D都唔乾身, 仲好JUICY TIM~入面仲加左馬諦, 增加口感, 咸魚份量適中, 令肉餅惹味非常

最後一味係薑蔥雞, 白切雞嫰滑多肉, 唔會太肥, 雞上面放上大量薑絲和蔥段, 加埋雞一齊食增添風味。不過單食雞, 就食唔出薑蔥味

新恆心小菜經濟實惠, 每碟份量唔會太多, 大家可以試多幾款。隔離台既煲仔菜好吸引, 下次黎澳門一定要ENCORE~

返工前買杯green tea latte 提提神, 發現starbucks做緊優惠,
買一杯野飲，就可以加$10換鬆餅一個, 見到有榛子朱古力鬆餅, 梗要買個黎食下~
有鬆餅食, 杯green tea latte就要左Tall Size榛子朱古力鬆餅
面頭佈滿朱古力粒同埋榛子碎
鬆餅濕潤, 甜度適中, 榛子香脆, 朱古力香濃
榛子+朱古力係完美配搭, 加埋green tea latte, 係完美既早餐~

好多朋友都話Travelers' Lounge魚旦粉好好食,
今次去旅行前終於有機會試到了每碗魚旦粉都有2粒魚旦同埋2舊魚片頭,
魚旦爽滑彈牙, 魚片頭炸過之後更加好食
河粉幼滑, 湯底濃, 但係有味精既

取了魚旦粉後可自行加蔥、辣椒油等,
值得一提的是有XO醬, 唔辣但野味

係朋友介紹之下, 原來入口附近的BROWNIE都係FREE既
不過質素麻麻, 略為實左D, 下次都係留肚食多碗魚旦粉好過~

南記愈開愈多間, 本人覺得最大同坐得最舒服的係怡和街呢間,
有2層同埋坐位唔會太迫, 旁邊仲有卡位叫左個清湯魚肉春卷米線
魚肉春卷依舊好食, 每次黎南記都必食
魚肉春卷唔油, 入面既魚肉彈牙
一碗有4條好足料, 但米線相對無譚仔咁多
係銅鑼灣唔駛30蚊既晚餐, 係M記以外另一平價之選

一個人去完尖沙咀工作, 有點餓, 雙腳不自覺走到尖沙咀的韓國街-金巴利街
北口店舖細細, 但小食種類多, 若賺小食不夠飽肚的話, 亦有飯麵可供選擇韓式炒年糕 ($28)
鮮紅醬汁,賣相吸引,
辣度不高, 大人細路都岩食,
年糕軟硬度適中, 醬汁中有大量蔥, 增添香味
炒年糕並非即叫即製, 所以可立即上菜
而在碟子上包上膠袋, 可減去清洗步驟,但卻不夠環保韓式魚旦串
店員細心的在下單時詢問要否剪開, 方便食用
魚旦彈牙, 清湯清甜, 但味精重

九龍塘的Simplylife總是排著長長既人龍, 無心機排隊,所以一直都未食過
咁岩平日黎到金鐘, 大概2點左右, 排左5分鐘便安排坐窗邊位置Lunch有13款選擇, 總有一款岩心水蕃茄湯, 濃濃的蕃茄味, 好開胃
另外沙律係紅菜頭沙律, 本人唔太喜歡紅菜頭味道所以要左湯巨型麥包, 真係超級巨型
外面香脆, 入面軟熟, 好香麥味
食完佢+入完湯都半飽了好似係橙+西柚既茶, 好好味, 唔過甜
應該係用果汁+茶整既巴馬火腿車厘茄薄餅
份量又係好大, 細食既女仔, 2人SHARE一個SET都夠晒
薄餅烘得香脆, 不過邊位焦左少少, 巴馬火腿充滿咸香
下面既茄蓉酸酸地, 可中和咸味,
不過PIZZA一定要食得快, 凍左就唔好食

想試左文華雞飯好耐，星期6終於有機會試到
由山林道入，沿途經過好多食肆，好多都價錢公道，可以試下~一坐低未叫野食，侍應便送上清湯
清湯好清甜，唔油同埋飲到係無落味精既,飲到底有白蘿蔔的薄片，好飲係等緊雞飯既時候可以裝下醬料先~
酸辣汁同薑蓉普通, 特別推介黑豉油!!
好好味，甜甜地咁，只係用佢黎送飯都可以~白雞飯
雞皮無食到，唔知味道如何
雞肉嫩滑，雞飯好香，唔太油
雞肉下面有幾塊爽脆青瓜另外叫個個燒雞飯SHARE一齊食，燒雞同白雞分別不大,一樣嫩滑, 白雞相對香D

雞飯好食, 但份量對女仔黎講都只係岩岩好
服務方面麻麻，個女侍應成日大聲講野，叫入廚房