荷李活道既agnès b. Café都算易搵, 隔離有幾間食肆, 好多外國人係室外既枱食野, 好似去左外國旅行咁簡約設計既門面

下午2點幾到agnès b. Café, 坐位數目唔算好多, 要等10多分鐘先有枱menu分門別類咁寫晒出黎, 坐低左之後店員亦會比menuAll Day Breakfast-Nordic ($128)
最底係沙律菜, 之後係一片麵包, 上面茶左牛油果
之後係一塊煎香左既三文魚, 上面再有一隻egg benedict

呢個真係好好食, 個Hollandaise sauce好香, 好香濃牛油味 (肥死喇>.<)
個包配埋Hollandaise或者蛋黃一樣咁好食
三文魚煎得好香, 不過食食下食到一小條魚骨另外叫左份三文治($68)
呢個都有沙律菜, 4件三文治味道分別係: 碎蛋沙律, 吞拿魚, ham同埋三文魚

呢個都唔錯, 但同三文魚比就失色左少少

叫左杯西柚汁($34)
好大杯, 抵飲同埋好多果肉

朋友最喜歡去the grand睇戲, 但圓方既食肆都唔平
360 supermarket門日位有幾間bar枱位既食肆, 最多人食既就係呢間日本菜
款式選擇都好多下, 叫左同店名一樣既大宮牛肉飯大宮牛肉飯 ($65) 有沙律同埋麵豉湯, 唔包飲品
沙律新鮮, 沙律醬好食又夠多
牛肉應該係用照燒汁炒, 偏甜, 不過日式通常都偏甜, 送飯一流

呢度係即叫即做既, 坐係bar枱, 可以睇住店員裝飯, 炒牛肉, 過程乾淨衛生, 又夠新鮮熱辣

雖然最香餅家唔係太就腳, 但每次去到澳門都必定去最香買粒粒杏仁餅返香港食
最香既粒粒杏仁餅真係好好食, 其他x記無得比~
曾經買過最香細粒裝一筒既杏仁餅, 但可能係細粒既關係, 杏仁粒都細左, 無咁香

最抵買既係膠袋裝既粒粒杏仁餅, 如果要紙盒好似加一蚊
一袋入面有10塊, 每一塊杏仁餅入面都滿佈大大粒既杏仁碎
餅非常鬆化, 一咬好易碎開, 所以唔好太大力咬~
同埋有碳燒既焦香味, 每次食都忍唔住一塊接一塊, 一袋好快就可以清晒
所以山長水遠去買都好值得

*最香既檸檬薑都唔錯ga, 5蚊一包

名古屋係美麗華商場2樓轉角位, 唔係太起眼, 但係星期日都唔少人幫襯
LUNCH選擇好多, MENU有成3版, 花多眼亂
想食得清淡D叫左三文魚魚生飯

麵豉湯同茶碗蒸先上麵豉湯入面有唔少豆腐粒同埋海帶, 唔會太咸

茶碗蒸好足料, 有日式魚蛋,菜, 冬菇, 食到底有銀杏, 蛋好滑好嫩三文魚魚生飯, 好大碗
飯均勻咁加左醋, 同埋夠凍(有D地方D飯仲熱)

飲埋餐茶, 好飽好滿足~

星期日中午黎OUTBACK食個SET LUNCH,
選擇都幾多下, 要左RIBS同埋西冷

SALAD,餐湯先上SALAD 有車厘茄,生菜,紫色椰菜, 紅蘿蔔絲等等, 上面求奇PAT左一PAT SALAD醬上去,
賣相同味道普通

湯係蘑菇湯,太"傑"同埋有點油縮小版黑糖麵包,依舊好食RIBS有成6條, 好抵食
個醬好惹味, 同埋薯條一齊食好好食, 不過咸左D
另外既配菜似係白烚, 無味, 有菇, 紅蘿蔔,翠肉瓜, 南瓜
感覺有D蔬菜, 健康D~西冷, 叫左半成熟, OK
配菜同RIBS一樣

餐茶叫左凍檸茶, 加埋餐廳既冷氣, 愈飲愈凍

次次去澳門之前都會黎澳門茶餐廳食返個早餐先出發
今日都係叫返鮮油豬仔包+蕃茄牛腩餐肉通粉+凍咖啡蕃茄牛腩餐肉通粉湯底比以前淡, 不過蕃茄湯唔會唔好食既
除左牛腩同餐肉, 仲有薯仔, 紅蘿蔔粒,
通粉ok, 唔會太林豬仔包漏左單, 要追先黎
但係個包完全無味, 連應有既麵粉香都無
同埋個包太多牛油, 包中間太濕

凍咖啡就keep到水準, 最鐘意上面既朱古力粉

買左團購, $15當$30用, 之前試過all day breakfast
今次試下佢個拿破倫意粉 ($6x)

個意粉好足料, 有蕃茄, 腸, 火腿, 青椒,等等
茄醬好食, 加埋辣椒仔, 好快就食完晒成碟意粉
份量都多, 好足料, 出面好少食到有咁多料既意粉喇

除左waffles, 原來cwb店有all day breakfast食, 仲有幾款選擇,
叫左個素食達人 ($55)
有沙律, cherry tomato, 蘑菇炒蛋, 茄汁豆, 薯角同埋一塊窩夫, 仲有一杯飲品

蕃茄仔-有煎過, 酸酸甜甜, 好開胃
沙律-普通
炒蛋-唔會好似澳牛咁滑, 不過不失, 不過淡味左d
茄汁豆-同罐頭無分別
薯角-熱辣辣, 香脆好食
窩夫-應該係最好食既, 但係薄左d, 加埋果醬好食

整體唔錯, 係cwb黎講好抵食
不過店內抽氣太弱, 冷氣都唔夠

因為會員既積分就快到期, 所以換左個400分既酥皮湯
店員送黎既時候wa左一聲, 好少見到咁圓咁靚既酥皮湯
望落有d似菠蘿包~

入面係西蘭花忌廉湯, 好多西蘭花係入面
個湯熱辣辣, 加埋酥皮一齊食, 好滿足

等左好耐, 牛頭角既翠華終於開張喇~ 2樓既至尊概念廚房同樓下既翠華係分開既, 要係另一邊門口入
呢間餐廳係工廠區黎講都唔平, 78-118一個lunch, 不過就唔洗收加一, 好似係要做CEO生意

一坐低, 未叫野食, 店員就即刻上餐前小食
有好薄既法包, 好香好脆(掛住食, 唔記得左影相)同埋有個湯, 細細杯, 幾得意

叫左餐之後, 好快就上餐湯, 不過紅湯味道麻麻, 好淡墨魚飯, 賣相幾好, 個飯都幾好食,
但係墨魚就少左d, 同埋唔夠熱

呢間餐廳, 店員都好多下, 基本上一食完, 佢地就會幫你收走d碟, 好似食自助餐咁
不過可能仲係新開, 都有漏單同埋上錯野
而食物方面都ok, 不過就貴左d~