Häagen-Dazs (旺角)

朋友送左張50元優惠卷, 原本打算食雙球雪糕($52), 不過店員話加多4蚊就有埋生果同埋會大杯d所以最後叫左雙球鮮果丹麥筒 ($56)
雪糕揀左綠茶同仲夏野莓, 另外加士多啤梨, 士多啤梨醬,杏仁碎

杏仁碎好香脆, 配埋香滑雪糕, perfect~
綠茶雪糕奶味唔算重, 綠茶味超級濃, 濃濃既綠茶味中和左雪糕既甜
仲夏野莓相對比較甜, 下次都係揀返士多啤梨雪糕好d, 因為有大量果肉, 酸酸甜甜

外層窩夫筒略為甜左d, 不過夠脆~

太湖海鮮城 (銅鑼灣)

放假同屋企人一齊飲茶, 有朋友話太湖搬左上樓, 新裝修所以上黎試下
大概12點黎到, 可能仲早所以即刻有位

星期一至日都有唔同既餐, 有飯/麵跟菜或者拼盆跟飯麵
不過今日屋企人想食點心多D, 所以無叫餐
小點$18.8, 中點 $22.8, 大點$24.8 (相對起上黎大點好似比較抵食)
除左大中小特點之外, 都有特價點心, 我地都係主攻特價點心蛋煎糯米雞 ($13.8)
薄薄既蛋皮包住糯米雞, 蛋皮煎得唔夠耐, 唔夠香, 好軟身
入面既糯米雞略為濕左D, 唔夠乾身, 不過糯米雞都好多料, 有叉燒同埋蝦等等春風得意腸 ($24.8)
同個名一樣好得意, 腸粉入面係春卷黎, 春卷包住肉,蝦同埋馬碲
呢個腸粉唔會好似平時食開既炸兩咁好易林, 食到最後都外軟內脆
平時點春卷就會點喼汁, 而呢個腸粉就係點豉油
感覺上配酸酸地既汁會好D, 可以中和下肉味, 無咁漏
不過我都係鐘意炸兩或者包住蘿蔔絲卷既腸粉多D擂沙湯圓($8)
外層椰絲好香,湯圓皮唔算太厚, 而入面芝麻唔夠香荳沙窩餅($10)
上面層芝麻基本上係同個窩餅皮分離左既, 入面荳沙好多, 唔太甜, 好食不過油左少少

除左呢4個點心之外, 仲叫左一個蒸飯($21) 同埋一個叉燒飯($22)
2個飯都普普通通, 叉燒飯既叉燒瘦左D

伊呂波燒肉 (銅鑼灣)

好多朋友都話伊呂波燒肉好食,但夜晚遂碟計既話略為貴左d
星期六出開銅鑼灣順便試下伊呂波既lunch, 連星期六日都有set lunch, 真係好抵食~
set lunch都有好多choice, $85-180都有叫左個燒肉定食($85) (雞加牛)另外2個餐叫左伊呂波定食($90), 選了牛
兩個SET都跟茶碗蒸,泡菜,芽菜,麵豉湯,白飯及甜品
而伊呂波定食仲包埋3色刺身同埋天婦羅
感覺上伊呂波定食好似比較抵食, 但係燒肉定食肉既份量比較多

如果覺得肉唔夠既話, 可以加20蚊加大
落左單之後,店員會幫你開火預熱個爐先, 食物大概5-10分鐘後就到齊, 好有效率

雞肉係連住雞皮的, 燒既時候將油都燒去, 好香脆
而牛肥瘦適中, 有預先調味, 唔沾醬料都很美咪, 肉味濃
2者相比之下, 牛肉比較特出

除外牛肉外, 白飯亦都唔錯, 粒粒分明, 食完唔夠仲可以REFILL最後甜品係紅豆雪糕, 係奶味比較重既雪糕

伊呂波既裝修好和式, 同場有唔少日本家庭, 感覺好似去左日本咁
見到有一枱日本人離開既時候撞到另一枱日本人, 原來係朋友黎,
相信伊呂波都算係正宗既日式燒肉, 而價錢亦好合理

車厘哥夫餅店 (太子)

每次去花園街都會係太子聯合廣場地鐵口出, 經過車厘哥夫都會聞到濃濃既牛油味,忍唔住買半磅黎食下
今次路經又有d餓就試下車厘哥夫既麵包,合桃包同鬆餅之前都試過,今次見到未見過既蘋果麵包即刻買黎試下~蘋果麵包 ($6.5)
四四方方既蘋果麵包, 表面有d糖霜, 但份量唔太多, 所以唔會好甜上下層既麵包包住中間既蘋果肉, 蘋果肉加左肉桂粉, 令蘋果味更香
中間既蘋果肉好多, 一咬之下, 兩邊果肉似好易走出黎
而蘋果肉唔會煮/焗到好"林", 仲帶點蘋果既爽脆

整體黎講, 呢個麵包既甜度適中, 肉桂味唔會太濃, 配合埋酸酸甜甜既蘋果肉, 好開胃
蘋果配合麵包都好夾, 又唔會好似蘋果批咁咁油膩, 係較為健康既選擇

翠華餐廳 (牛頭角)

自從翠華開左之後，早餐同下午茶又多左個選擇喇~

面包部設於翠華既門口，買外賣同埋面包都係門口排隊，朝早經常都有長長人龍。中午時間，堂食既隊就排係另一邊，唔會混亂。

翠華既麵包部有菠蘿包、紅豆菠蘿包、雞尾包、墨西哥奶皇包、雪山流沙包等等，面包選擇唔算多但好食搭夠，而價錢唔算貴，$5-$6，大大個新鮮熱辣辣，對面舖既面包即刻比下去。紅豆菠蘿包($6)
紅豆菠蘿包同普通菠蘿包唔同，唔係圓形而係長形既，外層鬆脆之餘又唔會一咬就碎晒
入面既紅豆蓉甜度適中，仲會食到粒粒紅豆
如果遇到新鮮出爐,更加熱辣辣，食完一個想再食多一個tim~