至尊概念廚房 (牛頭角)

等左好耐, 牛頭角既翠華終於開張喇~ 2樓既至尊概念廚房同樓下既翠華係分開既, 要係另一邊門口入
呢間餐廳係工廠區黎講都唔平, 78-118一個lunch, 不過就唔洗收加一, 好似係要做CEO生意

一坐低, 未叫野食, 店員就即刻上餐前小食
有好薄既法包, 好香好脆(掛住食, 唔記得左影相)同埋有個湯, 細細杯, 幾得意

叫左餐之後, 好快就上餐湯, 不過紅湯味道麻麻, 好淡墨魚飯, 賣相幾好, 個飯都幾好食,
但係墨魚就少左d, 同埋唔夠熱

呢間餐廳, 店員都好多下, 基本上一食完, 佢地就會幫你收走d碟, 好似食自助餐咁
不過可能仲係新開, 都有漏單同埋上錯野
而食物方面都ok, 不過就貴左d~

梨花園 (尖沙咀)

去到food court, 心大心細唔知食咩好, 最終選擇了韓式
天氣炎熱, 揀左個牛展冷麵, Lunch set 有汽水同泡菜送湯入面有幾舊冰, 一見到即刻覺得透心涼,
除左牛展之外, 仲有幾片酸青瓜同埋羅白+一隻蛋,
湯底係醃酸青瓜酸酸甜甜既味, 好適合呢個大熱天時食, 即時開胃不少,
成碗麵都夠凍, 食到最尾d冰都仲未融,
不過牛展就無味, 酸瓜酸羅白就好好食, 整體黎講都唔錯

譽居 (尖沙咀)

一直都有幫襯開譽居，橫行砂窩羔蟹粥、腩仔飯同炒粉麵都有水準，而且價錢合理。
見到有團購，$39午餐當然唔可似放過
團購內容：$39有小食+主菜+油菜+例湯或飲品+小甜點

因為驚無位，一星期前BOOK定星期日中午12時正，11點55分到達，店員先核對團購的編號，約5分鐘後安排入坐，
坐低左之後店員比左紙仔我地TICK要咩，等左超過25分鐘，完全無野上過，
見到隔離遲過我地入坐，已經開始上菜，唔通團購遲d先上菜???

舉手想問店員係咪漏左單，可能因為團購關係，食客人數較多，店員都好忙，
等左幾分鐘，終於有店員過黎，佢話幫我地追單，
再隔左大約5分鐘，該名店員行過黎，細細話應該係唔見左我地張單，叫我地再tick過

隔左一陣好快就上菜,
先上小食, 叫左子薑糖心皮蛋同麻辣手手撕雞子薑糖心皮蛋-好食，子薑夠酸夠甜麻辣手手撕雞-完全唔辣又唔麻，雞肉少得可憐，西芹皇多過雞肉，成碟野只有麻油既香味

主菜叫左香芹魚崧炆米粉同埋XO醬炒牛肉河香芹魚崧炆米粉-無味道，只有一兩舊細細粒魚崧XO醬炒牛肉河-唯一一碟賣相比較好，比炆米夠味，都算唔錯一人份油菜-油左d

飲品叫左例湯同熱檸蜜，
熱檸蜜幾好飲，蜜糖落得幾多，夠味
例湯-好淡，一d湯渣都無....芒果布甸-好食，甜度岩岩好，多芒果肉

$39團購要再加茶錢同10%服務費，每人6蚊，對於毫無服務可言，一蚊都比多

同以前比較，譽居差左好多，服務同食物都唔掂，
成餐飯只係子薑皮蛋同芒果布甸比較好，
今次團購之後，相信短期內都唔會再幫襯譽居

Triple O's by White Spot (尖沙咀)

呀活, M記的早餐食得太多, 黎到elements可以試下Triple O早餐

Triple O 早餐共有5個選擇, 今次試下Breakfast Club Burger,
入面有齊煎蛋, 煙肉, 芝士同薯餅, 超豐富既一個包包身非常鬆軟, 煎蛋有脆邊, 煙肉香脆
最初覺得薯餅係埋個包入面好似好奇怪怪, 但食落又幾好食, 好有新鮮感.

雖然個包又煙肉又薯餅, 但加埋茄汁, 一d都唔油膩,
食完包, 加埋咖啡, 非常滿足既早餐!!!

Ciao Chow - Italian Cafeteria (中環)

用左某食飯apps book幾好 夜晚7點鬆d book 都無問題，一樣book 到，仲有10%off 都可以啦。
去到啦 要用英文溝通，差唔多全部都係非華裔，唯一一個華人都係竹昇仔，不過，佢既服務態度係好好，值得一讚👍🏻👍🏻
因為今次我地係輕食，叫左一個pizza, 所以我講下間餐廳先，地理位置一流，係蘭桂芳黃金地段，飲野又得食飯又得，間野氣氛幾好，又唔會催你鐘，唔錯，但係如果你想搵間靜靜地就唔洗諗，因為都幾嘈，咁要睇下想要d 咩啦～
講返野食，其實都幾貴，叫個最平既pizza, 茄醬加洋蔥仲d 唔知d 咩香草，無啦，盛惠一百一十幾，仲要係細批得6件咁多多，但質素係好ok, 個批香脆，d 醬夠濃，又唔會覺得佢太濕，相當唔錯，果然係出名食pizza, 竹昇經理仲要問我地仲咩唔叫芝士，係咪唔中意食芝士，真係唔知點答佢好🤦🏻‍♂
最後我地都係食左個幾鐘，當食少少野休息下hea 下時間就算～